ⵜⵉⵏⵥⵉ: ⵉⴽⴽⴰⵜⵉⵏ ⴱⴰⵜⵓⵍ ⵖ 2021-22 ⵜⴳⴰ ⵣⵖ ⴽⵓⵍⵉⴽⵜⵉⵠⴰ ⵙⵓⵔⵉⵢⴰⵜ, ⵜⴳⴰ ⵢⴰⵜ ⵜⵔⴰⴱⵓⵜ ⵏ ⵜⵉⵎⵖⴰⵔⵉⵏ ⵍⵉ ⵉⵙⵡⵔⵉⵏ ⴰⴼⴰⴷ ⴰⴷ ⵙⴷⵓⵏⵜ ⵍⴰⵎⴰⵏ ⴷ ⵍⵉ ⵜⵙⴽⵔ ⵟⵀⵍⵍⵓ ⴳⵉⵙ ⵜⴰⵎⴰⴷⴷⴰⵙⵜ ⵏ ⵛⴰⵔⵇ, ⵓⵔⵜⴰ ⵏⵜⵜⴽⵛⵎ ⵙ ⴽⵓⵍⵉⴽⵜⵉⵠⴰ ⵛⴰⵎⵉⵍⴰ.
ⵉⵔⵡⴰⵙ ⵎⴰⵙⴷ ⵜⴰⵖⴰⵡⵙⴰ ⵜⴰⵎⵣⵡⴰⵔⵓⵜ ⵍⵉ ⴷⵉⵜⴰⵛⴽⴰⵏ ⵙ ⵓⴳⴰⵢⵓⵏⴰ ⵉⵖ ⵙⵡⵉⵏⴳⵎⵖ ⵖ ⴽⵓⵍⵉⴽⵜⵉⵠⴰ, ⵉⴳⴰⵜ ⵜⴰⵣⵣⵉⴳⵣⵜ ⵙ ⵉⵣⵎⵓⵥⴰⵍ ⵎⵥⵥⵉⵏ, ⵙ ⵉⵔⵎ ⵢⴰⴹⵏⵉ, ⵓⵔ ⵏⵉⵖ ⵎⴰⵙⵜⵍⴰ ⵜⵉⴼⴰⵡⵜ ⵎⵥⵉⵏ ⴱⵍⴰ ⵍⴰⵏ ⵉⵙⵓⴳⴰⵎ ⴷ ⵉⵇⴰⵔⵉⴷⵏ ⴳⵓⵜⵏⵉⵏ ⴰⴼⴰⴷ ⴰⵏⵙⵎⵓⵏ ⵜⵓⴳⵜ ⵏ ⵎⵉⴷⵏⴰⴷ ⵍⵉ ⴷⴰⵔ ⵉⵔⵉⵎⵏ ⴷ ⵜⵓⴳⵜ ⵏ ⵜⵉⵙⵓⴳⴰⵔ ⴷ ⵜⵉⵎⵙⵙⴽⵜⴰⵢ ⵏ ⵜⵓⵡⵔⵉ ⵍⵉ ⵉⵄⵎⵔⵏ ⴰⵔ ⴰⵡⵜⵜⵓ, ⵎⴰⵛ, ⵢⴰⵜ ⵜⵙⵔⴰⴳⵜ ⵖ ⵉⵎⴰⵍⴰⵙ ⵜⵥⴷⴰⵔ ⴰⵜⵜⵓⵙⴽⴰⵔ ⵣⵖ ⵎⴰⵔⵔⴰ ⵎⵉⴷⵏ, ⵏⵖⴷ ⵓⵀⵓ ?
ⵖⵉⴽⴰⴷ ⴰⵙⵉⴱⴷⴰ ⵎⴰⵢⴰⴷ ⵖ ⴽⵓⵍⵉⴽⵜⵉⵠⴰ ⵙⵓⵔⵉⵢⴰⵜ, ⵙ ⴰⴼⵔⴰⵔ ⴰⴷ, ⴱⵍⴰ ⵉⵎⵙⵍⴰⴽⵏ ⵏⵖ ⵜⵓⵚⴽⵉⵡⵉⵏ, ⵜⵉⵎⵖⴰⵔⵉⵏ ⵣⵖ ⵜⵓⴳⵜ ⵏ ⵉⴷⵖⴰⵔⵏ ⵏ ⵙⵓⵔⵢⴰ ⴰⵔ ⵜⵎⵓⵏⴰⵏⵜ ⵖ ⵍⴰⵏⵜⵉⵔⵏⵉⵜ ⴽⴰⵢⴳⴰⵜ ⴰⴽⵕⴰⵙ ⵣⵖ ⵚⴷⵉⵚ ⴰⵔ ⵙⴰ ⵏ ⵜⴰⴷⴳⴳⴰⵜ. ⵎⴰⵛ ⵙ ⵡⴰⵜⵉⴳ ⵍⵉⵙ ⵉⵙⵙⵔⵖⴰ ⵎⴰⵢⴰⴷ ⴰⵚⵚⴰⴱ ⴳⵉⵖ, ⴰⴼⴰⴷ ⴰⵏⵉⵙⴰⵏ ⴷ ⴰⵏⵍⵎⴷ, ⵏⴱⴷⴰ ⵓⵍⴰ ⵙ ⵓⵣⵉⴳⵉⵣ ⵏ ⵉⴳⵔⴰⵡⵏ ⴰⵔ ⵏⵙⵍⴰⵢ ⵎⴰⴷ ⵜⴼⵔⴰⴹ ⵜⴰⴱⵔⵉⴷⵜ ⴰⴷ ⵏ ⵉⵎⵓⴽⵔⵉⵙⵏ.
ⴰⵔⴷⵉⵜⴰⵛⴽⴰ ⵖ ⵓⵎⵣⵡⴰⵔⵓ ⵏ ⵉⵎⵓⴽⵔⵉⵙⵏⴰⴷ, ⴰⵏⵎⴰⵔ ⵏ ⵜⴰⵄⴰⵎⵓⵍ ⴷ ⵡⵉⵍⵉ ⵓⵔ ⵜⵙⵏⵜ, ⵉⵇⴰⵏⴷ ⴰⴷ ⵜⴷⵔⵜ ⵖ ⵜⴰⵎⴰⵣⵉⵔⵜ ⵣⵓⵏⴷ ⵙⵓⵔⵢⴰ ⴰⴼⴰⴷ ⴰⴷ ⵜⴼⵀⵎⵜ ⵎⴰⵢⴰⴷ, ⴰⵛⴽⵓ ⵜⵓⴳⵜ ⵏ ⵉⵙⵓⵔⵉⵏ ⴷ ⵜⵉⵙⵓⵔⵉⵏ ⵖⴰⵙⴰⴷ, ⵡⴰⵅⴰ ⵙ ⵓⵙⵏⵉⵃⵢⵉ ⵏ ⵉⴷⵖⴰⵔⵏ ⴷ ⵜⵉⵣⴷⴰⵢⵉⵏ, ⴰⵔ ⴷⴷⴰⵔⵏ ⵢⴰⵜ ⵜⴰⵖⴰⵡⵙⴰ ⵎⴰⵔⵔⴰ, ⵉⴳⴰⵜ ⵜⵉⴽⵙⴰⴷ, ⵢⴰⵏ ⵖ ⵜⵓⴳⵜ ⵏ ⵓⴷⵎⴰⵡⵏ ⵏⵙ ⵉⴳⴰⵜ ⵜⵉⴽⵙⴰⴷ ⵖ ⵡⴰⵢⴰⴹ, ⴼ ⵎⴰⵢⴰⴷ ⴷ ⵓⵍⵍⴰ ⵖ ⵉⵏⵎⵓⴳⴰⵔⵏ ⵉⴳⵓⵜⵜⵏ ⵖⴰⵎⴰⵏⵜ ⴽⵔⴰⵏ ⵜⵉⵎⵖⴰⵔⵉⵏ ⵓⵔⴰ ⵜⵉⵔⵉⵏⵜ ⴰⴷ ⴷⵔⵓⵏⵜ ⵉⵏⵖⵎⵉⵙⵏ ⵏⵙⵏⵜ ⴷ ⵟⵉⵢⴰⴹ, ⵖⴰⴷ ⵙ ⵓⴳⴰⵢⵓ ⵏⵙ ⵉⵙⴽⵔⴰⵖ ⴱⴰⵢⵟⴰⵔ, ⵙⵍⴰⵡⴰⵏ ⴰⴽ ⵎⴰⵙⴷ ⵍⴰⵏⵜⵉⵔⵏⵉⵜ ⵓⵔⴰ ⵢⴰⴽⴽⴰ ⴰⵣⵎⵣⵣⵓ ⴰⴼⴰⴷ ⴰⴷ ⵜⵙⵙⴷⵓⵙⵜ ⵜⴰⵎⵢⵉⵎⴰⵏⵜ ⴷ ⵉⵙⵖⵡⴰⵏ ⵉⵏⵉⵎⴰⵏⵏ.
ⵣ ⵖⵉⴷ, ⴰⵖ ⵏⵓⴼⴰ ⵎⴰⵙⴷ ⵉⵇⴰⵏⴷ ⴰⵏⵎⴰⴳⴰⵔ ⵖ ⵡⴰⴽⴰⵍ, ⴷ ⵖ ⵓⵎⵏⴰⴹ ⴰⴷ ⴱⴰⵢⵏⴷ ⵜⵉⵎⵓⴽⵔⵉⵙⵉⵏ ⵢⴰⴹⵏⵉ, ⵅⵜⴰⵍⵉ ⴽⵓⵍⵓ ⴳⵉⵙⵏ ⵉⵀⵎⴰⵏ ⴰⵏⵎⴰⵔ ⵏ ⴰⵣⴷⴷⵓⵢ ⴷ ⴰⵎⵓⵙⵙⵓ ⵉⴳⵉ ⵏ ⵡⴰⴽⴰⵍ ⵏ ⵙⵓⵔⵢⴰ ⵉⵜⵜⵓⴱⴹⴰⵏ.
ⵣⵖ ⵜⵉⵎⵓⴽⵔⵉⵙⵉⵏ ⵢⴰⴹⵏⵉⵏ ⵉⴳⴰⵜ ⴰⵙⵢⴰⴼⴰ ⵙ ⴰⵡⴹⴹⵔ, ⴰⵛⴽⵓ ⵖ ⵜⵓⵚⴽⵉⵡⵉⵏ ⵜⵉⵙⵏⵎⴰⵍⵉⵏ ⵉⵥⵍⵍⵉⵏ, ⴽⴰⵢⴳⴰⵜ ⵢⴰⵏ ⵉⵙⵏ ⵎⴰⵢⴳⴰⵏ ⵜⴰⵡⵔⵉ ⵏⵙ ⴷ ⵎⴰⵔⴰⵢⵙⴽⴰⵔ, ⵎⴰⵛ ⵖ ⵜⴰⴱⵔⵉⴷⵜ ⴰⴷ ⵍⵉ ⵓⵔ ⵜⵓⵚⴽⵉⵡⵜ, ⵓⵔ ⴱⴰⵢⵏ ⵉⵡⵜⵜⴰ ⴼ ⵎⴰⵙ ⵉⵅⵚⴰ ⴰⵜ ⵏⴼⴽ, ⴷ ⵎⴰⵢⴰⴷ ⵉⵙⴽⵔⴰⵖ ⵛⵉⵡⴰⵛ ⵙⵍⴰⵡⴰⵏ ⴰⴽ ⵖ ⵜⵉⵣⵡⴰⵔ. ⴽⵔⴰ ⵖ ⵎⴰⵢⴰⴷ ⵉⵏⵖⵓⴱⴰ ⵜⵉⵣⵉ ⵍⵉⵖ ⵏⴱⴷⴰ ⴰⵔ ⵏⵙⵓⵡⵔⵉ ⵏⴳⵔⴰⵜⵏⵖ ⴼ ⵉⵙⵏⵜⴰⵢ, ⴰⵛⴽⵓ ⵓⵔ ⵜⵍⴰ ⴽⵔⴰⵏ ⵜⵖⴰⵔⴰⵙⵜ ⵢⵓⴼⵏ ⵉ ⵅⵜⴰⴷ ⴰⴼⴰⴷ ⴰⴳⵉⵙ ⵜⵉⵙⴰⵏⵜ ⵉⵔⵉⵎⵏ ⵏ ⵡⴰⵢⴰⴹ ⴷ ⵉⵙ ⵜⵥⴷⴰⵔⵜ ⴰⴼⵍⴰⵙ ⵜⵄⵡⵍⵜ ⵣⵖ ⵜⴰⵡⵔⵉ ⵏ ⵚⴰⵀⵜ ⴷⵉⵙ.
ⵖ ⴽⵓⵍⵉⴽⵜⵉⵠⴰ ⵙⵓⵔⵉⵢⴰⵜ ⵏⴱⴱⵉ ⴰⵖⴰⵔⴰⵙ ⵎⵇⵓⵔⵏ ⴰⴼⴰⴷ ⴰⵏⵍⴽⵎ ⵜⴰⵙⴽⴼⵍⵜ ⵏ ⵉⵙⵏⵜⴰⵢ, ⵎⴰ ⵉⴼⵓⵍⴽⵉⵏ ⵉⴳⴰⵜ ⵎⴰⵎⵏⴽ ⵙ ⵓⵎⵥⵏ ⵚⴰⵃⴰ ⵣⵖ ⴽⵓⵍⵉⴽⵜⵉⵠⵢⴰ ⵛⴰⵎⵉⵍⴰ ⵍⵉⵖ ⵍⴰⵏⵜ ⵜⵉⵎⵖⴰⵔⵉⵏ ⴷ ⵉⵔⴳⴰⵣⵏ ⵣⵖ ⵜⵓⴳⵜ ⵏ ⵜⵉⵎⵉⵣⴰⵔ ⵏ ⵡⴰⵄⵔⴰⴱⵏ ⴷ ⵍⵉ ⵙⴱⴷⴰⵏ ⵡⵉⵍⵉ ⴳⵉⵙ ⵉⵍⵍⴰⵏ ⵜⴰⵙⴽⴼⵍⵜ ⵏ ⵜⵓⵡⵔⵉ ⵏⵉⵛⴰⵏ.
ⵓⵔ ⵉⵍⵍⵉ ⵛⴽ ⵎⴰⵙⴷ ⵜⴰⵣⵣⵉⴳⵣⵜ ⴷ ⵓⵙⴽⴰⵔ ⵏ ⵜⴰⵡⵔⵉ ⴰⵔⵉⵜⵖⵎⴰ ⵓⵍⵍⴰ ⵏⵜⴰⵏ ⴷⴰⵔⵙ ⵜⴰⵣⴷⴰⵢⵜ ⴷ ⵉⵙⴼⴽⴰ ⵢⴰⴹⵏⵉⵏ, ⵉⵍⵍⴰ ⴳⵉⵙ ⵎⴰⵢⴳⴰⵏ ⴰⵏⵉⵎⴰⵏ ⵣⵓⵏⴷ ⴰⵙⵢⴰⴼⴰ ⵙ ⵜⴰⵙⵏⵜⴰⵢⵜ ⴷⴰⵔ ⵓⴼⴳⴰⵏ ⴷ ⵏⵉⵜ ⵏⵙ, ⴷ ⵓⵍⵍⴰ ⵉⵔⵉⵎⵏ ⵏⵙ ⴷ ⵜⵉⵣⵉ ⵏⵙ, ⴷ ⵉⵍⵍⴰ ⴳⵉⵙ ⵎⴰⵢⴳⴰⵏ ⴰⵙⴷⵓⵙⴰⵏ ⴷ ⵉⵍⵉ ⴷⴰⵔⵙ ⵜⴰⵣⴷⴰⵢⵜ ⴷ ⴰⵏⵎⴰⵔ ⵏ ⴰⵣⴷⴷⵓⵢ ⴷ ⵜⵉⵎⵙⵓⵜⴰⵍ ⵍⵉ ⵉⵜⴼⵔⴰⴹ ⴰⵙⵓⵔⵙ ⵉⵅⵛⵏ ⵏ ⵜⵔⵉⵙⵉⵏⵜⵉ ⴷ ⵉⵎⵢⴰⵡⴰⴹⵏ ⵖ ⵜⴰⵎⴰⵣⵉⵔⵜ ⵏⵖ, ⴷ ⵓⵔ ⵉⵍⵍⵉ ⵛⴽ ⵎⴰⵙⴷ ⴽⴰⵢⴳⴰⵜ ⵜⴰⵎⵓⴽⵔⵉⵙⵜ ⵉⵇⴰⵏⴷ ⴰⴷⴰⵙ ⵏⴰⴼ ⴰⴼⵙⴰⵢ ⵏⵙ.
ⵉⵖ ⵜⵙⵎⴰⵇⵍⵜ ⵖ ⵉⵔⵉⵎ ⴰⵏⵉⵎⴰⵏ ⵉⵏⵓ ⵖ ⴽⵓⵍⵉⴽⵜⵉⵠⴰ ⵙⵓⵔⵉⵢⴰⵜ ⴷ ⵓⵍⴰ ⵖ ⵛⴰⵎⵉⵍⴰ, ⴰⵔ ⵙⵏⴰⵃⵢⴰⵖ ⵙ ⵓⴼⵔⵔⵣ ⵎⴰⵙⵉⵢⵉ ⵜⴳⴰ ⴰⵙⴰⵢⵔⴰⵔ ⵉⵓⵙⵍⵎⴷ ⴷ ⴰⵙⴱⵓⵖⵍⵓ, ⴷ ⵓⵔ ⵉⵍⵍⵓ ⵛⴽ ⵎⴰⵙ ⵜⴳⴰ ⵉⵔⵉⵎ ⴱⴰⵀⵔⴰ ⵉⵙⵜⴰⵡⵀⵎⴰⵏ ⴷ ⵜⴰⵎⵢⵉⵡⵏⴰⵜ, ⴰⵜⵜⵉⵍⵉⵜ ⵖ ⵏⴳⵔ ⵏ ⵎⵉⴷⵏ, ⵍⵉⵙ ⵉⵇⴷⵔ ⴰⵜⵏ ⵏⴰⵃⵢⴰ ⴱⴰⵀⵔⴰ ⴷ ⴰⴽⵓⵔ ⵔⵡⴰⵙⵏ, ⵎⴰⵛ ⴰⵔⴷⵉⵙⵏ ⵜⴱⴹⵓⵟ ⴰⵜⵉⴳⴳⵏ ⵉⵏⴼⴳⴰⵏⵏ ⴷ ⴰⵥⵓⵥⴹ ⵖ ⵓⴷⵃⵉ ⵏ ⴰⵎⵓⵏ ⵙ ⴰⵎⵏⵉⴷ.
