ⴰⵔ ⵜⵓⵄⵜⴰⴱⴰⵔⵏ ⵍⵄⴰⵍⴰⵇⴰⵜ ⴱⵔⴰ ⵏ ⵜⵉⵎⵔⵙⵍⵜ ⵏ ⵍⵉⵜⵜⵉⵀⴰⵍ ⵣⵖ ⵉⵎⵔⵉⵙⵏ ⵖ ⵍⴰⵏ ⵉⵎⵓⴽⵔⵉⵙⵏ ⴷ ⵉⵎⵔⴽⵙⵏ ⵖ ⵡⴰⵎⵓⵏ ⵏⵖ, ⵙⵍⴰⵡⴰⵏ ⴰⴽⴽ ⵍⵉⵖ ⵜⴳⴰ ⵣⵖ ⵍⵎⵓⵃⵔⴰⵎⴰⵜ ⵜⵉⵏⴰⵎⵓⵏⵉⵏ ⵍⵉ ⴷⴷⴰⵔ ⵜⴰⵣⴷⴰⵢⵜ ⵙ ⵍⵎⵓⵃⵔⴰⵎⴰⵜ ⵢⴰⴹⵏⵉ ⵣⵓⵏⴷ ⵛⴰⵔⴰⴼ ⴷ ⵍⵄⵓⴷⵔⵉⵢⴰ ⴷ ⵓⵙⴳⵓⴼⵙⵓ, ⴷ ⴰⵙⴳⴷ… ⴷ ⵎⴰⵢⴰⴷ ⴽⵓⵍⵓ ⴷⴰⵔⵙ ⵜⴰⵣⴷⴰⵢⵜ ⵜⴰⴷⵙⵍⴰⵏⵜ ⵙ ⵜⵉⵎⵖⴰⵔⵉⵏ, ⵖ ⵜⵉⴳⵉⵔⴰ ⴰⵔ ⵏⵜⵜⴰⴼⴰ ⵎⴰⵙⴷ ⵍⴰⵖⵍⴰⴱⵉⵢⴰ ⵏ ⵍⵎⵓⵃⵔⴰⵎⴰⵜ ⴷⴰⵔⵙⵏ ⵜⴰⵣⴷⴰⵢⵜ ⵙ ⵜⴰⵎⵖⴰⵔⵜ, ⵙ ⵜⴰⴼⴳⴳⴰ ⵏⵙⵏⵜ ⴷ ⵜⵉⵍⵉⵍⵉ ⵏⵙⵏⵜ. ⵜⴳⴰ ⵜⴰⵎⵙⴰⵔⵜ ⵜⴰⵊⴰⵏⴷⴰⵔⵉⵜ ⴰⵔ ⵜⴼⵜⵜⵓ ⵖ ⴹⴰⵃⵉⵢⴰ ⵏⵙ ⵍⵎⵍⴰⵢⵏ ⵏ ⵜⵉⵎⵖⴰⵔⵉⵏ ⵖ ⵓⵙⴽⵍⵓ ⵏ ⵓⵙⵍⵉⴳⵏ ⵍⵉⵙⵜ ⵉⵜⵜⵊⵔⴰⵎⵏ ⴷ ⴰⵔ ⴼⵍⴰⵙ ⵜⵥⵉⵢⴰⵔ ⴼ ⵜⵓⴳⵜ ⵏ ⵎⵉⴷⵏ. ⴼ ⵖⵉⴽⴰⵏ ⴰⴼ ⵍⵍⴰⵏ ⵍⴰⵚⵡⴰⵜ ⵉⴹⴰⵍⴰⴱⵏ ⴰⴷ ⴰⵍⵍⵏ ⵜⵊⵔⵉⵎ ⴼⵍⴰⵙ.
ⵎⴰⵛ ⵎⴰⵅ ⵍⵉⵖ ⵉⵅⵚⴰ ⴰⴷ ⵏⴰⵍ ⵜⴰⵊⵔⵉⵎ ⴼ ⵎⴰⵢⴰⴷ?
ⵖ ⵓⵎⵣⵡⴰⵔⵓ ⵖⵉⴽⵍⵉ ⵙ ⵛⴰⵔⴰⵖ ⵜⴰⵎⵙⴰⵔⵜ ⵜⵜⵓⴱⵏⴰ ⴼ ⵓⵙⵏⵉⵃⵢⵉ ⵍⵉ ⵉⴱⴱⵉⴷⵏ ⴼ ⵡⴰⵏⴰⵡ ⵖ ⵓⵙⴽⵍⵓ ⵏ ⵓⵙⵍⵉⴳⵏ ⵍⵉ ⵉⵙⴽⴰⵔⵏ ⵉⵙⵓⵔⵓⵙⵏ ⵍⵉⵖ ⵓⵔ ⵉⵍⵍⵉ ⴰⵡⵉⴷⵉ ⵏⴳⵔ ⵓⵔⴳⴰⵣ ⴷ ⵜⴰⵎⵖⴰⵔⵜ, ⵣⵓⵏⴷ ⵙ ⴰⵎⴷⵢⴰ ⴰⴷ ⵏⴼⵜⴰⵕⴷ ⵎⴰⵙⴷ ⵉⵜⵜⵓⵜⴰⴱⴰⵄ ⴰⵔⴳⴰⵣ ⴷ ⵜⵎⵖⴰⵔⵜ ⵙ ⵜⵓⵀⵎⴰ ⵏ ⵓⵙⴳⵓⵙⴼⵙⵓ, ⴰⵔ ⵉⵜⵜⵓⵜⴰⴱⴰⵄ ⵓⵔⴳⴰⵣ ⵙ ⵜⵓⵀⵎⴰ ⵏ ⵍⵅⵉⵢⴰⵏⴰ ⵣⴰⵡⵊⵉⵢⴰ ⵍⵉ ⵉⵇⴷⵔ ⴰⴷ ⵜⴷⵔ ⴰⵖⴰⵔ ⵙ ⵜⴰⵏⴰⵣⵓⵍ ⵏ ⵜⴰⵎⵖⴰⵔⵜ ⵍⵉ ⵉⵜⵜⴰⵀⵍ ⴷ ⵎⴰⵢⴰⴷ ⴰⵢⵜⵊⵔⵓⵏ ⵖⴰⵍⵉⴱⴰⵏ ⵎⴰⵛ ⵜⴰⵎⵖⴰⵔⵜ ⴰⵔⴰⵙ ⴱⴷⴰ ⵜⵙⵓⵜⵓⵍⵏⵜ ⵜⵉⵎⵉⵜⴰⵔ ⵏ ⵍⵉⵏⵄⵉⴷⴰⵎ ⵏ ⵛⴰⵔⴰⴼ ⴷ ⵓⵙⴳⵓⴼⵙⵓ.
ⵜⵉⵙⵏⴰⵜ ⵜⴰⵖⴰⵡⵙⴰ ⵢⴰⴷ ⴷⴰⵔⵙ ⵜⴰⵣⴷⴰⵢⵜ ⵓⵍⴰ ⵙ ⵓⵙⵓⵔⵙ ⴰⴷⴰⵎⵙⴰⵏ, ⴰⵛⴽⵓ ⵣⴷⴰⵕⵏⵜ ⵜⵉⵎⵖⴰⵔⵉⵏ ⵍⵉ ⴷⴷⴰⵔ ⵍⴰⴱⴰⵙ ⴷ ⵟⴰⴼⵏⵜ ⵜⴰⵡⵔⵉ ⴰⴷ ⵙⵎⵔⵙⵏⵜ ⵍⵇⴰⵏⴰⵄⴰⵜ ⵏⵙⵏⵜ ⴷ ⴰⴷ ⵙⴽⵔⵏⵜ ⵎⴰⴷ ⵥⵓⵥⴷⵏⵜ ⵙ ⵎⴰⵔⵔⴰ ⵔⴰⵃⵜⵏⵙⵏ ⴰⵖⴰⵔ ⵉⵖ ⴼⵓⵖⵏⵜ ⵙ ⴱⵔⴰ ⵏ ⵜⴰⵎⴰⵣⵉⵔⵜ ⵍⵉ ⵉⵜⵜⵊⵔⴰⵎⵏ ⵍⵄⴰⵍⴰⵇⴰⵜ ⴰⴷ, ⴷ ⵉⵇⴷⵔ ⴰⴽⴽ ⵓⵍⴰ ⵖ ⵓⴳⵏⵙ ⵏⵙ.
ⵜⵉⵙⴽⵔⴰⵟ ⵉⵙⴱⴷⴰⴷⵏ ⴰⴷ ⴰⵔ ⵙⴽⴰⵔⵏ ⵉⵎⵏⴰⴹⵏ ⵍⵉ ⵉⵜⵜⴰⵡⵙⵏ ⵖ ⵜⵓⴳⵜ ⵏ ⵍⵊⴰⵔⴰⵢⵎ ⴼ ⵜⵉⵎⵖⴰⵔⵉⵏ ⵣⵓⵏⴷ ⵍⵉⵖⵜⵉⵚⴰⴱ ⴷ ⵉⵙⵎⵔⴰⵙ ⵏ ⵜⵉⴽⵕⴹⵉ ⵍⵉ ⵓⵔ ⵔⴰⵏⵜ ⵜⵉⵎⵖⴰⵔⵉⵏ, ⵍⵉⵖⴰⴷ ⵉⵜⵓⴽⴽⴰⵙ ⵓⵣⵔⴼ ⵏⵙⵏⵜ ⵖ ⵡⴰⵏⵏⴰⵢ ⵏ ⵓⵀⵓ ⵏⵖⴷ ⴰⴷ ⵓⵔⵉⵏⵜ ⵖ ⵜⴰⵢⵉⵀⵜ, ⴷ ⴰⵔ ⵜⵓⵃⵔⴰⵎⵏⵜ ⵖ ⵓⵣⵔⴼ ⵏⵙⵏⵜ ⵖ ⵓⵙⵔⴰⴹ ⵙ ⵍⵊⴰⵔⴰⵢⵎ ⴰⴷ ⴰⵛⴽⵓ ⴰⵔ ⵜⵉⵍⵉⵏⵜ ⵖ ⵓⵙⵓⵔⵙ ⵏ ⵍⵎⵓⵅⴰⵍⴰⴼⴰ ⵏ ⵓⵙⵍⴳⵏ ⵙⵎⴷⴰⵙ ⵓⵍⴰ ⵍⵊⴰⵔⴰⵢⵎ ⵍⵉ ⴳⴰⵏ ⵙⵡⴰⵙⴰⵖ ⵏ ⵛⴰⵔⴰⴼ ⴷ ⵍⵉⵙⵜⵉⴱⴰⵃⴰ ⵏ ⴰⵏⵏⴰⵖ ⵏ ⵜⵉⵎⵖⴰⵔⵉⵏ ⴷ ⵜⵏⴽⵉⵍ ⵙⵉⵙⵏⵜ ⵣⵖ ⴷⴰⵔ ⵜⴰⵡⵊⵉⵡⵉⵏ ⵏⵙⵏⵜ ⵏⵖⴷ ⴰⴽⴽ ⴷⴰⵔ ⵎⵉⴷⵏ ⵍⵉⵎⵓⴷⴰⵔ ⴰⴽⴽ ⵜⴰⵣⴷⴰⵢⵜ ⵙⵉⵙⵏⵜ.
ⵜⵉⵙ ⴽⵓⵣ, ⴽⵔⴰ ⵖ ⵜⵉⵎⵉⵣⴰⵔ ⵖ ⴰⴳⴰⴼⴰ ⵏ ⴰⴼⵔⵉⵇⵉⵢⴰ ⴷ ⴰⵖⵎⵎⵓⴹ ⴰⵏⴰⵎⵎⴰⵙ ⵜⵓⵡⵇⴰⵄ ⴷ ⵜⵎⵔⵙⵉ ⴼ ⵓⵙⴽⴰⵔ ⵏ ⵜⵉⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵏ ⵍⵉ ⵉⴹⵎⴰⵏⵏ ⵉⵣⵔⴼⴰⵏ ⵏ ⵓⴼⴳⴰⵏ ⵖ ⴰⵙⵓⵜⵍ ⵏⵙ ⴷ ⵜⴰⵖⵣⵓⵔⴰⵏⵜ ⵏⵙ, ⴷ ⵡⴰⵅⴰ ⵖⵉⴽⴰⴷ ⴰⵔ ⵜⴽⴽⵉⵙⵏ ⴰⵣⵔⴼ ⵏ ⵜⴰⵎⵖⴰⵔⵜ ⴷ ⵓⵔⴳⴰⵣ ⵣⵖ ⵓⵙⵜⴰⵢ, ⴰⵖⴰⵍ, ⵜⵉⵍⵉⵍⵉ ⴷ ⵜⵓⴳⵜ ⵏ ⵉⵣⵔⴼⴰⵏ ⵙ ⵉⵙⵔⴰⴳⵏ ⵍⵉ ⴷⴰⵔ ⵓⵔ ⵜⴰⵣⴷⴰⵢⵜ ⵙ ⵎⵉⴷⵏ ⵍⵉ ⴳⴰⵏ ⵉⵎⵔⵙⵉ ⵏ ⵜⵉⵎⵢⴰⵇⵇⴰⵏⵉⵏ ⴰⴷ.
ⵖ ⵜⵉⴳⵉⵔⴰ, ⴰⵙⴼⴽⴰ ⵍⵉ ⴷⴷⴰⵔ ⵜⴰⵣⴷⴰⵢⵜ ⵙ ⵓⵙⴳⴷ ⵉⴳⴰ ⴰⵎⵓⴽⵔⵉⵙ ⵍⵉ ⵎⴰⵔⵔⴰ ⵎⵇⵓⵔⵏ ⴷ ⵏⵜⵜⴰⵏ ⴰⵢⴹⵓⵔⵓⵏ ⵉⵣⵔⴼⴰⵏ ⴰⴷ, ⵡⴰⵅⴰ ⵉⴳⴰ ⵉⵎⵔⵙⵉ ⵏ ⵍⵅⵉⵍⴰⴼ ⴷ ⴰⵎⵙⴰⵡⴰⵍ ⵣⵖ ⵜⴰⵙⴳⴰ ⵏ ⵜⵓⴳⴰⵔⵉⵏ ⵏ ⵛⴰⵔⵉⵄⴰ, ⴷ ⵙ ⵓⵎⴷⵢⴰ ⵓⵍⵍⴰ ⵃⵜⴰ ⵜⴰⴳⵓⵔⵉ ⵏ ⵓⵙⴳⵓⴼⵙⵓ ⵓⵔ ⵜⵍⵍⴰ ⵖ ⵓⵙⴳⴷ ⵍⵉⵙⵍⴰⵎⵉ, ⵎⴰⵛ ⴰⵔ ⵏⵜⵜⴰⴼⴰⵜ ⵜⴰⴳⵓⵔⵉ ⵏ ⵣⵣⵉⵏⴰ ⴷ ⵙ ⵜⵉⵍⴰⵍⵜ ⵏⵙ ⴰⵔ ⵉⴹⴰⵍⴰⴱ ⵛⵓⵔⵓⴹ ⵍⵉ ⵉⵛⵇⴰ ⴰⴷ ⵜⵓⵃⵇⴰⵇⵏⵜ ⵉⵖ ⴷⵉⵡⵉ ⵔⴱⵉ ⵔⴰⵏ ⴰⴷ ⵙⴽⵔⵏ ⵍⵃⴰⴷ.
ⴼ ⵎⴰⵢⴰⴷ ⵣⵖ ⵜⴰⵏⴰⵢⵜ ⵉⵏⵓ ⵉⵇⴰⵏⴷ ⴰⴷ ⴰⵍⵍⵏ ⵜⴰⵊⵔⵉⵎ ⴼ ⵜⴰⵖⴰⵡⵙⴰ ⵢⴰⴷ ⴷ ⴰⴷ ⵉⵙⵜⵉ ⴽⵓ ⵢⴰⵏ ⵎⴰⴷ ⵉⵔⴰ ⴰⵜⵜⵉⵙⴽⵔ ⵙⵍⵃⵙⴰⴱ ⵏ ⵉⵖⴰⵍⵏ ⵏⵙ ⵜⵉⵏⵉⵎⴰⵏⵉⵏ ⵍⵉ ⵓⵔ ⵉⵜⵜⵓⵢⴼⵔⴰⴹⵏ.
