ⴽⵔⴰⵏ ⵜⴰⵡⵊⵉⵡⵉⵏ ⴰⵔ ⵙⵜⵉⵀⵉⵍⵏ ⴰⵔⴰⵡ ⵏⵙⵏ ⵖ ⵓⵙⴰⵏ ⵍⵉ ⵉⵣⵡⴰⵔⵏ ⵏ ⵜⴰⵍⴰⵍⵉⵜ ⵏⵙⵏ ⴰⵔ ⵜⵉⵏⵉⵏ ⵜⴰⴼⵔⵓⵅⵜⴰⴷ ⵉ ⵓⴼⵔⵓⵅⴰⴷ ⵙⵍⴰⵡⴰⵏ ⴰⴽⴽ ⵉⵡⵉⵙ ⵏ ⵄⵎⵉⵙ, ⵖ ⵜⵉⵣⵡⴰⵔ ⵏ ⵜⵓⴷⵔⵜ ⵏⵙ ⴰⴷⴰⵙ ⵜⴼⵜⵜⵓ ⵜⵓⴷⵔⵜ ⵏⵙ ⴷ ⴰⵔ ⵜⴳⴳⴰ ⴰⵙⴰⵖ ⴷⴷⴰⵔ ⴰⵡⵜⵜⴰⵙ ⵏ ⵍⵉⵜⵜⵉⵀⴰⵍ ⴷ ⵙⵓⵍ ⵉⵍⵍⴰ ⵎⴰⵢⴰⴷ ⴷ ⴰⵔ ⵉⵜⵜⵉⴳⵓⵜ ⵖ ⵉⴷⵖⴰⵔⵏ ⵏ ⵍⴱⴰⴷⵉⵢⴰ, ⵎⴰⵛ ⵖ ⵜⵉⵣⵉⵣ ⵢⴰⴷ ⵉⴳⴳⵓⵔⴰⵏ ⴰⵔ ⴷⵉⵜⵣⴰⵢⴷ ⵃⵜⴰ ⵖ ⵜⵉⵎⴷⵉⵏⵉⵏ.
ⵍⵉⵜⵜⵉⵀⴰⵍ ⵏ ⵜⴰⵣⵣⴰⵏⵉⵏ ⵖ ⵍⵢⴰⵎⴰⵏ ⵉⵇⴱⵓⵔ ⴱⴰⵀⵔⴰ ⵙ ⵍⵃⵙⴰⴱ ⵏ ⵜⵉⵏⵓⵎⴰ ⴷ ⵜⵉⵡⵔⴳⵍⵉⵏ ⵜⵉⵏⵓⵎⴰⵏⵉⵏ ⵍⵉ ⵉⵣⵔⴰⵏ ⵎⴰⵙⴷ ⵉⴳⴰ ⴰⵏⴰⵡ ⵣⵖ ⴰⵏⴰⵡⵏ ⵏ ⵙⵜⵜⵔ ⵏ ⵜⴰⴼⵔⵓⵅⵜ, ⵏⵖ ⴰⴼⴰⴷ ⴰⴷ ⵜⵙⴳⵓⵜ ⵉⴼⴰⵙⵏ ⵍⵉ ⵉⵙⵓⵡⵔⵉⵏ ⵖ ⵜⴰⴼⵍⴰⵃⵜ ⵏⵖⴷ ⵜⵉⴽⵙⵙⴰ ⵙ ⵍⵃⵙⴰⴱ ⵏ ⵉⴽⴰⵍⵉⵡⵏ ⵉⵎⵢⴰⵏⴰⵡⵏ ⵖ ⵍⵢⴰⵎⴰⵏ.
ⵉⵙⴷⵉⴷⴷⵉⵜⵏ ⵍⵉ ⵉⵙⵎⴰⵖⵏⴰⵡ ⵍⵉⵜⵜⵉⵀⴰⵍ ⵏ ⵜⴰⵣⵣⴰⵏⵉⵏ ⴼ ⵔⴰⵃⵜ ⵏ ⵜⵉⴼⵔⴰⵅ
ⵣⵖ ⵍⵎⴰⵅⴰⵟⵉⵔ ⵍⵉ ⴽⵓⵍⵓ ⵉⵙⵜⴰⵡⵀⵎⴰⵏ ⵖ ⵍⵉⵜⵜⵉⵀⴰⵍ ⵏ ⵜⴰⵣⵣⴰⵏⵉⵏ ⵉⴳⴰⵜ ⵎⴰⵢⵙⴷⵉⴷⴷⵉⵏ ⵜⵓⴷⵔⵜ ⵏ ⵜⵓⴳⵜ ⵏ ⵜⵉⴼⵔⴰⵅ ⵍⴰⵏⵜ ⵜⵉⴼⵔⴰⵅ ⵍⵉⵎⵎⵓ ⵜⴼⵜⵜⵓ ⵜⴰⴷⵓⵙⵉ ⵏⵙⵏⵜ ⵖ ⴰⵡⵜⴰⵢ ⴰⴷ ⴰⵛⴽⵓ ⵓⵔ ⵜⵣⴷⴷⴰⵔ ⴰⴷ ⵜⴰⵔⵔⵓ ⵙ ⵓⵙⵔⴰⴳ ⵏ ⴰⵙⵓⵔⵙ ⵍⵊⵉⵙⵎⴰⵏⵉ ⵏ ⵜⴰⴼⵔⵓⵅⵜ ⴷ ⵉⵇⴷⵔ ⴰⴷ ⵍⴽⵎⵏⵜ ⵍⵎⴰⵅⴰⵟⵉⵔ ⵉ ⵍⵎⵓⵜ ⵏⵖ ⴰⵍⵍⴰⵢ ⵏ ⵔⴰⵃⵉⵎ ⴷ ⵓⵍⵍⴰ ⵍⴰⵏ ⵉⵙⴷⵓⴷⴷⵓⵢⵏ ⵏ ⵍⵃⵉⵔⵎⴰⵏ ⵏⵙ ⵖ ⵜⵉⵏⵎⵍ ⴷ ⵍⵃⵉⵔⵎⴰ ⵣⵖ ⵉⵎⴰⵍ ⵣⵖ ⴰⵎⴰⵥ ⵏ ⴰⵣⵎⵣⵣⵓ ⵏ ⵜⴰⵡⵔⵉ ⴷ ⵓⴳⴰⵔ ⵏ ⵎⴰⵢⴰⴷ ⴷ ⵎⴰⴼⵍⵍⴰⵙ ⵉⵛⵇⴰⵏ ⵉⴳⴰⵜ ⵓⵍⵓⴼ ⵍⵉⵖ ⵜⵓⵣⵎⴰⵎⵏ ⵉⵙⵖⴰⵍ ⵏ ⵓⵍⵓⴼ ⵉⵎⵇⵓⵔⵏ ⵙ ⵓⵙⵔⴰⴳ ⵏ ⵎⵥⵥⵉ ⵏ ⵉⵡⵜⴰⵢⵏ ⴷ ⵎⴰⵢⴰⴷ ⵉⵛⵎⵍ ⵜⵉⴼⵔⵅⵉⵏ ⵓⵍⴰ ⵉⴼⵔⵅⴰⵏ ⴰⵛⴽⵓ ⵓⵔ ⵣⴷⴰⵔⵏ ⵉ ⵜⴰⵎⵙⵜⴳⴳⴰⵔⵜ ⴷ ⵓⵍⵍⴰ ⴰⵖⵍⵉ ⵏ ⵍⵃⴰⵍⴰⵜ ⵏ ⵍⵉⵏⵜⵉⵃⴰⵔ ⴷ ⵍⵅⵉⵢⴰⵏⴰ ⵣⴰⵡⵊⵉⵢⴰ. ⴷ ⵓⵍⵍⴰ ⵣⵖ ⵍⵎⴰⵅⴰⵟⵉⵔ ⴰⵣⵎⵎⴰⵎ ⵏ ⵍⵉⵜⵜⵉⵀⴰⵍ ⴱⵔⴰ ⵏ ⵜⵉⵏⴱⴹⴰⵢⵉⵏ ⵎⴰⵢⴰⴷ ⵔⴰⴷ ⵉⵙⴷⵉⴷⴷⵉ ⵉⵣⵔⴼⴰⵏ ⵏ ⵜⵎⵖⴰⵔⵜ ⵣⵖ ⵓⴽⴽⵓⵙ ⴷ ⴰⵎⵎⴰⵥ ⵏ ⵜⴰⵎⴰⴳⵉⵜ ⵏ ⵍⴰⵃⵡⴰⵍ ⵜⵓⵖⵔⵉⵎⵜ ⵉ ⵜⴰⵣⵣⴰⵏⵉⵏ ⴷ ⵉⵇⴷⵔ ⴰⴼⵍⴰⵙ ⵉⴳ ⴱⵣⵉⵣ ⴰⴷ ⵜⵣⵎⵉⵎ ⴰⵣⵣⴰⵏ ⵏ ⵡⴰⵙⴰⵖ ⵏ ⵢⴰⵏ ⵢⴰⴹⵏⵉ ⵉⵇⴷⵔ ⴰⵢⴳ ⵄⵎⵉⵙ ⵏⵖⴷ ⴳⵓⵎⴰⵙ ⵏⵖⴷ ⵅⴰⵍⵉⵙ ⵏ ⵡⴰⵣⵣⴰⵏ ⴷ ⵉⵇⴷⵔ ⴰⵜⴳ ⵜⴰⴼⵔⵓⵅⵜⴰⴷ ⵜⴰⵎⵖⴰⵔⵜ ⵜⵉⵙⵏⵏⴰⵜ ⴷ ⵜⵉⵙⴽⵔⴰⵜ ⵉ ⵓⵔⴳⴰⵣ ⵍⵉ ⴼⵍⴰⵙ ⵉⵎⵇⵓⵔⵏ ⵖ ⴰⵡⵜⴰⵢ.
ⴱⵏⵏⵉⵙⴱⴰ ⵉⵖⴰⵢⵍⵉ ⵉⵜⵜⵊⵔⵓⵏ ⵣⵖ ⵉⵙⴷⵉⴷⴷⵉⵢⵏ ⵍⵉ ⵉⵙⴽⴰⵔ ⵍⵉⵜⵜⵉⵀⴰⵍ ⵏ ⵜⴰⵣⵣⴰⵏⵉⵏ ⴼ ⵔⴰⵃⵜ ⵏ ⵜⵉⴼⵔⴰⵅ, ⵍⵉⵜⵜⵉⵀⴰⵍ ⵏ ⵜⴼⵔⵓⵅⵜ ⴰⵔⵜ ⵉⵜⵃⵔⴰⵎ ⵖ ⵜⵓⴳⵜ ⵏ ⵉⵣⵔⴼⴰⵏ
- ⵖ ⵍⵎⴰⵔⵃⴰⵍⴰ ⵏ ⵜⵉⵎⵥⵉ ⴰⵔ ⵜⵓⵃⵔⴰⵎ ⵣⵖ ⴰⵣⵔⴼ ⵏ ⵍⵀⴹⵔⵜ ⵍⵉⵢⴰⵙ ⵉⵜⵜⵓⴼⴽⴰⵏ ⵖ ⴰⵡⵜⴰⵢ ⴰⴷ ⴷ ⵍⵉ ⵉⵜⵜⵍⴱⵓⵏ ⵖ ⵍⴰⵚⵍ ⵜⵉⵖⴰⵡⵙⵉⵡⵉⵏ ⵉⴳⴰⵏ ⵏⴰⴼⵙⵉⵢⴰ ⴷ ⵜⴰⴷⵓⵙⴰⵏⵜ ⵉ ⵉⵅⴼⵏⵙ ⵖ ⴰⵡⵜⴰⵢ ⴰⴷ, ⴰⵛⴽⵓ ⴽⴰⵢⴳⴰⵜ ⴰⵣⵔⴼ ⵜⵉⵖⵔⴷⵉⵏ ⵏⵙ ⵍⵃⴰⵊⵜ ⵉⴳⴰⵏ ⵏⴰⴼⵙⵉⵢⴰ…
- ⵖ ⴰⵡⵜⴰⵢ ⴰⴷ ⵓⵔ ⵉⵍⵍⵉ ⴷⴰⵔ ⵜⴰⴼⵔⵓⵅⵜ ⵜⵓⴳⵜ ⵏ ⵜⵉⵙⵓⵍⴰ ⵏ ⵓⵙⴳⵎⵉ ⴷ ⴰⵏⵡⵡⵉ ⵍⵉⵔⴰⴷ ⵙⵜⵜⵢⴰⵊ ⴰⴷ ⵜⵙⵙⵓⴳⵓⵔ ⵜⵉⴳⵎⵉ ⴷ ⵜⴰⵡⵊⴰ, ⵖⴰⵢⴰⵏ ⴰⴼ ⵔⴰⴷ ⵢⴰⵡⵉ ⵎⴰⵢⴰⴷ ⵙ ⵍⴼⴰⵛⴰⵍ ⵏⵙ ⵖ ⵓⵙⴳⵎⵉ ⵏ ⵜⴰⵣⵣⴰⵏⵉⵏ ⵏⵙ ⴷ ⵉⴹⵉⵚ ⴼ ⵜⵓⴷⵔⵜ ⵏ ⵜⴰⵡⵊⴰ ⵙ ⵢⴰⵏ ⴰⵎⴰⵖⵏⴰⵡ ⵉⴳⴰⵏ ⵙⵉⵍⴱⵉ ⵎⴰⵢⴰⴷ ⴰⵔⴰⴷ ⵙⵜⵉⵃⵔⵎ ⵣⵖ ⵜⵓⴷⵔⵜ ⵉⵔⵚⴰⵏ ⴷ ⵔⴰⵃⵎⴰ ⴷ ⵍⵎⴰⵡⴰⴷⴷⴰ ⵍⵉⴼ ⵉⵜⵜⵓⵙⴽⴰⵔ ⵍⵉⵜⵜⵉⵀⴰⵍ ..
- ⵍⵉⵜⵜⵉⵀⴰⵍ ⵏ ⵜⴰⴼⵔⵓⵅⵜ ⴰⵔⵜ ⵉⵜⵃⵔⴰⵎ ⵣⵖ ⴰⵣⵔⴼ ⵏⵙ ⵍⵉ ⴽⵓⵍⵓ ⵉⵀⵎⴰⵏ ⵉⴳⴰⵜ ⵓⵣⵔⴼ ⵏ ⵓⵙⵍⵎⴷ ⴰⵔⴷ ⵜⵎⵇⵓⵔ ⵜⴳⴰ ⵓⵎⵎⵉⵢⴰ ⵏⵖⴷ ⴱⵍⴰ ⵉⴷⵉⴱⵍⵓⵎⵏ ⵉⵎⵇⵇⵔⴰⵏⵏ ⵍⵉ ⵔⴰⵙⵜ ⵉⴳ ⵉⵎⴰⵍ ⵖ ⵜⵉⵍⴰⵍⵜ ⵜⴰⵏⴰⵎⵓⵏⵜ ⵉⵙⴷⵉⴷⵏ ⵍⵉⵖⵓⵔ ⴰⵜ ⵜⵙⵜⴰⴼⴷ ⴳⵉⵙ ⵣⵖ ⵓⵙⴱⵓⵖⵍⵓ, ⴷ ⵓⵔ ⵜⵜⵓⴼⴰ ⴰⵜⴳ ⵣⵖ ⵉⴷ ⴱⴰⴱ ⵏ ⵓⵇⴰⵔⵉⴷ ⵏⵖ ⵉⴹⵉⵚ ⴰⵡⴰⴹⵉⴼⵉ ⵖ ⵡⴰⵎⵓⵏ, ⴷ ⵉⵖ ⵉⵎⵓⵜ ⵓⵔⴳⴰⵣ ⵏⵙ ⵏⵖⴷ ⵉⵖⴰⵙ ⵉⵍⴼ ⵓⵔⴰⴷ ⵜⵜⴰⴼⴰ ⵜⴰⵡⵔⵉ ⴷⵉⵙ ⵢⵓⵛⴽⴰⵏ ⵍⵉⵙⵔⴰⴷ ⵜⵛⵓⵛⵛⵉ ⴰⴳⴰⵢⵓⵏⵙ ⴷ ⵜⴰⵔⵡⴰ ⵏⵙ ⴰⵛⴽⵓ ⵓⵔⴷⴰⵔⵙ ⵜⵉⵙⵙⵓⴳⴰⵔ ⴷ ⴷⵉⴱⵍⵓⵎⴰⵜ …
ⵎⴰⵢⴰⴷ ⵎⴰⵔⵔⴰ ⴰⵔ ⵉⴹⵔⵓ ⵙ ⵔⴰⵃⵜ ⵏ ⵜⴰⴼⵔⵓⵅⵜ ⴷ ⴰⵙⵓⵔⵓⵙ ⵏⵙ ⴰⵏⴰⵎⵓⵏ ⵉⴼⵓⵍⴽⵉⵏ ⴷ ⵉⵔⵚⴰⵏ ⴷ ⵣⵖ ⵉⴹⵉⵚⵏ ⵏ ⵓⵙⴱⵓⵖⵍⵓ ⴷ ⵉⵏⴰⵎⵓⵏⵏ ⵍⵉ ⵎⴰⵔⵔⴰ ⵉⴱⴰⵢⵏ ⵍⵉ ⴷⴰⵔ ⵜⴰⵣⴷⴰⵢⵜ ⴷ ⵍⵉⵜⵜⵉⵀⴰⵍ ⵏ ⵜⴰⵣⵣⴰⵏⵉⵏ ⵖ ⵍⵢⴰⵎⴰⵏ:
- ⴰⴱⴱⴰⵢ ( ⵜⴰⴼⵔⵓⵅⵜ ⵉⵜⴰⵀⵍⵏ) ⵣⵖ ⵓⵙⵍⵎⴷ ⵙ ⵓⵙⵔⴰⴳ ⵏ ⵍⵉⵜⵜⵉⵀⴰⵍ ⴷ ⵎⴰⴳⴳⵉⵙ ⵉⵍⵍⴰⵏ ⵣⵖ ⵜⵉⵡⵔⵉⵡⵉⵏ ⴷ ⵜⵉⵎⵙⴳⴳⴰⵔⵉⵏ … ⴷ ⵎⴰⵢⴰⴷ ⴰⵔ ⵉⵜⵜⴰⵡⵉ ⵙ ⴰⵖⵍⵉ ⵏ ⵉⵙⵖⵍⵏ ⵏ ⵍⵓⵎⵎⵉⵢⴰ ⵖ ⵍⵢⴰⵎⴰⵏ ⵍⵉ ⴷⴰⵔ ⴰⵎⵓⴽⵔⵉⵙ ⵏ ⵍⵓⵎⵎⵉⵢⴰ ⵙ ⵓⵙⵖⵍ ⵏ 45% ⵜⵇⵔⵉⴱⴰⵏ, 66% ⵣⵖ ⴳⵉⵙⵏ ⵜⵉⴼⵔⵅⵉⵏ, ⴷ ⴰⵔ ⵜⵍⴽⵎ ⵜⴰⵙⵖⵍⵜ ⵏ ⵍⵓⵎⵎⵉⵢⴰ ⵏⴳⵔ ⵜⵉⵎⵖⴰⵔⵉⵏ ⵏ ⵍⴱⴰⴷⵉⵢⴰ 79%, ⴷ ⵙ ⵍⵃⵙⴰⴱ ⵏ ⵜⴰⵏⴰⴹⵜ ⵏ ⵍⴱⴰⵏⴽ ⴰⴷⴰⵡⵍⵉ ⵜⵍⵍⴰ ⵍⵢⴰⵎⴰⵏ ⵖ ⵓⵙⵡⵉⵔ ⴰⵎⵣⵡⴰⵔⵓ ⵖ ⵜⴰⵙⵖⵍⵜ ⵏ ⵍⵓⵎⵎⵉⵢⴰ ⵏⴳⵔ ⵜⵉⵎⵉⵣⴰⵔ ⵏ ⵡⴰⵄⵔⴰⴱⵏ, ⴷ ⴰⵔ ⵜⵣⴰⵢⴰⴷ ⵍⵓⵎⵎⵉⵢⴰ ⵍⵉⵖⴰⵢⵜⵣⴰⵢⴰⴷ ⵓⴼⵓⵖ ⵣⵖ ⵓⵙⵍⵎⴷ, ⴷ ⵣⵖ ⵜⴰⵏⴰⴹⵜ ⴰⵎⴰⴷⴷⵓⴷ ⵉⵙⴷⵓⵙ ⵎⴰⵙⴷ 3 ⴷ ⵍⵎⵍⵢⵓⵏ ⵏ ⴰⵣⵣⴰⵏ ⴰⵢⴰⵎⴰⵏⵉ ⵣⵖ ⵡⵉⵍⵉ ⵉⵍⴽⵎⵏ ⴰⵡⵜⴰⵢ ⵏ ⵓⵙⵍⵎⴷ ⴳⴰⵏ ⵣⵖ ⵡⵉⵍⵉ ⵉⴼⵓⵖⵏ ⵜⵉⵎⵔⵙⴰⵍ ⵏ ⵓⵙⵍⵎⴷ.
- ⴰⵖⵍⴰⵢ ⵏ ⴰⵙⵖⵍ ⵏ ⵣⵍⴹ ⵖ ⵡⴰⵎⵓⵏ, ⵜⴰⵎⵖⴰⵔⵜ ⵜⴳⴰ ⵜⴰⵣⵣⴰⵏⵜ ⴷ ⵜⴳ ⵓⵎⵎⵉⵢⴰ, ⴷ ⵍⵎⵓⵄⴷⴰⵍ ⵏ ⵍⵅⵓⵚⵓⴱⴰ ⵉⵖⵍⵉ 7.4 ⵏ ⴰⵔⵔⴰⵡⵏ ⵉ ⵢⴰⵜ ⵜⴰⵎⵖⴰⵔⵜ, ⴷ ⴰⵙⵖⵍ ⵏ ⵜⴰⵎⵔⵏⵉⵡⵜ ⵏ ⵉⵎⵣⴷⴰⵖⵏ ⴰⵔ ⵉⵜⵣⴰⵢⴰⴷ 3.5%.
- ⴰⵙⵡⵓⵜⵜⵓ ⵏ ⵓⵙⴳⵎⵉ ⵉⴼⵓⵍⴽⵉⵏ ⵉ ⵜⴰⵣⵣⴰⵏⵉⵏ ⵍⵉⴷ ⵉⵜⴼⵓⵖⵏ ⵣⵖ ⵉⵏⵏⴰⵜⵙⵏ ( ⵍⵉ ⵉⴳⴰⵏ ⵜⴰⵣⵣⴰⵏⵉⵏ ⴷ ⵍⵓⵎⵎⵉⵢⴰⵜ).
- ⴰⵖⵍⵉ ⵏ ⵓⵙⵖⵍ ⵏ ⵍⵎⵓⵜ ⵏ ⵜⵉⴼⵔⴰⵅ ⴷ ⴰⵔⵔⴰⵡⵏ ⵏⵙⵏⵜ, ⵍⵉⵖ ⵜⵍⴽⵎ ⵖ ⵍⵢⴰⵎⴰⵏ 356 ⵏ ⵍⵃⴰⵍⴰ ⵣⵖ ⴽⵓⵍⵍⴰ 100 ⵏ ⵉⴼⴹⵏ ⵏ ⴰⵔⵔⴰⵡ ⵉⵙⵓⵍⵏ (ⵙ ⵓⵙⵖⵍⵏ ⵏ ⵍⵎⵓⵜ ⵏ ⵙⴰ ⵜⵉⵎⵖⴰⵔⵉⵏ ⴽⴰⵢⴳⴰⵜ ⴰⵙⵙ), ⴷ ⵎⴰⵢⴰⴷ ⵉⴳⴰ ⵢⴰⵏ ⵖ ⵉⵙⵖⵍⵏ ⵍⵉ ⵎⴰⵔⵔⴰ ⵉⵎⵇⵇⵓⵔⵏ ⵖ ⵓⵎⴰⴹⴰⵍ.
ⴰⵔ ⵜⵓⵄⵜⴰⴱⴰⵔ ⵜⴰⴼⵔⵓⵅⵜ ⵉⵜⴰⵀⵍⵏ ⵢⴰⵜ ⵜⴰⵥⴰⵢⵜ ⴼ ⵡⴰⵎⵓⵏ ⴷ ⵎⴰⵢⴰⴷ ⴰⵙⵔⴰⴳ ⵏⵙ ⵉⵎⵓⴽⵔⵉⵙⵏ ⵍⵉ ⵉⵜⵜⵄⵔⴰⴹⵏ ⵜⴰⴼⵔⵓⵅⵜ ⵉⵜⵜⴰⵀⵍⵏ ⵍⵉ ⵉⵜⵙⵙⵏⴼⵍⵏ ⵙ ⵜⴰⴼⵔⵓⵅⵜ ⵉⵍⵓⴼⵏ ⵎⴰⵢⴰⴷ ⵍⵉ ⵉⵜⵜⵙⵔⴰⴳⵏ ⵉⵢⴰⵏ ⵓⴼⵔⵓⵔⵉ ⵖ ⵜⵉⴼⵙⵜ ⵜⴰⵏⴰⵎⵓⵏⵜ ⵖ ⵓⴳⵏⵙ ⵏ ⵍⵢⴰⵎⴰⵏ, ⵜⵙⵎⴷⵜⴰⵙ ⵎⴰⵙ ⵓⵔ ⵜⵏⵏⵡⴰ ⵙ ⵎⴰⵢⵓⴷⴰⵏ ⴰⴼⴰⴷ ⴰⴷ ⵜⵙⴳⵎⵉ ⵜⴰⵔⵡⴰ ⵏⵙ ⵙ ⵜⵢⴰⴼⵓⵜ ⵏ ⵎⴰⵢⴰⴷ ⴰⵔⴷ ⵜⵙⴼⵓⵖ ⵜⴰⵙⵓⵜ ⵍⵉ ⵓⵔ ⵉⵏⵏⵡⴰⵏ ⵎⴰⵢⴰⴷ ⴰⵔⴰⵖ ⵢⴰⴽⴰ ⵎⵉⴷⵏ ⵍⵉ ⴳⴰⵏ ⵉⴷ ⵡⴰⵔ ⵍⴼⴰⵢⵜ ⵉ ⵡⴰⵎⵓⵏ ⴷ ⴰⵔ ⵙⵎⴰⵖⵏⴰⵡⵏ ⵢⴰⵜ ⵜⴰⵣⴰⵢⵜ ⵎⵇⵇⵓⵔⵏ ⵖ ⵡⴰⵎⵓⵏ. ⴷ ⵙ ⵜⵉⵍⴰⵍⵜ ⵏⵙ ⴰⵔ ⵉⴹⵉⵚ ⴼ ⵜⴰⵙⴳⴰ ⵏ ⵓⵙⴱⵓⵖⵍⵓ ⵖ ⵓⴳⵏⵙ ⵏ ⵡⴰⵎⵓⵏ ⴷ ⴰⵔ ⵉⴹⵉⵚ ⴼ ⵜⴰⴷⴰⵎⵙⴰ ⴷ ⵙⵎⴷⴰⵙ ⵓⵍⵍⴰ ⴰⵖⵍⵉ ⵏ ⴰⵙⵖⵍ ⵏ ⵜⴰⵔⵡⵓⵔⵉ ⴷ ⵍⵓⵎⵎⵉⵢⴰ ⴷ ⵓⵙⵖⵍⵉ ⵏ ⵍⵉⵏⵜⵉⵃⴰⵔ.
ⵢⵓⵎⵣ ⴰⵖⴰⵔⴰⵙ ⵎⵇⵓⵔⵏ ⵜⵉⵣⵡⴰⵔ ⵏ ⵓⵎⵖⵏⵉ ⵙ ⵢⴰⵏ ⴰⵎⴰⵖⵏⵓ ⵉⵙⵏⵎⴰⵍⴰⵏ ⴷ ⵉⴱⴱⴷⴰ ⵜⴰⵡⵔⵉ ⵖ ⴰⵥⵍⴰⵢ ⵏ ⴰⵡⵜⴰⵢ ⵏ ⵍⵉⵜⵜⵉⵀⴰⵍ ⵍⵉ ⵉⵜⵓⵇⵔⴰⵔ ⴰⵢⴳ ⴰⴼⵍⵍⴰ ⵏ 18 ⵏ ⵓⵙⴳⴰⵙ ⵎⴰⵛ ⵖ ⵍⴱⴷⵢⴰ ⵏ ⵓⵎⵖⵏⵉ ⵉⴱⴱⵉⴷ ⵎⴰⵢⴰⵏ. ⵙⵓⵍ ⵍⴰⵏⵜ ⵜⵉⵎⵣⵣⵉⵣⵉⵍⵉⵏ ⵣⵖ ⴷⴰⵔ ⵜⵉⵎⴰⴷⴷⴰⵙⵉⵏ ⵏ ⴰⵎⵓⵏ ⵓⵖⵔⵉⵎ ⴷ ⵉⵎⵖⵏⴰⵙⵏ ⵎⴰⵛ ⴰⵔ ⵉⵜⵖⴰⵎⴰ ⵓⵙⵓⵡⵔⵉ ⴼ ⴰⵥⵍⴰⵢ ⵏ ⴰⵙⵍⴳⵏ ⵖ ⴰⴷⵖⴰⵔ ⵏ ⵓⵙⴱⴱⵉⴷ ⴷ ⵡⴰⵙⵓⵍ ⵏ ⵓⵎⵖⵏⵉ.
