کاتی ئێستا لە ڕابردوو دروست دەبێت و لە سکی کاتی ئێستاوە داهاتوو لەدایک دەبێت. هەمووکات پێویستە ئێمەی مرۆڤ بەشداری کۆمەڵگاکانمان بکەین و سەر بکەوین. ئەمەیە کە پێغەمبەر محەمەد (د.خ) فەرمووی: ئەگەر لە قیامەتدا یەکێک لە ئێوە نەمامێکی بەدەستەوە بوو، با بیچێنێ.
بەشداری چالاکانە لە بنیاتنانی کۆمەڵگا و ئامادەکاری بۆ نەوەی داهاتوو بەهایەکی زۆری هەیە. ڕووبەڕووی ئاستەگی جۆراوجۆر دەبنەوە. گەنجان و نەوەی نوێش دەبێت پارێزگاری لەو دەستکەوتە سیاسی و کۆمەڵایەتی و ئابوورییانە بکەن کە نەوەکانی پێشوو بەدەستیان هێناوە.
لەگەڵ ئەوەشدا مافی گەنجانی ناوچەکەمانە کە داوای پشکی خۆیان بکەن لە شارستانییەتی مۆدێرن بکەن و لە دەرگای کۆمەڵگا دەوڵەمەندەکان و وڵاتە پێشکەوتووەکان بدەن بۆ ئەوەی لە بنیاتنانی کۆمەڵگەی باشتر بە گواستنەوەی شارەزایی تەکنەلۆژی یارمەتیان بدەن.
هەروەها چەندین هۆکاری جیاواز هەن کە کاریگەرییان لەسەر بەشداری تاکەکان لە ژیانی سیاسی و کۆمەڵایەتیدا هەیە، گرنگترینیان چەندایەتی و کوالیتی ئەو زانیارییە سیاسییە هاندەرانەن کە کەسەکە ڕووبەڕووی دەبێت. هەروەها پاشخانی کۆمەڵایەتی و ئابووری کەسێک و ئەو بۆشاییانەی کە لەبەردەستی گەنجاندان ڕۆڵیان هەیە کە دەتواننن بیر و بۆچوونەکانیان بۆ نموونە لەسەر سیاسەت دەرببڕن
لێرەوە، من پرسیار دەکەم ئەو کاتە چی لە پشت دوودڵی زۆرێک لە گەنجانی ئەمڕۆی وڵاتەکەم بۆ بەشداریکردن لە گۆڕەپانی سیاسیدا هەیە بە بەراورد بە نەوەی دایک و باوکیان. ئەمڕۆ چەندین کەناڵی تر هەن کە مرۆڤ دەتوانێت بەکاری بهێنێت بۆ دەربڕینی بۆچوونی خۆی. بەڵام چەندین هۆکاری تریش هەن هەم هۆکاری کولتوری و هەم ئابووری_کۆمەڵایەتی کە وا لە گەنجان دەکەن ئەمڕۆ لە سیاسەت دوور بخەنەوە:
هۆکاری کۆمەڵایەتی: زۆرجار لێکۆڵینەوەکان ئەوە پیشان دەدەن کە گەنجانی چینی سەرەوەی کۆمەڵگا زیاتر سەرقاڵی کەرتی سیاسین وەک لە گەنجانی چینی ناوەڕاست و هەژاران. ئەوان هەروەها لە ڕووی کۆمەڵایەتی و کولتوورییەوە شارەزان و ڕاهێنانیان پێدەکرێت بۆ بەرهەمهێنانی بیرۆکەی قووڵ و شیکاری بەهێز. زۆرجار کێشەکە دەگەڕێتەوە بۆ پەروەردە و کەرتی پەروەردەیی ئێمە کە یارمەتیدەر نییە بۆ هاندانی ئەوەندە گەنج لە چینە کۆمەڵایەتییەکانی دیکە بۆ بەشداریکردن لە ژیانی سیاسیدا.
هۆکاری ئابووری: هۆکاریی ئابووری یەکێکی دیکەیە لە گۆڕاوەکان کە کاریگەری لەسەر دوودڵی گەنجان هەیە بۆ بەشداریکردن لە ژیانی سیاسیدا. زۆرێک لە گەنجانی ناوچەکەمان بەدەست هەژارییەوە دەناڵێنن و بەم شێوەیە سەرقاڵی دۆزینەوەی کارێکی پێویستن بۆ ئەوەی بتوانن بژێوی ژیانیان دابین بکەن. پێویستە دڵنیابن لەوەی کە خۆراکی پێویستیان لەسەر مێزەکە هەیە و دەتوانن پارەی خانووبەرەکەیان بدەن. بۆ ئەوان تێوەگلانی سیاسەت بە جۆرێک لە لوکس دادەنرێت. کێشە ئابوورییەکان هۆکارێکی سەرەکییە بۆ ئەوەی زۆرێک لە گەنجانی ئێرە بەشداری سیاسەت نەکەن.
هۆکاری کولتووری: لە ساڵانی ڕابردوودا، قسەی توندڕەوی ئایینی و ئایدیۆلۆژی زیادی کردووە کە کاریگەری لەسەر گەنجان هەیە.
لە کۆتاییدا دەڵێین نەوەی گەنج بەختەوەرترە لە نەوەی دایک و باوکیان لە ڕووی ئاستەکانی خوێندن و چالاکییە کولتووری و کۆمەڵایەتییەکانەوە کە پێشکەشیان دەکرێت. بەداخەوە ئەم نەوەیە وەک دایک و باوکیان هەڵنەستا. دایک و باوکیان لە باروودۆخێکی سەختدا زۆر ماندوو بوون بۆ گەیشتن بە ئامانجەکانیان. بە بڕوای من نەوەی پێشوو لە جەوهەردا نەوەیەک بوو کە ئاڵای ڕووناکییان هەڵگرتبوو بەڵام منداڵەکانیان ئەوەیان نەکرد.
