ⴰⵙⵓⵔⵙ ⵏ ⵉⵄⵔⵉⵎⵏ ⵖ ⵍⵢⴰⵎⴰⵏ ⵖ ⵜⴰⵙⵔⵜⵉⵜ ⴰⵔⵜⵉⵜⵏⵉⵃⵢⴰ ⵙ ⵢⴰⵏ ⵡⴰⵏⴰⵡ ⴼ ⵜⵉⵎⵉⵣⴰⵔ ⵢⴰⴹⵏⵉⵏ. ⴰⵔ ⵜⵃⴰⵡⴰⵍⵏ ⵉⵄⵔⵉⵎⵏ ⴰⴷⴳⵉⵏ ⵉⵎⴷⵔⴰⵡⵏ ⵉⵎⵙⴽⴰⵔⵏ ⵖ ⵉⴳⵔ ⵏ ⵜⴰⵙⵔⵜⵉⵜ ⴷ ⵔⴰⵏ ⴷⴰⵢⵎⴰⵏ ⴰⴷ ⴷⵔⵓⵏ ⵖ ⴰⵡⵙⴽⴰⵔ ⵏ ⵍⵇⴰⵔⴰⵔ ⵎⴰⵛ ⵙ ⵓⵙⵔⴰⴳ ⵏ ⵜⵓⴳⵜ ⵏ ⵉⴷ ⴱⴰⵢⵟⴰⵔ ⴷ ⵜⵉⵎⵓⴽⵔⵉⵙⵉⵏ ⴷ ⵜⴰⵀⵎⵉⵛ ⵉⴷⵔⵓⵙ ⵓⴽⵛⵓⵎ ⵏⵙⵏ ⴰⵙⵔⵜⴰⵏ ⴷ ⵍⵉ ⵉⴳⴰ ⵓⵎⵣⵡⴰⵔⵓ ⵏⵙ ⵉⵙⵏⴼⵍⵏ ⵏ ⵜⵓⴷⵔⵜ ⵜⴰⵏⴰⵎⵓⵏⵜ ⴷ ⵓⵙⴱⵓⵖⵍⵓ ⴷ ⵜⵉⴽⵏⵓⵍⵓⵊⵢⴰ ⵍⵉ ⵉⵙⵏⴼⵍⵏ ⵜⵓⴳⵜ ⵏ ⵍⵉⵀⵜⵉⵎⴰⵎⴰⵜ ⵏ ⵉⵄⵔⵉⵎⵏ ⵍⵉ ⵢⴰⴳⵓⴳⵏ ⴼ ⵍⵉⵀⵜⵉⵎⴰⵎⴰⵜ ⵏ ⵍⵡⴰⵍⴷⵉⵏ ⵏⵙⵏ ⵍⵉ ⵎⵓ ⵉⵍⵍⴰ ⵍⴱⴰⵍ ⵏⵙⵏ ⵖⴰⵔ ⵖ ⵜⴰⵙⵔⵜⵉⵜ.
ⵖ ⵜⴰⵙⴳⴰ ⵢⴰⴹⵏⵉⵏ ⵍⵊⵓⵎⵓⴷ ⵏ ⵜⵉⵣⵉⴳⵣⵜ ⵜⴰⵙⵔⵜⴰⵏⵜ ⵖ ⵜⴰⵎⴰⵣⵉⵔⵜ, ⵍⵉⴷ ⵢⵓⵔⵉⵏ ⵜⴳⴰ ⵜⴰⴱⵍⴷⵉⵜ ⴱⵣⴰⴼ ⴷ ⵎⵓⵙⵜⴰⵀⵍⴰⴽⴰ ⴷ ⵓⵔⴷ ⴷⵉⵜⵓⵛⴽⴰ ⴷ ⵍⵎⵓⵜⴰⵟⴰⵍⴰⴱⴰⵜ ⵏ ⵖⵉⵍⴰⴷ ⵙⵎⴷⴰⵙ ⵜⴰⵀⵎⵉⵛ ⵏ ⵜⵉⵍⴰⵍⵜ ⵏ ⵉⵄⵔⵉⵎⵏ ⵖ ⴰⵙⵍⴽⵎ ⵏ ⵉⵙⵏⴼⵍⵏ ⴰⴷ ⵙⴽⵔⵏ ⵢⴰⵜ ⵜⵉⵣⵉⴳⵣⵜ ⵜⴰⵙⵔⵜⴰⵏⵜ ⵜⴰⵎⴰⵢⵏⵓⵜ ⵙⵎⴷⴰⵙ ⵎⴰⵙⴷ ⵜⵓⴳⵜ ⴳⵉⵙⵏ ⵓⵔⴷⴰⵔⵙ ⵜⵉⵙⵓⴳⴰⵔ ⵢⵓⴷⴰⵏ ⴷ ⴰⵙⴰⵢⵔⴰⵔ ⵏ ⵜⵉⵍⵉⵍⵉ ⴰⴼⴰⴷ ⴰⵢⴷⵔⵓ.
ⵙⵉⵖⴰⴷ ⵉⵜⵜⴰⵛⴽⴰ ⴰⵎⵏⵖⵉ ⴷ ⵉⴽⴰⴱⴰⵔⵏ ⵏ ⵜⴰⵙⵔⵜⵉⵜ ⵏ ⵓⵙⴳⴷ ⴷ ⵉⴱⵍⴷⴰⵢ ⵍⵉ ⵎⵇⵓⵔⵏ ⵍⵉ ⵉⵙⵍⵉⵎⵓⵔⵏ ⴼ ⵜⵉⵎⵥⵕⵉⵜ ⵜⴰⵙⵔⵜⴰⵏⵜ ⴷ ⴰⴼⴽⴰⵢ ⵏ ⴰⵎⵏⵉⴷ ⵉⵃⵓⴷⴰⵏ ⴹ ⵉⵅⵛⵏ ⵖ ⵙⵢⴰⵏ ⵡⴰⵏⴰⵡ ⵍⵉ ⵉⵜⵜⴰⵊⴰⵏ ⵉⵄⵔⵉⵎⵏ ⵓⵔ ⵔⵉⵏ ⴰⴷⴳⵉⵏ ⴰⴳⵣⵓⵎ ⵖ ⵎⴰⵢⴰⴷ.
ⴰⵙⴳⵎⵉ ⵏ ⵉⵎⵓⵍⵍⵉⵜⵏ ⴷ ⴰⵎⵓⵙⵙⵓ ⵏ ⵜⵉⵣⵉⴳⵣⵜ ⵜⴰⵙⵔⵜⴰⵏⵜ ⴷ ⵍⵉⵙⵜⵉⵇⵟⴰⴱ ⴰⵙⵔⵜⴰⵏ ⵉⵎⵇⵓⵔ ⴱⴰⵀⵔⴰ ⵖ ⵍⵎⴰⵔⵃⴰⵍⴰ ⵏ ⵜⴰⵔⵡⴰ ⴷ ⵉⵎⵓⵍⵍⵓⵜⵏ ⴰⵔ ⵙⵓⵡⵔⵉⵏ ⴷ ⴰⵔ ⵜⵎⵓⵙⵙⵓⵏ ⴷ ⵉⵍⵍⵉⵏ ⵖ ⵜⴰⵡⴰⵣⵓⵏ ⴷ ⵉⵣⵎⵎⴰⵔ ⵙ ⵖⵉⴽⴰⵏ ⵉⵎⵇⵓⵔⴷ ⵓⴷⵔⴰⵡ, ⵎⴰⵛ ⵉⵇⴰⵔⵉⴷⵏ ⵏ ⵜⴰⵙⵔⵜⵉⵜ ⴷ ⵓⵙⴳⵓⴼⵙⵓ ⵏⵙ ⴷ ⵙⴰⵢⵟⴰⵔⴰ ⵏⵙ ⴼ ⴰⵎⵎⴰⵙⵏ ⵏ ⵓⵣⵎⵎⴰⵔ ⴷ ⵏⵓⴼⵓⴷ ⵉⵏⴱⴰⵕⴰ ⴰⵎⵢⴰⵡⴰⵏ ⴰⵙⵔⵜⴰⵏ ⵖ ⵜⴰⵎⴰⵣⵉⵔⵜ ⴷ ⵜⵓⵔⵉⴷ ⵜⴳⴰ ⵜⴰⵎⴰⴳⵏⵓⵏⵜ ⵓⴳⴰⵔ ⵏ ⵜⴰⵎⴰⵙⴽⴰⵔⵜ.
ⴷ ⴰⵎⵏⴰⴹ ⴰⵙⵔⵜⴰⵏ ⵏⵜⴰⵏ ⴰⵢⵙⵙⴷⵓⵙⵏ ⴰⵙⴱⴰⵢⵏ ⴷ ⵍⵎⴰⵡⴰⵇⵉⴼ ⴰⵛⴽⵓ ⵎⴰⵜⴰⵍⴰⵏ ⵏⴳⵔ ⵉⵙⴳⴰⵙⵏ ⵏ 2011 ⴷ 2015 ⵉⵍⵍⴰ ⴷⴰⵔ ⵉⵄⵔⵉⵎⵏ ⴰⵙⴱⴰⵢⵏ ⵍⵉ ⵉⵎⵇⵓⵔⵏ ⵓⴳⴰⵔ ⵏ ⵎⴰⵔⵔⴰ ⵜⵉⵎⵓⵖⵍⴰⵢⵉⵏ ⴰⵛⴽⵓ ⵜⵍⵍⴰ ⵢⴰⵏ ⵓⵙⴰⵢⵔⴰⵔ ⵏ ⵓⵙⴱⴰⵢⵏ ⵉ ⵜⴰⵏⵏⴰⵢⵉⵏ ⵏ ⵉⵄⵔⵉⵎⵏ ⴰⵡⴰⵔ ⵏ ⵎⴰⵢⴰⴷ ⵉⵍⵍⴰ ⵓⴼⵓⵙⵉⵍ ⵉⴳⴰ ⴰⴳⵕⴷ ⵍⵉ ⵢⴰⵜⵓⵢⵏ ⵍⵉⵖ ⵏⵖⵓⴱⴰⵏ ⵉⵄⵔⵉⵎⵏ ⵜⵉⵖⵔⴷⵉⵏ ⵏ ⵉⴳⵕⴷⴰⵏ.
ⴷ ⵍⴰⵏ ⵉⵙⵔⴰⴳⵏ ⵉⴷⵙⵍⴰⵏⵏ ⵖ ⵍⵉⵖ ⵓⵔⴰⴽⴰⵏ ⵜⵉⵡⵀⴰⵍⵉⵏ ⵏ ⵜⵉⴷⴷⵜ ⵉ ⵉⵄⵔⵉⵎⵏ ⴷ ⴰⵏⵖⵓⴱⵓ ⵏ ⵜⴰⵛⵊⵉⵄ ⵏⵙ ⴼ ⵎⴰⵢⴰⴷ, ⴰⵛⴽⵓ ⵉⵙⵍⵍⴱ ⵉⵎⵥⵕⵉ ⵎⵉⴷⵏ ⵍⵉ ⵉⵙⴰⵢⵟⵔⵏ ⴼ ⵜⵉⵣⵉⴳⵣⵜ ⵜⴰⵙⵔⵜⴰⵏⵜ ⴷ ⴳⴰⵏ ⵉⵎⵇⵇⵔⴰⵏⵏ ⴷ ⵉⵎⵖⴰⵔⵏ ⵎⵇⵓⵔⵏ ⴷ ⵉⵇⴱⵓⵔⵏ ⵍⵉ ⵄⵎⴷⵏ ⴰⴷ ⵀⵎⵛⵏ ⵜⵉⵍⴰⵍⵜ ⵏ ⵉⵄⵔⵉⵎⵏ.
ⴰⵔ ⵣⵔⴰⵢⵏ ⵉⵄⵔⵉⵎⵏ ⵖ ⵢⴰⵜ ⵜⵉⵣⵉ ⵍⵉ ⵙⵓⵔ ⵏⵙⵏ ⵎⴰⵏⴰⴳⵓ ⴳⴰⴷ ⵜⵣⵔⵉ ⵣⵖ ⵓⵙⵢⴰⴼⴰ ⵙ ⵍⵉⵃⴱⴰⵟ ⴷ ⵢⴰⵏ ⵓⵙⵢⴰⴼⴰ ⵉⵅⵛⵏ ⵍⵉ ⵉⵚⴰⵢⵟⵔⵏ ⴷ ⵙ ⵓⵙⵓⵔⴼ ⵉⴳⴰ ⵢⴰⵏ ⵍⵉⵏⵄⵉⴽⴰⵙ ⵏ ⵜⵉⴷⴷⵜ ⵉ ⵏ ⴰⵙⵓⵔⵙ ⴰⵙⵔⵜⴰⵏ ⵏ ⵜⴰⵎⴰⵣⵉⵔⵜ ⴰⵛⴽⵓ ⴰⵔ ⴰⴽⴰⵏⵜ ⵜⵉⵙⵡⵉⵏⴳⵉⵎⵉⵏ ⵜⵉⵇⴱⵓⵔⵉⵏ ⵣⵖ ⴷⴰⵔ ⵉⵡⵔⵉⴽⵏ ⵍⵉ ⴷⴰⵔ ⴰⵡⵏⴳⵉⵎ ⵉⵇⴱⵓⵔⵏ ⴷ ⵉⴳⴰⵏ ⴰⴱⵍⴷⵉ ⴷ ⵎⴰⵢⴰⴷ ⴰⵔⵉⵙⴼⵜⵓ ⴰⵡⵉⵏⴳⵎ ⵏ ⵉⵄⵔⵉⵎⵏ ⵎⴰⵙⴷ ⴰⴷⵔⴰⵡ ⵏⵙⵏ ⵉⴳⴰ ⵖⴰⵔ ⴰⴽⴽⴰⵍ ⵏ ⵜⵉⵣⵉ ⴷ ⵉⵎⴰⵍ ⵏⵙⵏ ⵙⵍⴰⵡⴰⵏ ⴰⴽⴽ ⵉⵖ ⵜⵓⵚⵏⴰⴼⵏ ⵖ ⴽⵔⴰⵏ ⵓⵎⵓⵍⵍⵉ.
ⴰⵔ ⵏⵜⵜⴰⵏⴰⵢ ⵏⴽⵏⵉ ⵉⵄⵔⵉⵎⵏ ⴷ ⵜⵉⵄⵔⵉⵎⵉⵏ ⵎⴰⵙⴷ ⵜⴼⵄⵉⵍ ⵏ ⴰⵣⵔⴼ ⴰⵏⴰⵎⵓⵔ ⵍⵉ ⵉⵍⵍⴰⵏ ⵖ ⵉⵙⴼⵓⵖⵏ ⵏ ⴰⵎⵙⴰⵡⴰⵍ ⴰⵏⴰⵎⵓⵔ ⵍⵉⴼ ⵡⴰⴼⵇⵏ ⵎⴰⵔⵔⴰ ⵉⵡⵍⴰⴼⵏ ⵜⴳⵣⴰ ⵙ ⵉⵍⵉ ⵏ ⴰⵙⵖⵍⴼ ⵉⵥⵍⵉⵏ ⵙ ⵓⵙⴽⵛⵎ ⵏ ⵉⵄⵔⵉⵎⵏ ⵙ ⴰⵙⵖⵍ ⵏ 20% ⵖ ⵎⴰⵔⵔⴰ ⵉⵙⵡⵉⵔⵏ ⵎⴽⵏⴰ ⴳⴰⵏ ⵖ ⵜⵉⵎⵔⵙⴰⵍ ⴷ ⵉⵎⵓⵍⵍⵉⵜⵏ ⴷ ⵉⵏⴳⵎⴰⵎⵏ, ⵔⴰⴷ ⵉⵙⵎⵎⵓⵙⵓ ⵎⴰⵢⴰⴷ ⴰⵥⵓⵥⴹ ⵓⴳⴰⵔ ⴷⴰⵔ ⵉⵄⵔⵉⵎⵏ ⵖ ⵓⴽⵛⵓⵎ ⵙ ⵜⵉⵣⵉⴳⵣⵜ ⵜⴰⵙⵔⵜⴰⵏⵜ.
ⵖ ⵜⵉⵣⵉ ⵍⵉ ⵙⵉⵅⵚⴰ ⵉⵄⵔⵉⵎⵏ ⴰⴷ ⴽⵛⵎⵏ ⵖ ⵉⵎⵓⵍⵍⵉⵜⵏ ⴰⵢⴳ ⴰⵙⵔⴰⴳ ⴰⴷⵙⵍⴰⵏ ⵏⵙⵏ ⴷ ⵖⴰⵍⵉ ⵙⴰⵜⵇⵍⵏ ⵎⴰⵛ ⴰⵔ ⵙⵓⵍ ⵜⵖⴰⵎⴰⵏ ⵉⵎⵓⵍⵍⵉⵜⵏ ⴰⴷ ⴱⵉⴷⴷⵏ ⴷ ⵓⵔⴼⴽⴰⵏ ⵡⴰⵍⵓ ⵉ ⵉⵄⵔⵉⵎⵏ ⴷ ⴰⵔ ⵜⴻⵔⴹⵓⵏ ⵖⴰⵔ ⵙ ⵉⵎⵇⵇⵔⴰⵏⵏ ⴷ ⴰⵔ ⵙⵓⵡⵔⵉⵏ ⵙ ⵜⵉⵙⵡⵉⵏⴳⵉⵎⵉⵏ ⵏⵙⵏ ⵜⵉⴱⵍⴷⴰⵢ.
ⵉⵄⵔⵉⵎⵏ ⵓⵔ ⵓⵎⵥⵏ ⴰⵣⵎⵣⵣⵓ ⴰⴼⴰⴷ ⴰⴷⵉⵏⵉⵏ ⵜⴰⵏⴰⵢⵜ ⵏⵙⵏ ⴷ ⵖⴰⵍⵉ ⵎⵓ ⵣⴷⴰⵔⵏ ⴷ ⵖⴰⵍⵉ ⵥⵓⵥⴷⵏ ⵖ ⵜⵉⵣⵉ ⵢⴰⵏ ⵏⵉⵜ ⵎⵉⴷⵏ ⵍⵉ ⵉⵍⵍⴰⵏ ⵖ ⵉⵎⵓⵍⵍⵉⵜⵏ ⴰⵔ ⵜⵉⵏⵉⵏ ⵎⴰⵙⴷ ⴰⵙⵔⴰⴳ ⵏ ⵎⴰⵙⵓⵔ ⴰⵙⴽⵛⵎⵏ ⵉⵄⵔⵉⵎⵏ ⵉⴳⴰⵜ ⵎⴰⵙⴷ ⵉⵄⵔⵉⵎⵏ ⵓⵔⴷⴰⵔⵙⵏ ⵉⵔⵉⵎⵏ ⵢⵓⴷⴰⵏ ⵣⵓⵏⴷ ⵏⵜⵜⵏⵉ.
ⴰⵔ ⴱⴷⴰ ⴰⵇⵔⴰⵏ ⵉⵄⵔⵉⵎⵏ ⴰⵢⵉⵍⵉ ⵢⴰⵏ ⵓⵎⵙⴰⵡⴰⵍ ⵏ ⵜⴰⵙⵓⵜⵉⵏ ⴷ ⴰⵙⵎⵓⵜⴰⵢ ⵏ ⵉⵔⵉⵎⵏ ⵉ ⵉⵄⵔⵉⵎⵏ ⴰⴼⴰⴷ ⴰⵢⵙⵙⴷⵓⵙ ⵜⵉⵍⴰⵍⵜ ⵏ ⵉⵄⵔⵉⵎⵏ ⴷ ⴰⴼⴰⴷ ⴰⵏⵣⴳⵣⵓⵍ ⵜⴰⵏⵏⴰⵢⵉⵏ ⵙ ⵜⵖⴰⵔⴰⵙⵜⴰⴷ ⵔⴰⴷ ⴷⴰⵔⵙⵏ ⵉⵍⵉ ⵉⵔⵉⵎ ⵍⵉ ⵙⴰⵜⵉⵏⵉⵏ ⵎⴰⵙⴷ ⵉⵄⵔⵉⵎⵏ ⵓⵔ ⵜⵉⵟⴰⴼⵏ ⵎⴰⵛ ⵡⴰⵍⵓ, ⵉⵍⵍⴰ ⴱⴷⴰ ⵢⴰⵏ ⵓⵙⵏⵉⵃⵢⵉ ⴷ ⵍⵉⵃⵜⵉⴽⴰⵔ ⴷ ⵓⵍⵍⴰ ⴰⴽⴰⵢⴰⴹ ⴼ ⵉⵄⵔⵉⵎⵏ ⵣⵖ ⴷⴰⵔ ⵉⵎⵇⵇⵔⴰⵏⵏ ⵍⵉ ⵉⵣⵣⵔⴰⵏ ⵎⴰⵙⴷ ⵉⵇⴰⵏ ⴰⵢⵖⴰⵎⴰ ⵍⵃⴰⵍ ⵙ ⵖⵉⴽⵍⵉ ⵉⴳⴰ.
ⵎⴰⵛ ⴰⵔ ⵙⵓⵍ ⵏⵣⵣⵔⴰ ⵏⴽⵏⵉ ⵉⵄⵔⵉⵎⵏ ⴷ ⵜⵉⵄⵔⵉⵎⵉⵏ ⵎⴰⵙ ⵉⵖⴰⵖ ⵜⵜⵓⴼⴽⴰ ⵜⵉⵎⵓⵖⵔⴰ ⵔⴰⴷ ⵢⵉⵍⵉ ⵢⴰⵏ ⵓⵎⵎⵓⵙⵓ ⵏ ⵜⵉⴷⴷⵜ ⵉⴳⵉ ⵏ ⵡⴰⴽⴰⵍ ⴷ ⵉⴷⴷⴰⵎⵏ ⵉⵎⴰⵢⵏⵓⵜⵏ ⵍⵉ ⵙ ⵜⵉⵍⴰⵍⵜ ⵏⵙ ⵔⴰⴷ ⵜⵙⴽⵔ ⵉⵙⵏⴼⴰⵍ ⵎⵇⵇⵓⵔⵏ ⵖ ⵉⵣⵎⵣⵣⴰ ⵏ ⵜⵉⵣⵉⴳⵣⵜ ⵜⴰⵙⵔⵜⴰⵏⵜ.
ⴰⵔ ⵜⵖⴰⵎⴰ ⵜⴰⵏⴰⵢⵜ ⵏ ⵉⵄⵔⵉⵎⵏ ⵉ ⵜⵉⵣⵉⴳⵣⵜ ⵜⴰⵙⵔⵜⴰⵏⵜ ⵜⵙⴳⴳⴰⵏ ⵍⵉⵖ ⵙⵓⵍ ⵍⴰⵏ ⵉⵇⵇⴱⵓⵔⵏⴰⴷ ⵍⵉ ⵉⵙⵍⵉⵎⵓⵔⵏ ⴼ ⵉⵎⵥⵕⵉ ⴰⴳⴷⵓⴷⴰⵏ ⴷ ⵓⵔ ⵜⵔⴰ ⵉⵍⵉ ⵏ ⵉⵄⵔⵉⵎⵏ ⴼ ⵜⵓⴳⵜ ⵏ ⵉⵙⵔⴰⴳⵏ ⴷ ⵚⴰⵃⴰ ⵖ ⵜⵉⵎⵥⵕⴰ ⵏⵙⵏ ⴰⵙⴽⵛⵎ ⵏ ⵉⵄⵔⵉⵎⵏ ⵙ ⵜⵉⵣⵉⴳⵣⵜ ⵜⴰⵙⵔⵜⴰⵏⵜ ⵃⴰⵇⵇⴰⵏ ⵔⴰⵢⴳ ⵜⴰⵏⵇⵉⵟ ⵜⴰⵎⴳⴰⵔⵓⵜ ⴷ ⴰⴽⴽⴰⵍ ⴷⴰⵔⵙⵏ ⴷ ⵎⴰⵔⵔⴰ ⵎⴰⴷⵔⴰⵏ ⴰⴷⴰⵙⵏ ⵉⵚⴰⵃⴰ.
