ⵓⵜ ⵉⵜⵜⵓⴷⴽⴰⵔ ⴽⵔⴰⵏ ⵓⵎⵣⵔⵓⵢ ⵉⴱⴰⵢⵏ ⵉ ⵜⵉⵣⵡⴰⵔ ⵏ ⵜⴰⵡⵔⵉ ⵏ ⵓⴼⴳⴰⵏ ⵖ ⵜⴰⵙⵔⵜⵉⵜ, ⵣⵖ ⵎⴰⴷ ⵉⵣⵣⵔⵉⵏ ⴰⴼⴳⴰⵏ ⴰⵔ ⵉⵜⵃⴰⵡⴰⵍ ⴰⴷ ⵉⴳⵔⴰⵡ ⵜⵉⵖⴰⵡⵙⵉⵡⵉⵏ ⵏ ⵜⵓⴷⵔⵜ ⵏⵙ ⵙ ⵜⵉⵖⴰⵔⴰⵙⵉⵏ ⴷ ⵙ ⵓⴹⴼⵓⵔ ⵏ ⵜⵉⵡⵏⴳⵉⵎⵉⵏ ⵜⵉⵏⵢⴰⵎⴰⵏⵉⵏ. ⴷ ⵉⵜⵜⵓⵙⴰⵏ ⵖⴰⵚⴰⴷ ⵎⴰⵙⴷ ⵉⵏⴳⵔⴰⵡⵏ ⵉⵙⵔⵜⴰⵏⵏ ⵙⵏⴼⵍⵏ ⴷ ⵓⵙⵏⴼⵍ ⵏ ⵓⴼⴳⴰⵏ ⴷ ⵖⴰⵍⵉ ⵉⵃⵜⴰⵊⴰ ⵍⵉ ⵉⵜⵜⴱⴷⴰⵍⵏ ⴷ ⴰⵔ ⵜⵜⴱⵓⵖⵍⴰⵢ ⵙ ⵓⵙⴱⵓⵖⵍⵓ ⵉⵎⴰⵙⵙⴰⵏⵏ ⴷ ⵍⴰⴷⴷⴰⴱⵉ ⴷ ⴰⵜⵜⵉⴽⵏⵓⵍⵓⵊⵉ ⴷ ⵉⴳⵔⴰⵏ ⵢⴰⴹⵏⵉⵏ. ⴷ ⴰⵙⴱⵓⵖⵍⵓ ⵢⴰⴷ ⵢⵓⵊⴰ ⴰⴼⴳⴰⵏ ⴰⵢⴼⵀⵎ ⴰⴳⴰⵢⵓⵏⵙ ⵙⵢⴰⵜ ⵜⴰⵖⴰⵔⴰⵙⵜ ⵢⵓⴼⵏ ⵉⵅⵍⵇ ⴱⴷⴷⴰ ⵜⴰⵃⴰⴷⵉⵢⴰⵜ ⵉ ⵉⵏⴳⵔⴰⵡⵏ ⵍⵉ ⵉⵣⴷⴰⵔⵏ ⴰⴷ ⵜⴱⴱⵜⵏ ⵉⴳⵓⵢⴰⵏⵙⵏ ⵎⴰⵙ ⴳⴰⵏ ⵍⵎⵓⵎⵜⵉⵍⵉⵏ ⵢⵓⴼⵏ ⵉ ⵛⴰⵄⴱ ⴷ ⵎⴰⴷ ⵉⵃⵜⴰⵊⴰ. ⴷ ⵖ ⵓⵖⴰⵔⴰⵙ ⵏⵙ ⴰⴷ ⵜⵇⴷⵎ ⴰⴳⴰⵢⵓⵏⵙ, ⵉⵍⵄⴰⴱ ⵍⴼⵔⴰⵛ ⵢⴰⵏ ⵜⴰⵎⴰⵜⴰⵔⵜ ⵉⴳⴰⵏ ⵜⴰⴷⵙⵍⴰⵏⵜ ⵉ ⴰⵔ ⵎⴰⵏⵉ ⵉⵍⴽⵎ ⵍⵉⵃⵜⵉⵔⴰⵎ ⵏ ⵉⵏⴳⵔⴰⵡⵏ ⵉ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵉⵍⵉⵍⵉ ⵏⵙ, ⵓⵔ ⵙⵓⵍ ⵉⴳⴰ ⵖⴰⵚⴰⴷ ⵓⵙⴼⵍⵙ ⵏ ⵜⵉⵖⴰⵡⵙⵉⵡⵉⵏ ⵜⵉⴷⵙⵍⴰⵏⵉⵏ ⵣⵖ ⵜⵉⵔⵎⵜ ⴷ ⴰⵎⴰⵏ ⴷ ⵜⵉⵎⵍⵙⴰ ⴷ ⵜⵓⵣⴷⵓⵖⵜ , ⵜⴰⵎⴰⵜⴰⵔⵜ ⵜⴰⵡⵃⴷⵉⵜ ⵉ ⴰⴳⴳⴰⴹ ⵏ ⵉⵏⴳⵔⴰⵡⵏ ⴷ ⵜⵓⵎⵔⵜ ⵏ ⵉⵎⵣⴷⴰⵖ ⵏⵙ, ⴰⵛⴽⵓ ⴰⴼⴳⴰⵏ ⵉⵇⵔⴰⵔ ⴰⴷ ⵉⴳ ⴰⵡⵜⵜⵓ ⵉ ⵍⵉⵀⵎⴰⵍ ⵍⵉ ⵉⴽⴽⴰⵏ ⴷⴷⴰⵜ ⵏⵙ ⴷ ⵉⵥⵓⵥⴷⵏ ⵏⵙ ⴷ ⵜⵉⵍⵉⵍⵉ ⵏⵙ ⵣⵖ ⵉⴼⴹⵏ ⵏ ⵉⵙⴳⴰⵙⵏ ⵣⵖ ⵍⴽⴰⴱⵜ ⴷ ⵍⵇⴰⵎⵄ ⴷ ⵜⵉⵍⴰⵙ ⴷ ⴰⵙⵔⵓⵙ ⵏ ⵉⵥⵓⵥⴷⵏ ⴷ ⵍⵃⴰⵊⴰⵜ ⵖ ⵍⵅⴰⵏⴰ ⵏ ⵜⴰⴱⵓⵀⴰⵜ ⴷ ⵍⵎⵓⵃⵔⴰⵎⴰⵜ ⴷ ⵍⵊⴰⵔⴰⵢⵎ. ⵖⴰⵚⴰⴷ ⵉⴱⴱⵉⴷ ⵓⵎⴰⴹⴰⵍ ⵉⴳ ⴼⵍⴰⵙ ⴱⵣⵣⵉⵣ ⴰⴷ ⵉⵙⴰⵡⵍ ⴼ ⵍⵊⵉⵏⵙ ⵖ ⵍⵇⴰⵍⴰⴱ ⴰⵎⴰⵢⵏⵓ ⴷ ⵉⴳⵉⵏ ⵍⵎⴰⵏⴰⴱⵉⵔ ⵉⴳⴰⵏ ⵜⴰⵇⴰⴷⵓⵎⵉⵢⴰ ⵜⵙⵏ ⵎⴰⵎⵏⴽ ⵙⵔⴰⴷ ⵜⴼⵓⵖ ⵣⵖ ⵍⵎⴰⵃⴹⵓⵔ ⴷ ⵜⵏⴰⴹⵍ.
ⵙⵓⵍ ⵜⴰⴳⵓⵔⵉ ⵏ “ⵜⴰⵡⵙⵉⵜ” ⴰⵔ ⵜⵙⵏⴽⴰⵔ ⵜⴰⵇⵓⵔⵜ ⵃⵜⴰ ⵖ ⵜⵉⵎⵉⵣⴰⵔ ⵉⴳⴰⵏ ⵜⴰⵇⴰⴷⵓⵎⵉⵢⴰ, ⵃⴰⵇⴰⵏ ⴰⵛⴽⵓ ⵉⵎⵔⵙⵉ ⵉⵖⴰⵎⴰ ⴰⵔ ⵉⵙⵏⴽⴰⵔ ⵍⵉⵀⵜⵉⵎⴰⵎ ⵡⴰⵅⴰ ⴽⵓⵍⵓ ⵉⵔⵉⵎⵏ ⵏ ⵜⵃⵔⵉⵎ, ⵏⵖⴷ ⵃⴰⵇⴰⵏ ⵜⵉⵙⵔⵜⴰⵢ ⴰⴷ ⵍⵉ ⵙⴰⵙⵓⵡⵔⵉⵏ ⵍⵉ ⵉⴳⴰⵏ ⴰⵡⵜⵜⴰⵙ ⵏⵙ ⴰⴷ ⵙⴱⴱⵉⴷⵏ ⴰⵡⴰⵍ ⴼ ⵍ ⵍⵊⵉⵏⵙ ⵎⴰⵢⴰⴷ ⵉⵙⵏⴽⵔ ⴰⵥⵓⵥⴷ ⴰⴼⵍⴰⵙ ⵙⴰⵡⵍⵏ ⵓⴳⴳⴰⵔ, ⵙⵓⵍ ⵉⴳⴰ ⵍⵊⵉⵏⵙ ⵉⵎⵔⵙⵉ ⵉⴳⴰⵏ ⵊⴰⴷⴰⵍⵉ, ⵡⴰⵅⴰ ⴽⵓⵍⵓ ⵍⵉⵀⵜⵉⵎⴰⵎ ⵍⵉ ⵙⴽⵔⵏⵜ ⵜⵉⵎⴰⵙⵙⴰⵏⵉⵏ ⵜⵉⵎⵢⴰⵏⴰⵡⵉⵏ ⴰⴼⴰⴷ ⴰⴷ ⵙⵔⵙⵏ ⵜⵜⴰⵡⴰⴱⵉⵜ ⴷ ⵍⵃⴰⵇⴰⵢⵇ ⴰⵔ ⴷⴰⵔⵙ ⵜⵉⵍⵉ ⵜⴰⴳⵓⵔⵉ ⵜⴰⵎⴳⴰⵔⵓⵜ ⵉ ⵍⵉⵊⴰⴱⴰ ⴼ ⵎⴰⵔⵔⴰ ⵉⵙⵇⵙⵉⵜⵏ ⴷ ⵍⵃⴰⵙⵎ ⵏ ⵍⵊⵉⴷⴰⵍ.
ⵎⴰⵛ ⵙ ⵓⵙⵓⵔⴼ, ⵜⵉⵎⴰⵙⵙⴰⵏⵉⵏ ⴰⴷ ⴳⴰⵏⵜ ⵖ ⵜⵓⴳⵜ ⵏ ⵜⵉⵣⵉⵡⵉⵏ ⵢⴰⵜ ⵜⴰⵖⴰⵡⵙⴰ ⵖ ⵓⴼⵓⵙ ⵏ ⵉⵏⴳⵔⴰⵡⵏ ⴷ ⵍⵉⴷⵢⵓⵍⵓⵊⵉⵢⴰⵜ ⵏⵙⵏ ⵍⵉ ⵉⵙⵎⵔⵙⵏ ⵜⴰⵏⴱⴰⴹⵜ ⵏⵙⵏ ⵖ ⵓⵏⵖⵓⴱⵓ ⵏ ⵜⵉⴷⴷⵜ ⵏⵖ ⴰⵙⵏⴼⵍ ⵏⵙ ⵏⵖ ⵍⵇⴰⵎⵄ ⵏⵙ ⵏⵖ ⴰⵙⵜⵖⵍ ⵏⵙ ⵖ ⵍⴰⵊⵉⵏⴷⴰⵜ ⵜⵉⵙⵔⵜⴰⵢ ⵉⵥⵍⵉⵏ. ⴼ ⵖⵉⴽⴰⵏ, ⵜⴰⵡⵏⴳⵉⵎⵜ ⵏ ⵓⵎⴰⴹⴰⵍ ⴼ ⵍⵊⵉⵏⵙ ⵓⵔ ⵜⴳⵉ ⵢⴰⵜ, ⵜⵏⴰⵃⵢⴰ ⵣⵖ ⵜⴰⵎⴰⵣⵉⵔⵜ ⴰⵔ ⵜⴰⵢⴰⴹ ⴷ ⵓⵍⵍⴰ ⵣⵖ ⵜⴰⵏⴱⴰⴷⵜ ⴰⵔ ⵜⴰⵢⴰⴹ ⵡⴰⵅⴰ ⵍⴰⵏⵜ ⵖ ⵢⴰⵜ ⵜⴰⵎⴰⵣⵉⵔⵜ ⵙ ⵍⵃⵙⴰⴱ ⵏ ⵓⵙⵍⴳⵏ ⴷ ⵜⴰⴷⵍⵙⴰ, ⴷ ⵓⵍⵍⴰ ⵏⴳⵔ ⴰⴼⴳⴰⵏ ⴷ ⵡⴰⵢⴰⴹ ⵖ ⵢⴰⵏ ⵡⴰⵎⵓⵏ. ⵖⵉⴽⵍⵉ ⵙⴰⵢⵜⵉⵏⵉ ⴽⵔⴰ ⵎⴰⵙⴷ ⴰⵡⵜⵜⴰⵙ ⵏ ⵍⵊⵉⵏⵙ ⵉⴳⴰⵜ ⴰⵙⴽⴰⵔ ⵏ ⴰⵔⵔⴰⵡ ⵡⵉⵢⴰⴷ ⴰⵔ ⵜⵜⵉⵏⵉⵏ ⵎⴰⵙⴷ ⵉⴳⴰ ⴰⵡⵜⵜⴰⵙ ⵙ ⵓⴳⴰⵢⵓ ⵏⵙ, ⴷ ⵍⵉⵖ ⴰⵜ ⵉⵣⵔⴰ ⴽⵔⴰ ⵉⴳⴰ ⵜⴰⴱⵓ ⵏⵖⴷ ⵃⴰⵔⴰⵎ, ⵡⵉⵢⴰⴹ ⴰⵔ ⵜⵜⵉⵜⵎⵏⵉⴷⵏ ⵉⴳⴰ ⵢⴰⵜ ⵜⴰⴳⴰⵡⵙⴰ ⵉⴳⴰⵏ ⵄⴰⴷⵉⵢⴰ ⴷ ⵢⴰⵜ ⵜⴰⴳⴰⵡⵙⴰ ⵉⴳⴰⵏ ⴹⴰⵔⵓⵔⵉⵢⴰ, ⴷ ⵡⵉⵢⴰⴹ ⴰⵔ ⵜⵜⵉⵔⵉⵏ ⴰⴷ ⵜⵃⵚⵔⵏ ⵏⴳⵔ ⴰⵔⴳⴰⵣ ⴷ ⵜⵎⵖⴰⵔⵜ ⵡⵉⵢⴰⴷ ⴰⵔ ⵜⵕⵥⴰⵏ ⴰⵡⵜⵜⵓ ⵢⴰⴷ ⵙ ⵢⴰⵏ ⵓⵎⴰⴷⴰⵍ ⴱⴰⵀⵔⴰ ⵢⵓⵙⵄⴰⵏ, ⴷ ⵖⵉⴽⵍⵉ ⵙ ⵉⵙⴷⵓⵙ ⴽⵔⴰ ⵍⴰⵀⴰⵎⵉⵢⴰ ⵏ ⵜⴰⵔⴰⴹⵉ ⵡⵉⵢⴰⴷ ⴳⴰⵏⵜ ⴷ ⵢⴰⵜ ⵜⴰⵖⴰⵡⵙⴰ ⵉⴳⴰ ⵜⴰⵏⴰⵡⵉⵢⴰ. ⵎⴰⵢⴰⴷ ⴰⴷ ⵉⵙⴱⴰⵢⴰⵏ ⵎⴰⵙⴷ ⴰⵡⴰⵍ ⴼ ⵍⵊⵉⵏⵙ ⵖ ⵉⵏⵖⵎⵉⵙⵏ ⵉⵇⴰⵏⴷ ⴰⵢⴳ ⴰⵙⵔⵜⴰⵏ ⴰⵔ ⵉⵜⵓⵄⴷⴰⵍ ⴼ ⴰⵔⵎⵎⵓⵙ ⵏ ⵍⵊⵉⵏⵙ ⴷⴰⵔ ⵜⴰⵎⴰⵣⵉⵔⵜ, ⵙⵡⴰ ⵖ ⵚⴰⵄⵉⴷ ⵏ ⵜⵉⵍⵉⵍⵉ ⵏ ⵓⵙⵜⴰⵢ ⵏ ⵓⵙⵎⵓⵏ ⵏⵖ ⵜⵉⵍⵉⵍⵉ ⵏ ⵓⵙⵎⵔⵙ ⵏ ⵍⵊⵉⵏⵙ ⵖ ⴱⵔⴰ ⵏ ⵉⵙⴽⵔⴰⴼ ⵏ ⵓⵙⴳⴷ ⴷ ⴰⵎⵓⵏ ⵏⵖⴷ ⵖ ⵓⵙⵡⵉⵔ ⵏ ⵜⴰⴷⵓⵙⵉ ⵉⵥⵍⵉⵏ ⵙ ⴰⵟⴰⴼ ⵏ ⴰⵔⵔⴰⵡ ⵖ ⵜⵉⵣⵡⴰⵔ ⴷ ⵣⵖ ⵜⴰⵖⴰⵔⴰⵙⵜ ⴷ ⴰⵡⴰⵔ ⵏ ⵍⵊⵉⵏⵙ, ⵏⵖⴷ ⵖ ⵓⵙⵡⵉⵔ ⵏ ⵍⵄⴰⵍⴰⵇⴰ ⵏⵖ ⴷ ⴷⴰⵜⵏⵖ ⴷ ⵍⵄⴰⵍⴰⵇⴰ ⴷ ⵜⴰⵎⴰⵣⵉⵔⵜ ⴷ ⴰⵔ ⵎⴰⵏⵉ ⵍⴽⵎⵏⵜ ⵚⴰⵍⴰⵃⵉⵢⴰⵜ ⵏⵙ ⵖ ⵓⴽⵛⵓⵎ ⵙ ⵍⵄⴰⵍⴰⵇⴰ ⵢⴰⴷ.
ⴷ ⵖ ⵡⴰⵡⴰⵍ ⴼ ⵍⵄⴰⵍⴰⵇⴰ ⴷ ⴷⴰⵜⵏⵖ, ⵍⵄⴰⵍⴰⵇⴰ ⵢⴰⴷ ⵡⴰⵅⴰ ⵜⵥⵍⵉ ⴰⵔ ⵜⵄⵔⴰⴹ ⴰⵙ ⴰⵔ ⴰⵙ ⵉ ⵉⴽⵛⵓⵎⵏ ⵣⴳ ⴱⵔⴰⵙ ⵉⵎⵖⵏⴰⵡⵏ ⵉⵎⵢⴰⵏⴰⵡⵏ. ⵖ ⵓⵙⵡⵉⵔ ⵍⴰⴽⴰⴷⵉⵎⵉ ⵎⴰⵜⴰⵍⴰⵏ, ⵍⵄⴰⴱⵏⵜ ⵜⵉⵏⵎⴰⵍ ⵖ ⵍⵓⴱⵏⴰⵏ ⵢⴰⵜ ⵜⵉⵍⴰⵍⵜ ⵎⵇⵓⵔⵏ ⵖ ⴰⵙⴽⴰⵔ ⵏ ⵓⵛⵔⵉⴳ ⵎⵇⵓⵔⵏ ⵏⴳⵔⴰⵖ ⴷ ⴷⴰⵜⵏⵖ, ⴰⵛⴽⵓ ⴹⵉⵢⵄⴰⵖ ⵉⵙⴳⴰⵙⵏ ⵉⵙⵜⴰⵡⵀⵎⴰⵏ ⵖ ⵜⵓⴷⵔⵜ ⵏⴰⵖ ⴱⵍⴰ ⵏⵙⴰⵡⵍ ⴼ ⵜⴰⴼⴳⴳⴰ ⴷ ⵍⵊⵉⵏⵙ, ⵡⴰⵅⴰ ⵖ ⴰⵡⵜⴰⵢ ⵏ ⵍⵎⵓⵔⴰⵀⴰⵇⴰ ⴰⵡⴰⵍ ⵖ ⵚⴰⴼ ⴰⵔ ⵉⵜⵇⵜⴰⵚⴰⵔ ⴰⵖⴰⵔ ⴼ ⵉⵏⵖⵎⵉⵙⵏ ⵉⴱⵢⵓⵍⵓⵊⵉⵏ ⵍⵉ ⵢⴰⴽⴰ ⵓⵙⵍⵎⴰⴷ ⵏⵖ ⵜⴰⵙⵍⵎⴰⴷⵜ ⵙ ⵍⵃⵛⵎⴰⵜ ⴱⵍⴰ ⵉⵎⵔⵣⵎ ⵜⴰ ⴽⵔⴰⵏ ⵡⴰⴳⴳⵓⵔ ⵏ ⵓⵎⵙⴰⵡⴰⵍ ⵏⵖⴷ ⵉⵙⵇⵙⵉⵜⵏ ⴱⵍⴰ ⵉⵛⴱⴰⵄ ⴰⵏⵍⵎⴰⴷ ⵍⵉ ⴱⵃⵔⴰ ⵉⴱⴷⴰⵏ ⴰⵔ ⵉⵙⵏⴼⵍ ⴰⵔⵎⵎⵓⵙ ⵏⵙ ⵉ ⵜⴰⴼⴳⴳⴰ ⵏⵙ ⴷ ⵍⵊⵉⵏⵙ, ⴷ ⵎⴰⵢⴰⴷ ⴱⵍⴰ ⵏⵙⴰⵡⵍ ⴼ ⴰⵙⵎⵔⵙ ⵏ ⵜⵉⵏⵎⵍ ⵜⵉⵍⴰⵍⵜ ⵢⴰⴷⵏⵉⵏ ⵍⵉ ⵓⵔ ⵉⵍⵍⵉⵏ ⵖ ⵓⵣⵔⴼ ⵏⵙ ⵉⴳⴰⵜ ⵜⵃⵔⵉⵎ ⴷ ⵜⵊⵔⵉⵎ “ⵜⵄⵢⵢⵉⴱ”, ⴷ ⴰⵙⴽⴰⵔ ⵏ ⵜⵉⵍⴰⵍⵜ ⵏ ⵔⴰⵇⵉⴱ ⴷ ⵍⴱⵓⵍⵉⵙ ⵖ ⵍⴱⵍⴰⵙⵜ ⵏ ⵓⴷⵖⴰⵔ ⵏ ⵓⴼⵔⴰⴽ ⴷ ⵜⴰⵣⵣⵉⴳⵣⵜ ⴷ ⴰⵏⵀⵍⵍⴰ. ⵉⵖⴰⵡⴰⵙⵏ ⵏ ⵓⵙⵍⵎⴷ ⵖ ⵍⵓⴱⵏⴰⵏ ⵓⵔ ⵜⵜⵓⵙⴽⴰⵔⵏⵜ ⴰⴼⴰⴷ ⴰⴷ ⵙⴽⵔⵏ ⵢⴰⵏ ⵓⴼⵔⴰⴽ ⴷⴰⵔ ⵓⵏⵍⵎⴰⴷ ⵎⴰⵛ ⵉ ⵓⵄⵎⵔ ⵏⵙ ⴷ ⴰⴼⴰⴷ ⴰⴷ ⴽⵎⵍⵏ ⵜⵉⵍⴰⵍⵜ ⵏ ⵜⵉⵏⴱⴰⴹⵉⵏ ⵜⵉⵙⵔⵜⴰⵏⵉⵏ ⴷ ⵜⵉⵙⴳⴷⴰⵢ ⴷ ⵜⵉⵏⴰⵎⵓⵏⵉⵏ. ⵜⵓⴳⵜ ⵉⵙⵔⴰⴳⵏ ⵢⴰⴷⵏⵉⵏ ⴰⵔ ⴹⵉⵚⵏ ⴼ ⵍⵄⵍⴰⵇⴰ ⵏⵖ ⵙ ⵜⵉⴼⴳⴳⴰ ⵏⵖ ⴷ ⴰⵔ ⵜⴽⵛⵎ ⵏⴳⵔⴰⵜⵏⵖ, ⴰⴱⵍⴰ ⵜⴰⵏⴱⴰⴹⵜ ⵜⴰⵙⴳⴷⴰⵏⵜ ⴷ ⵜⵉⵍⴰⵍⵜ ⵏ ⵍⵡⴰⵍⵉⴷⵉⵏ ⵍⵉ ⵜⵍⵄⴰⴱ ⵖ ” ⴰⵙⵓⵔⴼ ⵏⵖⴷ ⵡⴰⵔ ⴰⵙⵓⵔⴼ” ⴰⵙⵎⵔⵙ ⵏ ⵜⵉⵍⵉⵍⵍⵉ ⵏⵖ, ⴷ ⴱⵍⴰ ⵓⵙⵍⵉⴳⵏ ⴷ ⵉⵣⵣⵔⴰⴼⵏ ⵍⵉ ⵉⵜⵜⵃⴽⴰⵎⵏ ⵖ ⵜⵉⴼⴳⴳⴰ ⵏⵖ ⴱⵍⴰⵖ ⵙⴰⵇⵙⴰⵏ ⴼ ⵎⴰⵏⵃⵜⴰⵊⴰ ⵙ ⵚⴰⵃⵜ, ⴰⵙⵡⵉⵔ ⵏⵖ ⴰⵏⴰⵎⵓⵏ ⴷ ⵍⵄⵉⵔⵇ ⵏⵖ ⴷ ⴰⵏⴰⵡ ⵏⵖ ⴰⵏⴰⵎⵓⵏ ⴳⴰⵏ ⵉⵙⵔⴰⴳⵏ ⵍⵉ ⵉⵜⵍⵄⴰⴱⵏ ⵜⵉⵍⴰⵍⵜ ⵜⴰⴷⵙⵍⴰⵏⵜ ⵖ ⵍⵃⵓⴽⵎ ⵏ ⵍⵄⴰⵍⴰⵇⴰ ⵢⴰⴷ ⴷ ⵉⴹⵉⵚ ⴼ ⵜⴰⴷⵓⵙⵉ ⵏⵖ ⵏ ⵡⴰⵟⴰⴼ ⵏ ⵡⴰⵔⵔⴰⵡ.
ⵖ ⵉⵔⵏ ⵍⵉ ⵉⵣⵔⵉⵏ, ⵜⵣⵔⵉ ⵖ ⵍⵓⴱⵏⴰⵏ ⵢⴰⵜ ⵜⴰⴹⵉⵏⴳⴰ ⵏ ⵍⵇⴰⵎⵄ ⵏ ⵜⵉⴷⵔⴼⵉⵏ ⵜⵉⵏⵉⵎⴰⵏⵏⵉⵏ ⴷ ⵜⴰⴹⵉⵏⴳⴰ ⵏ ⵜⵉⴽⵕⴹⵉ ⴼ ⵍⴼⵉⴰⵜ ⵉⵜⵜⵓⵀⵎⴰⵛⵏ ⵣⵖ ⵉⵎⵣⵡⴰⴳⵏ ⴰⵔ ⵜⵉⵎⵖⴰⵔⵉⵏ ⴷ ⵍⴰⵇⴰⵍⵉⵢⴰⵜ ⵍⵊⵉⵏⵙⵉⵢⴰ ⴷ ⵍⵊⵉⵏⵙⴰⵏⵉⵢⴰ ⴷ ⵍⵊⴰⵏⴷⴰⵔⵉⵢⴰ, ⴷ ⴱⴰⵢⵏⴷ ⵜⵉⵔⵓⴱⴰ ⵏ ⵜⴰⵟⴰⵔⵓⴼ ⴷ ⵉⵎⵣⵣⵉⵣⵍⵏ ⵏ ⵓⵏⵄⴰⵔ ⴼ ⵜⵉⴷⵔⴼⵉⵏ. ⵜⴰⵎⵓⵖⵍⵉⵜ ⵜⴳⴰ ⵜⴰⴱⴱⵔⴰⵏⵉⵜ ⵖ ⵢⴰⵜ ⵜⴰⵎⴰⵣⵉⵔⵜ ⵍⵉ ⵉⵎⵢⴰⵔⵏ ⴰⵜⴳ ⴰⴷⵖⴰⵔ ⵏ ⵉⵎⴰⵔⴰⵏ ⴷ ⵉⵎⴷⵢⴰⵣⵏ ⴷ ⵉⵎⵙⵔⵜⴰⵏ ⵍⵎⵓⵄⴰⵔⵉⴹⵉⵏ ⵉ ⵉⵏⴳⵔⴰⵡⵏ ⵏ ⵜⵉⵎⵉⵣⴰⵔ ⵏⵙⵏ, ⵉⴳⴰ ⵖⴰⵔⵉⴱ ⴰⴷ ⵚⵓⵏⵏ ⵍⵉⵔⵀⴰⴱ ⵏ ⵜⵓⵔⵓⴱⴰ ⵢⴰⴷ ⵍⵉ ⵉⴳⴰⵏ ⵎⵓⵜⵜⴰⵟⴰⵔⵉⴼⴰ ⵎⴰⵛ ⴰⵔ ⵜⵎⵏⴰⵄⵏ ⵉⴳⵔⴰⵡⵏ ⴷ ⵉⵎⵓⵙⵙⵓⵜⵏ ⵏ ⴰⵎⵓⵏ ⵏ ⵍⴽⵡⵉⵔ ⵍⵉ ⵉⴳⴰⵏ ⵙⵉⵍⵎⵉⵢⴰ ⴷ ⴰⵔ ⵉⵜⵜⴰⴱⵄⴰ ⵉⵎⵖⵏⴰⵙⵏ ⵣⵖ ⴷⴰⵔ ⴰⴳⴳⴰⴹⵏ ⵏ ⵍⴰⵎⵏ ⴷ ⴰⵔ ⵜⵛⵔⵉⴳⵏ ⵉⵊⴷⵉⴳⵏ ⵏ ⵇⴰⵡⵙ ⵇⵓⵣⴰⵃ ⵎⴰⵛ ⴰⵔ ⵜⴰⵊⵊⴰⵏ ⴰⵇⴰⵔⵢⴰⵏ ⵖ ⵉⴼⴰⵙⵏ ⵏ ⵎⴰⵜⵏ ⵢⵓⵙⵉⵏ. ⵍⵊⵉⵏⵙ ⴷ ⵜⴰⵢⵔⵉ ⴷ ⵍⵄⴰⵍⴰⵇⴰⵜ ⵎⵓⵙⵟⴰⵍⴰⵃⴰⵜ ⴷ ⵉⵎⵎⵓⵔⵉⵙⵏ ⵙⵓⵍ ⵜⵓⵇⴰⵏⵏ ⵖ ⵜⴰⴼⵙⵉⵔⴰⵜ ⵏ ⵉⵔⴳⴰⵙⵏ ⵏ ⵓⵙⴳⴷ ⴷ ⵜⴰⵏⴱⴰⴷⵜ ⵜⴰⵙⵔⵜⴰⵏⵜ ⵍⵉ ⴷⴷⴰⵔ ⵜⴰⵣⴷⴰⵢⵜ ⴷ ⵜⴰⵏⴱⴰⴹⵜ ⵜⴰⵙⴳⴷⴰⵏⵜ, ⴷ ⵖ ⵜⴰⵎⴰⵣⵉⵔⵜ ⵍⵉ ⵓⵔⵉⵜⴼⵀⴰⵎⵏ ⴰⵣⵔⴼ ⵏ ⵓⴼⴳⴰⵏ ⵖ ⵜⴰⵢⵔⵉ ⴷ ⵓⵔⴰⵜ ⵉⵙⵙⵓⵜⵓⵍ ⵙ ⵉⵙⵍⵉⴳⵏ ⵏⵙ, ⵖ ⵜⴰⵎⴰⵣⵉⵔⵜ ⵍⵉ ⵉⵜⵜⴳⴰⵏ ⵜⵉⴼⴳⴳⴰ ⵏ ⵜⵉⵎⵖⴰⵔⵉⵏ ⵉ ⵍⵃⴹⵢⴰ ⴷ ⴰⵔ ⵉⵜⵜⴳⴰ ⵜⴰⵡⵊⴰ ⵏ ⵎⵉⴷⵏ ⵖ ⵉⵣⴷⴰⵔ ⵏ ⵓⵙⵍⵉⴳⵏ ⴷ ⵉⵣⵣⵔⴰⴼⵏ ⵜⴻⵜⵜⴱⵜ ⵔⵉⵊⵄⵉⵢⴰ ⵏⵙ ⴷ ⵔⵉⵊⵄⵉⵢⴰ ⵏ ⵜⵓⴳⴳⴰ ⵍⵉⴷⵉⵙ ⵉⵣⴷⵉⵏ, ⵖ ⵜⴰⵎⴰⵣⵉⵔⵜ ⵍⵉ ⵛⴰⵏⵜ ⵜⴰⵙⵙⴰⵙⵉⵏ ⵜⵉⴷⴰⵎⵙⴰⵏ ⴷ ⵜⵉⴷⵓⵙⴰⵏ ⴷ ⵜⵉⵙⵔⵜⴰⵏ ⴷ ⴰⵔ ⵉⵙⵜⵜⴰⵢ ⴰⴷⵉⴳ ⵜⴰⵎⵙⵜⴰⴳⴳⴰⵔⵜ ⴼ ⵉⵎⵣⵡⴰⴳⵏ, ⵓⵔ ⵉⵜⵜⵉⵎⴽⴰⵏ ⴰⵜⴳ ⵜⵓⴷⵔⵜ ⴽⵔⴰⵏ ⵡⴰⵙ ⵖⵉⴽⵍⵉ ⵙ ⵉⵅⵚⴰ ⴰⵜⴳ.
ⴷ ⴰⵎⵓⴷⵓ ⵏ ⵜⴰⴷⵔⴼⵉ ⴰⵔ ⵜⴱⴱⴷⵓ ⵣ ⵖⵉⴷ, ⵣⵖ ⴰⵡⴰⵍ ⵍⴳⴷⴰⵎ ⵏ ⵓⴳⴷⵓⴷ ⵙ ⴰⵖⵔⴹ ⵢⴰⵜⵜⵓⵢⵏ ⴷ ⵉⵙⵟⴰⵔⵏ ⵉⴱⴰⵢⵏ ⵙ ⵜⵉⴳⵓⵔⵉⵡⵉⵏ ⵉⵙⴷⵉⴷⵏ. ⵜⴰⴷⵔⴼⵉ ⴰⵔ ⵜⴱⴷⵓ ⵖ ⴰⵣⵕⴰⵢ ⵏ ⵜⴰⵣⴳⵍⵜ ⴷ ⵜⴰⴳⵯⵉⵜ ⵏⵙ, ⴷ ⴰⵡⴰⵔ ⵏ ⵜⴰⴳⵯⵉⵜ ⵏⵙ ⵜⵇⴰⵏⴷ ⵜⴰⵡⵔⵉ. ⴰⵔ ⵉⴱⴷⵓ ⵓⵎⵓⴷⵓ ⴽⵓⴷⵏⴰ ⵏⵜⵚⴰⵍⵃ ⴷ ⵜⵉⴼⴳⴳⴰ ⵏⵖ ⴷ ⵉⵎⵓⵖⵏⴰ ⵏⵙ ⴷ ⵉⵙⴰⴽⵯⵍⵏ ⵏⵙ ⴷ ⵉⴽⵯⵍⴰⵏ ⵏⵙ ⴷ ⵜⵉⵙⵓⴳⴰⵔ ⵏⵙ, ⴽⵓⴷⵏⴰ ⵏⴼⵔⴽ ⵎⴰⵙ ⵓⵔ ⵏⴳⴰ ⴰⴱⴱⴽⴰⴹ ⵉⵣⵣⵉⴳⵉⵣⵏ, ⵎⴰⵙ ⵓⵔ ⵏⴳⴰ ⵉⴳⵯⵔⵔⴰⵎⵏ ⴷ ⵜⵉⴳⵯⵔⵔⴰⵎⵉⵏ ⵍⵉ ⴼ ⴷⵉⵇⴰⵏ ⴰⴷ ⵣⵉⴳⵉⵣⵏ ⴷ ⵓⵖⵔⴰⴱ, ⴽⵓⴷⵏⴰ ⵏⴼⵔⴽ ⵎⴰⵙⴷ ⵜⵉⴼⴳⴳⴰ ⵏⵖ ⵥⵍⵍⵉⵏ ⵙⵉⵖ ⵀⵍⵉ ⴷ ⵓⵔ ⵉⵎⴽⵏ ⵉ ⵉⵏⴳⵔⴰⵡⵏ ⴰⵜⵣⵣⵔⴰⴼⵏ ⵍⵇⴰⵎⵄ ⵏⵙ ⴰⵜⵏ ⵜⴼⵔⴳ ⵏⵖⴷ ⴰⴷⴰⵙⵏ ⵜⵃⵇⵉⵇ ⵜⴰⵣⵔⴼⵜ. ⵜⴰⵣⵔⴼⵜ ⴰⴱⵔⵉⴷ ⵏⵙ ⵉⵖⵣⵉⴼ, ⴰⵔ ⵉⴱⴱⴷⵓ ⵖⵉⴷ, ⵖⴰⵚⴰⴷ, ⵖⵉⵍⴰⴷ.
