ⵜⴳⴰ ⵜⴰⵡⴰⵍⵜ ⵉⵏⵓ ⵜⴰⵎⵣⵡⴰⵔⵓⵜ ⵍⵉⵖ ⵔⴰⴷ ⴷⵔⵓⵖ ⵖ ⵍⴱⵏⵉ ⵏ ⵢⴰⵜ ⵍⵎⵉⵏⴰⵚⴰ ⴷ ⴰⴷ ⵃⵢⵢⵍⵖ ⵉ ⵜⵓⵎⴰⵢⵜ ⵙ ⵜⵖⴰⵔⴰⵙⵜ ⴰⴷ, ⵜⴳⴰ ⵢⴰⵏ ⵉⵔⵉⵎ ⴱⴰⵀⵔⴰ ⵉⴼⵓⵍⴽⵉⵏ.
ⵢⴰⵜ ⵖ ⵜⵉⵔⵓⵎⵙⴰ ⵉⵏⵓ ⵉⴳⴰⵜ ⵉⵙⵍⵍⵡⵉ ⵏ ⵜⵓⵎⴰⵢⵜ ⴷ ⵖ ⵜⵉⴷⴷⵜ ⵉⴽⴽⴰⵜⵉⵏ ⴰⵔ ⵛⵏⵓⴱⵓⵛⵖ ⵙ ⵜⵓⴳⵜ ⵏ ⵉⵣⵎⵣⵣⴰ ⴰⴼⴰⴷ ⴰⴷ ⵍⵎⴷⴰⵖ ⵓⴳⴳⴰⵔ ⴼ ⵎⴰⵢⴰⵏ ⴷ ⴽⵓⵍⵉⴽⵜⵉⵠⴰ ⵛⴰⵎⵉⵍⴰ ⵙⵏⵖ ⵜⵓⴳⵜ ⵏ ⵜⵖⴰⵔⴰⵙⵉⵏ ⵏ ⵜⵉⵔⵔⴰ ⵏ ⵜⵓⵎⴰⵢⵜ ⴷ ⵜⵃⵎⵙⴰⵖ ⵓⴳⴳⴰⵔ ⴰⴼⴰⴷ ⴰⴷ ⵙⴽⵔⵖ ⵢⴰⵏ ⵍⵒⵓⴷⴽⴰⵙⵜ ⴼ ⵉⵎⵔⵙⵉⵜⵏ ⵉⵥⵍⵍⵉⵏ ⵙⵜⴰⵡⵀⵎⴰⵏ ⴷⴰⵔ ⴰⵎⵓⵏ ⴰⵢⴰⵎⴰⵏⵉ ⴷ ⵎⴰⵎⵏⴽ ⵙ ⵣⴷⴰⵔⴰⵖ ⴰⴷ ⵙⵓⵡⵔⵉⵖ ⴼⵍⵍⴰⵙⵏ ⴷ ⵓⵍⵍⴰ ⴰⴷⴷⴰⵔⵉ ⴰⴼⵔⴰⴳ ⵉⵜⵜⵉⵖⵏ ⵖ ⴽⵓⵍⵓ ⵎⴰⵢⴳⴰⵏ ⵍⵅⴰⵟⴰⵔ.
ⴰⵔ ⵜⵉⵏⵉⵖ ⵎⴰⵙⴷ ⵉⵖ ⵏⴻⵏⵜⴰⴱⵄⴰ ⵜⴰⵡⵔⵉ ⵖ ⵍⵎⵉⵏⴰⵚⴰ ⴷ ⵏⵙⴱⵓⵖⵍⴰ ⵉⵎⵙⵓⵡⵔⵉⵏ ⴷ ⵏⵙⴽⵔ ⴰⵙⵏ ⵢⴰⵏ ⵍⵓⴹⴰ ⵍⵉⵖ ⵜⵍⵍⴰ ⵜⵍⵉⵍⵉ ⴰⴼⴰⴷ ⴰⴷ ⴷⵔⵓⵏ ⵔⴰⴷ ⵢⴰⵡⵙ ⵖ ⵓⵙⴱⵓⵖⵍⵓ ⵏⵙ ⴷ ⴰⴷⵓⵔ ⵜⴱⵉⴷ ⵖ ⵎⴰⴷⵢⵓⵛⴽⴰⵏ ⵖ ⵉⵎⴰⵍ ⴷ ⵉⵣⴷⴰⵔ ⴰⴷ ⵜⵔⵔⴰ ⵉⵇⴰⵔⵉⴷⵏ ⵖ ⵉⵎⴰⵍ ⵙ ⵢⴰⵜ ⵜⴰⵖⴰⵔⴰⵙⵜ ⵏⵖⴷ ⵙ ⵟⴰⵢⵢⴰⴹ.
ⵓⵍⵍⴰ ⵜⴰⵡⵔⵉ ⴰⴼⴰⴷ ⴰⵏ ⵏⴼⴽ ⵉⵙⵎⵓⵜⵜⴰⴳ ⵓⵔⴷ ⵖⴰⵔ ⵉⵡⵉⵍⵉ ⴷⴰⵔ ⵉⵔⵉⵎ ⵏⵖⴷ ⵜⵉⵙⵓⴳⴰⵔ ⵓⵍⵍⴰ ⵉ ⵉⵄⵔⵉⵎⵏ ⵍⵉ ⵉⵜⵡⴰⵔⴳⴰⵏ ⵍⵉ ⵉⵛⵏⵓⴱⵓⵛⵏ ⵙ ⴰⵍⵍⵎⴰⴷ ⴷ ⴰⴳⵉⵙⵏ ⵏⵙⴽⵔ ⵓⵍⴰ ⵏⵜⵜⵏⵉ ⵢⴰⵏ ⵖ ⵉⵖⴱⵓⵍⴰ ⵏ ⵉⵏⵖⵎⵉⵙⵏ ⴷ ⴰⴼⵙⵙⴰⵔ ⵖ ⵍⵎⵉⵏⴰⵚⴰ ⵔⴰⵢⴳ ⵢⴰⵜ ⵜⵖⴰⵡⵙⴰ ⴱⴰⵀⵔⴰ ⵉⴼⵓⵍⴽⵉⵏ ⴷ ⵎⴰⵢⴰⴷ ⵔⴰⵢⴹⵎⵏ ⵜⴰⵙⵓⵍⴰⵏⵜ ⵏ ⵜⵓⵎⴰⵢⵜ ⵖ ⵍⵎⵉⵏⴰⵚⴰ.
ⵏⴽⵯⵏⵉ ⵏⵃⵜⴰⵊⴰ ⵉⵙⵎⵓⵜⵜⴰⴳ ⴰⴼⴰⴷ ⴰⵏⴳ ⵉⵏⵣⵎⴰⵔⵏ ⵖ ⴰⵙⴽⴰⵔ ⵏ ⵜⵓⵎⴰⵢⵜ ⵉⴳⴰⵏ ⴰⵣⵣⵓⵍⴰⵏ ⴷ ⵜⵣⴷⴰⵔⵜ ⵙ ⵜⵖⴰⵔⴰⵙⵜ ⵏⵙ ⴰⴷ ⵜⵓⵙⵓⵔⵜ ⵓⵔⴷ ⵖⴰⵔ ⴼ ⵜⴰⵙⴳⴰ ⵏ ⵜⴰⵙⵔⵜⵉⵜ ⵏⵖⴷ ⴰⵎⵣⵔⵓⵢ ⵎⴰⵛ ⵓⵍⵍⴰ ⵜⴰⵙⴳⴰ ⵜⴰⵏⴰⵎⵓⵏⵜ ⴷ ⴰⵙⴱⵓⵖⵍⵓ ⴷ ⵜⴰⵏⴰⴼⴳⴰⵏⵜ ⴷ ⴰⵔⵙⵡⵉⵏⴳⵉⵎⵖ ⵎⴰⵙⴷ ⵏⵣⴷⴰⵕ ⵖ ⵛⴰⵎⵉⵍⴰ ⴰⵏⵙⴽⵔ ⵎⴰⵢⴰⴷ.
ⵉⵇⴷⵔ ⴰⵜⵜⵎⵉⴳⵉⵔ ⵛⴰⵎⵉⵍⴰ ⴷ ⴽⵔⴰ ⵏ ⵉⵎⵓⴽⵔⵉⵙⵏ ⴷ ⴰⵙⵜ ⵇⴱⵍⵏ ⴽⵔⴰ ⵖ ⴰⵎⵓⵏⵏ ⵏⵖⴷ ⵜⵉⵎⵉⵣⴰⵔ ⴷ ⴰⵙⵔⴰⴳ ⵏ ⵎⴰⵢⴰⴷ ⵉⴳⴰⵜ ⵜⵓⴳⵜ ⵏ ⵜⵉⴷⵍⵙⵉⵡⵉⵏ ⴷ ⴰⵙⵏⵉⵃⵢⵉ ⴳⵉⵙⵏⵜ ⴰ ⴰⵙⵏⴼⵍ ⵏ ⵜⵉⴳⵓⵔⵉⵡⵉⵏ ⴷ ⴰⵔ ⵎⴰⵏⵉ ⵙⵉⵙⵏ ⵇⴱⵍ ⵣⵖ ⵜⴰⵎⴰⵣⵉⵔⵜ ⴰⵔ ⵜⴰⵢⴰⴹ. ⵓⵍⵍⴰ ⴼ ⵓⵔⴰⴳ ⵏ ⵜⵓⴳⵜ ⵏ ⴰⵙⵡⴰⵍⴰⵜⵏ ⵏ ⵜⴰⵙⵔⵜⵉⵜ ⴷ ⴰⵙⵏⴰⵃⵢⴰ ⵖ ⵉⵣⵔⴼⴰⵏ ⵣⵖ ⵜⴰⵎⴰⵣⵉⵔⵜ ⴰⵔ ⵜⴰⵢⴰⴹ ⴷ ⵎⴰⵢⴰⴷ ⵉⵇⴰⵏⴷ ⴰⴼⵍⴰⵙ ⵏⴰⵙⵉ ⵏⵉⵙⵙⴰⵏⵜ ⵙⵍⵡⴰⵏ ⴰⴽ ⵉⵖ ⴷⵏⵙⴼⵓⵖ ⵉⵎⵏⵏⵉⵜⵏ ⵏⵖⴷ ⵜⵓⵎⴰⵢⵜ ⵎⴽⵏⵏⴰ ⵉⴳⴰ ⴰⴼⴰⴷ ⴰⵏⵙⴼⵍⵙ ⵜⴰⵔⴰⵡⵙⴰⵏⵜ ⴱⵍⴰ ⵏⴽⴽⴰ ⵎⵏⵉⴷ ⵏ ⵜⵎⵏⴰⴹⵜ ⴼ ⵜⴰⵢⴰⴹ.
