ⵓⵔ ⵜⵉⵏ ⵢⴰⴷⵍⵉ ⵉⴽⴽⴰ ⵍⵄⵉⵔⴰⵇ ⵉⵖⴰⴱ ⴼ ⵙⴰⵃⴰ ⵏ ⵍⵎⵓⵄⴰⵀⴰⴷⴰⵜ ⴷⴰⵡⵍⵉⵢⴰ ⵍⵉ ⵉⵥⵍⵉⵏ ⵙ ⵜⴰⵎⵖⴰⵔⵜ ⴰⵛⴽⵓ ⵉⵚⴰⴷⵇ ⵖ ⵓⵙⴳⴰⵙ ⵏ 1986 ⴼ ⵍⵎⵓⵄⴰⵀⴰⴷⴰ ⵏ ⵙⴻⴷⴰⵡ ⵍⵉ ⵉⵥⵍⵉⵏ ⵙ ⴰⴷ ⵉⵜⵓⵃⵢⴰⴷ ⵎⴰⵔⵔⴰ ⵉⵎⵓⵖⵏⴰ ⵏ ⵓⵙⵏⵉⵃⵢⵉ ⴼ ⵜⴰⵎⵖⴰⵔⵜ ⵎⴰⵛ ⵉⵜⵃⴼⴷ ⴼ ⴽⵔⴰ ⵖ ⵍⴱⵓⵏⵓⴷ ⵏⵙ ⴷ ⵉⵍⵍⵉ ⴳⵉⵙ ⵍⵎⴰⴷⴰ ⵜⵉⵙⵏⴰⵜ ⵍⵉ ⴳⵉⵙ ⵉⵍⵍⴰⵏ ⵎⴰⵙⴷ ⵜⴰⵎⵖⴰⵔⵜ ⴷⴰⵔⵙ ⴰⵣⵔⴼ ⴰⴷ ⵜⴼⴽ ⵍⵊⵉⵏⵙⵉⵢⴰ ⵉ ⵜⴰⵔⵡⴰ ⵏⵙ.
ⵍⵉⵖ ⵜⵓⵃⵜⴰⵍⴰ ⵍⵄⵉⵔⴰⵇ ⵖ ⵓⵙⴳⴰⵙ ⵏ 2003 ⵉⵙⴽⵔ ⵍⵄⵉⵔⴰⵇ ⴷⵓⵙⵜⵓⵔ ⴰⵎⴰⵢⵏⵓ ⵉⵜⵜⵓⵢⵙⴼⴰⵖⴷ ⴰⴼⵍⴰⵙ ⵚⵓⵡⵜⵏ ⵎⵉⴷⵏ ⵖ ⵓⵙⴳⴰⵙ ⵏ 2005 ⴷ ⵜⵍⵍⴰ ⵖ ⵍⵎⴰⴷⴰ ⵖ ⴷⵓⵙⵜⵓⵔ ⵎⴰⵙⴷ ⵍⵄⵉⵔⴰⵇⵉ ⵉⴳⴰⵜ ⵡⴰⵍⵉ ⵉⴳⴰⵏ ⴱⴰⴱⴰⵙ ⴰ ⵄⵉⵔⴰⵇⵉ ⴷ ⵓⵍⵍⴰ ⵉⵏⴰⵙ ⵜⴳⴰ ⵜⴰⵄⵉⵔⴰⵇⵉⵜ ⴰⵔⴷ ⵉⵜⵜⵓⵏⴷⴰⵎ ⵎⴰⵢⴰⴷ ⵙ ⴰⵙⵍⴳⵏ ⵖ ⵓⵙⴳⴰⵙ ⵏ 2006 ⵉⵙⴽⵔ ⵍⵄⵉⵔⴰⵇ ⴰⵙⵍⵉⴳ ⵏ ⵍⵊⵉⵏⵙⵉⵢⴰ ⵜⴰⵄⵉⵔⴰⵇⵉⵜ ⵔⴰⵇⵎ 26 ⴷ ⵉⵍⵍⵉ ⴳⵉⵙ ⵎⴰⵙⴷ ⵉⴳⴰ ⵣⵖ ⴰⵣⵔⴼ ⵏ ⵜⴰⵎⵖⴰⵔⵜ ⵜⴰⵄⵉⵔⴰⵇⵉⵜ ⵍⵉ ⵉⵜⴰⵀⵍⵏ ⵙ ⵉⵎⵣⵣⵉ ⴰⵜⴼⴽ ⵍⵊⵉⵏⵙⵉⵢⴰ ⵏⵙ ⵉ ⵜⴰⵔⵡⴰ ⵏⵙ.
ⵜⵉⵍⵢⴰⵎⴰⵏⵉⵢⵉⵏ ⵎⴰⵖⵏⵜ ⵓⴽⴰⵏ ⵙⵓⵍ ⴰⴼⴰⴷ ⴰⴷ ⵜⴼⴽ ⵜⵎⵖⴰⵔⵜ ⵍⵊⵉⵏⵙⵉⵢⴰ ⵏⵙ ⵉ ⵜⴰⵔⵡⴰ ⵏⵙ
ⵄⴰⴼⵔⴰ ⵍⵃⴰⵔⵉⵔⵉ, ⵜⴰⵍⵎⵓⵃⴰⵎⵉⵜ ⴷ ⵜⴰⵎⵖⵏⴰⵙⵜ ⵣⵖ ⵍⵢⴰⵎⴰⵏ ⴰⵔ ⵜⵉⵏⵉ: ⴰⵡⴰⵔ ⵏ ⴰⵎⵏⵖⵉ ⵉⵍⵍⴰ ⵜⵓⴳⵜ ⵏ ⵣⴰⵅⴰⵎ ⴷ ⵉⵏⵎⵓⵇⴰⵔⵏ ⴰⴼⴰⴷ ⴰⴷⴰⴽⴽⴰⵏ ⵍⵊⵉⵏⵙⵉⵢⴰ ⵉ ⵜⴰⵔⵡⴰ ⵏ ⵜⵉⵍⵢⴰⵎⴰⵏⵉⵢⵉⵏ. ⵣⵖ ⵜⵉⵣⵉ ⵏⴳⵔ 2000-2011 ⴰⵡⴰⵔ ⴰⴽⴽ ⵏ ⵍⵊⵓⵀⵓⴷⴰⴷ ⵍⵉ ⵉⵥⵍⵉⵏ ⵙ ⵍⵊⵏⴰ ⵜⴰⵡⴰⵟⴰⵏⵉⵜ ⵉⴼⵓⵖⴷ ⵍⵇⴰⵔⴰⵔ ⵣⵖ ⴷⴰⵔ ⵡⴰⵣⵉⵔ ⴷⴰⵅⵉⵍⵉⵢⴰ ⴰⴼⴰⴷ ⴰⴷⴰⵊⵏ ⵎⴰⵢⴰⵏ ⴷ ⵙⵎⵓⵏⵏ ⵢⴰⵜ ⵍⴰⵊⵊⵏⴰ ⴰⴼⴰⴷ ⴰⴷ ⵜⴽⵍⴼⵏ ⵙ ⵎⴰⵢⴰⵏ, ⴷ ⵖⵉⴽⴰⵏ ⴰⵢⵊⵊⵔⴰⵏ ⴼⴽⴰⵏ ⵍⵊⵉⵏⵙⵉⵢⴰ ⵉⵜⵓⴳⵜ ⵏ ⵜⴰⵔⵡⴰ ⵏ ⵍⵢⴰⵎⴰⵏⵉⵢⴰⵜ ⵙ ⵜⵖⴰⵔⴰⵙⵜ ⵏ ⵍⴰⵊⵏⴰ ⵢⴰⴷ ⵍⵉⵙⵜⵉⵏ ⵉⴽⴰ ⵔⴰⵢⵙ ⵏⵙ ⵍⵡⴰⴽⵉⵍ ⵏ ⵍⵡⵉⵣⴰⵔⴰ ⵏ ⴷⴰⵅⵉⵍⵉⵢⴰ ⵍⵉ ⵉⵍⵍⴰⵏ ⵖⵉⵍⴰⴷ.
ⵎⴰⵛ ⵜⴱⵉⴷ ⵜⴰⵡⵔⵉ ⵏ ⵍⴰⵊⵏⴰ ⴷ ⵓⵔⴰⵙⵓⵍ ⵙⴰⵡⴰⵍⵏ ⵜⵎⵙⵎⵓⵏⵉⵏ ⵏ ⵉⵣⵔⴼⴰⵏ ⴼ ⵎⴰⵢⴰⴷ ⴰⵛⴽⵓ ⴰⵎⵏⵖⵉ ⵢⵉⵡⵉⴷ ⵉⵎⵓⴽⵔⵉⵙⵏ ⵢⴰⴹⵏⵉ ⵡⴰⵅⴰ ⵓⵙⵍⴳⵏ ⴰⵢⴰⵎⴰⵏⵉ ⵓⵔ ⴰⵢⵜⵙⵎⴰⵃ ⴰⴷⴰⴽⴰⵏ ⵍⵊⵉⵏⵙⵉⵢⴰ ⴷ ⵎⴰⵢⴰⵏ ⴰⵔⵉⵣⵔⴰⵢ ⵖ ⵜⵓⴳⵜ ⵏ ⵍⵎⵓⵊⵔⴰⵢⴰⵜ ⵉⵎⵔⴽⵙⵏ ⵅⵜⴰⵍⵉ ⴽⵓⵍⵓ ⵉⵜⵓⵢⵙⴰⵏ ⵉⴳⴰⵜ ⴰⵜⴰⵎⵣⵜ ⵍⵉⴷⵏ ⴷⴰⵔ ⵡⴰⵣⵉⵔ ⴷⴰⵅⵉⵍⵉⵢⴰ.
ⵜⵉⵏⵎⵓⵔⴰⵜⵉⵏ ⵏ ⵍⵓⴱⵏⴰⵏ ⵎⴰⵖⵏⵜ ⴷ ⵓⵙⵍⵉⴳⵏ
ⵙⴰⵡⵙⴰⵏ ⵛⵓⵎⴰⵏ ⵜⴰⵍⵎⵓⵃⴰⵎⵉⵜ ⵖ ⵍⵓⴱⵏⴰⵏ ⴰⵔ ⵜⵉⵏⵉ: ⵎⴰⵙ ⵉⵜⵜⵓⵄⵔⴰⴷ ⵉⵎⵔⵙⵉ ⵏ ⴰⴼⴽⴰⵢ ⵏ ⵜⵎⵖⴰⵔⵜ ⵍⵊⵉⵏⵙⵉⵢⴰ ⵉ ⵜⴰⵔⵡⴰ ⵏⵙ ⵜⵓⴳⵜ ⵏ ⵜⵉⴽⴽⴰⵍ ⵉ ⵜⴰⵚⵡⵉⵜ ⵖ ⵍⵎⴰⵊⵍⵉⵙ ⵏ ⵏⵓⵡⴰⴱ ⵎⴰⵛ ⵉⴷⵔⴷ ⵙ ⵍⴰⵖⵍⴰⴱⵉⵢⴰ ⵍⵉ ⵉⵚⵓⵡⵟⵏ ⴹⵉⴷ ⵏ ⵓⵙⵍⴳⵏ ⴰⵙ. ⵍⵖⴰⵍⵉⴱⵉⵢⴰ ⵏ ⵏⵡⴰⴱ ⴰⵔⵜⵉⵏⵉⵏ ⵎⴰⵙⴷ ⵉⵙⵔⴰⴳⵏ ⴳⴰⵏ ⵉⵙⵉⵎⵓⵖⵔⴰⴼⵉⵏ ⵙ ⵖⵉⴽⴰⴷ ⴰⵔⴷⵉⵜⴽⵛⵎ ⵙ ⴰⵎⵓⵏ ⴰⵍⵓⴱⵏⴰⵏⵉ ⵊⵉⵏⵙⵉⵢⴰⵜ ⵉⴳⴰⵏ ⵜⵉⵎⴰⵢⵏⵓⵜⵉⵏ. ⵎⴰⵛ ⵉⵎⵔⵙⵉ ⵙ ⵜⵉⴷⵜ ⴰⴼⴽⴰⵢ ⵏ ⵍⵊⵉⵏⵙⵉⵢⴰⵜ ⴰⵔ ⵉⵙⵏⴼⵍ ⴰⵏⴳⵔⴰⵡ ⴰⵟⴰⵉⴼⵉ ⴰⵛⴽⵓ ⵎⴽⵏⴰ ⵜⴳⴰ ⵣⵉⵢⴰⴷⴰ ⵖ ⵉⵇⴷⵔ ⴰⵜⵙⵏⴼⵍ ⴰⵏⴳⵔⴰⵡ ⵏ ⵍⵉⵏⵜⵉⵅⴰⴱⴰⵜ ⵍⵉ ⵉⵔⵚⴰⵏ ⴼ ⴰⵏⴳⵔⴰⵡ ⵉⴳⴰⵏ ⵟⴰⵉⴼⵉ.
ⴰⵔ ⵜⵉⵏⵉ ⵜⴰⵎⵖⵏⴰⵙⵜ ⵚⴰⴱⴰⵃ ⵛⵓⵄⴰⵢⴱ ⵣⵖ ⵍⵉⴱⵢⴰ
ⵓⵔ ⵓⴼⴰⵏ ⴷⴷⵔⵉⵜⴰⴷ ⴰⴷ ⴹⴰⵍⴱⵏ ⵍⵊⵉⵏⵙⵉⵢⴰ ⴰⵔⴷ ⵍⴽⵎⵏ ⴰⵡⵜⴰⵢ ⵓⵍⴳⵉⵏ, ⵉⵖⵓⵔ ⵉⵎⵓⵜ ⴱⴰⴱⴰⵜⵙⵏ ⵏⵖ ⵉⵊⵍⴰ, ⵖ ⴰⵙⵍⵉⴳ, ⴷ ⵙ ⵍⵎⵓⵡⴰⴼⴰⵇⴰ ⵏ ⵍⵡⴰⵍⵉⴷⵉⵏ ⴷ ⵢⴰⵜ ⵜⴰⵎⵏⴰⴹⵜ ⵉⴳⴰⵏ ⵜⴰⵔⴰⵙⵎⵉⵜ ⴼ ⵟⴰⵍⴰⴱ. ⴷ ⵓⵔ ⵣⴷⴰⵔⵏ ⵜⴰⵔⵡⴰ ⵏ ⵍⵉⴱⵉⵢⴰⵜ ⵍⵉ ⵉⵜⴰⵀⵍⵏ ⵙ ⵉⴼⵉⵍⵉⵚⵟⵉⵏⵉⵏ ⴰⴷⴰⵎⵣⵏ ⵍⵊⵉⵏⵙⵉⵢⴰ, ⵜⴰⵍⵉⴱⵉⵜ ⵓⵔⴰ ⵖⴰⵔ ⵜⵄⴰⵏⴰⵢⵏ ⵣⵖ ⵓⵏⵓⵃⵢⵓ ⵙ ⵜⴰⵔⵡⴰ ⵏⵙⵏ ⵀⵍⵉ, ⴷ ⵓⵍⴰ ⵉⴷ ⴱⴰⵢⵜⵜⴰⵔ ⴰⴼⴰⴷ ⴰⴷⴰⵎⵣⵏ ⵔⵓⵅⵙⴰ ⴰⴷ ⵜⴰⵀⵍⵏ ⵙ ⵉⵎⵣⵣⴰⵏ ⴱⵔⴰ ⵏ ⵍⵉⴱⵢⴰ ⵍⵉⵖ ⵉⵏⵏⴰ ⵍⵎⵓⴼⵜⵉ ⵏ ⵍⵉⴱⵢⴰ ⵉ ⵜⵉⵏⴱⴰⴹⵉⵏ ⴰⴷ ⵎⵏⵄⵏ ⵜⵉⵎⵖⴰⵔⵉⵏ ⴰⴷ ⵜⴰⵀⵍⵏⵜ ⵙ ⵡⵉⵍⵉ ⵓⵔ ⵉⴳⵉⵏ ⵍⵉⴱⵉⵢⵉⵏ ⵖ 2013 ⴷ ⵜⵛⴰⵔ ⵎⴰⵙⴷ ⵉⵔⴳⴰⵣⵏ ⵓⵔⴷⴰⵔⵙⵏ ⴽⵔⴰⵏ ⵉⵙⴽⵔⴰⴼ ⵖ ⵎⴰⵢⴰⴷ, ⴷ ⴰⵔⴰⵙⵏ ⴰⴽⴰⵏ ⵉ ⵜⴰⵔⵡⴰ ⵏⵙⵏ ⵍⵊⵉⵏⵙⵉⵢⴰ ⴷⵖⵢⴰ ⴱⵍⴰ ⵉⵎⵓⴽⵔⵉⵙⵏ, ⴷ ⵣⴷⴰⵔⵏⵜ ⵓⵍⵍⴰ ⵜⵉⵎⵖⴰⵔⵉⵏ ⵏⵙⵏⵜ ⵍⵉ ⵓⵔ ⵉⴳⵉⵏ ⵍⵉⴱⵉⵢⴰⵜ ⴰⵙⵜ ⴰⵎⵣⵏ ⵙ ⵔⵅⴰ. ⵉⴳⴰ ⵍⵇⴰⵔⴰⵔ ⵔⴰⵇⵎ 902 ⵏ ⵓⵙⴳⴰⵙ ⵏ 2022 ⴼ ⵜⴰⵇⵔⵉⵔ ⵏ ⵍⴰⵃⴽⴰⵎ ⵉⵥⵍⵉⵏ ⵙ ⵜⴰⵔⵡⴰ ⵏ ⵍⵉⴱⵉⵢⴰⵜ ⵍⵉ ⵉⵜⴰⵀⵍⵏⵉⵏ ⵙ ⵉⵎⵣⵣⴰⵏ, ⵔⴰⴷ ⴷⴰⵔ ⵜⴰⵔⵡⴰ ⵏⵙⵏ ⴰⵡⵉⴷⵉ ⴷ ⴰⵏⵎⵓⵔⵉ ⴰⵍⵉⴱⵉ ⵣⵖ ⵜⴰⵙⴳⴰ ⵏ ⵉⵣⵔⴼⴰⵏ ⵉⵍⵍⵉ ⴳⵉⵙⵏ ⴼⴰⴱⵓⵔ ⵏ ⴰⵍⵎⵎⴰⴷ ⴷ ⴰⵙⵊⵊⵉⵊⵉ ⵖ ⵓⴳⵏⵙ ⴷ ⵍⵇⵓⴱⵓⵍ ⵖ ⵜⵉⵏⵎⴰⵍ ⵜⵉⵍⵉⴱⵉⵏ ⵖ ⴱⵔⴰ.
ⴷ ⴰⵔ ⵉⵜⵏⵓⵚⵓ ⵓⵍⵍⴰ ⴰⵜⵏ ⵄⴼⵉⵏ ⵖ ⵛⵔⴷ ⵏ ⵜⴰⵛⵉⵔⴰ ⵉⵖ ⴷ ⴽⵛⵎⵏ ⵙ ⵡⴰⴽⴰⵍ ⵏ ⵜⴰⵎⴰⵣⵉⵔⵜ ⵏⵙⵏ, ⴷ ⴼ ⵓⵙⵎⵓⵏ ⵏⵙⵏ ⴰⵖⴰⵔ ⴰⴷⴰⵎⵣⵏ ⵜⴰⵛⵉⵔⴰ ⵏ ⵓⴽⵛⵎ ⵉⵖⴷ ⵍⴽⵎⵏ, ⴷ ⵣⵉⵢⵢⴰⵔ ⴼ ⵙⴰⴼⴰⵔⴰⵜ ⴷ ⵍⵇⵓⵏⵙⵓⵍⵉⵢⴰⵜ ⵜⵉⵍⵉⴱⵉⵏ ⵖ ⴱⵔⴰ ⴰⴼⴰⴷ ⴰⵜⵏ ⵙⵓⵡⵔⵉⵏ ⵇⴷⵓⵏⴰⵙⵏ ⵍⵖⴰⵔⴰⴷⴰ ⵍⵉⵜⵏ ⵉⵅⵚⴰⵏ “ⵣⵓⵏⴷ ⵉⵏⵎⵓⵔⴰⵏ ⵉⵍⵉⴱⵉⵏ”.
ⴷ ⴰⵔ ⵜⵖⴰⵎⴰⵏⴰⵜ ⵜⵉⵎⵖⴰⵔⵉⵏ ⵖ ⴽⵔⴰⵏ ⵜⵉⵎⵉⵣⴰⵔ ⵏ ⵓⵎⴰⴹⴰⵍ ⴰⵄⵔⴰⴱ ⵜⵜⵓⴽⴰⵙⵏⵜ ⵖ ⵉⵣⴻⵔⴼⴰⵏ ⵍⵉ ⴽⵓⵍⵓ ⵎⵥⵉⵏ ⵡⴰⵅⴰ ⴰⵏⵜⴰⴼⴰⵜ ⵉⵣⴻⵔⴼⴰⵏ ⴰⴷ ⵍⴰⵏⵜ ⵖ ⴷⵓⵙⵜⵓⵔ ⵏ ⵜⵎⴰⵣⵉⵔⵜ ⴷ ⵉⵍⵍⵉ ⴳⵉⵙ ⴰⵡⵉⴷⵉ ⵖ ⵉⵣⵔⴼⴰⵏ ⵎⴰⵛ ⴰⵔ ⵜⵖⴰⵎⴰ ⵍⵎⴷⴰⴷ ⵖ ⵉⴳⵉ ⵏ ⵍⴽⴰⵄⴹ.
