ⵉⵖ ⵏⵜⵄⵎⵇ ⵖ ⵜⵉⵍⴰⵍⵜ ⵏ ⵉⵄⵔⵉⵎⵏ ⵖ ⵜⴰⵔⵜⵉⵜ ⵏⴳⵔ ⵖⴰⵍⵉ ⵉⵣⵔⵉⵏ ⴷ ⴰⵏⵉⵎⴰⵍ ⵔⴰⴷ ⵏⴰⴼ ⵎⴰⵙⴷ ⵉⵏⴳⵔⴰⵡⵍⵏ ⴰⵄⵔⴰⴱⵏ ⴼ ⵍⵉⵃⵜⵉⵍⴰⵍ ⵍⵉⵏⵊⵍⵉⵣⵉ ⴷ ⴰⴼⴰⵔⴰⵏⵙⵉ ⴷ ⵡⵉⵢⴰⴷ ⵢⴰⴹⵏⵉ ⵉⴽⴽⴰⵜⵉⵏ ⵉ ⵉⵄⵔⵉⵎⵏ ⵜⴰⵍⵉⵍⵜ ⵍⵉ ⴽⵓⵍⵍⵓ ⵉⵙⵜⴰⵡⵀⵎⴰⵏ ⵖ ⵓⵎⵎⵓⵙⵓ ⴰⵙⵔⵜⴰⵏ ⵄⴰⴽⵓⴷⴰⵏ ⴷ ⵉⴳⴳⴰ ⵓⵙⵓⵔⵙ ⴰⵎⴰⵜⴰⵢ ⵏ ⵜⵎⴰⵣⵉⵔⵜ ⴷ ⵍⵉⵙⵜⵉⵇⵔⴰⵔ ⵏⵙ ⴷ ⵜⴰⵙⵉⵎⴰⵏⵜ ⵏⵙ ⵣⵖ ⵍⵉⵃⵜⵉⵍⴰⵍ ⵉⴳⴰ ⴰⵥⵓⵥⴹ ⴷ ⵖⴰⵍⵉ ⵉⵛⵖⵍⵏ ⵉⵄⵔⵉⵎⵏ ⵖ ⵙⵜⵜⵉⵏⴰⵜ ⴷ ⵙⴱⵄⵉⵏⴰⵜ ⵏ ⵜⴰⵙⵓⵜ ⵍⵉ ⵉⵣⵔⵉⵏ, ⴷ ⵓⵍⵍⴰ ⴰⵔ ⵏⵜⵜⴰⴼⴰ ⵉⵄⵔⵉⵎⵏ ⴰⴷ ⵉⵣⵡⴰⵔⵏ ⵙ ⵜⵉⴳⵔⴰⵡⵍⵉⵏ ⵏ ⵜⴰⴼⵙⵓⵜ ⵜⴰⴷⵉⵎⵓⵇⵔⴰⵜⵉⵜ ⵙⵍⴰⵡⴰⵏ ⴰⴽⴽ ⵖ ⵍⵢⴰⵎⴰⵏ ⵖ ⵜⵉⵣⵉ ⵢⴰⴷ ⵜⴰⵏⵉⵎⴰⵍⵜ, ⴷ ⴰⵎⵛⵏⵓⴱⵓⵛ ⵖ ⵜⵉⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⵔⴰⵏ ⵢⴰⴼ ⵎⴰⵙⴷ ⵉⵎⵓⵍⵍⵓⵜⵏ ⵉⵙⵔⵜⴰⵏⵏ ⵏ ⵍⵢⴰⵎⴰⵏ ⵜⵙⵓⵡⵔⵉ ⴰⴼⴰⴷ ⴰⴷ ⵜⵙⵖⵍⵍⵉⵍ ⵉⵄⵔⵉⵎⵏ ⵖ ⵜⴰⵙⵔⵜⵉⵜ ⴰⴼⴰⴷ ⴰⴷ ⵜⵍⴽⵎ ⵉⵡⵜⵜⴰⵙ ⵍⵉ ⵙⵉⵙ ⵉⵥⵥⵍⵉⵏ, ⴷ ⴰⴷ ⵜⵙⴽⵔ ⵖ ⵉⵄⵔⵉⵎⵏ ⵉⵎⵉⵙ ⴰⴼⴰⴷ ⴰⴷ ⵜⵃⵇⵉⵇ ⵍⴰⵊⵉⵏⴷⴰⵜ ⵏ ⵜⵉⵙⴳⵉⵡⵉⵏ ⵏ ⵜⴰⵎⴰⵖⵜ ⴱⵍⴰ ⵜⵔⴰⵄⵉ ⵉ ⵉⵣⵔⴼⴰⵏ ⴷ ⵉⵏⵎⵔⴰⵏ ⵏ ⵉⵄⵔⵉⵎⵏ ⴰⴷ ⵉⵏⴰⵎⵓⵏⵏ ⴷ ⵙⵍⴰⵎⵜ.
ⴷ ⴰⵙⵖⵍⵍⴰ ⵢⴰⴷ ⵏ ⵉⵄⵔⵉⵎⵏ ⴰⵢⴰⵎⴰⵏⵉ ⵢⵓⵊⵊⴰⵖ ⴰⵏⵊⵍⵍⵓ ⵜⵉⵎⴰⴹ ⵏ ⵉⴼⴹⴰ ⵣⵖ ⵉⵎⴰⴼⴰⵢⵏ ⵏ ⵉⵄⵔⵉⵎⵏ ⵏⵖ ⵖ ⵉⵎⵏⵖⴰⵏ, ⴷ ⵙⵉⵔⴷⵏ ⴷⵎⴰⵖ ⵏ ⵜⵓⴳⵜ ⴳⵉⵙⵏ ⴷ ⵎⴳⵔⵏ ⴹⴰⵕⵉⵏⴰ ⵖ ⵓⵍⵍⴰⵡⵏ ⵏⵙⵏ ⵉ ⴽⵓⵍⵓ ⵎⴰⴷ ⵉⵄⴰⴽⵙⵏ ⵜⴰⵏⴰⵢⵜ ⴷ ⵉⵙⴳⴷⴰⵏ ⵏ ⵉⵎⵖⴰⵔⵏ ⵏⵙⵏ, ⴷ ⴳⴰⵏⵉⵏ ⵜⵉⵙⴳⵉⵡⵉⵏ ⵏ ⵜⴰⵎⴰⵖⵜ ⵜⵓⴳⴰⵙ ⵏⵙⵏ ⴰⴼⴰⴷ ⴰⴷⵙⴽⵔⵏ ⵖ ⵀⵍⵉ ⴰⵙⵡⵉⵏⴳⵎ ⵖ ⵜⴰⵙⵔⵜⵉⵜ ⴷ ⵉⵣⵔⴼⴰ ⵓⵖⵔⵉⵎⵏ ⵣⵖ ⵍⵎⵓⵃⴰⵔⴰⵎⴰⵜ ⴷ ⴽⵓⵍⵓ ⵎⴰⵎⵎⵓ ⵉⵏⵏⴰ ⵓⴳⴰⵢⵓⵏⵙ ⴰⴷ ⵉⵜⵜⴰⵔⴰ ⵏⵖⴷ ⴰⵢⴽⵛⵎ ⵖ ⵜⵉⵡⵔⵉⵡⵉⵏ ⵏ ⵜⴰⵙⵔⵜⵉⵜ ⵔⴰⴷ ⵉⵏⵖⵓⴱⵓ ⴷ ⵔⴰⴷⴷⵉⵙ ⵜⵄⴰⵎⵍⵏ ⵎⵓⵄⴰⵎⴰⵍⴰ ⵉⵅⵛⵏ ⴷ ⵓⵍⵍⴰ ⵃⴰⵇⴰⵏ ⴰⴽⴽ ⵉⵙⵔⴰⴷ ⵜⵏⵖⵏ.
ⵎⴰⴷ ⵢⵓⵊⵊⴰⵏ ⵜⵓⴳⵜ ⵏ ⵉⵄⵔⵉⵎⵏ ⵉⵎⴰ ⴰⴷ ⵉⵙⵜⵜⵉ ⴰⴽⵛⵓⵎ ⵖ ⵜⵉⵔⵔⵓⴱⴰ ⵍⵉ ⴷⴰⵔ ⴰⵇⵔⵢⴰⵏ ⴷ ⴰⵙⴽⴰⵔ ⵏ ⵜⴰⵔⴰⵜⵉⵏ ⴱⵍⴰ ⴰⵙⵙⴳⴷⵍ ⵏⵖ ⴰⵙⵡⵉⵏⴳⵎ, ⵏⵖⴷ ⴰⵙⵜ ⵜⴰⵡⵉⵏ ⵖ ⵜⵉⵎⵙⴰⵔⵉⵏ ⵉⴳⴰⵏ ⵜⴰⴼⵉⵀⴰ ⴷ ⴰⵔⵏ ⵉⵜⴰⵡⴽ ⵙ ⵓⵙⴳⵓⴼⵙⵓ ⵍⴰⵅⵍⴰⵇⵉ ⴷ ⴰⵎⵙⴽⴰⵔⴰⵏ ⴷ ⴰⵛⵜⵛⵉ ⵏ ⵍⵎⵓⵅⴰⴷⵉⵔⴰⵜ, ⴷ ⵉⴷⵔⵓⵙ ⵖ ⵉⵄⵔⵉⵎⵏ ⵎⴰⴷ ⵉⵙⵜⵉⵏ ⴰⵣⵡⴰⴳ ⵙ ⴱⵔⴰ ⵏ ⵜⴰⵎⴰⵣⵉⵔⵜ ⵏⵖ ⴰⵎⵎⴰⵣ ⵖ ⵓⵙⵍⵎⴷ ⵖ ⵜⴰⵎⴰⴳⴳⵓⴳⵜ ⴷ ⵎⴰⵔⵔⴰ ⵜⴰⵙⵔⵜⵉⵜ.
ⴷ ⵣⵖ ⵜⴰⵏⴰⵢⵜ ⵉⵏⵓ ⴰⵙⴽⵔⴼ ⵏ ⵜⵉⴷⵔⴼⵉⵏ ⵜⵉⵙⵔⵜⴰⵏⵉⵏ ⴷ ⵍⵇⴰⵎⵄ ⵏ ⵜⵉⵙⵡⵉⵏⴳⵉⵎⵉⵏ ⴷ ⵜⵉⵍⴰⵍⵉⵏ ⵜⵉⵎⵙⴽⴰⵔⵉⵏ ⵏ ⵉⵄⵔⵉⵎⵏ ⵉⵇⴰⵏⴷ ⴰⴷ ⵜⵙⴽⵔ ⵢⴰⵜ ⵜⴰⵙⵓⵜ ⵏ ⵍⵎⵓⵜⴰⵄⴰⵚⵉⴱⵉⵏ ⴼ ⵓⵙⴳⴰ ⵏ ⵜⴰⵙⵔⵜⴰⵏⵜ, ⴷ ⴰⵅⵅⵍⵓ ⴱⵍⵄⴰⵏⵉ ⵏ ⵓⵙⵍⵎⴷ ⵖ ⵍⵢⴰⵎⴰⵏ ⴷ ⴰⴼⵙⵙⴰⵔ ⵏ ⵍⴰⵡⵀⴰⵎ ⴷ ⴰⵙⴽⴰⵔ ⵙ ⵡⴰⵡⴰⵍ ⵏ ⵉⵎⵖⴰⵔⵏ ⵏ ⵜⴰⵙⵔⵜⵉⵜ ⴷ ⵜⴰⵏⴱⴰⴹⵜ ⵔⴰⴷ ⵉⵙⵓⵡⵔⵉ ⵖ ⵓⵙⵙⴷⵓⵙ ⵏ ⵜⴰⵄⴰⵚⵓⴱ ⴰⴷ.
ⴷ ⵖ ⵜⵉⴳⵉⵔⴰ ⵣⵖ ⵜⴰⵏⵏⴰⵢⵜ ⵉⵏⵓ ⴰⵔ ⵜⴰⴼⴼⴰⵖ ⵎⴰⵙⴷ ⵉⵄⵔⵉⵎⵏ ⵖ ⵉⵣⵔⵉ ⵣⵖ ⵍⵡⴰⵍⴷⵉⵏ ⵏⵖ ⴷ ⵍⴰⵊⴷⵓⴷ ⵏⵖ ⴷⴰⵔⵙⵏ ⴰⴼⵔⴰⴽ ⵓⴳⴳⴰⵔ ⴷ ⵜⴰⴼⴼⴰⵡⵜ ⴼ ⵜⵉⵍⵉⵍⵉⵜ ⵏⵙⵏ ⵜⴰⵙⵔⵜⴰⵏⵜ, ⴷ ⵉⵍⵍⴰ ⴷⴰⵔⵙⵏ ⵣⵖ ⵜⴰⵛⴰⵊⵉⵄⵜ ⴷ ⵜⵓⵙⵙⵏⴰ ⴷ ⵜⴰⵎⴰⵙⵙⴰⵏⵜ ⵎⴰⴷ ⵢⵓⴷⴷⴰⵏ ⴰⴳⵉⵙⵏ ⵜⵙⴽⵔ ⵉⵙⵎⵖⵓⵔⵏ ⵏ ⵉⴳⵯⵓⵢⴰ ⵏⵙⵏ ⴷ ⵉⴷ ⴱⴰⴱ ⵏ ⵜⴰⵖⵜⴰⵙⵜ ⵏⵙⵏ, ⴷ ⵎⴰⵢⴰⴷ ⵍⵄⴰⴽⵙ ⵏ ⵎⴰⴷ ⵜⴰⴼⴰⵖ ⵖ ⴷⴰⵔ ⵉⵄⵔⵉⵎⵏ ⵏ ⵜⴰⵙⵓⵜ ⴰⴷ ⵍⵉ ⵙⵉⵔⵅⴰ ⵓⵙⵙⴼⵜⵓ ⵏⵙ ⴷ ⴰⵙⵄⵎⵔ ⵏⵙ ⵙ ⵜⵉⵡⵏⴳⵉⵎⵉⵏ ⵍⵉ ⵉⵙⵙⵓⵡⵔⵉⵏ ⵖⴰⵔ ⴽⵔⴰⵏ ⵜⵉⵙⴳⵉⵡⵉⵏ ⵉⵥⵍⵉⵏ.
