ⵓⵔⴰ ⵏⵉⵜ ⵜⵊⵔⴰⵎⵏ ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ, ⵍⵊⴰⵔⵉⵎⴰ ⵏ ⵍⵉⵖⵜⵉⵚⴰⴱ ⵖ ⵓⵙⵍⴳⵏ ⵓⵔⴳⵉⵙ ⵉⵍⵍⴰ ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ, ⴷ ⵜⵍⵍⴰ ⵜⴰⵎⵖⵓⵏⵜ ⵏ ⵏⵉⴽⴰⵃ ⴷ ⵓⵔⴰⵢⵜⵜⴳⴰ ⵍⵉⵖⵜⵉⵚⴰⴱ ⴰⵔⴷ ⵜⵔⵡⵍ ⵜⵎⵖⴰⵔⵜ ⴷ ⵉⵖ ⵓⵔ ⵜⵔⴰ ⵎⴰⵢⴰⵏ ⴷ ⴰⴷ ⴹⴰⵍⴱ ⵓⵍⴼ ⵣⵖ ⴷⴰⵔ ⵓⵔⴳⴰⵣ ⴰⵛⴽⵓ ⵍⵊⴰⵔⵉⵎⴰ ⵏ ⵍⵉⵖⵜⵉⵚⴰⴱ ⵖ ⵓⵙⵍⴳⵏ ⵓⵔⴳⵉⵙ ⵉⵍⵍⴰ ⵍⵉⵖⵜⵉⵚⴰⴱ ⵏ ⵓⵔⴳⴰⵣ ⵉⵜⵜⴰⵀⵍⵏ. ⵖ ⵍⵢⴰⵎⴰⵏ, ⴰⵔ ⵉⵜⵊⵔⴰⵎ ⵓⵎⵏⵏⵉ 489 ⵣⵖ ⵓⵙⵍⴳⵏ ⵏ ⵍⵄⵓⵇⵓⴱⴰⵜ ⵓⵟⵟⵓⵏ 148 ⵏ ⵓⵙⴳⴰⵙ ⵏ 1949 ⵍⵉⵖⵜⵉⵚⴰⴱ, ⵙ ⵓⵙⵍⵉⴷ ⵏ ⵜⴰⵎⵖⴰⵔⵜ ⵍⵉ ⵉⵜⵜⴰⵀⵍⵏ.
ⴷ ⴰⵔ ⵏⵜⵜⴰⴼⴰ ⵎⴰⵙⴷ ⵖ ⵜⵉⵎⵉⵣⴰⵔ ⵏ ⵡⴰⵄⵔⴰⴱⵏ ⵓⵔ ⴰⵜⵜⵊⵔⴰⵎⵏ ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ ⴷ ⵖ ⵉⵣⵣⵔⴰⴼⵏ ⴷ ⵓⵙⵍⵉⴳⵏ ⵉⵍⵍⴰ ⵖ ⵓⵣⵔⴼ ⵏ ⵓⵔⴳⴰⵣ ⴰⴷ ⵉⵇⵇⵓ ⵜⴰⵎⵖⴰⵔⵜ ⵏⵙ ⵜⵉⵣⵉ ⵏⴰ ⵉⵔⴰ ⴷ ⴰⵔ ⵉⵜⵓⵢⵄⵜⴰⴱⴰⵔ ⵜⵓⵀⵓⵜ ⵏ ⵜⴰⵎⵖⴰⵔⵜ ⵉ ⵓⵔⴳⴰⵣ ⵏⵙ ⵉⴳⴰ ⵏⵓⵛⵓⵣ ⴷ ⴰⵔⴼⵍⴰⵙ ⵜⵄⴰⵇⴰⴱ ⴷⴰⵔ ⴰⵢⵜ ⴷⴰⵔⵙ ⴷ ⵓⵍⴰ ⴷⴰⵔ ⵜⴰⵣⵔⴼⵜ.
ⴷ ⵜⵓⵀⵓⵜ ⵏ ⵜⴰⵎⵖⴰⵔⵜ ⴰⴷ ⵜⵇⵇⵓ ⴷ ⵓⵔⴳⴰⵣ ⵏⵙ ⵉⴳⴰ ⵙⵔⴰⴳ ⵉ ⵍⵉⵜⵜⵉⵀⴰⵍ ⴷ ⵜⴰⵎⵖⴰⵔⵜ ⵢⴰⴹⵏⵉⵏ ⴷ ⴰⵔ ⵜⵉⵜⵄⵜⴰⴱⵔⵏ ⴰⵙⵔⴰⴳ ⵉⴳⴰⵏ ⵎⵓⵇⵏⵉⵄ ⴷ ⵣⵖ ⵓⵣⵔⴼ ⵏⵙ ⴰⴷⴰⵔⵙ ⵜⴰⴽⵏⵉⵡⵜ ⵖ ⵍⴼⵔⴰⵛ ⴷ ⵜⴰⵎⵖⴰⵔⵜ ⵖ ⵡⴰⵎⵓⵏⵏ ⴰⵄⵔⴰⴱⵏ ⵡⴰⵅⴰ ⵜⵓⴹⵏ ⵉⵇⴰⵏⴷ ⴰⴷ ⵜⴼⴽ ⵉⵡⵔⴳⴰⵣ ⵏⵙ ⴰⵣⵔⴼ ⵏⵙ ⵖ ⵉⵇⵡⴰⵏ ⴷ ⵉⵖ ⵓⵔ ⵜⵔⴰ ⴰⵔⴼⵍⴰⵙ ⵉⵜⵜⴰⵍ ⵢⴰⵜ ⵜⴰⵎⵙⴰⵔⵜ ⴼⵍⴰⵙ ⴳⴰⵏⵏⴰⵙ ⵙ ⵡⴰⵙⴰⵖ ⵍⵉⵙⵜⵉⴷⵄⴰ ⵙ ⵜⵉⴳⵎⵉ ⵏ ⵟⴰⵄⵜ, ⵖ ⵉⵎⵓⵏⵏ ⵏⵖ ⴰⵔ ⵜⵊⵔⴰⵎⵏ ⴷ ⴰⵔ ⵜⵃⵔⴰⵎⵏ ⵜⵓⵀⵓⵜ ⵏ ⵜⴰⵎⵖⴰⵔⵜ ⵉ ⵉⵇⵡⴰⵏ ⴷ ⵓⵔⴳⴰⵣ ⵏⵙ ⴷ ⵎⴽⵏⵏⴰ ⵉⴳⴰ ⵡⴰⵏⴰⵡ ⵏ ⵉⵇⵡⴰⵏ ⵣⵖ ⴷⴰⵔ ⵓⵔⴳⴰⵣ ⵉⴳⴰ ⵣⵖ ⵉⵎⵎⵓⵔⵙⵉⵜⵏ ⵏⵙⵏ ⵣⵖ ⵓⵣⵔⴼ ⵏⵙ ⴼⵍⴰⵙ ⴷ ⵓⵔ ⵉⵍⵍⴰ ⴰⵙⴼⴰⵍⴽⴰⵢ ⵏ ⵍⵄⵛⵔⵜ ⵏⵖⴷ ⴽⵔⴰⵏ ⵍⵎⴰⵄⴰⵢⵢⵉⵔ ⵎⴰⵙ ⴰⵜⵜⵍⵜⴰⵣⵎⵏ ⵙ ⴰⵎⵏⵣⴰⵢ ⵏ ⵉⵇⵡⴰⵏ ⴰⵛⴽⵓ ⴰⵔ ⵏⵜⵜⴰⴼⴰⵜ ⴰⵔⴳⴰⵣ ⴰⵔ ⵉⵙⴽⴰⵔ ⵜⵉⵎⵙⴽⴰⵔⵉⵏ ⵜⵉⵍⵕⴹⴰⵢ ⴼ ⵜⴰⵎⵖⴰⵔⵜ ⵏⵙ ⴷ ⵙ ⴽⴰⵢⴳⴰⵜ ⵜⴰⵖⴰⵔⴰⵙⵜ ⴱⵍⴰⵙ ⵜⵜⵉⵏⴰ ⵏⵖ ⴰⵎⴰⵜⵜⴰⵢ ⵙ ⵍⵄⵛⵔⵜ ⵏ ⵉⵇⵡⴰⵏ ⴷ ⴳⴰⵏ ⵉⵇⵡⴰⵏ ⴷⴰⵔ ⵓⵔⴳⴰⵣ ⵣⵖ ⵍⴰⵡⵍⴰⵡⵉⵢⴰⵜ ⵏⵙ ⴷ ⵜⵉⵔⴰⵎ ⵏⵙ ⴰⵙ ⴰⵔ ⴰⵙ ⵖ ⵜⵉⵣⵉ ⵍⵉ ⵉⵔⵔⴰ ⴱⵍⴰ ⵉⵃⵜⴰⵔⵎ ⴰⵥⵓⵥⴹ ⵏⵙ ⴷ ⴰⵙⵎⴰⵔ ⵏⵙ ⵉ ⵉⵇⵡⴰⵏ, ⴱⵍⴰ ⴰⵙⵎⴰⵔ ⵏⵙ ⵖ ⵜⵉⵣⵡⴰⵔ ⵏ ⵍⵉⵜⵜⵉⵀⴰⵍ ⵉⴳⴰ ⵍⵉⵖⵜⵉⵚⴰⴱ ⴷ ⵓⵔ ⵉⴳⴳⴰ ⴰⵙⵢⴰⴼⴰ ⵉⴳⴰⵏ ⵎⵓⵜⵜⴰⴱⴰⴷⴰⵍ ⵏⴳⵔⴰⵜⵙⵏ.
ⴷ ⵓⵔ ⵉⵍⵍⵉ ⴽⵔⴰⵏ ⵓⴹⵕⵉⵚ ⵉⴱⴰⵢⵏ ⵖ ⵓⵙⵍⴳⵏ ⵍⵉ ⵉⵜⵊⵔⴰⵎⵏ ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ ⴰⵛⴽⵓ ⴰⵎⵏⵏⵉ 503 ⵣⵖ ⴰⵙⵍⴳⵏ ⵏ ⵍⵄⵓⵇⵓⴱⴰⵜ ⴰⵔ ⵜⵜⵉⵏⵉ” ⵎⴰⴷ ⵉⵙⴱⵣⵉⵣⵏ ⴼ ⴽⵔⴰ ⴱⵍⴰ ⵜⴰⵎⵖⴰⵔⵜ ⵏⵙ ⵙ ⵜⵉⴽⵕⴹⵉ ⴷ ⵜⵀⴷⵉⴷ ⵙ ⵉⵇⵡⴰⵏ ⵔⴰⴷ ⵉⵜⵜⵓⵄⴰⵇⴰⴱ ⵙ ⵜⵉⵡⵔⵉⵡⵉⵏ ⵉⵛⵇⵇⴰⵏ ⵙⵎⵓⵚ ⵉⵙⴳⴰⵙⵏ ⵎⴰⵢⴰⴷ ⵉⴳⴰ ⵜⵉⵣⵉ ⵍⵉ ⴽⵓⵍⵓ ⵉⴷⵔⵓⵙⵏ ⴷ ⵓⵔⴰⴷ ⵜⴳⵯⵉⵣ ⵍⵄⵓⵇⵓⴱⴰ ⴼ 7 ⵏ ⵉⵙⴳⴰⵙⵏ ⵉⵖⵜⴳⴰ ⵏⵖⴷ ⵉⴳⴰ ⵡⴰⵍⵉ ⴼ ⵜⵄⴷⴰⵜ ⵖ ⵉⵣⴷⴰⵔ ⵏ 15 ⵏ ⵓⵙⴳⴰⵙ”.
ⴰⵔ ⵉⵜⵜⵓⵢⵄⵜⴰⴱⴰⵔ ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ ⵢⴰⵏ ⴰⵎⴰⵖⵏⵉ ⵣⵖ ⵉⵎⵓⵖⵏⴰ ⵏ ⵜⵉⴽⵕⴹⵉ ⵖ ⵜⵉⴳⵎⵉ ⴷ ⵜⵜⴰⵄⴰⴷⵓ ⴰⵊⵉⵏⵙⵉ, ⴷ ⵡⴰⵅⴰ ⵉⵜⵜⵓⵢⵄⵜⴰⴱⴰⵔ ⵉⵇⵡⴰⵏ ⵖ ⵜⴰⵙⴳⴰ ⵏ ⵓⵎⵣⵔⵓⵢ ⵢⴰⵏ ⵓⵣⵔⴼ ⴷⴰⵔ ⴰⵔⴳⴰⵣ ⵓⵍⴰ ⵜⴰⵎⵖⴰⵔⵜ, ⵎⴰⵛ ⴰⴽⵛⵓⵎ ⵙ ⵓⵙⴽⴰⵔ ⴱⵍⴰ ⵜⴰⵢⵢⵉⵀⵜ ⵏ ⵢⴰⵏ ⵖ ⵡⵉⵍⵉ ⵉⵜⵜⴰⵀⵍⵏⵉⵏ ⵉⵜⵜⵓⵢⵄⵜⴰⵔⴰⴼ ⵙⵉⵙ ⵖⵉⵍⴰⴷ ⴷ ⵖ ⵢⴰⵏ ⵏⵉⵟⴰⵇ ⵢⵓⵙⵄⴰⵏ ⵖ ⵓⵙⵍⴳⵏ ⴷ ⴰⵎⵓⵏ ⵎⴰⵙ ⵉⵅⵛⵏ ⴷ ⵉⴳⴰ ⵊⴰⵔⵉⵎⴰ.
ⴰⵔ ⵉⵜⵜⵏⵜⴰⵛⴰⵔ ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ ⵏⴳⵔ ⵜⵉⵎⵖⴰⵔⵉⵏ ⵙ ⵢⴰⵏ ⵓⵎⴰⴳⵏⵓ ⴱⴰⵀⵔⴰ ⵉⵎⵇⵓⵔⵏ ⵎⴰⵛ ⵓⵔ ⵙⵉⵙⵏⵜ ⵉⵥⵥⵍⵉ ⵀⵍⵉ. ⵉⴳⴰ ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ ⵢⴰⵏ ⵓⵎⴰⵖⵏⵓ ⵣⵖ ⵉⵎⵓⵖⵏⴰ ⵏ ⵜⵉⴽⵕⴹⵉ ⵍⵉ ⵉⵜⵜⵓⵢⵎⴰⵔⴰⵙⵏ ⵙ ⵢⴰⵏ ⵓⵎⴰⵖⵏⵓ ⵉⵙⵓⵍⵏ ⴼ ⴹⴰⵃⵉⵢⴰ ⴷ ⵉⴳⴰ ⴰⴳⵣⵓⵎ ⵣⵖ ⵢⴰⵜ ⵍⵄⴰⵍⴰⵇⴰ ⵉⴳⴰⵏ ⵎⴰⵙⵎⵓⵎⴰ. ⵉⵍⵍⴰ ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ ⵣⵖ ⵢⴰⵜ ⵜⴰⵛⴱⴽⵜ ⵉⵎⵔⴽⵙⵏ ⵏ ⵜⵉⵏⴱⴰⴹⵉⵏ ⵏ ⵍⵡⵉⵍⴰⵢⴰⵜ ⴷ ⵜⵉⵎⵙⴽⴰⵔ ⵜⵉⴷⵍⵙⴰⵏⵉⵏ ⴷ. ⵍⵉⴷⵢⵓⵍⵓⵊⵉⵢⴰⵜ ⵜⵉⵏⴰⵎⵓⵏⵉⵏ ⵍⵉ ⵉⵜⵜⵎⵓⵏⴰⵏ ⴰⵔ ⵜⴹⵉⵚ ⴼ ⴽⴰⵢⴳⴰⵜ ⵍⵃⴰⵍⵜ ⵙ ⵢⴰⵜ ⵜⴰⵖⴰⵔⴰⵙⵜ ⵉⵏⵏⴰⵃⵢⴰⵏ. ⴰⵙⵔⴰⴳ ⵏ ⵎⴰⵙⵓⵔ ⵉⵜⵜⵓⵊⵔⴰⵎ ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ ⴷ ⵍⵎⵓⵃⴰⴽⴰⵎⴰ ⵏⵙ ⵉⴳⴰⵜ ⵜⴰⵏⵏⴰⵢⵉⵏ ⵜⵉⴱⵍⴷⴰⵢ ⴼ ⵍⵉⵜⵜⵉⵀⴰⵍ, ⴷ ⵜⴰⴼⵙⵉⵔⴰⵜ ⵏ ⵍⵄⴰⵇⴰⵢⴷ ⵜⵉⵙⴳⴷⴰⵏ ⴼⵍⴰⵙ, ⵜⵉⵡⵏⴳⵉⵎⵉⵏ ⴼ ⵍⵖⴰⵔⵉⵣⴰ ⵍⵊⵉⵏⵙⵉⵢⴰ ⵉ ⵓⵔⴳⴰⵣ ⴷ ⵜⴰⵎⵖⴰⵔⵜ ⴷ ⵍⵎⵓⵙⴰⵍⴰⵎⴰⵜ ⵜⵉⴷⵍⵙⴰⵏⵉⵏ ⵍⵉ ⴷⴰⵔ ⵜⴰⵣⴷⴰⵢⵜ ⵙ ⵍⵉⵅⴷⴰⵄ ⵏ ⵜⴰⵎⵖⴰⵔⵜ ⵉ ⵓⵔⴳⴰⵣ ⵏⵙ ⵍⵉ ⵙⵓⵍ ⵉⵍⵍⴰⵏ ⵖ ⵜⵓⴳⵜ ⵏ ⵜⵉⵙⴳⵉⵡⵉⵏ ⵏ ⵓⵎⴰⴹⴰⵍ. ⴱⴷⴷⴰⵏ ⵎⵉⴷⵏ ⴰⵔ ⵜⵉⵏⵏⵉⵏ ⵓⵀⵓ ⵉ ⵜⵉⵙⵡⵉⵏⴳⵉⵎⵉⵏ ⴰⴷ ⴷ ⵜⴰⵏⵏⴰⵢⵉⵏ ⴼ ⵍⵉⵜⵜⵉⵀⴰⵍ ⴷ ⵍⵖⴰⵔⵉⵣⴰ ⵜⴰⵊⵉⵏⵙⵉⵜ ⵖ ⵜⵓⴳⵜ ⵏ ⵜⵉⵎⵉⵣⴰⵔ ⵏ ⵜⴰⴳⵓⵜ ⵖ ⵙⵙⵜⵉⵏⴰⵜ ⴷ ⵙⵙⴱⵄⵉⵏⴰⵜ ⵏ ⵜⴰⵙⵓⵜ ⵍⵉ ⵉⵣⵔⵉⵏ ⵙⵍⴰⵡⴰⵏ ⴰⴽⴽ ⵖ ⴰⵎⵓⵙⵙⵓ ⵏ ⵜⵉⵎⵖⴰⵔⵉⵏ ⵡⵉⵙⵙⵉⵏ ⵎⴰⴷ ⵢⵓⵊⵊⴰⵏ ⴰⴷ ⵉⵜⵜⵓⵢⵄⵜⴰⵔⴰⴼ ⵙ ⴰⵣⵔⴼ ⵏ ⵜⴰⵎⵖⴰⵔⵜ ⵖ ⵜⴰⵏⴰⴹⵜ ⵏ ⵎⴰⴷ ⵜⵔⵔⴰ ⵖ ⵎⴰⵔⵔⴰ ⵜⵉⵖⴰⵡⵙⵉⵡⵉⵏ ⵍⵉ ⴷⴷⴰⵔ ⵜⴰⵣⴷⴰⵢⵜ ⵙ ⵜⴰⴼⴳⴳⴰ ⵏⵙ ⴷ ⵓⴽⵓⵙ ⵏ ⴰⵎⵣⴰⵖ ⴷ ⵍⵉⵄⴼⴰ ⴼ ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ.
