ⵡⴰⵅⴰ ⵜⵉⵙⵡⵉⵏⴳⵉⵎⵉⵏ ⵜⵉⵙⵏⴼⵍⴰⵍ ⵍⵉ ⵙⴽⴰⵔⵏⵜ ⵜⵉⵎⵖⴰⵔⵉⵏ, ⴷ ⵜⴰⵣⵣⵉⴷⵔⴰ ⵏ ⵜⴰⵡⵔⵉ ⴷ ⴰⴷⵔⴰⵡ ⵏ ⵚⴰⵃⵜ.
ⵎⴰⵛ ⵉⵍⵍⴰ ⵙⵓⵍ ⵢⴰⵏ ⵜⴰⴳⵯⵉⵜ ⵜⴰⵏⴰⵎⵓⵏⵜ ⴷ ⴰⵙⴼⵓⵖ ⴰⵏⴰⵎⵓⵔ ⵏ ⵜⵉⵎⵖⴰⵔⵉⵏ, ⴰⵔ ⵉⵣⵔⴰ ⵡⴰⵎⵓⵏ ⵎⴰⵙⴷ ⵉⴳⵔⴹⴰⵏ ⵏ ⵜⵉⵎⵖⴰⵔⵉⵏ ⵓⵔ ⵙⵜⴰⵡⵀⵎⴰⵏ ⴷ ⵓⵔⴰⴷ ⴷⵔⵓⵏ ⵖ ⵉⵙⵍⵍⵡⵉ ⵏ ⵜⴰⵖⵜⴰⵙⵜ.
ⵡⴰⵅⴰ ⵎⴰⵔⵔⴰ ⵉⵎⵓⴽⵔⵉⵙⵏ ⵎⵇⵓⵔⵏ, ⵎⴰⵛ ⵜⴰⵎⵖⴰⵔⵜ ⵜⴰⵢⴰⵎⴰⵏⵉⵜ ⵜⵍⴽⵎ ⵢⴰⵜ ⵜⴰⵎⴽⵔⵔⴰ ⵖ ⵔⵡⵉⴹⴰ ⵜⴰⴷⴰⵎⵙⴰⵏⵜ, ⴷ ⵏⴰⵊⴰⵃⴰⵜ ⵉⵜⴰⴱⵄⴰⵏⵉⵏ ⵍⵉⵖ ⵜⴳⴰ ⵜⴰⵎⵙⵓⵡⵔⵉⵜ ⵏⵖ ⵓⵍⵍⵜ ⴰⵙⵏⵜⵉ ⵉⵥⵍⵉⵏ. ⴰⵛⴽⵓ ⵉⵖⵍⵉ ⵓⵟⵟⵓⵏ ⵏ ⵜⵉⵎⵖⴰⵔⵉⵏ ⵍⵉ ⵉⵙⵙⵓⵡⵔⵉⵏ ⵖ ⵜⵓⴳⵜ ⵏ ⵉⴳⵔⴰⵏ ⵖ ⵓⵙⴳⴰⵙ ⵏ 2022 ⴰⵔ 75% ⵙ ⵍⵎⵓⵇⴰⵔⴰⵏⴰ ⴷ ⵉⵙⴳⴰⵙⵏ ⵍⵉ ⵣⵔⵉⵏⵉⵏ. ⴷ ⵖ ⵓⵙⴽⵍⵓ ⵏ ⵎⴰⵔⵔⴰ ⵉⵎⵏⵖⴰⵏ ⴷ ⵜⵉⴽⵕⴹⵉ ⵜⴰⵏⴰⵎⵓⵏⵜ ⴷ ⴰⵇⵇⴰⵏ ⴰⵎⴰⵢ ⵉ ⵜⵉⵎⵖⴰⵔⵉⵏ ⵍⵉ ⵉⵙⵓⵡⵔⵉⵏⵉⵏ ⵖ ⵍⵢⴰⵎⴰⵏ. ⵎⴰⵛ ⵎⴰⵖⵏⵓⵏⵜ ⵢⴰⵏ ⵓⵙⵏⵉⵃⵢⵉ ⵏ ⵚⴰⵃⵜ ⵎⵇⵓⵔⵏ ⵖ ⵓⵙⴱⵓⵖⵍⵓ ⴷ ⴰⵎⵎⴰⵜⴰⵢ ⵙ ⵜⴰⴷⴰⵎⵙⴰ ⵜⴰⵏⴰⵎⵓⵔⵜ.
ⵜⴰⴷⵎⵉⵏⵜ ⵏ ⵢⴰⵜ ⵜⴰⵎⵣⵡⴰⴳⵜ
ⵓⵔ ⵢⴰⴷⵍⵉ ⵙⵏⵖ ⵎⴰⵙⴷ ⴰⵎⵓⴷⴷⵓ ⵉⵏⵓ ⵔⴰⴷ ⵉⵙⵙⵔⴳ ⵙ ⵍⵅⵙⴰⵔⵜ ⵏ ⴽⵓⵍⵛⵉ, ⵏⴽⵉ ⴳⵉⵖ ⵎⴰⵔⵢⴰⵎ ⵢⴰⵜⵜ ⵍⵉ ⵉⴼⵓⴽⴽⴰⵏ ⵖ ⵓⵎⵏⵖⵉ. ⵎⵎⵓⵜⵜⵉⵖ ⴷ ⵜⴰⵡⵊⴰ ⵉⵏⵓ ⴰⵏⴷⴷⵔ ⵖ ⵓⴷⵖⴰⵔ ⵢⴰⴹⵏⵉⵏ. ⴳⵉⵖ ⵣⵖ ⵢⴰⵜ ⵜⴰⵡⵊⴰ ⵍⵉ ⴷⴷⴰⵔ ⵍⴰⴱⴰⵙ ⵎⴰⵛ ⵏⵅⵙⵔ ⴽⵓⵍⵛⵉ. ⵜⵉⴳⵎⵉ ⵏⵖ ⴷ ⵜⴰⵙⴱⴰⴱⵜ ⵏ ⴱⴰⴱⴰ.
ⵓⵔⴰⵖ ⵙⵓⵍ ⵉⵖⴰⵎⴰ ⵡⴰⵍⵓ ⵃⵜⴰ ⴱⴰⴱⴰ ⵉⵎⵓⵜ.
ⴼⵓⵖⴰⵖ ⴰⴷ ⵣⵏⵣⴰⵖ ⵍⴱⵅⵓⵔ ⵖ ⵙⵓⵇ, ⵎⴰⵛ ⵓⵔ ⵣⴷⴰⵔⴰⵖ ⴰⴷ ⵙⵓⵍ ⵙⵓⵡⵔⵉⵖ.
ⵀⵍⵍⵉ ⵍⵉⵖ ⵖ ⵓⴷⵖⴰⵔ ⵍⵉ ⴽⵓⵍⵓ ⵉⵅⵛⵏ ⵖ ⵙⵓⵇ, ⵓⵔ ⵔⴰⵄⵉⵏ ⵖⴰⵢⵍⵉ ⵏⵃⵜⵜⴰⵊⴰ, ⵜⵄⴰⵎⵍⵏ ⴷⵉⵜⵉ ⵣⵓⵏⴷ ⵉⵖ ⴷⵉⵡⵉⵖ ⵍⵎⵓⵏⴽⴽⴰⵔ. ⵢⵓⵊⵊⴰⵢⵉ ⵎⴰⵢⴰⴷ ⴰⴷ ⵜⵄⵔⴷⴰⵖ ⵉ ⵍⵉⵏⵜⵉⵇⴰⴷⴰⵜ ⴷ ⵜⵉⴽⵕⴹⵉ, ⴳⴰⵏⵜ ⵜⵉⴳⴳⵓⵔⵉⵡⵉⵏ ⵍⵉ ⵉⴱⴱⵔⵉⵏ ⵣⵓⵏⴷ ⵜⵉⴼⴰⵡⵉⵏ. ⴰⵔ ⵙⴼⵍⵉⴷⵖ ⵉ ⵓⵔⵙⵓⵍ ⵉⵖⴰⵎⴰ ⴰⴱⵍⵍⴰ ⵜⵉⵎⵖⴰⵔⵉⵏ ⴰⴷ ⵙⵓⵡⵔⵉⵏⵜ ⵖ ⵙⵓⵇ, ⵎⴰⵏⵣⵣⴰ ⴱⴰⴱⴰⵙ ⴰⵙⵜ ⵉⵔⴱⴱⵓ, ⵜⵉⵎⵖⴰⵔⵉⵏ ⴰⴷⵖⴰⵔ ⵏⵙⵏ ⵜⵉⴳⵎⵉ, ⴱⵍⴰ ⵍⵃⵢⴰ, ⵅⵜⴰⵍⵉ ⵉⴼⵓⵖⵏ ⵖ ⵜⵉⴳⵎⵉⵏⵙ ⵉⴳⵯⵉⵣⴷ ⵡⴰⵜⵉⴳ ⵏⵙ. ⴷ ⵜⵓⴳⵜ ⵏ ⵉⵡⴰⵍⵉⵡⵏ ⵢⴰⴹⵏⵉⵏ, ⵖⵉⴽⴰⵏ ⴰⵙ ⴳⵓⵔⵉⵖ ⵜⵜⵓⴷⵃⴰⵢⵖ ⵣⵖ ⵙⵓⵇ ⴰⵛⴽⵓ ⴳⵉⵖ ⵜⴰⵎⵖⴰⵔⵜ ⴷ ⵉⴳⴳⴰ ⴰⵅⵛⵛⴰⵏ ⴰⵜⴳ ⵜⵎⵖⴰⵔⵜ ⵜⴰⵙⴱⴱⴰⴱⵜ ⵖ ⵙⵓⵇ.
ⴰⴼⵜⵜⵓⵢ ⵏ ⵜⴰⵡⴰⵔⴳⵉⵜ
ⴰⵙⴰⵖ ⵉⵏⵓ ⵃⵓⵔ, ⴳⵉⵖ ⵜⴰⴷⴳⴰⵍⵜ ⴷ ⵓⵍⵍⴰ ⵜⵉⴳⵉⴳⵉⵍⵜ. ⴷⴷⵔⵖ ⵏⴽⵉ ⴷ ⴰⴼⵔⵓⵅ ⵉⵏⵓ ⵎⵥⵉⵏ ⵖ ⵢⴰⵏ ⵓⴷⵖⴰⵔ ⵉⵔⵡⴰⵙⵏ ⵜⴰⵎⴷⵉⵏⵜ ⵖ ⵢⴰⵜ ⵍⵎⵓⵃⴰⴼⴰⴹⴰ ⵖ ⵍⵢⴰⵎⴰⵏ, ⴰⵡⴰⵔ ⵏ ⵍⵎⵓⵜ ⵏ ⵓⵔⴳⴰⵣ ⵉⵏⵓ ⵓⵔ ⵏⵓⴼⵉ ⵎⴰⴷⴰⵖ ⵢⴰⴽⴽⴰⵏ ⵜⵓⴷⵔⵜ ⵉⴳⴰⵏ ⴽⴰⵔⵉⵎⴰ. ⵓⵔ ⴳⵉⵖ ⵉⵙⴰⵇⵙⴰ ⵃⵜⴰ ⵢⴰⵏ ⵏⴽⵉ ⴷ ⵡⴰⵔⴰⵡ ⵉⵏⵓ ⵣⵖ ⵜⴰⵡⵊⴰ ⵏ ⵓⵔⴳⴰⵣ ⵉⵏⵓ. ⴷⴷⵔⵖ ⵏⴽⵉ ⴷ ⵉⵡⵉ ⵜⵓⴷⵔⵜ ⵉⵛⵇⴰⵏ ⴰⵔ ⵏⵟⴰⵎⵣ ⵉⵎⵉⴽ ⵎⴰⴷ ⵏⵛⵜⵜⴰ ⴰⵖⴰⵔ ⴷⴰⵔ ⵡⴰⴷⵊⵊⴰⵔⵏ. ⵎⴰⵛ ⵉⵥⵉⵢⵔ ⴼⵍⵍⴰⵜⵉ ⵍⵃⴰⵍ ⴷ ⵓⵔ ⵙⵓⵍ ⵣⴷⴰⵔⴰⵖ ⴰⴽⴽⴰ ⴱⵉⴷⵖ.
ⴱⴷⴷⵉⵖ ⴰⵔ ⵜⵍⵎⴰⴷⵖ ⴷ ⵢⴰⵜ ⵖ ⵜⵉⵎⵔⵙⴰⵍ ⵍⵉ ⵉⵙⵙⵓⵡⵔⵉⵏ ⵖ ⵓⵙⵙⴷⵓⵙ ⵏ ⵜⵉⵎⵖⴰⵔⵉⵏ ⴷ ⴰⵔⴰⵙ ⵏⵜⵜⴰⴽⴰ ⵍⵎⵓⵄⴰⵡⴰⵏⴰ ⴰⴼⴰⴷ ⴰⴷ ⵎⵔⵣⵎⵏⵜ ⴰⵙⵏⵜⵉ ⵍⵉ ⵙⵉⵙⵏⵜ ⵉⵥⵍⵉⵏ. ⴽⵎⵍⵖ ⴰⵙⵎⵓⵜⴳ ⴷ ⵓⵎⵣⴰⵖ ⵍⵎⵉⵏⵃⴰ ⴷ ⵎⵔⵣⵎⴰⵖ ⵢⴰⵏ ⴽⴰⵛⴽ ⵎⵥⵉⵏ ⵖ ⵜⵓⵥⵓⵎⵜ ⵏ ⵙⵓⵇ, ⵏⴽⵉ ⴰⵢⴳⴰⵏ ⵜⴰⵎⵖⴰⵔⵜ ⵖ ⵙⵓⵇ ⴰⵏ. ⵣⴷⴰⵔⵖ ⴰⴷ ⵜⴱⴱⵜⴰⵖ ⵉⵍⵉ ⵉⵏⵓ ⴷ ⵍⵉⵃⵜⵉⵔⴰⵎ ⵉⵏⵓ ⵖⵉⵏ, ⴷ ⵉⵍⵍⴰⵇⴰ ⵓⵙⵏⵜⵉ ⵍⵉⵇⴱⴰⵍ ⵎⵇⵓⵔⵏ ⵙⵍⴰⵡⴰⵏ ⴰⴽⴽ ⴷⴰⵔ ⵜⵉⵎⵖⴰⵔⵉⵏ ⵍⵉⵖⴰⵙⵏ ⵜⵓⵡⴼⴰⵔⵖ ⵎⴰⵔⵔⴰ ⵖⴰⵍⵉⵜⵏⵜ ⵉⵅⵚⴰⵏ. ⵉⴽⴽⴰⵜⵉⵏ ⴰⵔ ⴼⵜⵓⵖ ⵙ ⵜⴰⵎⴷⵉⵏⵜ ⴰⵡⵉⵖⴷ ⵜⵉⵖⴰⵡⵙⵉⵡⵉⵏ ⵜⵉⵎⴰⵢⵏⵓⵜⵉⵏ ⵉⵥⵍⵉⵏ ⴰⴼⴰⴷ ⴰⵜⵏⵜ ⵣⵏⵣⴰⵖ. ⵉⴽⴽⴰⵜⵉⵏ ⵖⵉⵏ ⵢⴰⵏ ⵓⵙⴱⴰⴱ ⵍⵉ ⵉⵢⵉⵜⵃⴰⵔⴰⴱⵏ ⵖ ⵜⴰⵡⵔⵉ ⵉⵏⵓ ⴷ ⵓⵔⴰⴷ ⵉⵜⵜⴰⵊⴰ ⵉⵏⴼⴽⴰⵢⵏ ⴰⴷⴷⵉⵜⵉ ⵜⵏⵄⵉⵎⵉⵍⵏ ⵙ ⵓⵙⵔⴰⴳ ⵍⵉⵖ ⴳⵉⵖ ⵜⴰⵎⵖⴰⵔⵜ ⴷ ⵓⵔ ⴼⵍⵍⴰⵜⵉ ⵉⵍⵍⴰ ⴰⴷ ⵉⵍⵍⵉⵖ ⵖ ⵙⵓⵇ ⵣⵓⵏⴷ ⵏⴽⵉ ⵣⵓⵏⴷ ⵉⵔⴳⴰⵣⵏ ⴷ ⵎⴰⵢⴰⴷ ⵖⴰⵔ ⵍⵉⵖ ⴳⵉⵖ ⵜⴰⵎⵣⵉⵣⵡⵔⵜ ⵏⵙ ⵓⵣⵣⵏⵣ ⵏ ⵉⵀⴷⵓⵎⵏ ⵏ ⵜⵉⵎⵖⴰⵔⵉⵏ. ⵓⵔⴽⴽⴰ ⵉⵙⴽⵔ ⵎⴰⵢⴰⵏ, ⵉⴱⴱⴷⴰ ⴰⵔ ⵉⵜⵏⵛⴰⵔ ⵜⵉⴼⴰⵜⵜⴰⵍⵉⵏ ⵎⴰⵙⴳⵉⵖ ⵜⵓⵍⵍⵜ ⵜⵉⵎⴰⵙⴽⴰⵔⵉⵏ ⵉⵅⵛⵏ.
ⵉⵏⵢⴰⵍⴽⴰⵎ ⴷ ⵍⴰⵄⵎⴰⵎ ⵏ ⵜⴰⵔⵡⴰ ⵉⵏⵓ ⴷ ⵉⵏⵏⴰⵙⵏ ⵜⵉⴼⴰⵜⵜⴰⵍⵉⵏ ⴰⴷ, ⵙ ⵓⵙⵓⵔⴼ ⵓⵎⵎⵏ ⵎⴰⵢⴰⵏ ⴱⵍⵍⴰ ⵛⵏⵓⴱⵛⵏ, ⴰⴼⴰⵖⵜⵏⵉⴷ ⵍⴳⴳⴷⴰⵎ ⵉⵏⵓ ⵖ ⵙⵓⵇ ⴷ ⵢⴰⵏ ⵖ ⵍⵄⵎⴰⵎ ⵉⵏⵓ. ⵙⵙⴳⵉⵣⵏ ⴳⵉⵜⵜⵉ ⵔⵣⴰⵏ ⵜⵉⵡⴰⵔⴳⵉⵡⵉⵏ ⵉⵏⵓ ⵍⵉ ⴱⵏⵉⵖ ⴷ ⵜⵓⴷⵔⵜ ⵍⵉ ⵙⵍⵍⵡⵉⵖ, ⴷ ⵓⵔ ⵜⵀⵏⵏⴰⵏ ⴰⵢⵍⵉⵖ ⴼⴼⵜⵉⵖ. ⵟⵍⵇⵏ ⵉⵡⵇⵔⵢⴰⵏ ⴼⵍⵍⴰⵜⵉ ⵖ ⵜⵓⵥⵓⵎⵜ ⵏ ⵙⵓⵇ ⴷ ⴰⵎⵏⵉⴷ ⵏ ⵜⴰⵡⴰⵔⴳⵉⵜ ⵉⵏⵓ ⵎⵥⵥⵉⵏ, ⴰⴼⴰⴷ ⴰⴷⴳⴰⵖ ⵍⵄⵉⴱⵔⴰ ⵖⵉⴽⵍⵉ ⵙⴰⵜⵜⵉⵏⵉⵏ ⴷ ⴰⴷ ⵙⵉⵔⴷⵏ ⴰⵣⵡⴰⵔ ⵏⵙⵏ. ⴷ ⵓⵔ ⵙⵉⵏⵖ ⵏⴽⵉ ⵎⴰⵏ ⴰⵣⵡⴰⵔ ⵉⵍⵍⴰⵏ ⵖ ⵖⴰⵢⵍⵉ ⵙⴽⵔⵖ.
