“ⵉⵙⴰ ⴼⵍⴰⵎ ⵉⵜⴽⵔⴼⴰⵚ ⵓⵔⴳⴰⵣⵏⵎ ⵖ ⵏⴰⵎⵓⵙⵉⵢⴰ?” ⵖⵉⴽⴰⴷ ⴰⵙ ⵉⵙⵏⴼⵍ ⵍⵎⴼⵀⵓⵎ ⵏ” ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ” ⴷ ⵜⴰⴳⵓⵔⵉ ⵏ ” ⵉⵜⴽⵔⴼⵚ ⴼⵍⴰⵎ” ⵉⵛⵇⴰ ⴰⴷⴰⵙ ⵏⴰⴼ ⵜⴰⵔⵊⴰⵎⴰ ⵙ ⵍⵎⴰⵄⵏⴰ ⵏⵙ. ⴷ ⵓⵔⴷⴰⵔⵙ ⵏⴰⴼⵙ ⴷⴰⵍⴰⵍⴰ ⴷⴰⵔ ⵎⴰⵔⵔⴰ ⵎⵉⴷⵏ, ⴰⵛⴽⵓ ⵉⵍⵍⴰ ⵎⴰⵢⴽⵛⵎⵏ ⵖ ⴷⴰⵍⴰⵍⴰ ⵏ ⵍⵉⵖⵜⵉⵚⴰⴱ ⴷ ⵓⵔⵉⵍⴰ ⵖ ⵓⵙⴰⵜⵉ ⵏ “ⵉⵜⴽⵔⴼⵚ ⴼⵍⴰⵎ”. ⵡⴰⵅⴰ ⴰⵔ ⴷⴷⵓⵍⵓ ⴼ ⵍⵀⴰⵍⴰ ⵏ ⵜⵉⵍⵍⴰⵙ ⵍⵉ ⵉⵙⵙⵓⵜⵍⵏ ⵉ ⵜⵉⵎⵙⴰⵔⵉⵏ ⵍⵊⵉⵏⵙⴰⵏⵉⵢⴰ ⵎⴰⵛ ⴰⵔ ⵜⵖⴰⵎⴰ ⵜⴰⵥⴹ ⴰⴼⴰⴷ ⴰⵏⴼⵀⵎ ⵜⵉⵎⵖⴰⵔⵉⵏ ⵏ ⵜⵓⵙⵙⵉⴼ ⵏⵖ.
“ⴰⵔⴳⴰⵣ ⵉⵏⵓ ⴰⵔ ⴼⵍⴰⵜⵉ ⵉⵜⴽⵔⴼⴰⵚ”, ” ⴰⵔⴳⴰⵣ ⵉⵏⵓ ⵓⵔⴰⵢⵉ ⵉⵜⵃⵜⴰⵔⴰⵎ ⵖ ⵉⵇⵡⴰⵏ”, ” ⴰⵔⴳⴰⵣ ⵉⵏⵓ ⴰⵔ ⴼⵍⴰⵜⵉ ⵉⵙⴱⵣⵣⵉⵣ ⵉⵇⵡⴰⵏ”, “ⴰⵔⴳⴰⵣ ⵉⵏⵓ ⴰⵔⵉⵢⵉ ⵉⵜⵖⵟⴰⵚⴰⴱ”, ⵉⴳⴰ ⵎⴰⵢⴰⴷ ⴰⵎⴰⵣⴰⵔ ⵏⴳⵔ ⵜⵉⵎⵖⴰⵔⵉⵏ ⵏ ⵜⵓⵙⵙⵉⴼⵜ ⵡⴰⵅⴰ ⴳⴰⵏⵜ ⵜⵉⵎⵢⴰⵏⴰⵡⵉⵏ, ⵏⵓⴼⴼⴰ ⵎⴰⵙⴷ ⵜⵉⵎⵖⴰⵔⵉⵏ ⵏ ⵜⵓⵙⵙⵉⴼⵜ (16 ⵣⵖ ⵜⴰⵔⴰⴱⵓⵜ ⵏ 20) ⴰⵔ ⵣⵔⴰⵏⵜ ⵜⵓⴷⵔⵜ ⵏⵙⵏ ⵜⴰⵊⵉⵏⵙⵉⵜ ⵎⴰⵙⴷ ⵜⴳⴰ ⵖⴰⵔ ⵜⴽⵔⴼⵉⵚ ⴷ ⴰⵔⵣⴰⴳ, ⴷ ⵏⴳⵜ ⵉⵎⵓⵇⴰⵔⵏ ⵍⵉⴷ ⵢⵓⵛⴽⴰⵏ ⴰⵜⵎⵍ ⵎⴰⵢⴰⴷ ⴰⵏⵎⵓⵇⴰⵔ ⴷ ⵢⴰⵜ ⵜⴰⵎⵖⴰⵔⵜ ⴷⴷⴰⵔ ⵙⵉⵏ ⵉⴷ ⵎⵔⴰⵡ ⴷ ⵚⵎⵓⵙ ⵖ ⴰⵡⵜⴰⵢ ⵏⵙ, ⴰⵔ ⵜⵜⵉⵏⵉ: ” ⵜⴰⵡⴰⵍⵉⵜ ⵉⵏⵓ ⵉ ⵍⵄⵍⴰⵇⴰ ⵏ ⵍⵉⵜⵜⵉⵀⴰⵍ ⵉⴳⴰ ⴷⵉⵎⴰ ⵉⵊⴰⴱⵉ, ⴷⵉⵎⴰ ⵉⴳⴰ ⴷⴰⵔⵉ ⵍⵉⵜⵜⵉⵀⴰⵍ ⵉⴳⴰ ⴰⴽⵏⵉⵡ ⵏ ⴰⵔⴳⵉⴳ, ⵜⴰⵀⵍⵖ ⴼ ⵜⴰⵢⵔⵉ, ⵎⴰⵛ ⵙⵏⵖ ⴰⵡⴰⵔ ⵏ ⵍⵉⵜⵜⵉⵀⴰⵍ ⵎⴰⵙⴷ ⴰⵔⴳⴰⵣ ⵉⵏⵓ, ⴰⵔ ⵉⵙⵓⴷⵔⵓⵙ ⵍⵉⵜⵜⵉⵀⴰⵍ ⵖ ⵉⵇⵡⴰⵏ” ⴷ ⴰⵔ ⵜⵉⵏⵉ ” ⵓⵔⴰⵢⵉⵜⵉⵏⵉ ⵜⴰⴳⵓⵔⵉ ⵏ ⵜⴰⵢⵔⵉ ⵡⴰⵅⴰ ⴰⵖⴰⵔ ⵢⴰⵜ ⵜⵡⴰⵍ, ⴷ ⴳⵉⵖ ⴷⴰⵔⵙ ⴰⵖⴰⵔ ⴰⵛⵟⵉⵔ”, ⴷ ⵜⵙⵎⴷ:” ⵓⵔⴰⵢⵉ ⵢⴰⴽⴽⴰ ⵍⵊⵓⵡ ⵏ ⵉⵇⵡⴰⵏ ⵍⵉ ⵉⵔⴰⵃⴰⵏ ⴷ ⵍⵉⵖⵔⴰⴷ ⴼⵊⵉⵊⴰⵖ ⴰⴽⴽ”. ⴷ ⵜⵓⴳⴳⴰ ⵢⴰⴷ ⵎⵍⴰⵏⴰⵖ ⵎⴰⵙⴷ ⵜⵉⵎⵖⴰⵔⵉⵏ ⴷⴷⵔⵏⵜ ⵉⵔⵉⵎ ⴰⵊⵉⵏⵙⵉ ⵉⵔⵣⴰⴳⵏ ⴰⵛⴽⵓ ⵙ ⵓⵙⵙⵎⴷ ⵏ ⵉⵙⵓⵔⵓⵙ ⵏ ⵍⵉⵇⵚⴰ ⴷ ⵓⴳⵓⴳ ⵍⵉ ⴷⴷⵔⵏⵜ ⵜⵉⵎⵖⴰⵔⵉⵏ ⵖ ⵓⴳⵏⵙ ⵏ ⵜⵓⴳⵜ ⵏ ⵜⵉⵎⵔⵙⴰⵍ ⵜⵉⵏⴰⵎⵓⵏⵉⵏ, ⴰⵔⴰⵙ ⵜⵙⵎⴷⵜ ⴰⵡⴷ ⵜⵉⵎⵔⵙⵍⵜ ⵏ ⵍⵉⵜⵜⵉⵀⴰⵍ ⵍⵉⵖ ⵉⴳⴰ ⵓⵔⴳⴰⵣ ⴰⵎⵙⴽⴰⵔ ⴷ ⵜⴰⵎⵖⴰⵔⵜ ⵜⴳⴰ ⴳⵉⵙ ⴰⵖⴰⵔ ⵜⴰⵖⴰⵡⵙⴰ, ⴷ ⴰⵙⵏⵎⵍ ⵏ ⵍⵊⵉⵏⵙ ⴳⵉⵙ ⵉⵃⴰⴹⵔ ⴰⵙⵏⵎⵍ ⵏ ⴰⵎⴰⵢ ⵏ “ⵓⵙⴽⵛⵓⵎ” ⴰⵛⴽⵓ ⵓⵔⴰ ⵙⵏⵎⵍⵏ ⵜⴰⴼⴳⴳⴰ ⵏ ⵜⵉⵎⵖⴰⵔⵉⵏ ⴰⴱⵍⴰ ⵙⵉⵙ, ⴷ ⴰⵙⵓⵔⵙ ⵏ ⵜⵉⵎⵖⴰⵔⵉⵏ ⵎⴰⵔⵔⴰ, ⴷ ⴰⵏⴳⵔⴰⵡ ⵏ ⵜⵉⵙⵇⵇⴰⵏ ⵏⵙ ⵙ ⴰⵎⴰⵖⵏⴰⵡ ⵉⴳⴰⵏ ⴰⵎⴰⵜⴰⵢ, ⵙ ⵜⵖⴰⵔⴰⵙⵜ ⵍⵉⵙ ⴰⵜⵙⵏⴼⵍ ⴰⵙⵎⵙⵔⵙ ⴰⵊⵉⵏⵙⵉ ⵙ ⵛⵔⴹ ⵢⴰⴹⵏⵉⵏ ⵣⵖ ⵛⵔⵓⴹ ⵓⵙⵙⵉⵜⵉ ⵍⵉ ⵉⵜⵜⵎⵓⵏⴰⵏ ⴷ ⵜⴰⵎⵖⴰⵔⵜ ⵖ ⵓⴱⵔⵉⴷ ⵏ ⴰⵍⵍⵉ ⵖ ⵓⵎⴰⴹⴰⵍ “ⴰⵏⴰⵎⵓⵏ” ⴷ ⴰⵔⵣⴰⴳ ⵏ ⵓⵙⵔⵓⵙ ⵉⵖ ⵏⵇⴷⵔ ⴰⴷ ⵏⵔⴹⵍ ⵜⵄⴱⵉⵔ ⵏ ⵓⵎⵙⵏⴰⵎⵓⵏ ⴰⴼⴰⵔⴰⵏⵙⵉ ⵒⵢⵢⵉⵔ ⴱⵓⵔⴷⵢⵓ, ⵜⵙⵎⴷⵜⴰⵙ ⵓⵍⵍⴰ ⴰⵔⵣⴰⴳ ⵏ ⵜⵉⵙⵓⵜⴰⵍ ⵍⵉⵖ ⴷⴷⵔⵏⵜ ⵜⵉⵎⵖⴰⵔⵉⵏ ⵙ ⴰⵎⴰⵖⵏⴰⵡ ⴰⵎⴰⵜⴰⵢ ⴷ ⵍⵉ ⵎⵢⴰⵔⵏⵜ.
ⵜⴰⴽⵜⵉⴽⴰⵜ ⵏ ⵜⴰⵏⵣⴱⴰⵢⵜ:
ⵉⵣⵔⴼⵏⴰ ⵍⵉ ⴷⴰⵔ ⵜⴰⵣⴷⴰⵢⵜ ⴷ ⵉⵇⵡⴰⵏ ⵙⵓⵍ ⴰⵔ ⵜⵛⴽⴽⴰⵍ ⵢⴰⵜ ⵖ ⵍⵎⵓⵃⵔⴰⵎⴰⵜ ⵏ ⴰⵙⵍⴳⵏ ⴰⵎⵖⵔⵉⴱⵉ ⵍⵉ ⵓⵔ ⵉⴱⴷⵔⵏ ⵚⴰⵔⴰⵃⴰ ⵍⵊⴰⵔⵉⵎⴰ ⵏ ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ. ⴰⵙⵍⴳⵏ ⴰⵊⵉⵏⴰⵉ ⴰⵎⵖⵔⵉⴱⵉ ⵓⵔⴳⵉⵙ ⴽⵔⴰⵏ ⴰⵙⵏⵎⵍ ⵏ ⴰⵙⴽⴰⵔ ⴰⴷ, ⵓⵔⵉⵍⵍⴰ ⴽⵔⴰⵏ ⴰⵎⵏⵏⵉ ⵉⵜⵜⵊⵔⴰⵎⵏ ⵙⵢⴰⵏ ⴰⵎⴰⵖⵏⴰⵡ ⵉⴳⴰⵏ ⵏⵉⵛⴰⵏ. ⵜⵜⵊⵔⵉⵎ ⵏ ⵍⵉⵖⵜⵉⵚⴰⴱ ⵙ ⴰⵎⴰⵖⵏⴰⵡ ⴰⵎⴰⵜⴰⵢ ⵖ ⴰⵎⵏⵏⵉ 486 ⴼ ” ⵍⵉⵖⵜⵉⵚⴰⴱ ⵉⴳⴰⵜ ⴰⵇⵓ ⵏⴽⵔⴰⵏ ⵓⵔⴳⴰⵣ ⵉ ⵜⴰⵎⵖⴰⵔⵜ ⴱⵍⴰ ⵜⵜⵔⴰ, ⴷ ⴰⵔⴼⵍⴰⵙ ⵉⵜⵜⵓⵄⴰⵇⴰⴱ ⵙ ⵍⵃⴰⴱⵙ ⵣⵖ ⵚⵎⵓⵙ ⵉⵙⴳⴰⵙⵏ ⴰⵔ ⵎⵔⴰⵡ”. ⴷ ⴰⵎⵏⵏⵉ ⵢⴰⴷ ⵉⵡⵀⵎⴰⵖ ⵎⴰⵙⴷ ⴰⵣⵣⵔⴰⴼ ⵖ ⵜⵊⵔⵉⵎ ⴰⴷ ⵉⵍⵍⴰ ⴳⵉⵙ ⵓⵍⵍⴰ ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ ⵎⴰⵛ ⴰⵙⵎⵔⵙ ⵏ ⴰⵙⴱⴹⴰⵢ ⵜⵜⴻⵜⴱⵜ ⵍⵄⴰⴽⵙ ⵙ ⵍⵉⵄⵜⵉⴱⴰⵔ ⵏ ⵓⵎⴳⴳⴰⵔⵓ ⵢⴰⴷ ⵓⵔ ⵉⵍⵍⵉ ⴼ ⵓⵙⴽⵍⵓ ⵏ ⴰⵍⵍⵉ ⵏ ⵍⵄⴰⵍⴰⵇⴰ ⵣⴰⵡⵊⵉⵢⴰ, ⵖ ⵍⵃⴰⵍⵜ ⵏ ⴰⵇⵓ ⵏ ⵓⵔⴳⴰⵣ ⵉ ⵜⵎⵖⴰⵔⵜ ⵏⵙ ⴱⵍⴰ ⵜⵔⵔⴰ ⴷⴰⵔⵙ ⴰⵣⵔⴼ ⴰⴽⴽⴰ ⴹⴰⵍⴱ ⵟⵍⴰⵇ ⵛⵉⵇⴰⵇ ⵖⵉⴽⵍⵉ ⵙ ⵉⵏⵏⴰ ⵓⵎⵏⵏⵉ 52 ⵣⵖ ⵍⵎⵓⴷⴰⵡⴰⵏⴰ ⵏ ⵜⴰⵡⵊⴰ, ⴰⴼⴰⴷ ⴰⴷ ⵜⵔⵔⴰⵔ ⴼ ⵜⴰⵄⴰⵙⵓⴼ ⵍⵉ ⵢⴰⵙ ⵉⵙⴽⵔ ⵓⵔⴳⴰⵣ. ⵏⵖⴷ ⵍⵉⵄⵜⵉⴱⴰⵔ ⵏ ⵍⵉⵃⵜⵉⵚⴰⴱ ⴱⵍⵄⵏⵉ ⴼ ⵓⵣⵔⴼ ⵏ ⵜⴰⵎⵖⴰⵔⵜ ⵖⵉⴽⵍⵉ ⵉⵍⵍⴰⵏ ⵖ ⴰⵎⵏⵏⵉ 404.
ⴰⵔ ⵜⴱⴰⵢⵢⴰⵏ ⵖ ⵜⴰⵢⴰⴼⵓⵜⵉⵏ ⵏ ⵓⵛⵏⵓⴱⵛ ⵏⵖ ⵎⴰⵙⴷ ⵜⵉⵎⵖⴰⵔⵉⵏ ⵍⵉ ⵉⵍⵍⵎⴷⵏ ⴷ ⵣⵖ ⵅⵜⵉⵍⵉ ⵎⵥⵥⵉⵏ ⴳⴰⵏⵜ ⵓⴳⴰⵔ ⵖ ⵍⵎⵓⵔⵓⵏⴰ ⴼ ⵜⵉⵎⵖⴰⵔⵉⵏ ⵎⵇⵓⵔⵏ ⴷ ⵅⵜⵉⵍⵉ ⵓⵔ ⵉⵍⵍⵎⴷⵏ ⵖ ⴰⵙⵎⵔⵙ ⵏⵙⵏⵜ ⴷ ⴹⵓⵕⵓⵟⴰⵜ ⵍⵉⴼⵍⴰⵙⵏⵜ ⵉⵍⵍⴰⵏ ⵙ ⵎⴰⵢⵥⵍⵉⵏ ⴷ ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ ⵙⵡⴰ ⵣⵖ ⵜⴰⵙⴳⴰ ⵏ ⴰⵙⵍⴳⵏ ⵏⵖⴷ ⴰⵎⵓⵏ ⵏⵖⴷ ⵣⵖ ⵜⴰⵙⴳⴰ ⵏ ⴰⵙⴳⴷ ⵍⵉ ⵉⵜⵜⴰⵡⵉⵏ ⵜⵓⴳⵜ ⵙ ⴰⵔⵎⵎⵓⵙ ⵏ ⵍⵎⴰⵄⵚⵉⵢⴰ ⴷ ⵉⵍⵓⴳⵏⵏ ⴷ ⵍⵇⵉⵢⴰⵎ ⵍⴰⵅⵍⴰⵇⵉⵢⴰ ⵉⵇⴱⵓⵔⵏ ⵉⵥⵍⵉⵏ ⵙ ⵍⵊⴰⵏⴷⴰⵔ ⵍⵉ ⵉⵜⵜⴰⵊⴰⵏ ⵉⵇⵡⴰⵏ ⵢⴰⵜ ⵍⵄⴰⵍⴰⵇⴰ ⵍⵉ ⵉⴳⴰⵏ ⵜⴰⵔⴰⵜⵓⴱⵉⵢⴰ ⵎⴰⵛⵉ ⵜⴰⵡⵉⴷⵉⵜ.
ⴰⵙⵏⴰⵃⵢⴰ ⵏⵖ ⵏⴳⵔ ⵜⵉⵔⵓⴱⴰ ⵢⴰⴷ ⵓⵔ ⴰⵢⵜⵄⵏⵉ ⵎⴰⵙⴷ ⵍⵎⵓⵇⴰⵡⴰⵎⴰ ⵜⵏⵖⵓⴱⴰ ⴷⴰⵔ ⵢⴰⵜ ⵜⴰⵔⴰⴱⵓⵜ ⴷ ⵜⵍⵍⴰ ⴷⴰⵔ ⵜⴰⵢⴰⴹ, ⵎⴰⵛ ⴽⴰⵢⴳⴰⵜ ⵜⴰⵔⴰⴱⵓⵜ ⴷⴰⵔⵙ ⵜⵉⵖⴰⵔⴰⵙⵉⵏ ⵏ ⵓⴼⵔⴳ ⵍⵉ ⵙⵉⵙ ⵉⵥⵍⵉⵏ, ⵍⵉ ⵉⴱⴹⴰⵏ ⵙ ⴽⵔⴰⴹ ⵉⵎⵓⵖⵏⴰ:
ⵍⵉⵙⵜⵔⴰⵜⵉⵊⵉⵢⴰ ⵏ ⵓⵣⵔⵔⴰⵢ: ⵣⵖ ⵉⵎⵓⵖⵏⴰ ⵍⵉ ⴼⴰⵜⵄⵜⴰⵎⴰⴷⵏ ⵜⵉⵎⵖⴰⵔⵉⵏ ⵉⴳⴰⵜ ⴰⴼⴼⵜⵓ ⵙ ⵉⵎⵇⵔⴰⵏ ⵏ ⵜⴰⵡⵊⴰ ⴹⵉⴷ ⵏ ⵓⵔⴳⴰⵙ ⵏⵙⵏⵜ ⵙ ⵓⵏⴰⵔⵓⵣ ⵏ ⵎⴰⵙⴷ ⵎⴰⵢⴰⵏ ⵔⴰⴷ ⵜⵉⵙⵏⴼⵍ ⴷ ⵎⴰⵢⴰⴷ ⴰⵙⴰⵖ ⵜⵏⵏⴰ ⵎⴰⴱⵃⵓⵜⴰ:” ⵀⴷⵉⴷⴰⵖⵜ ⵎⴰⵙⴷ ⵔⴰⴷ ⵜⵜⵉⵏⵉⵖ ⵉⵏⵏⴰⵙ, ⵉⵖ ⴼⵍⴰ ⵉⴱⵣⵉⵣ, ⵎⴰⵛ ⵓⵔ ⵉⵜⵙⵓⵡⵇ ⴰⵛⴽⵓ ⵉⵖⴰⵍ ⵉⵙ ⵓⵔⴰⴷ ⵙⴽⵔⵖ ⵖⴰⵍⵉ ⵙⴰⵙ ⵏⵉⵖ ⴷ ⵓⵔⴰⴷⴰⵙ ⵄⴰⵡⴷⴰⵖ ⵎⴰⴷ ⵉⵜⵊⵊⵔⵓⵏ ⵖ ⵏⴰⵎⵓⵙⵉⵢⴰ ⴷⵉⵙ ⵎⴰⵢⴰⴷ ⴰⴼ ⵢⵓⵍⵙ ⵉⵎⴰⵢⵙⴽⴰⵔ, ⴷ ⴰⵛⴽⵓ ⵏⵣⴷⴰⵖ ⴷⵉⵙ ⵖⵍⵉⵖ ⵏⵉⵛⴰⵏ ⵙ ⵍⴱⵉⵜ ⵏⵙ, ⴷ ⵏⵉⵖⴰⵙ ⴽⵓⵍⵛⵉ ⵎⵏⵉⴷ ⵏⵙ ⵄⴰⴽⵓⴷⴰⵏ ⵓⵔⵙⵓⵍ ⵉⵣⴷⴰⵔ ⴰⵢⵢⴰⵍ ⴰⴳⴰⵢⵓ” ⴷ ⵍⴰⵏⵜ ⵖ ⵜⵉⵎⵖⴰⵔⵉⵏ ⵎⴰⴷ ⵉⵜⵜⵔⵡⴰⵍⵏ ⵣⵖ ⵜⵉⴳⵎⵉ ⵏ ⵓⵔⴳⴰⵣ ⵏⵙⵏⵜ ⴰⵔ ⵜⴼⵜⵜⵓ ⵙ ⵜⵉⴳⵎⵉ ⵏ ⴰⵢⵜ ⴷⴰⵔⵙ ⴰⴼⴰⴷ ⴰⴷ ⵜⵄⴰⵇⴱ ⴰⵔⴳⴰⵣ ⵏⵙ, ⴷ ⵣⵖ ⴰⵎⵓⵏ ⵏ 20 ⵎⴰⴱⵃⵓⵜⴰ ⵏⴰⵏⵜ 11 ⵣⵖ ⴳⵉⵙⵏⵜ ⵎⴰⵙ ⵙⴽⵔⵏⵜ ⵎⴰⵢⴰⴷ ⴷ ⵜⵏⵏⴰ ⵢⴰⵜ ⴳⵉⵙⵏⵜ:” ⴼⵍⴰⵖⵜ ⵜⵓⴳⵜ ⵏ ⵜⵉⴽⴰⵍ ⵡⴰⵃⴷⵓⵜ ⵖ ⵜⴳⵎⵉ ⴷ ⵜⴰⵔⵔⵡⴰ ⵉⵏⵓ, ⴰⴼⴰⴷ ⴰⵢⵢⵉⵙⴰⵏ ⵍⵃⴰⵊⵎ ⵏ ⵜⴰⵎⵎⴰⵔⴰ ⵍⵉ ⵉⵍⵍⴰⵏ ⵉⴳⵉ ⵏ ⵓⵎⴳⵔⴹ ⵉⵏⵓ, ⴷ ⴰⴷⵓⵔⵉⵢⵉ ⵉⵣⵣⵉⵡⵣ ⵙ ⵜⴰⵎⵎⴰⵔⴰ ⵏⵙ ⵓⵍⴰ ⵏⵜⴰ”.
ⵍⵉⵙⵜⵔⴰⵜⵉⵊⵉⵢⴰ ⵏ ⵜⴰⵃⴰⵢⵓⵍ: ⴰⵎⴷⵢⴰ ⵏ ⵎⴰⵢⴰⴷ ⴰⴷ ⵙⵉⵅⵛⵉⵏⴻⵏⵜ ⵜⵉⵎⵖⴰⵔⵉⵏ ⵉⴳⵓⵢⴰⵏⵙⵏⵜ ⴱⵍⵄⴰⵏⵉ. ⵢⴰⵜ ⵖ ⵅⵜⵉⵍⵍⵉ ⴷⴷⴰ ⵏⵙⴰⵡⵍ ⴰⵔ ⵜⵉⵏⵉ:” ⴰⵔ ⴱⴷⴷⴰ ⵜⵃⴱⵓⵖ ⴰⵣⵣⴰⵔ ⵉⵏⵓ ⵉⵖ ⴷⵉⴽⵛⵎ ⵓⵔⴳⴰⵣ ⵉⵏⵓ ⵙ ⵜⴳⵎⵉ ⴷ ⴰⵔ ⵍⵙⴰⵖ ⵉⵀⴷⵓⵎⵏ ⵉⵅⵛⵏ ⴷ ⵜⵓⴳⵜ ⵏ ⵜⵉⴽⴰⵍ ⴰⵔ ⵜⵉⵏⵉⵖ ⵎⴰⵙ ⴳⵉⵜⵉ ⵉⴷⴰⵎⵏ” ⴷ ⵜⵏⵏⴰ ⵜⴰⵢⴰⴹ:”ⵜⵉⵣⵉ ⵏⵏⴰⵢⵔⴰ ⴰⴷ ⵢⵉⵜⵜⵉ ⵙ ⴷⴰⵔⵉ ⴰⵔⴰⵙ ⵜⵉⵏⵉⵖ ⵎⴰⵙ ⵙⵉⵔⴷⴰⵖ ⴷ ⵔⴰⴷ ⴰⵣⵓⵎⵖ” ⴷ ⵜⵏⵏⴰ ⵜⵉⵙ ⴽⵔⴰⵟ:” ⵓⵔⴰⵜⵉⵔⵉⵖ ⴰⴷ ⴽⵙⴰⵖ ⵜⵉⵎⵍⵙⴰ ⵉⵏⵓ ⵉⵖ ⴷⵉⵙ ⵍⵉⵖ ⵖ ⵏⴰⵎⵓⵙⵉⵢⴰ, ⵏⵖⴷ ⴰⵔⴰⵙ ⵜⵉⵏⵉⵖ ⵎⴰⵙⴷ ⵔⴰⴷ ⴳⵏⵖ ⴷ ⵜⴰⵣⵣⴰⵏⵉⵏ, ⵏⵖⴷ ⴰⴷⴼⵜⵓⵖ ⵙ ⵜⴰⴳⴳⵓⵏⵉ ⵣⵉⴽ”.
ⵜⴰⴽⵜⵉⴽ ⵏ ⵍⵎⵓⵇⴰⵡⴰⵎⴰ ⵏ ⵏⵉⵛⴰⵏ: ⴰⵔ ⵉⵜⵜⴱⴰⵢⴰⵏ ⵖ ⵓⴼⵜⵜⵓ ⵙ ⵓⵙⵍⴳⵏ ⴰⴼⴰⴷ ⴰⵜⵀⴷⵉⴷ ⵙ ⵓⵍⵓⴼ ⴷ ⵖⵉⴷ ⴰⵔ ⵏⴱⴷⵔ ⵜⵉⵎⵖⴰⵔⵉⵏ ⵍⵉ ⵉⵙⵓⵡⵔⵉⵏ, ⵅⵜⵉⵍⵉ ⴷⴰⵔ ⵢⴰⵜ ⵜⴰⵙⵉⵎⴰⵏⵜ ⵉⴳⴰⵏ ⵎⴰⴷⴷⵉⵢⴰ ⴷ ⵡⵉⵍⵉ ⵉⴼⵓⵖⵏ ⴰⴷⵖⴰⵔ ⵉⵇⵇⵏ ⵎⴰⵢⴰⴷ ⴰⵔⴰⴷ ⵉⴼⴽ ⵢⴰⵏ ⵡⴰⵏⴰⵡ ⵏ ⵜⴰⵙⵉⵎⴰⵏⵜ ⴷ ⵜⴰⵃⴰⵔⵓⵔ ⵣⵖ ⵜⵓⴳⵜ ⵏ ⵉⵙⴽⵔⴰⵏ ⵉⵏⴰⵎⵓⵏⵏ.
ⴷ ⵖⵎⴽⵏⴰ ⵉⴳⴰ ⵓⵙⵓⵔⵙ ⵏ ⵜⴰⵎⵖⴰⵔⵜ ⵉⵜⵜⵓⵢⵖⵜⴰⵚⴰⴱⵏ ⵖ ⵓⵙⵍⴳⵏ ⴷⴰⵔⵙ ⵢⴰⵏ ⵓⵙⵓⵔⵙ ⵉⴳⴰⵏ ⵎⵓⴹⵟⴰⵔⵉⴱ ⵍⵉ ⵉⵄⵎⵔⵏ ⵙ ⵍⵓⴱⵙ ⴷ ⵍⵖⵓⵎⵓⴹ. ⴷ ⵎⴰⵢⴰⴷ ⵍⵄⴰⴽⵙ ⵏ ⴰⵙⵍⴳⵏ ⴰⴼⴰⵔⴰⵏⵙⵉ ⵍⵉ ⵉⴳⴰⵏ ⵣⵖ ⵏⴳⵔ ⵉⵖⴱⵓⵍⴰ ⵏ ⴰⵙⵍⴳⵏ ⴰⵊⵉⵏⴰⵉ, ⴰⵎⴳⴰⵔⵓ ⵢⴰⴷ ⵉⴼⵜⵜⴰ ⵙ ⵜⵊⵔⵉⵎ ⵎⴰⵔⵔⴰ ⵉⵎⵓⵖⵏⴰ ⵏ ⵍⵉⵖⵜⵉⵚⴰⴱ ⴷ ⵉⵍⵍⵉ ⴳⵉⵙⵏ ⵓⵍⴰ ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ ⵣⵖ ⵜⵎⵎⴰⵏⵉⵏⴰⵜ.
ⵏⵓⵔⵎ ⵣⵖ ⵜⴰⵖⴰⵔⴰⵙⵜ ⵏ ⵜⴰⵡⵔⵉⵇⵜ ⴰⴷ- ⵍⵉ ⵉⵜⵜⵓⴱⵏⴰ ⵓⴳⵣⵓⵎ ⵣⵖ ⴳⵉⵙ ⴼ ⵢⴰⵜ ⵜⴰⵖⵓⵔⵉ ⵜⴰⵎⵣⵡⴰⵔⵓⵜ, ⴰⵏⵎⵍ ⵉⵎⵓⵖⵏⴰ ⴰⵙⵍⴳⴰⵏ ⴷ ⴰⵏⴰⵎⵓⵏ ⵍⵉ ⵙⴰⵏⵙⵎⵓⵔⵙ ⴷ ⵜⵓⵎⴰⵏⵜ ⵏ ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ. ⵎⴰⵛ ⵖⴰⵍⵉ ⵏⵣⵣⵎⵉⵎ ⵖ ⵜⵉⵣⵡⴰⵔ ⴼ ⵓⴳⵣⵓⵍ ⵏ ⵓⵙⵍⴳⵏ ⵍⵉ ⴳⵉⵙ ⵉⵍⵍⴰⵏ, ⴷ ⵎⴰⴷⵉⵙ ⵉⵎⵓⵏⵏ ⵏ ⵜⵉⵙⵓⵜⴰⵍ ⵍⵉ ⵉⵥⵍⵉⵏ ⵙ ⴰⵏⴳⵔⴰⵡ ⴰⵏⴰⵎⵓⵏ ⵓⵔⴰⴷⴰⵖ ⵉⵃⵚⴰⵔ ⴰⵏⵣⵎⵉⵎ ⵜⴰⵏⵇⵉⵟ ⵏ ⵜⵉⴼⴰⵡⵜ ⵖ ⵉⵎⵔⵙⵉ ⵢⴰⴷ, ⴰⵔ ⵏⵙⴰⵡⴰⵍ ⴼ ⵜⵉⵎⴰⴷⴷⴰⵙⵉⵏ ⵓⵖⵔⵉⵎⵏ, ⵍⵉ ⵉⵜⵜⵓⵢⵄⵜⴰⴱⴰⵔⵏ ⴰⵖⴱⴰⵍⵓ ⴰⴷⵙⵍⴰⵏ ⵉ ⵓⵟⵟⵓⵏⵏ ⵏ ⵍⵃⴰⵍⴰⵜ ⵏ ⵍⵉⵖⵜⵉⵚⴰⴱ ⵖ ⵍⵉⵜⵜⵉⵀⴰⵍ, ⴷ ⵜⴳⴰ ⴰⵎⵙⴽⴰⵔ ⵍⵉ ⵉⴷⵃⵉⵏ ⵜⵉⵎⵔⵙⴰⵍ ⵜⵉⵎⴰⴷⴷⵓⴷⵉⵏ ⵙ ⴹⴰⵔⵓⵔⴰ ⵏ ⵓⵙⴽⴰⵔ ⵙ ⵜⵉⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ, ⴷ ⴰⵎⴷⵢⴰ ⴼ ⵜⴰⵏⴰⴹⵉⵏ ⵉⴽⵏⵉⵡⵏ ⵍⵉ ⵉⵜⵜⵢⵓⵍⵍⴰⵏ ⵖ ⵎⴰⴷ ⵢⴰⵥⵏ ⵉ ⵜⵉⵎⵜⵜⴰ ⵉⵎⵓⵏⵏ ⵣⵖ ⵜⴰⵙⴳⴰ ⵏ ⵜⴰⵃⴰⵍⵓⴼ ⵉⵚⵔⴰⵔ ⵉ ⵓⵙⴷⵓⵙ ⴷ ⴰⵡⵉⴷⵉ ⴷ ⴰⵎⵎⴰⵙ ⵏ ⵜⵉⵖⵓⵔⵉⵡⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴰⴷⵉⵎⵓⵇⵔⴰⵟⵉⵜ.
