ⵖ ⵜⴰⵙⴷⵉⵜ ⴰⴷ, ⴰⵔ ⵜⵎⵎⴰⵍⴰ ⵜⴰⵏⵖⵎⴰⵙⵜ ⴰⵍⵉⴽⵙⴰⵏⴷⵔⴰ ⵙⴰⵏⴷⵍⵣ ⵉⵔⵉⵎⵏ ⵏ ⴽⵓⵥ ⵜⵉⵎⵖⴰⵔⵉⵏ ⴷ ⵉⵄⵔⵉⵎⵏ ⵉⴳⴰⵏ ⵣⵡⴰⵎⵍ ⵖ ⵜⴰⵎⵏⴰⴹⵜ ⵜⴰⵄⵔⴰⴱⵜ ⵍⵉ ⴷⴰⵔ ⵜⴰⵣⴷⴰⵢⵜ ⵙ ⵍⵎⵓⵃⵔⴰⵎⴰⵜ ⵍⵉ ⴷⴰⵔ ⵜⴰⵣⴷⴰⵢⵜ ⵙ ⵜⴰⵡⵙⵉⵜ ⴷ ⵜⴰⴷⵔⴼⵉⵜ. ⵜⴰⴷⵎⵉⵏⵉⵏ ⵏⵙⵏ ⴳⴰⵏⵜ ⵣⵖ ⵏⴳⵔ 15 ⵏ ⵜⴰⴷⵎⵉⵏⵜ ⵜⵉⵣⵎⴰⵎⵏ ⵖ ⵜⴰⵔⴰⴱⵓⵜ ⵏ ⵓⵎⵣⵔⵓⵢ ⴰⵎⵉⵡⴰⵏ ” ⵍⵎⵓⵃⵔⴰⵎⴰⵜ ⴷ ⵡⴰⵎⵓⵏ” ⵍⵉ ⴷⵉⵜⵙⴼⵓⵖ Sharq.Org
ⵜⴰⵍⵙⴰⵔⵉⵜ ⵏ ⵜⵉⵙⴷⵉⵜ 2
(ⵜⵉⵣⵉ ⵏⵙ: 8:50 ⵏ ⵜⵓⵙⴷⴰⴷⵉⵏ)
ⴰⵙⵉⵏⴰⵔⵢⵓ ⴰⵕⵚⵍⵉ ⴷ ⴰⵍⵍⴰⵙ ⵙ ⵍⵉⵏⴳⵍⵉⵣⵉⵢⴰ ⵣⵖ ⴷⴰⵔ ⴰⵍⵉⴽⵙⴰⵏⴷⵔⴰ ⵙⴰⵏⴷⵍⵣ
ⵜⵓⵙⵙⵉⴼⵉⵏ ⵉⴳⵕⴹⴰⵏⵏ ( ⵓⵔ ⵜⵢⵓⵔⴰⵏ) ⵍⴰⵏ ⵖ ⴰⴹⵕⵉⵚ ⴰⵄⵔⴰⴱ ⴰⵕⵚⵍⵉ
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵏⴰⵚⵉⵔⴰ //
ⵍⴰⵏⵜ ⵜⵓⴳⵜ ⵏ ⵍⵎⵓⵃⵔⴰⵎⴰⵜ ⵖ ⵡⴰⵎⵓⵏ ⵏⵖ, ⴷ ⵙⵢⴰⵏ ⴰⵎⴰⵖⵏⴰⵡ ⴰⴷⵙⵍⴰⵏ ⴷⴰⵔⵙ ⵜⴰⵣⴷⴰⵢⵜ ⵙ ⵓⵙⴳⴷ ⴷ ⵍⵎⵓⵄⵜⴰⵇⴰⴷⴰⵜ ⵜⵉⵇⴱⵓⵔⵉⵏ ⴷ ⵜⵉⵎⵢⵓⵔⵉⵏ ⵜⵉⵇⴱⵓⵔⵉⵏ. ⴷ ⴰⵔ ⵜⵜⵉⵏⵉ ⵏⴰⵚⵉⵔⴰ, ⵍⵉ ⵉⴳⴰⵏ ⵜⴰⵎⵖⵏⴰⵙⵜ ⵖ ⵉⴳⵔ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵜⴳⴰ ⵜⴰⵙⵍⵎⴰⴷⵜ ⵜⵉⵍⵍⵉ ⵖ ⵜⵉⵣⵉ ⵏ ⴽⵔⴰⴹ ⵉⴷ ⵎⵔⴰⵡ ⵏ ⵓⵙⴳⴰⵙ ⴷⴷⵔ ⵖ ⴰⴳⴰⴼⴰ ⵏ ⵍⵎⵖⵔⵉⴱ, ⵜⵓⴳⵜ ⵏ ⵍⵎⵓⵃⵔⴰⵎⴰⵜ ⴰⴷ ⴰⵔ ⵜⴹⵉⵚⵏⵜ ⴼ ⵜⵉⵎⵖⴰⵔⵉⵏ. ⵜⵓⴳⵜ ⵏ ⵍⵎⵓⵃⵔⴰⵎⴰⵜ ⵍⵉ ⵜⴱⴷⵔ ⵏⴰⵚⵉⵔⴰ ⵜⵉⵏⵉ ⴳⵉⵙⵏ ⵎⴰⵙⴷ ⵏⵜⵏⵜⵉ ⴰⵢⴳⴰⵏ ⴰⵎⵓⴽⵔⵉⵙ ⵎⵇⵓⵔⵏ ⴷⴰⵔⵙⵏ ⵜⴰⵣⴷⴰⵢⵜ ⵙ ⴰⴷⵔⵓⵙ ⵏ ⵜⵉⴷⵔⴼⵉⵏ ⵜⵉⵏⵉⵎⴰⵏⵉⵏ ⴷ ⵉⵣⵔⴼⴰⵏ ⵏ ⵜⴰⵡⵙⵉⵜⵉⵏⵏ ⴷ ⵜⴰⴼⴳⴳⴰⵏⵉⵏ ⵏ ⵜⴰⵎⵖⴰⵔⵜ ⵖ ⵜⴰⵎⴰⵣⵉⵔⵜ ⵏⵙ: ⵖ ⵍⵎⵖⵔⵉⴱ ⴰⵏⵓⵔⵉ ⵉⴳⴰ ⵓⴳⴷⵉⵍ, ⴷ ⴰⵙⴽⴰⵔ ⵏ ⵉⵇⵡⴰⵏ ⵙ ⵜⴰⵢⵢⵉⵀⵜ ⵖ ⴱⵔⴰ ⵏ ⴰⵙⴰⵜⵉ ⵏ ⵍⵉⵜⵜⵉⵀⴰⵍ ⵉⴳⴰ ⴷⵉⴼⴰⵏⴹⵉ, ⴷ ⵍⴰⵙⴰⵟⵉⵔ ⵍⵉ ⵉⵍⵍⴰⵏ ⴼ ⴰⵅⵜⴰⵎ ⵍⵉ ⵉⵏⵜⵜⴰⵛⵔⵏ ⴷ ⵓⵍⵍⴰ ⵜⴰⵎⵙⴰⵔⵜ ⵏ ⵜⵉⵎⵖⴰⵔⵉⵏ ⵍⵉ ⴳⴰⵏ ⵜⴰⴷⴳⴰⵍⵉⵏ ⴷ ⵜⴰⵣⵣⴰⵏⵉⵏ ⵏⵙⵏⵜ ⵍⵉ ⴷⴰⵔ ⵓⵔ ⵉⵣⵔⴼⴰⵏ ⵏⵙⵏ ⵓⵍⴳⵉⵏⵏ.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵏⴰⵚⵉⵔⴰ //
ⵉⵙⴽⵔ ⵍⵎⵖⵔⵉⴱ ⵢⴰⵏ ⵓⴳⴷⵉⵍ ⴰⴷⵖⵔⵉ ⵏ ⴰⵏⵓⵔⵉ ⴷ ⵉⵇⴷⵔ ⴰⴷ ⵜⵢⴰⵎⴰⵣⵏ ⵡⵉⵍⵉ ⵜⵉⵙⴽⴰⵔⵏ ⵏⵖⴷ ⵡⵉⵍⵉ ⵜⵉⵙⵙⵔⵅⴰⵡⵏ ⵉⵙⴳⴰⵙⵏ ⵖ ⵍⵃⴰⴱⵙ. ⵎⴰⵛ ⵖ ⵜⵉⵣⵉ ⵢⴰⴷ ⵜⴰⵎⴳⴰⵔⵓⵜ, ⵍⴰⵏ ⵖ ⵜⴰⴳⵍⴷⵉⵜ ⵍⵉ ⵉⵍⵍⴰⵏ ⵖ ⵓⴳⴰⴼⴰ ⵏ ⴰⴼⵔⵉⵇⵢⴰ ⵜⵓⴳⵜ ⵏ ⵉⵎⵎⵓⵙⵓⵜⵏ ⵍⵉ ⵉⵟⵟⴰⵍⴱⵏ ⴰⵙⴳⴳⵉⴷⵉ ⵏ ⵉⵣⵔⴼⴰⵏ ⵏ ⴰⵔⵔⵓ ⵉ ⵜⴰⵎⵖⴰⵔⵜ ⴰⵡⴰⵔ ⵏ ⵜⴰⵎⵙⴰⵔⵜ ⵍⵉⴼ ⵉⵙⴰⵡⵍ ⵓⵙⵏⵖⵎⵙ ⵍⵉ ⴷⴰⵔ ⵜⴰⵣⴷⴰⵢⵜ ⴷ ⵢⴰⵜ ⵜⴰⴼⵔⵓⵅⵜ ⴷⴷⴰⵔ 14 ⵏ ⵓⵙⴳⴰⵙ ⵜⵎⵓⵜ ⵖ ⵜⵉⵣⵉ ⵏ ⵓⵙⴽⴰⵔ ⵏ ⴰⵏⵓⵔⵉ ⴰⵎⴷⵔⵓⴳ ⵖ ⵓⴹⵡⵡⴰⵕ ⴰⵎⵖⵔⵉⴱⵉ.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵏⴰⵚⵉⵔⴰ //
ⵜⵙⵙⴼⵔⵓ ⵏⴰⵚⵉⵔⴰ ⵎⴰⵙⴷ ⵍⵉⵖ ⴳⴰⵏⵜ ⵜⵉⵎⵀⴰⵍ ⵏ ⴰⵏⵓⵔⵉ ⵓⴳⴷⵉⵍ ⵖ ⵍⵎⵖⵔⵉⴱ, ⵄⴰⴽⵓⴷⴰⵏ ⵉⵍⵍⴰ ⴼ ⵜⴰⴼⵔⵓⵅⵜⵜⴰⵏ ⴰⴷ ⵜⵙⴽⵔ ⵎⴰⵢⴳⴰⵏ ⵙ ⵡⴰⵙⴰⵖ “ⴰⵏⵓⵔⵉ ⴰⵎⴷⵔⵓⴳ”. ⵎⴰⵛ ⵡⴰⵍⵉ ⵉⵙⴽⵔⵏ ⵜⴰⵎⵀⵍⵜ ⵏ ⴰⵏⵓⵔⵉ ⵓⵔ ⵉⵙⴽⵔ ⵜⵉⵎⴳⴳⵉⵢⵉⵏ ⵜⵉⴷⵓⵙⴰⵏⵏ ⵢⴰⵙⵜⵡⴰⵏ ⵎⴰⵢⴰⴷ ⴰⴷ ⵢⵓⵊⵊⴰⵏ ⴰⴷ ⵜⵜⵎⵜ ⵜⴰⴼⵔⵓⵅⵜ ⵎⵥⵥⵉⵏ ⵍⵉ ⵉⴳⴰⵏ ⵙ ⵡⴰⵙⴰⵖ ⵎⴰⵔⵢⴰⵎ ⴷⴰⵔ ⴰⵎⵎⴰⴽⵏ ⵏ ⵓⵙⵏⵖⵎⵙ ⴰⴷⵖⵔⴰⵏ. ⵜⵜⵎⵓⵜ ⴰⵖⴰⵔ ⴰⵛⴽⵓ ⴰⵏⵓⵔⵉ ⵓⵔ ⵉⴳⴰ ⵓⵍⴳⵉⵏ ⵖⵉⴷ, ⴷ ⵎⵉⴷⵏ ⴰⵔⴽⵛⵎⵏ ⵍⵃⴰⴱⵙ ⵙ ⵓⵙⵔⴰⴳ ⵏ ⵎⴰⵢⴰⴷ, ⵖⵉⴽⵍⵉ ⵙ ⵜⵏⵏⴰ ⵏⴰⵚⵉⵔⴰ.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵏⴰⵚⵉⵔⴰ //
ⵓⵍⵍⴰ ⵖ ⵍⵓⴱⵏⴰⵏ, ⵍⵉ ⵜⵜⵎⵏⵉⴷⵏ ⵖⴰⵍⵉⴱⴰⵏ ⵎⴰⵙ ⵉⴳⴰ ⵣⵖ ⵜⵉⵎⵉⵣⴰⵔ ⵍⵉ ⵉⴳⴰⵏ ⴱⴰⵀⵔⴰ ⵍⵉⴱⵉⵔⴰⵍⵉⵢⴰ ⵖ ⵓⴳⵎⵎⵓⴹ ⴰⵏⴰⵎⵎⴰⵙ, ⵉⵙⵓⵍ ⵙⵓⵍ ⴰⵏⵓⵔⵉ ⵓⵔ ⵉⴳⴰ ⵓⵍⴳⵉⵏ. ⵙ ⵎⴰⴷ ⵉⵥⵍⵍⵉⵏ ⵙ ⵜⴰⵏⵓⵕⵥⵎⵜ ⵏ ⴰⵟⴰⴼ ⵏ ⵡⴰⵔⴰⵡ, ⵜⵉⵎⵖⴰⵔⵉⵏ ⵓⵔⴰⵙⵏ ⵉⵜⵜⵚⵉⵃⵉ ⴰⴱⵍⴰ 10 ⵏ ⵉⵎⴰⵍⴰⵙ ⵉⵖⴽⵓⵍⵓ ⵜⵙⴳⵓⵜ ⵖⵉⴽⵍⵉ ⵉⵙⵔⵙ ⵓⵙⵍⴳⵏ ⴰⵍⵓⴱⵏⴰⵏⵉ. ⵙ ⵎⴰⴷ ⵉⵥⵍⵍⵉⵏ ⵙ ⵙⴰⵎⵉⵔⴰ, ⵍⵉ ⵉⴳⴰⵏ ⵜⴰⵎⵙⵓⵡⵔⵉⵜ ⵖ ⴰⵎⵓⵏ ⵓⵖⵔⵉⵎ ⴷ ⵜⴰⵎⵖⵏⴰⵙⵜ ⵜⴰⵎⵖⴰⵔⴰⵏⵜ ⵖ ⴱⴰⵢⵔⵓⵜ, ⴰⴳⴷⵉⵍ ⵏ ⴰⵏⵓⵔⵉ ⵣⵖ ⵜⵎⴰⴳⵓⴳⵜ ⵎⴰⵙ ⵉⴳⴰ ⵍⵉⵏⵜⵉⵀⴰⴽ ⵏ ⵉⵣⵔⴼⴰⵏ ⵏ ⵜⴰⴼⴳⴳⴰ, ⵉⴳⴰ ⵓⵍⴰ ⴰⵎⴷⵢⴰ ⵉ ⵓⵎⴰⵎⵏⴽ ⵏ ⴰⵙⵓⵖⵍ ⵏ ⵍⵎⵓⵃⴰⵔⴰⵎⴰⵜ ⵜⵉⵏⴰⵎⵓⵏⵉⵏ ⵍⵉⵎⵓ ⵉⴳⴰ ⴰⵡⵜⵜⴰⵙ ⵏⵙⵏ ⵜⵉⵎⵖⴰⵔⵉⵏ ⴰⵔ ⵢⴰⵏ ⵓⵙⵍⴳⵏ ⵍⵉⵔⴰⴷ ⵉⵃⵚⵕ ⵜⵉⵎⵖⴰⵔⵉⵏ ⴼ ⵜⴰⵡⵔⵉ, ⴷ ⵎⴰⵢⴰⴷ ⵔⴰⴷ ⵉⵃⵚⵕ ⵓⵍⴰ ⵜⴰⵣⵣⵉⴳⵣⵜ ⵜⴰⴷⵎⵙⴰⵏⵜ ⵖ ⵍⵓⴱⵏⴰⵏ. ⵙ ⴰⵎⴰⵖⵏⵓ ⴰⵎⴰⵜⴰⵢ, ⵍⵎⵓⵃⵔⴰⵎⴰⵜ ⴰⴷ ⴷ ⵉⴽⵔⴰⴼⵏ ⵍⵉ ⵏⵣⵣⵔⴰ ⵖ ⵡⴰⵎⵓⵏ ⵍⵉ ⵉⵙⵡⵓⵜⵜⵙⵏ ⵜⵉⵎⵖⴰⵔⵉⵏ, ⴷ ⵓⵔ ⴰⵜⵜⵉⴹⵉⵚ ⵉⵔⴳⴰⵣⵏ ⵖ ⵜⵓⴳⵜ ⵏ ⵜⵉⵣⵉⵡⵉⵏ, ⵜⵏⵏⴰⵜ ⵙⴰⵎⵉⵔⴰ.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⴰⵎⵉⵔⴰ //
ⵉⵖ ⵉⵍⵍⴰ ⵡⴰⵡⴰⵍ ⴼ ⵉⵣⵔⴼⴰⵏ ⵏ ⵜⴰⵡⵙⵉⵜ ⴷ ⵜⴰⴼⴳⴳⴰ ⵖ ⵍⵓⴱⵏⴰⵏ, ⵜⴱⴷⴷⵔ ⵙⴰⵎⵉⵔⴰ ⵓⵍⴰ ⵜⴰⵎⵙⴰⵔⵜ ⵏ ⴰⵏⴰⴼⴰ ⴰⴷⵓⵙⴰⵏ ⵏ ⵜⵉⵎⵖⴰⵔⵉⵏ ⴷ ⵜⵉⵏⵥⵕⴰⵜⵉⵏ ⵏ ⴰⴼⴰ ⵏ ⵉⵣⵣⵓⵍⴰⵏ ⵖ ⵜⴰⴷⵓⵙⵉ ⵉⵣⴷⴰⵔ ⵓⴼⴳⴰⵏ ⴰⴳⵉⵙⵏ ⵉⴳ ⵜⴰⵎⵢⵉⵎⴰⵏⵜ ⵍⵉⵖ ⵜⴳⴰ ⵜⴰⵎⵖⴰⵔⵜ ⵍⵉ ⵉⴳⴰⵏ ⵣⵖ ⴰⵎⵓⵏ ⵏ ⵣⵡⴰⵎⵍ (LGBT).
ⴰⵔⴷ ⵜⵜⴽⵜⵉ ⵙⴰⵎⵉⵔⴰ ⵎⴰⵙ ⵜⴼⵜⴰ ⵜⵉⴽⵍⵜ ⵜⴰⵎⵣⵡⴰⵔⵓⵜ ⴷⴰⵔ ⵢⴰⵏ ⵓⵙⴳⵏⴰⴼ ⵏ ⵜⵉⵎⵖⴰⵔⵉⵏ ⵖ ⴱⴰⵢⵔⵓⵜ ⵉⵙⴰⵡⵍ ⵙ ⵢⴰⵜ ⵜⴰⵖⴰⵔⴰⵙⵜ ⵜⴰⵇⵓⴱⴱⴰⵏⵉⵜ ⴷ ⴰⵙⵎⵎⵉⵢⵍ ⴼ ⵓⵙⵡⴰⵍⴰ ⵏⵙ ⴰⵡⵙⵉⵜⴰⵏ ⴰⵔ ⵢⴰⵜ ⵜⴰⵙⴽⴼⵍⵜ ⵍⵉⵙⵜ ⵢⵓⵊⵊⴰⵏ ⴰⴷ ⵜⵎⵎⴰⵜⵉ ⵜⴼⵓⵖ ⵜⴰⵙⴷⵓⵙⵉⵜ. ” ⵙⵎⴰⵇⵍⵖ ⴳⵉⵙ ⴷ ⵜⵚⴹⵎⵖ ⵖ ⵓⵖⴰⵔⴰⵙ. ⵜⵏⵏⴰ ⵙⴰⵎⵉⵔ ⵓⵔ ⵙⴰⵍⴰⵖ ⴰⵣⵣⵔⵉ ⴰⴷⵓⵙⴰⵏ ⵍⵉⴼⴷ ⵓⵛⴽⵉⵖ.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵙⴰⵎⵉⵔⴰ //
ⵣⵖ ⵜⴰⵖⴰⵔⴰⵙⵜ ⵏ ⵉⵎⴷⵓⴽⴽⴰⵍ ⴷ ⵡⴰⵡⴰⵍ, ⵜⵣⴷⴰⵔ ⵙⴰⵎⵉⵔⴰ ⴰⴷ ⵜⴰⴼ ⴰⵙⴳⵏⴰⴼ ⴰⵎⴰⵢⵏⵓ ⴷ ⵉⴳⴰⵏ ⵓⴳⴰⵔ ⴰⵣⵣⵓⵍⴰⵏ, ⵎⴰⵛ ⵜⵖⴰⵎⴰ ⵜⵍⵍⴰ ⵄⵍⴰ ⴱⴰⵍ ⵖ ⵉⵎⵉⴽ ⵏ ⵜⵉⵣⵉⵡⵉⵏ ⴰⵡⴰⵔ ⵏ ⵎⴰⴷⴰⵙ ⵉⵊⵊⵔⴰⵏ ⵍⵉⵖⴷ ⵜⴽⴽⴰ ⵜⴰⵙⴷⵓⵙⵉⵜ. ⴰⵔ ⵜⵜⵉⵏⵉ ⵙⴰⵎⵉⵔⴰ: “ⵍⵉⵖ ⴼⵜⵉⵖ ⴰⴷ ⵣⵣⵔⵉⵖ ⵏⵖⴷ ⴰⴷ ⵙⵜⴰⵛⵔⵖ, ⵙⵢⴰⴼⴰⵖ ⵎⴰⵙⴷ ⵎⵉⴷⵏ ⴰⵔⴼⵍⴰⵜⵉ ⵜⵃⴽⴰⵎⵏ ⵙ ⵢⴰⵏ ⵓⵙⵇⵙⵉ ⴽⴰ”.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵙⴰⵎⵉⵔⴰ //
ⵉⵇⴷⵔ ⴰⵢⴳ ⵜⴰⵃⴰⴷⵉ ⵏ ⵜⵉⵎⵢⵓⵔⵉⵏ ⴷ ⵍⵎⵓⵃⵔⴰⵎⴰⵜ ⵣⵖ ⴷⴰⵔ ⵓⵔⴳⴰⵣ ⴰⵜⵛⵀⵇⵓ ⴷ ⴰⵢⵃⵕⵕⵓ, ⵄⴰⵍⵉ ⵉⴳⴰ ⴰⵎⵉⵏⴰⴳ ⴷ ⴰⵎⵖⵏⴰⵙ ⴰⵎⵖⴰⵔⴰⵏ ⵍⵉ ⵉⵜⵜⵓⵢⵙⴰⵏⵏ ⵎⴰⵙ ⵉⴳⴰ “ⴰⵃⵔⵓⵔⴰⵢ ⵏ ⵡⴰⵏⴰⵡ”, ⵉⵎⴰⵖ ⵜⴰⵎⴰⵖⵜ ⵉⵖⵣⵉⴼⵏ ⴷ ⵜⴰⵎⴰⴳⵉⵜ ⵏⵙ ⵜⴰⵊⴰⵏⴷⴰⵔⵉⵜ ⵖ ⴰⵎⵓⵔ ⵏⵙ ⵍⵓⴱⵏⴰⵏ. ” ⵙⵢⴰⴼⴰⵖ ⵙ ⵓⵙⵏⵉⵃⵢⵉ ⴷ ⴰⵔ ⵜⵄⴱⴱⴰⵔⴰⵖ ⴼ ⵡⴰⵏⴰⵡ ⵉⵏⵓ ⵙ ⵜⵖⴰⵔⴰⵙⵜ ⵉⵏⴰⵃⵢⴰⵏ … ⵎⴰⵢⴰⴷ ⵓⵔⵙⵉⵙ ⴰⵏⵙⵓⴼⵏ ⴰⵎⵓⵏ ⵍⵉⵢⵉ ⵉⵙⵙⵓⵜⵍⵏ, ⵉⵍⵍⴰ ⴼⵍⴰⵜⵉ ⴰⴷ ⵎⴰⵖⴰⵖ ⴱⴰⵀⵔⴰ, ⵎⴰⵔⴰⴷ ⵉⵏⵉⵏ, ⵔⴰⴷ ⵙⴼⵍⴷⴰⵖ ⵉ ⵜⵉⴳⵓⵔⵉⵡⵉⵏ ⵏⵙⵏ.. ⴰⵖⴰⵔ ⴰⴼⴰⴷ ⴰⴷⴳⴰⵖ ⴰⴳⴰⵢⵓⵏⵓ, ⴰⵔ ⵉⵜⵜⵉⵏⵉ ⵄⴰⵍⵉ”.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵄⴰⵍⵉ //
ⵡⴰⵅⴰ ⵖⵉⴽⴰⵏ, ⵉⴽⵛⵎ ⵄⴰⵍⵉ ⵙ ⵜⴰⵎⴰⵖⵜ ⴷ ⵉⴱⴷⴰ ⴰⵔ ⵉⵙⴰⵡⴰⵍ ⴷ ⵜⴰⵡⵊⴰ ⵏⵙ ⴷ ⵡⵉⵍⵍⵉ ⵢⴰⵙ ⵉⵙⵙⵓⵜⵍⵏ ⴼ ⵜⵓⴳⵜ ⵏ ⵉⵎⵔⵙⵉⵜⵏ ⵣⵓⵏⴷ ⴰⵎⵢⴰⵏⴰⵡ ⵏⴳⵔ ⵜⵉⵡⵙⴰⵜⵉⵏ ⴷ ⵜⴰⵎⵖⴰⵔⴰⵏⵜ ⵍⵉⴼ ⵔⴰⴷ ⵉⵛⵏⵓⴱⵛ. ⴷ ⵎⴰⵢⴰⴷ ⵢⵓⵊⵊⴰⵜ ⵙ ⵜⵉⵍⴰⵍⵜ ⵏⵙ ⴰⴷ ⵉⵙⵙⵓⴷⵙ ⵜⵉⵖⵉⵎⴰ ⵏ ⴰⵎⵙⴳⴷⴰⵍ ⴼ ⴰⵏⴰⵡ ⴰⵏⵎⵓⵏ ⴷ ⴰⵎⵢⴰⵏⴰⵡ ⴰⵡⵙⵉⵜⴰⵏ. ⴰⵔ ⵉⵜⵜⵉⵏⵉ ⵄⴰⵍⵉ: “ⴰⵔ ⵙⵢⴰⴼⴰⵖ ⵎⴰⵙ ⵙⴽⵔⵖ ⵢⴰⵏ ⵉⴹⵉⵚ ⵣⵖ ⵜⴰⵖⴰⵔⴰⵙⵜ ⵏ ⴰⵍⵍⴰⵢ ⵏ ⵓⴼⵔⴰⴽ ⵙ ⵜⵉⵎⵙⴰⵔⵉⵏ ⴰⴷ”.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵄⴰⵍⵉ //
ⵙ ⵉⵥⵕⵉ ⵏ ⵉⵎⴰⵍ, ⴰⵔ ⵉⵥⵕⵕⴰ ⵄⴰⵍⵉ ⵎⴰⵙⴷ ⴰⵙⵏⵉⵃⵢⵉ ⵏⴳⵔ ⵜⵉⵡⵙⴰⵜⵉⵏ ⵉⴳⴰ ⴰⵙⵔⴰⴳ ⵎⵇⵓⵔⵏ ⵏ ⵜⵉⵎⵓⴽⵔⵉⵙⵉⵏ ⴷ ⵡⴰⵔ ⴰⵔⴳⴳⵉⴳ. ⴷ ⵓⵍⵍⴰ ⵜⴰⵎⵙⵍⴰⵢⵜ ⵏ ⵜⵉⵔⵓⴽⵣⴰ ⵍⵉ ⵉⵙⵎⵎⴰⵏ ⵜⴳⴰ ⴰⵎⵓⴽⵔⵉⵙ ⵎⵇⵓⵔⵏ ⴷ ⴰⵔ ⵜⴱⵔⵔⵉ ⵓⵍⴰ ⵉⵔⴳⴰⵣⵏ, ⵖⵉⴽⵍⵉ ⵙ ⵉⵏⵏⴰ ⵄⴰⵍⵉ. “ⵖ ⵜⵉⴷⴷⵜ ⵜⵉⵔⵓⴽⵣⴰ ⵓⵔⴰ ⵜⵜⴰⵊⴰ ⴰⴷⵖⴰⵔ ⵏ ⵓⴳⴳⴰⵔ ⵏ ⵜⵉⴱⵖⵓⵔⵉⵏ, ⴰⵛⴽⵓ ⵡⵉⵍⵉ ⵏⵉⵜ ⵢⵓⵎⵥⵏ ⵜⵉⴱⵖⵓⵔⵉⵏ ⴰⵔ ⴼⵍⴰⵙⵏ ⵉⵜⵜⵉⵍⵉ ⵍⵇⴰⵎⵄ ⵣⵖ ⴷⴰⵔⵙⵏ. ⵉⵏⵏⴰ ⵄⴰⵍⵉ ⵎⴰⵙⴷ ⵜⵉⵔⵓⴽⵣⴰ ⵉⵣⵎⵎⴰⵏ ⵉⵍⵍⴰ ⴷⴰⵔⵙ ⵉⴹⵉⵚ ⴼ ⵉⵔⴳⴰⵣⵏ ⵍⵉ ⵉⵇⴷⵔ ⴰⴷ ⵙⴱⵓⵖⵍⵓⵏ ⵢⴰⵜ ⵜⵉⵎⵙⴽⵔⵜ ⵉⴳⴰⵏ ⵜⵉⴽⵕⴹⵉⵜ”.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵄⴰⵍⵉ //
ⴰⴷ ⵏⵏⵓⵔⵉ ⵙ ⵏⴰⵚⵉⵔⴰ, ⵜⴰⵎⵖⵏⴰⵙⵜ ⵖ ⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵖ ⵍⵎⵖⵔⵉⴱ. ⵜⴳⴰ ⵜⴰⵡⵔⵉⴽⵜ ⵜⴰⵙⴼⴼⵉⵏⵥⴰⵢⵜ ⵖ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵜⵉⵎⵖⴰⵔⵉⵏ ⴷ ⵜⵉⴼⵔⵅⵉⵏ, ⵜⵣⵔⵉ ⵖ ⵜⵓⴳⵜ ⵏ ⵜⴰⵎⵎⴰⵔⴰ ⵖⵉⴽⵍⵉ ⵙ ⵜⵏⵏⴰ. ⵡⴰⵅⴰ ⵙⵓⵍ ⵜⵖⴰⵎⴰ ⵜⵓⴳⵜ ⵏ ⵜⵓⵡⵔⵉ, ⵎⴰⵛ ⵏⴰⵚⵉⵔⴰ ⵜⵖⴰⵎⴰ ⵜⴳⴰ ⵎⵓⵜⴰⴼⴰⵢⵍⴰ ⵙ ⵉⵎⴰⵍ ⵖ ⵡⴰⵎⵓⵔ ⵏⵙ. “ⴰⵔ ⵜⵓⵙⴽⴰⵔⵏ ⵓⴳⴳⴰⵔ ⵏ ⵓⵙⵍⵉⴳⵏ ⵍⵉ ⴷⴰⵔ ⵜⴰⵣⴷⴰⵢⵜ ⵙ ⵓⵖⵍⴰⵢ ⵙ ⵜⵉⴷⵔⴼⵉⵏ ⴷ ⵉⵣⵔⴼⴰⵏ ⴷ ⴰⵡⵉⴷⵉ ⵏⴳⵔ ⵜⵉⵡⵙⴰⵜⵉⵏ, ⴷ ⵓⵔ ⵉⵅⵚⴰ ⴰⴷ ⵏⴽⴽⵙ ⵉ ⵃⵜⵜⴰ ⵢⴰⵏ ⴰⵣⵔⴼ ⵏⵙ ⵖ ⵓⵙⵜⴰⵢ ⵙⵡⴰ ⵙ ⵉⵙⵔⴰⴳⵏ ⵉⵙⴳⴷⴰⵏ ⵏⵖ ⵉⵏⴰⵎⵓⵏⵏ. ⴰⵔ ⵜⵜⵉⵏⵉ ⵏⴰⵚⵉⵔⴰ: “ⵏⴽⴽⵏⵉ ⵏⴳⴰ ⵎⵓⵜⴰⴼⴰⵉⵍⵉⵏ ⵙ ⵉⵎⴰⵍ ⵔⴰⵙⵓⵍ ⵏⵣⵣⵉⴳⵉⵣ ⵖ ⴰⵎⵎⵓⵙⵓ ⵏⵖ ⵏ ⵜⵉⵎⵖⴰⵔⵉⵏ”.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵏⴰⵚⵉⵔⴰ //
