ⴰⵔ ⵜⵙⴰⵡⴰⵍ ⵜⴰⵎⵉⵏⴰⴳⵜ ⵉⴷⴷⵔⴰⵏ ⵖ Sharq.Org ⵢⴰⵔⴰ ⴰⵍ ⵛⵀⴰⵢⴷ ⴼ ⵉⵔⵉⵎ ⵏⵙ ⵖ ⵉⵙⵍⵍⵡⵉ ⵏ ⵜⴰⵔⴰⴱⵓⵜ ⵏ ⴰⵎⵣⵔⵓⵢ ⴰⵎⵉⵡⴰⵏ “ⵍⵎⵓⵃⵔⴰⵎⴰⵜ ⴷ ⵡⴰⵎⵓⵏ” ⴷ ⴰⵙⵙⵔⵅⵓ ⵏ ⵓⵙⴱⵓⵖⵍⵓ ⵏ ⴽⵓⵍⵉⴽⵜⵉⵠⴰ ⵛⴰⵎⵉⵍⴰ, ⵜⴰⵔⵔⴰⴱⵓⵜ ⵏ ⵜⵉⵎⵖⴰⵔⵉⵏ ⴷ ⵉⵄⵔⵉⵎⵏ ⵍⵉ ⵉⵎⵢⴰⵡⴰⵙⵏ ⵖ ⵓⵛⵏⵓⴱⵛ ⴷ ⴰⵣⵎⴰⵎ ⵏ ⵉⴹⵉⵚ ⵏ ⵍⵎⵓⵃⵔⴰⵎⴰⵜ ⴼ ⵓⵙⴱⵓⵖⵍⵓ ⵖ ⵜⴰⵎⵏⴰⴹⵜ ⵜⴰⵄⵔⴰⴱⵜ ⴷ ⵍⵉ ⵉⵜⵜⵓⴼⵙⴰⵔⵏ ⵉⵙⵡⵉⵏⴳⵉⵎⵏ ⵏⵙ ⴷ ⵜⴰⵢⴰⴼⵓⵜⵉⵏ ⵏⵙ ⵖ ⵍⵎⵉⵏⴰⵚⴰ ⵍⵉ ⵉⴳⴰⵏ ⵙ ⵡⴰⵙⴰⵖ Taboohat.
ⴰⵣⵓⵍ. ⴰⵙⴰⵖ ⵉⵏⵓ ⵉⴳⴰⵜ ⵢⴰⵔⴰ ⴰⵍⵛⵀⴰⵢⴷ. ⵖ ⵜⵉⵍⴰⵍⵜ ⵉⵏⵓ ⵍⵉⵖ ⴳⵉⵖ ⵜⴰⵎⵉⵏⴰⴳⵜ ⵉⴷⴷⵔⴰⵏ ⵖ Sharq.Org, ⵙⴽⵔⵖ ⵉⵏⵎⵓⵇⴰⵔⵏ ⴼ ⵍⵎⵓⵃⵔⴰⵎⴰⵜ ⴷ ⵓⵙⴱⵓⵖⵍⵓ ⴰⵏⴰⵎⵓⵏ ⴷ ⵜⵉⵎⵖⴰⵔⵉⵏ ⵖ ⵜⵓⴳⵜ ⵏ ⵜⵉⵎⵉⵣⴰⵔ ⵖ ⵜⴰⵎⵏⴰⴹⵜ ⵜⴰⵄⵔⴰⴱⵜ. ⵜⵉⵎⵖⴰⵔⵉⵏ ⵍⵉ ⵉⴳⴰⵏ ⵣⵖ ⵍⴰⵄⴹⴰ ⵏ ⵜⴰⵔⴰⴱⴱⵓⵜ ⵜⵙⵏⵜⵉ ⴷ ⵜⵏⵀⵍⵍⴰ ⵣⵖ ⴷⴰⵔ Sharq.Org ⴷ ⵜⴰⵎⵢⴰⵡⵙⵜ ⴷ Alexandra Sandels Firma ⴷ ⴰⵙⵉⵏⴰⴳ ⴰⵙⵡⵉⴷⵉ.
ⵙⵎⴷⴰⵙ ⵓⵍⵍⴰ ⴰⵙⵙⵔⵅⵓ ⵏ ⵉⴳⵔⴰⵡⵏ ⵉⵏⵎⵍⴰⵙⵙⵏ ⵍⵉ ⵙ ⵜⵖⴰⵔⴰⵙⵜ ⵏⵙ ⵉⴳⵎⴰⵎⵏ ⵏ ⴽⵓⵍⵉⴽⵜⵉⵠⴰ ⵙⵡⵉⵏⴳⵎⵏ ⴷ ⵙⴱⵓⵖⵍⴰⵏ ⵜⵉⵡⵏⴳⵉⵎⵉⵏ ⴷ ⴰⴽⵜⵜⵓⵔ ⵉ Tabohat.org, ⴼⵊⵉⵊⴰⵖ ⵙ ⵍⵉⵎⵜⵉⵢⴰⵣ ⵏ ⵓⵙⴼⵍⴷ ⵉ ⴽⵔⴰ ⵖ ⵍⴰⵄⴹⴰ ⵢⴰⵏ ⵙ ⵢⴰⵏ ⴷ ⴰⵙⵙⴰⵏ ⵏ ⵉⵔⵉⵎⵏ ⵏⵙⵏ ⵉⵏⵉⵎⴰⵏⵏ ⴷ ⵜⵉⵡⵏⴳⵉⵎⵉⵏ ⵏⵙⵏ ⴼ ⵍⵎⵓⵃⵔⴰⵎⴰⵜ, ⵙⵍⴰⵡⴰⵏ ⴰⴽⴽ ⵅⵜⵜⵉⵍⵉ ⵙ ⵙⵢⴰⴼⴰⵏ ⴰⵔ ⴹⵉⵚⵏⵜ ⴼ ⴰⵙⴱⵓⵖⵍⵓ ⵖ ⵜⴰⵎⴰⵣⵉⵔⵜ ⵏⵙⵏ. ⵜⵓⴼⵙⴰⵔⵏ ⵉⵏⵎⵓⵇⴰⵔⵏ ⵎⵓⵏⵏ ⵙ ⵜⴰⵔⴰⴱⵓⵜ ⵙ ⴰⵣⵡⵍ ⵏ ” ⵍⵎⵓⵃⵔⴰⵎⴰⵜ ⴷ ⴰⵎⵓⵏ” ⵜⵜⵓⴼⵙⴰⵔ ⵖ ⵍⵎⵉⵏⴰⵚⴰ ⵏ ⴰⵎⵣⵔⵓⵢ ⴰⵎⵉⵡⴰⵏ Tarikhi.Org.
ⵍⴰⵏ ⵖ ⵉⵏⵎⵓⵇⴰⵔⵏ ⴰⴷ ⵉⵎⵖⵏⴰⵙⵏ ⵏ ⴰⵎⵓⵏ ⵓⵖⵔⵉⵎ ⴷ ⵜⵉⵙⴳⵉⵡⵉⵏ ⵜⵉⵎⵙⴽⴰⵔⵉⵏ ⵍⵍⵉ ⵉⵙⵓⵡⵔⵉⵏ ⵙ ⵖⵉⵍⴰⴷ ⵖ ⵜⵉⵙⵓⵜⴰⵍ ⴱⴰⵀⵔⴰ ⵉⵛⵇⴰⵏ, ⵣⵓⵏⴷ: ⵉⵎⵏⵖⵉⵜⵏ ⴷ ⵉⵎⵔⴷⵓⴽⵓⵜⵏ ⵖ ⵍⵢⴰⵎⴰⵏ ⴷ ⵍⵉⴱⵢⴰ ⴷ ⵙⵓⵔⵢⴰ; ⵜⴰⵙⵙⴰⵙⵜ ⵍⵉ ⴷⴰⵔ ⵎⵏⴰⵡ ⵓⴷⵎⴰⵡⵏ ⵖ ⵍⵓⴱⵏⴰⵏ ⵍⵉ ⵉⴼⵍⵏ ⵍⴰⵟⵔⵜ ⵏⵙ ⴼ ⵎⵉⴷⵏ ⵍⵉ ⴱⴰⵀⵔⴰ ⵉⵥⵍⴹⵏ, ⵏⴳⵔⴰⵜⵙⵏ ⵉⵎⵙⵓⵡⵔⵉⵏ ⵉⵎⵣⵡⴰⴳⵏ ⴷ ⵣⵡⴰⵎⵍ; ⵡⴰⵔ ⴰⵔⴳⴳⵉⴳ ⵖ ⵍⵄⵉⵔⴰⵇ ⴷ ⵜⴰⵎⴰⴳⵉⵜ ⵜⴰⵎⴰⵣⵉⵖⵜ ⵍⵉ ⵉⵜⵜⵓⵢⵇⵀⴰⵔⵏ ⵖ ⵍⵎⵖⵔⵉⴱ.
ⵜⵓⵙⴽⴰⵔⵏ ⵉⵏⵎⵓⵇⴰⵔⵏ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ ⵎⴰⵢⴰⵏ ⴰⴼ ⵏⵙⴽⵔ ⵍⵒⵓⴷⴽⴰⵙⵜ ⴰⴷ ⵙ ⵜⵓⵜⵍⴰⵢⵜ ⵜⵉⵏⴳⵍⵉⵣⵉⵜ ⴰⴼⴰⴷ ⴰⴷ ⵏⵙⵎⵏⵉⴷ ⵡⴰⵔ ⵉⵎⵙⴰⵡⴰⵍⵏ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ ⵢⴰⵏ ⵓⴳⵣⵓⵎ ⴰⵎⴰⵜⴰⵢ ⴼ ⴽⵔⴰⵏ ⵉⵔⵎⵎⵓⵙⵏ ⴷ ⵉⵔⵉⵎⵏ ⵍⵉ ⵉⵜⵜⵓⵢⴷⵔⴰⵏ ⵣⵖ ⴷⴰⵔ ⵎⵉⴷⵏ ⵍⵉⴷⴷⴰ ⵏⵙⴽⵔ ⵉⵏⵎⵓⵇⴰⵔⵏ. ⵙ ⵖⵉⴽⴰⵏ, ⵜⵣⴹⴰⵔⵜ ⴰⴷ ⵜⵖⵔⵜ ⵉⴹⵕⵉⵚⵏ ⵉⴽⵎⵍⵏ ⵏ ⵉⵏⵎⵓⵇⴰⵔⵏ ⵙ ⵜⵓⵜⵍⴰⵢⵜ ⵜⵉⵏⴳⵍⵉⵣⵉⵜ, ⴷ ⵓⵍⴰ ⵜⵓⵏⵖⵉⵍⵜ ⵜⴰⵄⵔⴰⴱⵜ ⵜⴰⵕⵚⵍⵉⵜ, ⵖ ⴰⵙⵉⵜ Tarikhi.org
ⵖ ⵜⵉⵣⵉ ⵏ ⵓⵙⴼⵍⴷ ⵏ ⵉⵔⵉⵎⵏ ⵏ ⵎⵉⴷⴷⵏ ⵍⵉⴷⴷⴰ ⵎⴰⴳⴰⵔⵖ ⵖ ⵜⵉⵣⵉ ⵏ ⴰⵡⴰⵍ ⵉⵏⵓ ⴷⵉⵙⵏ, ⵙⵢⴰⴼⴰⵖ ⵙ ⵢⴰⵜ ⵜⴰⵖⴰⵔⴰⵙⵜ ⵎⴰⵙⴷ ⴳⵉⵖ ⵢⴰⵏ ⵓⴳⵣⵓⵎ ⵣⵖ ⵓⵎⵓⴷⴷⵓ ⵏⵙⵏ, ⵜⵄⵎⵔ ⵙ ⵜⴰⴷⴷⵎⵉⵏⵉⵏ ⵉⵙⴷⵉⴷⵏ ⴷ ⵉⴷⴱⴰⵢⵟⴰⵔ ⴷ ⵉⴷ ⵚⴰⵃⴰ ⵎⵥⵥⵉⵏ ⴷ ⵓⵍⵍⴰ ⵡⵉⴷ ⵎⵇⵓⵔⵏ. ⵍⵎⴷⵖ ⵓⴳⴳⴰⵔ ⴼ ⵉⵎⵏⴰⴹⵏ ⵏⵙⵏ, ⴷ ⴰⴽⴽⴰⵙ ⵏ ⵜⵉⵍⵍⴰⵙ ⴼ ⵜⵉⵡⵍⴰⴼⵉⵏ ⵍⵉⵢⴰⴷ ⵉⵍⵍⴰⵏ, ⴷ ⴰⵙⵙⴼⵙⵉ ⵏ ⵍⵎⵓⵃⵔⴰⵎⴰⵜ, ⴷ ⴰⵏⵏⵓⵜ ⵢⴰⵏ ⵓⵙⵎⴰⵇⵍ ⴼ ⵎⴰⵎⵏⴽ ⵙⴰⵜⵜⴼⵔⴰⴹ ⵍⵎⵓⵃⵔⴰⵎⴰⵜ ⵜⵉⵏⴰⵎⵓⵏⵉⵏ ⵉⵎⵢⴰⵏⴰⵡⵏ ⵢⴰⵏ ⵓⵥⴰⵥⵓ ⵎⵇⵓⵔⵏ ⴼ ⵜⵓⴷⵔⵜ ⵏⵙⵏ ⴰⴽⵓⵢⴰⵙⵙ.
ⵜⵓⵊⵊⴰ ⵢⴰⵜ ⵜⴰⵡⵍⴰⴼⵜ ⵖ ⵉⵥⵟⵡⴰⵏ ⵏ ⵓⵏⵢⴰⵍⴽⴰⵎ ⴰⵏⴰⵎⵓⵏ ⵢⴰⵜ ⵜⴰⵎⵖⴰⵔⵜ ⵖ ⵍⵄⵉⵔⴰⵇ ⴰⴷ ⵜⵜⵎⴰⵜⵉ ⵣⵖ ⵓⴷⵡⴰⵔ ⵏⵙ ⴰⵛⴽⵓ ⵉⴳⴰ ⵣⵖ ⵍⵎⵓⵃⵔⴰⵎⴰⵜ ⴰⴷ ⵜⵜⵎⵍ ⵓⴷⵎⵙⵏ ⵉ ⵓⴳⴷⵓⴷ. ⵉⵍⵍⴰ ⴼ ⵢⴰⵜ ⵜⴰⵎⴷⵢⴰⵣⵜ ⵖ ⵍⵄⵉⵔⴰⵇ ⴰⴷ ⵜⵜⴼⵍ ⵜⴰⵎⴷⵢⴰⵣⵜ ⴰⵛⴽⵓ ⵉⴳⴰ ⵢⴰⵏ ⴰⵎⴰⵖⵏⵓ ⴰⵥⵓⵕⴰⵏ ⵉⵥⵍⵍⵉⵏ ⵙ ⵉⵔⴳⴰⵣⵏ. ⵢⴰⵜ ⵜⴰⵎⵙⵓⵡⵔⵉⵜ ⵜⴰⵏⴰⵎⵓⵏⵜ ⵖ ⵍⵢⴰⵎⴰⵏ ⵜⵙⵎⵔⵙ ⵍⴽⴰⵔⵟⴰ ⵏ ⵜⴰⵎⴰⴳⵉⵜ ⵉⵥⵓⵡⵔⵏ ⴰⴼⴼⴰⴷ ⴰⴷ ⵜⵣⵔⵉ ⵖ ⵢⴰⵜ ⵜⴰⵏⵇⵉⵟ ⵏ ⵜⴰⵎⴳⴳⵉⵡⵙⵜ ⴷ ⵢⴰⵏ ⵓⵎⵙⵓⵡⵔⵉ ⴷⵉⵙ ⵉⴳⴰⵏ ⴰⵔⴳⴰⵣ, ⴰⵛⴽⵓ ⵜⵉⵎⵖⴰⵔⵉⵏ ⵓⵔ ⴷⴰⵔⵙⵏⵜ ⴰⵣⵔⴼ ⴰⴷ ⵎⵓⴷⴷⵓⵏⵜ ⵖ ⵎⴰⵔⵔⴰ ⵜⵉⵙⴳⵉⵡⵉⵏ ⵏ ⵜⴰⵎⴰⵣⵉⵔⵜ ⴰⴱⵍⴰ ⴷ ⴰⵢⵜ ⴷⴰⵔⵙ ⵉⴳⴰⵏ ⵉⵔⴳⴰⵣⵏ. ⵉⵜⵜⵓⵢⵜⴰⵀⴰⵎ ⵢⴰⵏ ⵓⵎⵖⵏⴰⵙ ⵖ ⵍⵉⴱⵢⴰ ⴰⵔ ⵉⵙⴱⵉⵔⵉⵃ ⵙ ⵜⴰⴷⵔⴼⵉ ⵜⴰⵙⴳⴷⴰⵏⵜ ⵎⴰⵙ ⵉⴳⴰ ⵣⴰⵎⵍ ⴷ ⴰⵔⵉⵙⴰⵢⴽⴰ ⵍⵉⵍⵃⴰⴷ ⵖ ⵏⴳⵔ ⵎⵉⴷⴷⵏ, ⴷ ⵙⵏⴰⵜ ⵉⵜⵜⵙⵏ ⴳⴰⵏⵜ ⵣⵖ ⵍⵎⵓⵃⵔⴰⵎⴰⵜ ⵜⵉⵏⴰⵎⵓⵏⵉⵏ ⵉⵇⵇⵏ, ⴷ ⵉⴽⵛⵎ ⵖ ⵜⵉⴳⵉⵔⴰ ⵍⵃⴰⴱⵙ. ⵅⵜⵉⴷ ⴳⴰⵏⵜ ⵣⵖ ⵜⵓⴳⵜ ⵏ ⵉⵔⵉⵎⵏ ⴷ ⵜⴰⴷⵎⵉⵏⵉⵏ ⵍⵉ ⵉⵜⵜⵓⵢⴷⵔⴰⵏ ⵖ ⵉⵙⴷⴷⵉⵜⵏ ⵏ ⵍⵒⵓⴷⴽⴰⵙⵜ ⴰⴷ ⵍⵉⵖ ⵍⴰⵏⵜ ⴽⵔⴰⵟ ⵏ ⵜⵉⵙⴷⴷⵉⵜⵉⵏ ⵍⵉⴷ ⵜⵙⴼⵓⵖ ⴷ ⵜⵜⵓⵍⵙ ⵜⴰⵏⵖⵎⴰⵙⵜ ⵜⴰⵙⵡⵉⴷⵉⵜ ⴰⵍⵉⴽⵙⴰⵏⴷⵔⴰ ⵙⴰⵏⴷⵍⵣ.
ⴰⵔⴰⵡⵏ ⴰⵇⵔⴰⵖ ⴰⴷ ⵜⵙⴼⵍⴷⵎ ⵉ ⵉⵎⵙⴷⴷⵉ ⴷ ⴰⵙⵙⴰⵏ ⵓⴳⴰⵔ ⴼ ⵍⵎⵓⵃⵔⴰⵎⴰⵜ ⵉⵏⴰⵎⵓⵏⵏ ⵏⵉⵛⴰⵏ ⵣⵖ ⴷⴰⵔ ⵡⵉⵍⵉ ⵙⵉⵙ ⵉⴹⵉⵚⵏ, ⴷ ⴼ ⵎⴰⵎⵏⴽ ⵙ ⵎⴰⵖⵏ ⵉⵎⵖⵏⴰⵙⵏ ⴰⴷ ⴷ ⵉⵏⴳⵔⴰⵡⵏ ⵍⵉ ⵢⵓⵜⵏ ⵙ ⵉⵥⵓⵕⴰⵏ ⵏⵙ ⵖ ⴰⵔⴽⴽⵯⵉⴷ ⵓⵍⵍⴰ ⵜⵉⵎⵢⴰⵇⵇⴰⵏⵉⵏ ⵉⴳⵔⴰⵖⵍⴰⵏⵏ ⴼⵛⵍⵏⵜ ⵖ ⵜⵜⴰⵃⴰⴷⵉ ⵏⵙⵏ ⴷ ⴰⵙⵏⴼⵍ ⵏⵙⵏ.
ⴷ ⴰⵔⴰⵡⵏ ⴰⵇⵔⴰⵖ ⵓⵍⴰ ⴰⴷ ⵜⵙⴼⵍⴷⵎ ⵉ ⵓⵙⵓⵙⵔ ⵏ ⵉⵏⵎⵓⵇⴰⵔⵏ ⵉⵕⵚⵍⵉⵏ ⴷ ⴰⵖⵔⴰⵡ ⵏ ⵉⴹⵕⵉⵚⵏ ⵙ ⵙⵏⴰⵜ ⵜⵓⵜⵍⴰⵢⵉⵏ ⵜⴰⵄⵔⴰⴱⵜ ⴷ ⵜⵉⵏⴳⵍⵉⵣⵉⵜ ⵖ ⴰⵙⵉⵜ ⵏ Tarikhi.Org. ⵏⴽⵯⵏⵉ ⵖ Sharq.Org ⵏⵓⵎⵏ ⵙ ⴰⴳⴳⴰⴹ ⴷ ⴰⵜⵉⴳ ⵏ ⵜⴰⴷⴷⵎⵉⵏⵉⵏ ⵉ ⵓⵙⵎⵏⵉⴷ ⵏ ⵢⴰⵏ ⵡⴰⵍⵍⴰⵙ ⵢⴰⴹⵏⵉⵏ, ⴷ ⴰⵙⵃⵉⵢⴷ ⵏ ⴰⵙⵓⵔⵙ ⵍⵉ ⵉⵍⵍⴰⵏ ⵖⵉⵍⴰⴷ, ⴷ ⴰⴱⴱⴰⵢ ⵏ ⴰⴽⵡⴰⵛ ⵏ ⵡⴰⵍⵍⴰⵙ ⵏ ⵜⴰⴷⴷⵎⵉⵏⵉⵏ ⵍⵉ ⴹⵓⴼⵏ ⵜⵉⵎⵃⴹⴰⵢ ⵉⵎⴰⴷⴷⵓⴷⵏ ⵢⴰⵜ ⵜⵉⵣⵉ ⵉⵖⵣⵉⴼⵏ.
