ⵍⵉⵜⵜⵉⵀⴰⵍ ⵏ ⵜⴰⵣⵣⴰⵏⵉⵏ ⵖ ⵍⵢⴰⵎⴰⵏ ⵓⵔ ⵜⴳⴰ ⵢⴰⵜ ⵜⴰⵎⵙⴰⵔⵜ ⵉⴳⴰⵏ ⵜⴰⵜⵔⴰⵔⵜ ⴰⵔ ⴳⵉⵙ ⵉⵜⵄⴰⵢⴰⵏ ⵎⴰⵔⵔⴰ ⵓⵎⵓⵏ ⴰⵢⴰⵎⴰⵏⵉ ⵡⴰⵅⴰ ⵍⵢⴰⵎⴰⵏ ⵜⵚⴰⴷⵇ ⵖ ⵓⵙⴳⴰⵙ ⵏ 1991 ⴼ ⵍⵉⵜⵉⴼⴰⵇⵉⵢⴰ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⵍⵉ ⵉⵙⵄⵔⴰⴼⵏ ⵍⵉⵜⵜⵉⵀⴰⵍ ⵏ ⵜⴰⵣⵣⴰⵏⵉⵏ ⵙ ⵍⵉⵜⵜⵉⵀⴰⵍ ⵍⵉ ⵉⴳⴰⵏ ⵢⴰⵏ ⵖ ⵉⵙⴳⵉⵡⵏ ⵏⵙ ⵏⵖ ⵙⵉⵏ ⵉⵜⵙⵏ ⵖ ⵉⵣⴷⴰⵔ ⵏ 18 ⵏ ⵓⵙⴳⴰⵙ. ⵜⴰⵏⴱⴰⴹⵜ ⵜⴰⵢⴰⵎⴰⵏⵉⵜ ⵜⴳⴰ ⴰⵙⵔⴰⴳ ⵏ ⵢⴰⵜ ⵍⵉⵏⵜⵉⴽⴰⵙⴰ ⵖ ⴰⴱⵔⵉⴷ ⵏ ⵜⴰⵎⵙⴰⵔⵜ ⴰⴷ, ⵖ ⵓⵙⴳⴰⵙ ⵏ 1999 ⵉⵃⵉⵢⴷ ⵍⴱⴰⵔⵍⴰⵎⴰⵏ ⴰⵢⴰⵎⴰⵏⵉ ⴰⵡⵜⴰⵢ ⵍⵉⴽⵓⵍⵓ ⵎⵥⵉⵏ ⵏ ⵍⵉⵜⵜⵉⵀⴰⵍ ⵏ ⵜⵉⴼⵔⵅⵉⵏ ⴷ ⵉⴼⵔⴰⵅ, ⵍⵉⵙⵜⵉⵏ ⵢⴰⴷⵍⵉ ⵉⴽⴽⴰⵏ ⵜⵓⵃⴷⴰⴷ ⵖ 15 ⵏ ⵓⵙⴳⴰⵙ, ⵙ ⵓⵙⵔⴰⴳ ⵏ ⵡⴰⵔ ⴰⵎⵛⴰⵛⴽⵓ ⵏ ⴰⵙⵔⵙⵓ ⵏ ⴰⵡⵜⴰⵢ ⵏ ⵍⵉⵜⵜⵉⵀⴰⵍ ⴷ ⵓⵙⴳⴷ. ⵖ ⵓⵙⴳⴰⵙ ⵏ 2009 ⵜⵚⵓⵡⵜ ⵍⴰⵖⵍⴰⴱⵉⵢⴰ ⵜⴰⴱⴰⵔⵍⴰⵎⴰⵏⵉⵜ ⴼ ⵜⵃⴷⵉⴷ ⵏ ⴰⵡⵜⴰⵢ ⵏ 17 ⵏ ⵓⵙⴳⴰⵙ ⵎⴰⵙⵉⴳⴰ ⴰⵡⵜⵜⵓ ⵏ ⵍⵉⵜⵜⵉⵀⴰⵍ, ⵎⴰⵛ ⵜⵓⴳⵜ ⵉⵎⵣⵣⵔⴰⴼⵏ ⵙⴽⵔⵏ ⵢⴰⵜ ⵜⴰⵖⵓⵔⵉ ⵏ ⵓⵙⵙⵓⵔⵉ ⵏ ⴰⵡⵜⴰⵢ ⵉⴳⴰ ⵢⴰⵜ ⵜⴰⵖⴰⵡⵙⴰ ⵍⵉⴷⵓⵔ ⵉⵎⵛⴰⵛⴽⴰⵏ ⴹ ⵛⴰⵔⵉⵄⴰ, ⵙ ⵓⵙⵎⵔⵙ ⵏ ⵍⵉⵊⵔⴰⵢⴰⵜ ⵜⵉⴱⴰⵔⵍⴰⵎⴰⵏⵉⵢⵉⵏ ⵖ ⵜⵄⵟⵉⵍ ⵏ ⵓⵙⵍⴳⵏ ⴷ ⵎⴰⵢⴰⴷ ⴰⴷ ⵉⴹⵉⵄⵏ ⵢⴰⵜ ⵜⴰⵣⵎⵣⵣⵓⵜ ⴰⴷ ⵜⵊⵊⵏⴱ ⵜⵓⴳⵜ ⵏ ⵜⴰⵣⵣⴰⵏⵉⵏ ⵉⴱⵔⴰⵢⵏ ⵅⵛⵛⵏⵉⵏ ⵍⵉ ⵉⵜⵜⵓⵙⴽⴰⵔⵏ ⵖⴰⴷ ⵉⵣⵔⵉⵏ ⴷ ⵙⵓⵍ ⵍⴰⵏ.
ⴷ ⵙ ⵓⵙⵓⵔⴼ ⵓⵔ ⵉⵍⵍⵉ ⴰⵡⵜⵜⴰⵢ ⵉⵎⵥⵥⵉⵏ ⵉⵜⵜⵓⵙⵔⴰⵙⵏ ⵖ ⵓⵙⵍⴳⵏ ⴰⵢⴰⵎⴰⵏⵉ ⵉ ⵍⵉⵜⵜⵉⵀⴰⵍ ⵙ ⵖⵉⵍⴰⴷ ⴷ ⵜⵓⴳⵜ ⵏ ⵜⴰⵣⵣⴰⵏⵉⵏ ⴰⵔ ⴼⵍⴰⵙⵏ ⵜⴱⴱⵣⵉⵣⵏ ⵍⵉⵜⵜⵉⵀⴰⵍ, ⴷ ⴽⵔⴰ ⴳⵉⵙⵏ ⴰⵡⵜⴰⵢ ⵏⵙ ⵜⵉⵣⵉ ⵏ ⵍⵉⵜⵜⵉⵀⴰⵍ ⵉⴳⴰⵜ ⵖⴰⵔ 8 ⵏ ⵉⵙⴳⴰⵙⵏ ⵖⵉⴽⵍⵉ ⵙ ⴷⵉⵙⴼⵓⵖ ⵜⴰⵏⴰⴹⵜ ⵏ ⵓⵙⵙⵉⵔⴰ ⵏ ⵜⵉⵎⵜⵜⴰ ⵉⵎⵓⵏⵏ ⴰⴼⴰⴷ ⴰⴷ ⵙⵎⵎⵣⴷⵉⵏ ⵜⵉⵖⴰⵡⵙⵉⵡⵉⵏ ⵜⵉⵏⴼⴳⴰⵏⵉⵏ.
ⴷ ⴰⵔ ⵉⵜⵛⴽⴰⵍ ⵍⵉⵜⵜⵉⵀⴰⵍ ⵏ ⵜⴰⵣⵣⴰⵏⵉⵏ ⵢⴰⵏ ⵜⵀⴷⵉⴷ ⵉ ⵉⵎⴰⵍ ⵏ ⵜⵉⴼⵔⵅⵉⵏ ⵏ ⵍⵢⴰⵎⴰⵏ ⵙ ⵓⴱⴱⵣⵉⵣ ⵏⵙⵏⵜ ⴼ ⵍⵉⵜⵜⵉⵀⴰⵍ ⵖ ⴰⵡⵜⴰⵢ ⵎⵥⵥⵉⵏ ⴰⵔ ⵉⵜⵏⵄⴰⴽⴰⵙ ⵉⴹⵉⵚ ⵏⵙ ⵙⴰⵍⴱⴰⵏ ⵖ ⵎⴰⵔⵔⴰ ⵜⵓⴷⵔⵜ ⵏⵙⵏⵜ ⵖ ⵜⴰⵙⴳⴰ ⵜⴰⵏⴰⵅⴼⴰⵏⵜ ⴷ ⵜⴰⵏⴰⵎⵓⵏⵜ ⴷ ⵜⴰⴷⵓⵙⴰⵏⵜ ⵖⵉⴽⵍⵉ ⵙ ⵏⵏⴰⵏⵜ ⵜⵉⵎⴰⴷⴷⴰⵙⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵖ ⵓⴳⵏⵙ ⵏ ⵜⴰⵏⴰⴹⵜ ⵜⴰⴷⵖⵔⴰⵏⵜ ⵍⵉ ⵉⵜⵜⵓⵙⴽⴰⵔⵏ ⵖ ⵍⵄⴰⵚⵉⵎⴰ ⵜⴰⵢⴰⵎⴰⵏⵉⵜ ⵚⴰⵏⵄⴰ ⵖ ⵖⵓⵛⵜ ⴷ ⵛⵓⵜⴰⵏⴱⵉⵔ 2010, ⴷ ⵍⴰⵏ ⴳⵉⵙ ⵉⵎⵎⵓⵇⴰⵔⵏ ⴷ ⵓⴳⴳⴰⵔ ⵏ 30 ⵏ ⵜⴰⴼⵔⵓⵅⵜ ⴷ ⵜⴰⵎⵖⴰⵔⵜ ⵜⵜⵉⵀⵍⵏⵜ ⵍⵉⵖ ⵙⵓⵍ ⵎⵥⵥⵉⵏⵜ. ⴷ ⵎⵍⴰⵏⵜ ⴽⵔⴰⵏ ⵜⵉⴼⵔⵅⵉⵏ ⵎⴰⵙⴷ ⵜⵄⵔⴹⵏⵜ ⵉ ⵍⵉⵖⵜⵉⵚⴰⴱ ⵣⴰⵡⵊⵉ ⴷ ⵍⵎⵄⵢⵓⵔ ⵍⵉ ⴷⴰⵔ ⵜⴰⵣⴷⴰⵢⵜ ⴷ ⵜⵉⴳⵎⵉ ⴷ ⵍⵉⵜⵜⵉⵀⴰⵍ ⵙ ⵓⵙⵖⵍ ⵏ 63% ⴷ ⵎⴰⵙⴷ 2,6 ⵎⵍⵢⵓⵏ ⵏ ⵜⴰⴼⵔⵓⵅⵜ ⵜⵜⵓⵄⵔⴰⴹ ⵉ ⵜⵉⴽⵕⴹⵉ ⵉⴱⴱⵉⴷⵏ ⴼ ⴰⵏⴰⵡ ⴰⵏⴰⵎⵓⵏ.
ⵙ ⵓⵙⴱⵣⵉⵣ ⵏ ⵜⴰⵡⵊⵉⵡⵉⵏ ⵜⴰⵣⵣⴰⵏⵉⵏ ⵏⵙⵏ ⴼ ⵍⵉⵜⵜⵉⵀⴰⵍ ⴰⵔ ⵉⵙⵔⵓⵙ ⴼ ⵉⴳⵉ ⵏ ⵓⵎⴳⵔⴷ ⵏⵙⵏ ⵢⴰⵜ ⵜⴰⵎⵙⵜⴰⴳⴳⴰⵔⵜ ⵓⵔⵜⵜⴰ ⵢⴰⵙ ⴼⵔⴽⵏ ⴰⵛⴽⵓ ⵜⵓⴷⵔⵜ ⵏ ⵍⵉⵜⵜⵉⵀⴰⵍ ⵜⴳⴰ ⴽⵓⵍⵓ ⵜⵉⵎⵙⴳⴳⴰⵔⵉⵏ ⵏ ⵜⴰⵡⵊⴰ ⵓⵔⴰⵙⵏ ⵜⵥⴷⴰⵔ ⵜⴰⴼⵔⵓⵅⵜ ⵏⵖⴷ ⴰⴼⵔⵓⵅ ⵖⴰⵍⵉ ⴼⵍⴰⵙⵏ ⵉⵍⵍⴰⵏ ⵖ ⵜⵉⵣⵉ ⵢⴰⴷ ⵉⴳⴰⵜ ⴰⴷ ⵜⵀⴹⴰⵔⵏ ⴷ ⵉⵎⴷⵓⴽⴰⵍ ⵏⵙⵏ ⴷ ⴰⴷ ⵜⵍⵎⴰⴷⵏ ⵖ ⵜⵉⵏⵎⴰⵍ.
ⴷ ⴰⵔ ⵉⵙⵍⴽⴰⵎ ⵍⵉⵜⵜⵉⵀⴰⵍ ⵏ ⵜⴰⵣⴰⵏⵉⵏ ⵖ ⵍⵢⴰⵎⴰⵏ ⵉ ⵜⵉⵖⴰⵡⵙⵉⵡⵉⵏ ⴱⴰⵀⵔⴰ ⵉⵅⵛⵏ, ⴰⵔ ⵉⵙⵔⴰⴳ ⵉ ⵍⴰⴹⵔⴰⵔ ⵖ ⵜⴰⴷⵓⵙⵉ ⴰⵔ ⵜⵍⴽⵎ ⵍⵎⵓⵜ ⵖ ⵜⵣⵉⵣ ⵏ ⵓⵥⵥⴰⵢ ⵙ ⵡⴰⵔⴰⵡ ⴷ ⵜⵉⵣⵉ ⵏ ⵡⴰⵔⵔⵓ ⴰⵛⴽⵓ ⵜⵛⴰⵔ ⵜⴰⵏⴰⴹⵜ ⵏ ⵍⵢⵓⵏⵉⵙⵉⴼ ⵉ 12 ⵏ ⵍⵎⵓⵜ ⵣⵖ ⵏⴳⵔ 260 ⵖ ⵜⵉⵣⵉ ⵏ ⵓⵥⵥⴰⵢ ⴷ ⵡⴰⵔⵔⵓ, ⴷ ⵍⴰⴹⵔⴰⵔ ⵉⴳⴰⵏ ⵏⴰⴼⵙⵉⵢⴰ ⵜⵙⵎⴷⵜⴰⵙ ⴰⵖⵍⵉ ⵏ ⵉⵙⵖⴰⵍ ⵏ ⵍⵓⵎⵎⵉⵢⴰ ⵍⵉⵖ ⵜⵍⴽⵎ ⴰⵙⵡⵉⵔ ⵡⵉⵙ ⴽⵔⴰⴹ ⵙ ⴰⵙⵖⵍ ⵏ 45% ⵖ ⵓⵙⵡⵉⵔ ⵏ ⴰⵏⴰⵎⵓⵔ ⴰⵄⵔⴰⴱ ⵜⵙⵎⴷⵜⴰⵙ ⴰⵖⵍⵉ ⵏ ⵉⵙⵖⴰⵍ ⵏ ⵓⵍⵓⴼ ⵙ ⵜⴰⵢⴰⴼⵓⵜ ⵏ ⵓⵙⵏⵉⵃⵢⵉ ⴰⵡⵏⴳⵉⵎ ⴷ ⵎⴰⵢⴰⴷ ⵙ ⵜⵉⵍⴰⵍⵜ ⵏⵙ ⴰⵔ ⵉⴹⵉⵚ ⴼ ⵡⴰⵎⵓⵏ ⴷ ⵜⴰⵥⵉⴷⵔⴰ ⵏⵙ ⴼ ⵓⵙⴱⵓⵖⵍⵓ.
ⴷ ⵖⵉⴽⵍⵉ ⵙⴰⴷ ⵜⵏⵄⴰⴽⴰⵙ ⵜⵓⵎⴰⵏⵜ ⴰⴷ ⵙ ⵍⴰⵟⵔⵜ ⵏⵙ ⵜⴰⴽⴰⵔⵉⵜⵉⵜ ⴼ ⵜⵉⴼⵔⵅⵉⵏ ⴰⵔ ⵜⵎⵎⴰⵜⴰⵢ ⵙⴰⵍⴱⴰⵏ ⵙ ⵜⵉⵍⴰⵜ ⵏⵙ ⵙ ⵜⴰⵡⵊⴰ ⴷ ⵣⵖ ⴳⵉⵙ ⵙ ⴰⵎⵓⵏ ⵎⴰⵔⵔⴰ. ⵜⴰⴼⴰⵛⵉ ⵏ ⵜⵓⵎⴰⵏⵜ ⵏ ⵍⵉⵜⵜⵉⵀⴰⵍ ⵏ ⵜⴰⵣⵣⴰⵏⵉⵏ ⵖ ⵜⵉⵣⵉ ⵢⴰⴷ ⵉⴳⴳⵓⵔⴰⵏ ⴰⵔ ⵜⵙⵇⵍⴰⵇ ⵖ ⵍⵢⴰⵎⴰⵏ ⵙ ⵓⵙⵔⴰⴳ ⵏ ⵉⵎⴰⵖⵏ ⴷ ⵉⵎⵏⴰⵖⴰⵏ ⴷ ⵡⴰⵔ ⵍⴰⵎⴰⵏ ⴷ ⵍⵉⵏⵜⵉⵛⴰⵔ ⵏ ⵍⵊⴰⵔⵉⵎⴰ ⴷ ⴰⵣⵡⴰⴳ ⴰⴳⴷⵓⴷⴰⵏ ⵎⵍⴰⵏⵜ ⴽⵔⴰⵏ ⵜⵉⵖⵓⵔⵉⵡⵉⵏ ⵏ ⵜⵉⵎⵜⵜⴰ ⵉⵎⵓⵏⵏ ⵏ ⵉⵎⵣⴷⴰⵖⵏ ⴰⵔ ⵎⴰⵏⵉ ⵉⴹⵉⵚ ⵚⵉⵔⴰⵄ ⴼ ⵍⵉⵜⵜⵉⵀⴰⵍ ⵏ ⵜⵉⴼⵔⵅⵉⵏ ⴷ ⴰⵔ ⵜⵙⴷⵓⵙ ⵎⴰⵙⴷ 1 ⴰⵔ 5 ⵏ ⵜⵉⴼⵔⴰⵅ ⵜⵉⵎⵣⵡⴰⴳⵉⵏ ⴰⵔ ⵜⵜⵉⵀⵉⵍⵏⵜ ⵜⵙⵎⴷⵜⴰⵙ ⵎⴰⵙⴷ ⴰⵙⵓⵔⵙ ⴰⴷⴰⵎⵙⴰⵏ ⵉⴷⵃⵉ ⵙ ⵣⵉⵢⴰⴷⴰ ⵏ ⵎⵓⵄⴷⴰⵍ ⵏ ⵍⵉⵜⵜⵉⵀⴰⵍ ⵏ ⵜⴰⵣⴰⵏⵉⵏ ⵙ ⴰⵙⵖⵍ ⵏ 66% ⴰⴼⴰⴷ ⴰⴷ ⵙⵜⴰⴼⴷⵏ ⵖ ⵉⵎⵔⵡⴰⵙⵏ ⵏⵙⵏⵜ ⴷ ⵙ ⵓⵙⵔⴰⴳ ⵏ ⴰⴼⵔⴳ ⵏⵙⵏⵜ ⵣⵖ ⵜⴰⵃⴰⵔⵓⵛ ⵖⵉⴽⵍⵉ ⵙ ⵏⴰⵏⵜ ⵜⴰⵡⵊⵉⵡⵉⵏ ⵏⵙⵏⵜ.
ⵍⵃⵉⵔⵎⴰⵏ ⵏ ⵜⵉⴼⵔⵅⵉⵏ ⵣⵖ ⵉⵣⵔⴼⴰⵏ ⵏⵙⵏⵜ ⵖ ⵓⵙⵍⵎⴷ ⴷ ⴰⵙⵃⵓⴷⵓ ⵣⵖ ⵉⵣⵎⵣⵣⴰ ⵏⵙⵏⵜ ⵙ ⵓⵙⵔⴰⴳ ⵏ ⵍⵉⵜⵜⵉⵀⴰⵍ ⵖ ⵎⵥⵥⵉ, ⴷ ⵓⵍⵍⴰ ⵣⵖ ⵉⵣⵎⵣⵣⴰ ⵏⵙⵏⵜ ⵖ ⴰⵎⵎⴰⵣ ⵏ ⴽⵔⴰⵏ ⵜⴰⵡⵔⵉ ⴰⵔⴼⵍⴰⵙⵏ ⵉⵙⴹⵉⵚ ⴷ ⴼ ⵜⴰⵡⵊⴰ ⵏⵙⵏⵜ ⵖ ⵉⵎⴰⵍ ⵙ ⵍⵎⵓⵇⴰⵔⴰⵏⴰ ⴷ ⵅⵜⵜⵉⵍⵉ ⵉⵖⵔⴰⵏ, ⴷ ⵙⵖⵉⴽⴰⴷ ⴰⵔ ⵉⵜⴳⴳⴰ ⵓⵙⵓⵔⵙ ⵏ ⵜⴰⵣⵣⴰⵏⵉⵏ ⵏⵙⵏ ⴰⵅⵛⴰⵏ.
ⵉⵍⵍⴰ ⴼⵍⴰⵖ ⴰⴷ ⵏⵛⵛⴰⵔ ⵎⴰⵙⴷ ⵍⴰⵏⵜ ⵙⵓⵍ ⵎⵓⵃⴰⵡⴰⵍⴰⵜ ⵣⵖ ⵜⵉⵙⴳⵉⵡⵉⵏ ⵉⴳⴰⵏ ⴷⴰⵡⵍⵉⵢⴰ ⵍⵉ ⵉⵜⵓⵄⵏⴰⵏ ⵙ ⵉⵣⵔⴼⴰⵏ ⵏ ⵜⴰⵣⴰⵏⵜ ⴷ ⵉⵎⵖⵏⴰⵙⵏ ⴷ ⵉⵎⵜⵓⵙⵓⵔⵏ ⵙ ⵓⵙⴼⵔⴽ ⵙ ⵍⵎⴰⵅⴰⵟⵉⵔ ⵏ ⵍⵉⵜⵜⵉⵀⴰⵍ ⵏ ⵎⵥⵥⵉ ⴷ ⵜⴰⵢⴰⴼⵓⵜⵉⵏ ⵏⵙ ⵣⵖ ⵜⴰⵖⴰⵔⴰⵙⵜ ⵏ ⵉⵎⵣⵣⵉⵣⵍⵏ ⵏ ⵓⵙⴼⵔⴽ ⴰⴼⴰⴷ ⴰⴷⴰⵡⵙⵏ ⵖ ⵓⵙⵖⵍⵉ ⵏ ⵜⴰⵙⴽⴼⵍⵜ ⵏ ⵓⴼⵔⴰⴽ ⵖ ⵡⴰⵎⵓⵏ, ⵙⵍⴰⵡⴰⵏ ⴰⴽⴽ ⵖ ⴰⵎⵓⵏⵏ ⵏ ⵍⴱⴰⴷⵉⵢⴰ ⴼ ⵍⴰⴹⵔⴰⵔ ⴼ ⵜⴰⴷⵓⵙⵉ ⴷ ⵜⵓⴳⵜ ⵏ ⵜⴰⵢⴰⴼⵓⵜⵉⵏ ⵉⵅⵛⵏ ⵏ ⵍⵉⵜⵜⵉⵀⴰⵍ ⵏ ⵜⴰⵣⵣⴰⵏⵉⵏ ⵏ ⵜⵉⴼⵔⵅⵉⵏ ⴷ ⵉⴼⵔⴰⵅ ⵣⵖ ⵜⴰⵖⴰⵔⴰⵙⵜ ⵏ ⵉⵎⴰⵙⵏ ⵏ ⵓⵙⵖⵎⵙ ⴷ ⵜⵉⴷⵖⵔⴰⵏⵉⵏ ⵉⵎⵢⴰⵏⴰⵡⵏ ⴷ ⵣⵖ ⵜⴰⵖⴰⵔⴰⵙⵜ ⵏ ⵉⵥⵟⵡⴰⵏ ⵏ ⵓⵏⵢⴰⵍⴽⴰⵎ ⴰⵏⴰⵎⵓⵏ ⴷ ⴰⴼⵙⴰⵔ ⵏ ⵜⴰⴷⵎⵉⵏⵉⵏ ⵍⵉ ⵉⵊⵕⴰⵏ ⵉ ⵜⵉⴼⵔⴰⵅ ⵍⵉ ⵉⴳⴰⵏ ⴹⴰⵃⵢⴰ ⵏ ⵍⵉⵜⵜⵉⵀⴰⵍ ⵖ ⵎⵥⵥⵉ ( ⵣⵓⵏⴷ ⵜⴰⵎⵙⴰⵔⵜ ⵏ ⴰⵍⵄⵓⵏⵓⴷ ⴷ ⵡⴰⵔ ⵏⵙ ⵏⵓⵊⵓⴷ ⴷ ⵜⵓⴳⵜ ⵢⴰⴹⵏⵉⵏ….) ⴷ ⵜⴰⵢⴰⴼⵓⵜⵉⵏ ⴼⵍⴰⵜⵙⵏ ⴷ ⴼ ⵜⴰⵡⵊⵉⵡⵉⵏ ⵏⵙⵏⵜ ⴷ ⴼ ⵡⴰⵎⵓⵏ.
ⵜⴰⵖⴰⵡⵙⴰ ⵍⵉⴷ ⵢⵓⵛⴽⴰⵏ ⴰⵡⴰⵔ ⵏ ⵎⴰⴷ ⴼⵛⵍⵏ ⵉⵎⵙⴽⴰⵔⵏ ⵏ ⵜⴰⵙⵔⵜⵉⵜ ⴰⴷ ⵙⴽⵔⵏ ⴰⵣⵣⵔⴰⴼ ⵏ ⴰⵙⵍⴳⵏ ⵍⵉⵔⴰⴷ ⵉⵙⵔⵙ ⴰⵡⵜⴰⵢ ⵉⵃⵓⴷⴷⴰⵏ ⵉ ⵍⵉⵜⵜⵉⵀⴰⵍ ⴷ ⵍⵎⵓⵄⴰⵇⴰⴱⴰ ⵏ ⵡⵉⵍⵉ ⵙⵉⵙ ⵓⵔ ⵉⵙⴽⴰⵔⵏ. ⴰⵖⵜⴰⵙ ⴰⴷ ⵍⵉ ⵓⵔ ⵉⵣⵔⴰⵏ ⵜⵉⴼⴰⵡⵜ ⵙ ⵓⵙⵔⴰⴳ ⵏ ⵉⵎⵣⴰⵣⵏ ⵉⵎⵢⴰⵏⴰⵡⵏ ⴷ ⵜⴰⵄⴰⵔⵓⴷ ⵏ ⵍⵎⵓⵄⵜⴰⵇⴰⴷⴰⵜ ⵏⵙⵏ ⵖ ⵍⴱⴰⵔⵍⴰⵎⴰⵏ ⴷ ⵜⴰⵡⵀⵓⵜ ⵏ ⵉⵔⴳⴰⵙⵏ ⵏ ⵓⵙⴳⴷ ⵖ ⵜⴰⵃⴷⵉⴷ ⵏ ⴰⵡⵜⴰⵢ ⴰⵎⴷⵔⵓⵙ ⵉ ⵍⵉⵜⵜⵉⵀⴰⵍ.
ⵏⵥⵓⵥⴷ ⵣⵖ ⵜⵉⵏⴱⴰⴹⵉⵏ ⵜⵉⵏⵣⵔⴰⴼⵉⵏ ⵖ ⵍⵢⴰⵎⴰⵏ ⴰⴷ ⵜⴰⵡⵙ ⴰⴼⵓⵙ ⵖ ⵓⴼⵓⵙ ⴷ ⵜⵉⵎⴰⴷⴷⴰⵙⵉⵏ ⵏ ⵉⵣⵔⴼⴰⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴰⵣⴰⵏⵜ ⴷ ⴰⵙⴽⴰⵔ ⵏ ⵍⵄⵓⵇⵓⴱⴰⵜ ⵉⵥⵉⵢⵔⵏ ⴼ ⵍⵎⵓⵏⵜⴰⵀⵉⴽⵉⵏ ⵏ ⵜⴰⵣⵣⴰⵏⵉⵏ ⵍⵉ ⵙⵓⵍ ⵉⵙⴽⴰⵔⵏ ⵜⴰⵙⵎⵔⵙⵜⵜⴰⵏ ⵖ ⵓⵣⵔⴼ ⵏ ⵜⵉⴼⵔⵅⵉⵏ ⴷ ⴰⵔ ⵏⵙⵙⵓⵜⵓⵔ ⴰⵍⵍⴰⵙ ⵏ ⵓⵎⵥⵔⵉ ⵖ ⴽⵔⴰⵏ ⵉⵣⵣⵔⴰⴼⵏ ⵍⵉ ⵓⵔ ⵉⵏⵚⴼⵏ ⵜⴰⵎⵖⴰⵔⵜ ⴰⵎⵏⵏⵉ 42 ⵣⵖ ⴰⵙⵍⴳⵏ ⵍⵄⵓⵇⵓⴱⴰⵜ ⵏ ⵡⴰⵟⵟⵓⵏ 12 ⵍⵉ ⵉⵜⵜⵉⵏⵉⵏ ⵎⴰⵙⴷ ⵜⴰⴼⴽⴰⵢⵜ ⵏ ⵜⴰⵎⵖⴰⵔⵜ ⵉⵎⵓⵜⵏ ⵉⴳⴰⵜ ⵓⵣⴳⵏ ⵏ ⵜⴰⴼⴽⴰⵢⵜ ⵏ ⵓⵔⴳⴰⵣ ⵉⵎⵓⵜⵏ ⵎⴰⵢⴰⴷ ⵢⵓⵙⵙⵉ ⵢⴰⵏ ⴷⴰⵍⵉⵍ ⵉⴳⴰⵏ ⴹⵉⵎⵏⵉ ⵎⴰⵙ ⵜⴰⵎⵖⴰⵔⵜ ⴰⵜⵉⴳ ⵏⵙ ⵉⵎⵣⵉⴽ ⴼ ⵡⵉⵏ ⵓⵔⴳⴰⵣ.
ⴷ ⵏⵙⵙⵓⵜⵔ ⵖ ⵍⵎⵓⵜⵜⵉⵔⵉⵏ ⴷ ⵉⵎⵖⵏⴰⵙⵏ ⴰⴷ ⵣⵉⴳⵉⵣⵏ ⵖ ⵓⵙⴽⴰⵔ ⵏ ⵉⵖⴰⵡⴰⵙⵏ ⵏ ⴰⵙⵎⵓⵙⵙⵓ ⴰⵏⴰⵎⵓⵏ ⴼ ⵍⵎⴰⵅⴰⵟⵉⵔ ⵏ ⵍⵉⵜⵜⵉⵀⴰⵍ ⵏ ⵜⴰⵣⴰⵏⵉⵏ, ⴷ ⴰⵖⵔⵉ ⵙ ⴰⵙⴽⴰⵔ ⵏ ⵉⵙⵏⴼⵍⵏ ⵖ ⵉⵙⴱⴱⴷⴰⴷ ⴷ ⵉⵍⵓⴳⵏⵏ ⵉⵏⴰⵎⵓⵏⵏ ⵣⵖ ⵜⴰⵖⴰⵔⴰⵙⵜ ⵏ ⵉⵖⴰⵡⴰⵙⵏ ⵏ ⵓⵙⴼⵔⴽ ⵖ ⵜⵉⵎⴷⵉⵏⵉⵏ ⴷ ⵍⵠⵉⵍⴰⵊⴰⵜ ⵣⵖ ⵜⴰⵖⴰⵔⴰⵙⵜ ⵏ ⵓⵎⵢⴰⵡⴰⵙ ⴷ ⵜⵉⵎⵔⵙⴰⵍ ⵜⵉⵏⴰⵎⵓⵏⵉⵏ ⴷ ⵜⵉⵎⵙⵎⵓⵏⵉⵏ ⵏ ⵓⵙⴳⴷ ⴷ ⵜⵉⵎⵔⵙⴰⵍ ⵏ ⵜⴰⴷⵓⵙⵉ ⴷ ⵜⵉⵎⴰⴷⴷⴰⵙⵉⵏ ⵏ ⵓⵖⵔⵉⵎⵏ ⵜⵉⴷⵖⵔⴰⵏⵉⵏ ⵢⴰⴹⵏⵉⵏ ⴷ ⵜⵉⵏⵎⴰⵍ. ⴳⴰⵏⵜ ⵜⵉⴱⴰⴷⵓⵜⵉⵏ ⵍⵉ ⵎⴰⵔⵔⴰ ⵢⵓⴼⵏ ⵖ ⵓⵙⵖⵍⵉ ⵏ ⵓⴼⵔⴰⴽ ⵉ ⵜⴰⵢⴰⴼⵓⵜⵉⵏ ⵉⵅⵛⵏ ⵏ ⵍⵉⵜⵜⵉⵀⴰⵍ ⵏ ⵎⵥⵥⵉ ⴷ ⵜⵓⴳⵜ ⵏ ⵉⴱⵖⵓⵔⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⵏ ⵉⴷⵓⵙⴰⵏⵏ ⵉ ⵓⵙⵎⴰⵟⴰⵍ ⵏ ⵍⵉⵜⵜⵉⵀⴰⵍ, ⴷ ⴰⵎⵎⵓⵔⵣⵎ ⵏ ⴰⵎⵎⴰⵙⵏ ⵏ ⵓⵙⵍⵎⴷ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⵉ ⵜⵉⴼⵔⵅⵉⵏ ⴰⴼⴰⴷ ⴰⵜⵜⵏ ⵢⴰⵊ ⵎⴰⵢⴰⴷ ⴰⴷ ⴰⴼⵏⵜ ⵜⴰⵡⵔⵉ ⴰⴼⴰⴷ ⴰⴷⴰⵔⵙⵏ ⵢⴰⵏ ⵓⵙⴽⵛⵎ ⵢⵓⴷⴰⵏ ⴷ ⴰⴷ ⵙⴷⴷⵔⵓⵙⵏⵜ ⵍⵉⵄⵜⵉⵎⴰⴷ ⵏⵙⵏⵜ ⴼ ⵜⴰⵡⵊⴰ ⴷ ⴰⴷⴰⵔⵙⵏ ⵢⴰⵏ ⵡⴰⵏⴰⵡ ⵏ ⵜⴰⵙⵉⵎⴰⵏⵜ ⵙⵍⴰⵡⴰⵏ ⴰⴽⴽ ⵜⵉⵎⵣⵡⴰⴳⵉⵏ ⵙ ⵓⵙⵔⴰⴳ ⵏ ⵉⵎⵏⵖⵉⵜⵏ.
