ⵍⵉⵜⵜⵉⵀⴰⵍ ⵏ ⵜⵉⴼⵔⵅⵉⵏ ⵎⵥⵥⵉⵏ

ⵉⵣⴰⴽⴰⵔⵏ ⴰⵔⵙⵉⵙⵏ ⵜⵢⵉⵎⵉⵣⵏⵜ ⵜⵉⴼⵔⵉⵖⵉⵏ ⵎⵥⵥⵉⵏⵉⵏ ⵙ ⵍⵃⵓⵊⵊⴰ ⵏ ⵙⴰⵜⵔ … ⴰⵔ ⵜⵓⵎⴷⴰⵍⵏⵜ ⴷⴷⵔⵏⵜ ⵏⵉⵜ ⵙⵓⵍ ⴰⵔ ⴰⵙⵏ ⵜⴰⵡⵉⵏⵜ ⵜⵓⴷⵔⵜ ⵏⵙⵏⵜ ⴷ ⵉⵇⴷⵔ ⴰⴷ ⴳⵓⵔⵓⵏⵜ ⵙ ⵍⵉⵏⵜⵉⵃⴰⵔ ⵏⵖ ⵍⵎⵓⵜ ⴰⵔ ⵜⵅⵙⴰⵔⵏ ⵜⵓⴷⵔⵜ ⵏⵙⵏ ⴷ ⵓⵙⵔⴰⴳ ⵉⴳⴰⵜ ⵍⵉⵜⵜⵉⵀⴰⵍ.

ⵍⵉⵜⵜⵉⵀⴰⵍ ⵏ ⵜⵉⴼⵔⵖⵉⵏ ⵎⵥⵥⵉⵏ ⵢⴰⵜ ⵜⵓⵎⴰⵏⵜ ⵍⵉ ⵉⵜⵜⵀⴷⵉⴷⵏ ⵜⵉⴼⵔⵅⵉⵏ ⵏ ⵍⵄⵉⵔⴰⵇ ⴷ ⵍⵢⴰⵎⴰⵏ ⴰⵔ ⵜⵡⴰⵔⴳⴰⵏⵜ ⵙ ⵍⵓⵄⴱⴰ ⵎⵥⵉⵏ ⴷ ⴷⴼⴰⵜⵔ ⴷ ⵉⴽⴽⵍⴰⵏ … ⴰⴷ ⴽⵎⵍⵏⵜ ⴰⵙⵍⵎⴷ ⵏⵙⵏ ⴳⵉⵏⵜ ⵣⵖ ⵉⵏⵎⵖⵓⵔⵏ ⵏ ⵡⴰⵎⵓⵏ. ⵍⵢⴰⵎⴰⵏ ⵣⵖ ⵉⵙⴳⴰⵙⵏ ⵉⵣⵔⵉⵏ ⴰⵔ ⵖⵉⵍⴰⴷ ⴰⵔ ⴷⴷⵔⵏ ⵜⵓⵎⴰⵏⵜ ⴰⴷ ⴰⵔ ⵙⵜⵉⵀⵉⵍⵏ ⵉⴼⵔⴰⵅ ⴷ ⵜⵉⴼⵔⵅⵉⵏ ⵖ ⴰⵡⵜⴰⵢ ⵏ ⵜⵥⴰ ⵙ ⵓⴼⵍⵍⴰ.

ⴷ ⵉⵣⴰⵢⴷ ⵓⵎⵏⵖⵉ ⵖ ⵜⵓⵎⴰⵏⵜ ⴰⴷ ⴱⴰⵀⵔⴰ, ⵙⵍⴰⵡⴰⵏⴰⴽ ⴰⴽ ⴷⴰⵔ ⵍⵎⵓⵀⴰⵎⴰⵛⵉⵏ, ⴱⴷⴷⴰⵏ ⵉⵔⴳⴰⵣⵏ ⴰⵔ ⵜⵙⵡⴰⴳⵏ ⵜⵉⴼⵔⵅⵉⵏ ⵏⵙⵏ ⵙ ⴷⴰⵔ ⵍⵎⵏⴷⴰⴼ ⵏ ⵍⵎⵓⵜ, ⵔⵡⵍⵏ ⵉ ⵜⴰⵎⵙⵜⴳⴳⴰⵔⵜ ⵍⵉ ⴼⵍⴰⵙⵏ ⵉⵍⵍⴰⵏ ⴼⵍⴰⵜⵙⵏⵜ ⵏⵖ ⵟⵎⴰⵄⵏ ⴰⴷⴰⵎⵣⵏ ⴰⵎⵔⵡⴰⵙ ⵏⵙⵏⵜ.

ⵙ ⵍⵡⵉⴼⵇ ⵏ ⵜⵉⵖⵓⵔⵉⵡⵉⵏ ⵜⵉⵜⵔⴰⵔ ⵍⵉ ⵉⵥⵥⵍⵉⵏ ⵙ ⵍⵎⵓⵀⵎⴰⵛⵉⵏ, ⵍⵉⴷ ⵉⵜⵜⵓⵢⵙⴼⴰⵖⵏ ⵖ ⵛⵓⵜⴰⵏⴱⵉⵔ 2021, ⵣⵖ ⴰⵎⵎⴰⵙ ⵏ ⵚⴰⵏⵄⴰ ⵉ ⵜⵉⵖⵓⵔⵉⵡⵉⵏ ⵜⵉⵙⵜⵔⴰⵜⵉⵊⵉⵏ, ⴷ ⵜⵥⵍⵍⵉ ⵙ ⵉⴷⵖⴰⵔⵏ ⵏ ⵏ ⵜⵉⵄⵣ ⴷ ⵚⴰⵏⵄⴰ ⴷ ⵄⴰⴷⴰⵏ, ⵜⵍⴽⵎ ⵜⴰⵙⵖⵍⵜ ⵏ ⵓⵙⵜⵉⵀⵍ ⵏ ⵡⴰⵣⵣⴰⵏⵏ ( 10 ⴰⵔ 18 ⵏ ⵓⵙⴳⴰⵙ) ⵖ ⵜⴰⵎⴷⵉⵏⵜ ⵏ ⵜⵉⵄⵣ ⵀⵍⵍⵉ ⴰⵔ 17.9% ⵖ ⵓⵙⴳⴰⵙ ⵏ 2014 ⵣⵖ ⵓⵟⵟⵓⵏⵏ ⵏ ⵜⵉⴼⵔⵅⵉⵏ ⵉⵜⵜⵓⵀⵎⴰⵛⵏ, ⴷ ⵖ ⵜⴰⵎⴰⵥⵓⵏⵜ ⵚⴰⵏⵄⴰ 27% ⴰⵔ ⵓⵙⴳⴰⵙ ⵏ 2020, ⴷ ⵖ ⵜⴰⵎⴰⵥⵓⵏⵜ ⵍⵎⵓⵡⵇⴰⵜⴰ ⵏ ⵜⴰⵏⴱⴰⴹⵜ ⵍⵉ ⵙⵓⵢⵜⵉⵄⵜⴰⵔⴰⴼ ⴷⴰⵡⵍⵉⵢⴰⵏ ⵄⴰⴷⴰⵏ ⵜⵍⴽⵎ ⴰⵙⵖⵍ ⵏ 6%.

ⴷ ⵛⴰⵔⵏⵜ ⵜⵉⵖⵓⵔⵉⵡⵉⵏ ⵙ ⵓⵖⵍⵍⵉ ⵏ ⵍⵎⵓⵄⴷⴰⵍⴰⵜ ⵏ ⵍⵉⵜⵜⵉⵀⴰⵍ ⵏ ⵜⴰⵢⵍⴳⵉ ⵖ ⵜⴰⵙⴳⵉⵡⵉⵏ ⵏ ⵍⵎⵓⵀⵎⴰⵛⵉⵏ ⵖ ⵎⴰⵔⵔⴰ ⵜⵉⵙⴳⵉⵡⵉⵏ ⵏ ⵍⵢⴰⵎⴰⵏ, ⵙⵍⴰⵡⴰⵏ ⴰⴽⴽ ⵖ ⵉⵙⴳⴰⵙⵏ ⴰⴷ ⵏ ⵓⵎⵏⵖⵉ, ⴷ ⴰⵔ ⵜⵇⴷⴰⵔ ⵜⴰⵎⴰⴷⴷⴰⵙⵜ ⵏ “ⵍⵢⵓⵏⵉⵙⵉⴼ” ⵎⴰⵙⴷ ⵓⴳⴳⴰⵔ ⵏ 4 ⴷ ⵍⵎⵍⵍⴰⵢⵏ ⵏ ⵡⴰⵣⵣⴰⵏ ⵣⵖ ⵎⴰⵔⵔⴰ ⵉⴳⵣⵓⵎⵏ ⵏ ⵡⴰⵎⵓⵏ ⵜⴰⵀⵍⵏ ⴱⵣⵣⵉⵣ ⵖ ⵜⵎⴰⵣⵉⵔⵜ ⵖ ⵓⵙⴳⴰⵙ ⵏ 2021.

ⵍⵉⵄⵜⵉⴱⴰⵔ ⵎⴰⵙⴷ ⵜⵓⴷⵔⵜ ⵏ ⵍⵉⵜⵜⵉⵀⴰⵍ ⵜⵄⵎⵔ ⵙ ⵜⵉⵎⵔⵉⵙⵉⵏ ⴷ ⵜⵉⵎⵙⴳⴳⴰⵔⵉⵏ ⵏ ⵜⴰⵡⵊⴰ ⵍⵉ ⵙⵓⵔ ⵓⵔⵜⵣⴷⴰⵔ ⵜⴰⴼⵔⵓⵅⵜ ⵎⵥⵥⵉⵏ, ⵉⵜⵜⵓⵃⴷⴰⴷ ⴰⵡⵜⴰⵢ ⵏ ⵍⵉⵜⵜⵉⵀⴰⵍ ⵖ ⵓⵙⵍⵉⴳⵏ ⵏ ⵍⴰⵃⵡⴰⵍ ⵉⵏⵉⵎⴰⵏⵏ ⵖ ⵜⵓⴳⵜ ⵏ ⵜⵉⵎⵉⵣⴰⵔ ⵏ ⵓⵎⴰⴹⴰⵍ, ⵖ ⴰⵡⵜⴰⵢ ⵏ 18 ⵏ ⵓⵙⴳⴰⵙ, ⵄⴰⴽⵓⴷⴷⴰⵏ ⴰⵔ ⵜⴳⴰ ⵜⴰⴼⵔⵓⵅⵜ ⵜⵉⵏ ⵍⵉⵜⵜⵉⵀⴰⵍ.

ⵖ ⵍⵢⴰⵎⴰⵏ ⵉⵃⴷⴷⵉⴷ ⴰⵙⵍⴳⵏ ⵏ ⵍⴰⵃⵡⴰⵍ ⵉⵏⵉⵎⴰⵏⵏ ⵍⵉⴷ ⵉⴼⵓⵖⵏ ⵙ ⵜⴰⵖⵜⴰⵙⵜ ⵜⴰⴳⴷⵓⴷⴰⵏⵜ ⵖ ⵓⵙⴳⴰⵙ ⵏ 1992, ⴰⵡⵜⴰⵢ ⵍⵉ ⵉⵎⵥⵥⵉⵏ ⵏ ⵍⵉⵜⵜⵉⵀⴰⵍ ⵉⵖ ⵜⵍⴽⵎⵜ 15 ⵏ ⵓⵙⴳⴰⵙ, ⴷ ⵓⵔ ⵢⵓⴼⴼⴰ ⴰⴷ ⵜⵙⵜⴰⵀⵍ ⴰⴼⵔⵓⵅ ⵎⵥⵥⵉⵏ ⵏⵖ ⵜⴰⴼⵔⵓⵅⵜ ⵓⵔⵜⵜⴰ ⵉⵍⴽⵎ ⴰⵡⵜⴰⵢ ⴰⴷ, ⵖⵉⴽⵍⵉ ⵙ ⵉⵍⵍⴰⵏ ⵖ ⵓⵎⵏⵏⵉ 15 ⵏ ⵓⵙⵍⴳⵏ, ⵎⴰⵛ ⵓⵔⴰ ⵙⵓⵡⵔⵉⵏ ⵙ ⵓⵙⵍⴳⵏⴰⵏ, ⵙⵍⴰⵡⴰⵏ ⴰⴽⴽ ⵏⴳⵔ ⵍⵎⵓⵀⵎⴰⵛⵉⵏ.

ⵜⵖⵍⵉ ⵍⵃⴰⵍⴰⵜ ⵏ ⵍⵎⵓⵜ ⵏ ⵜⵉⵎⵖⴰⵔⵉⵏ ⵜⵉⵢⴰⵎⴰⵏⵉⵏ ⵖ ⵍⵄⵓⵎⵓⵎ ⴰⵔ ⵓⴳⴳⴰⵔ ⵏ 500 ⵏ ⵍⵃⴰⵍⴰ ⵏ ⵍⵎⵓⵜ ⵖ ⴽⴰⵢⴳⴰⵜ 100 ⴰⵍⴼ ⵏ ⵍⵃⴰⵍⴰ ⵏⴳⵔ ⵉⵙⴳⴰⵙⵏ ⵏ 2019 ⴷ 2020, ⴷ ⵓⵔ ⵉⵍⵍⴰ ⵍⵉⵃⵚⴰ ⵉⵥⵍⵍⵉⵏ ⵙ ⵜⵉⵎⵖⴰⵔⵉⵏ ⵉⵜⵜⵓⵀⵎⴰⵛⵏ ⵍⵉ ⵙⵜⴰⵀⴰⵍⵏ ⵖ ⴰⵡⵜⴰⵢ ⵏ ⵜⴰⵢⵍⴳⵉ, ⴷ ⴰⵔ ⵜⵄⵔⴰⴹⵏⵜ ⵉ ⵉⵎⵓⴽⵔⵉⵙⵏ ⵏ ⵓⵥⵥⴰⵢ ⴷ ⴰⵔⵔⴰⵡ ⵍⵉ ⵉⵇⴷⵔ ⴰⵜⴳ ⴰⵙⵔⴰⴳ ⵉ ⵍⵎⵓⵜ ⵏⵙⵏⵜ, ⵎⴰⵛ ⴰⵔ ⵜⵎⵜⵜⴰⵍⵏⵜ ⴰⵙⵖⵍ ⵎⵇⵓⵔⵏ ⵖ ⵍⵉⵃⵙⴰ ⴰⵎⴰⴷⴷⵓⴷ ⵍⵉ ⵜⵥⵔⴰ “ⵅⵓⵢⵓⵟ”.

ⴰⵔ ⵜⵄⴰⵡⴰⴷ ⵏⵓⵊⵓⴷ ⵍⵎⵓⵄⴰⵏⴰⵜ ⵏⵙ ⵖ ⵜⵉⵣⵉ ⵏ ⵍⵉⵜⵜⵉⵀⴰⵍ ⵏⵙ ⵍⵉ ⵓⵔ ⵉⵙⵓⵍⵏ ⴰⴱⵍⴰ ⴽⵔⴰⴹ ⵉⵔⵏ ⵜⵏⵏⴰ:” ⵄⴰⵏⵉⵖ ⵖ ⵜⵉⵣⵉ ⵢⴰⵏ ⵉⴳⵣⵓⵍⵏ ⴱⵣⴰⴼ, ⵙ ⵓⵙⵔⴰⴳ ⵏ ⵜⵉⵎⵓⴽⵔⵉⵙⵉⵏ ⵉⵏⵓ ⴷ ⵓⵔⴳⴰⵣ ⵉⵏⵓ, ⴷ ⵉⵙⴳⴳⵓⵜ ⵡⴰⵣⵣⴰⵢ ⵉⵏⵓ ⵖ ⴰⵢⵓⵔ ⵡⵉⵙⵙⵉⵏ ⵏ ⵍⵉⵜⵜⵉⵀⴰⵍ ⵉⵏⵓ ⵖ ⵍⵎⵓⵄⵏⴰⵜ ⴰⵏ ⴱⴰⵀⵔⴰ”, ⵛⴽⵓ ⵍⵊⴰⵙⴰⴷ ⵏⵙ ⵍⵉ ⵉⵙⴷⴷⵉⴷⵏ ⵍⵉ ⵉⵍⴽⵎⵏ ⵖ ⵍⵡⴰⵣⵏ 35 ⴽⵉⵍⵓ, ⵓⵔⴰⵙ ⵢⵉⵡⵙ ⵖ ⵍⵉⵖ ⵜⵥⴰⵢ ⵙ ⵡⴰⵔⴰⵡ, ⵜⵏⵏⴰ: ” ⵔⵎⵉⵖ ⴱⴰⵀⵔⴰ ⴷ ⵜⴳⵯⵉⵣⴷ ⵜⴰⴷⵓⵙⵉ ⵉⵏⵓ ⵖ ⵜⵉⵣⵉ ⵏ ⵡⴰⵣⵣⴰⵢ ⴷ ⴰⵙⴼⵓⵖ ⵏ ⵡⴰⵔⵔⴰⵡ, ⴷ ⵙⵓⵍ ⵙ ⵖⵉⵍⴰⴷ ⴰⵔ ⵜⵄⴰⵏⴰⵢⵔ ⵙ ⵓⵙⵔⴰⴳ ⵏ ⴰⵙⴼⵓⵖ ⵏ ⵡⴰⵔⵔⴰⵡ, ⴷ ⵣⵖⴰⵚⵍⵉ ⵍⵉ ⵓⵔⵓⵖ ⴰⴷ ⵄⵜⴰⴱⵔⴰⵖ ⴰⵔⵔⵓ ( ⴰⴼⵏⴰ ⵏ ⵍⵎⵓⵜ ⴷ ⵍⵉⵣⴷⵉⵢⴰⴷ ⵏ ⵉⵙⵖⴰⵍⵏ ⵏ ⵓⵔⵣⵎ ⵙ ⵜⴰⵢⴰⴼⵓⵜ ⵏ ⴰⵙⵏⵉⵃⵢⵉ ⴰⵡⵏⴳⵉⵎ ⴷ ⵎⴰⵢⴰⴷ ⴰⵔ ⵉⴹⵉⵚ ⴼ ⵡⴰⵎⵓⵏ ⴷ ⵜⵉⵣⴹⵔⵜ ⴼ ⵓⵙⴱⵓⵖⵍⵓ. ⴷ ⴰⵔⵔⵡⴰⵍ ⵏ ⵜⵉⴼⵔⵅⵉⵏ ⵎⵥⵥⵉⵏ ⵣⵖ ⵜⴰⵡⵊⴰ ⵏⵙⵏⵜ ⵉⵖ ⴼⵍⴰⵙⵏ ⵉⵜⵜⵓⵢⴱⵣⴰⵣ ⵍⵉⵜⵜⵉⵀⴰⵍ ⵎⵥⵥⵉⵏ ⴷ ⵍⴰⵏⵜ ⴽⵔⴰⵏ ⵜⵉⴼⵔⵅⵉⵏ ⵍⵉ ⵉⵏⵜⴰⵃⵔⵏ ⵙ ⵓⵙⵔⴰⴳ ⵏ ⵓⴱⵣⵣⵉⵣ ⵏ ⵜⴰⵡⵊⴰ ⵏⵙⵏ ⴼⵍⴰⵙⵏ ⵍⵉⵜⵜⵉⵀⴰⵍ.

ⵓⵔ ⵜⵍⵍⴰ ⵢⴰⵜ ⵜⴰⵣⵣⵉⴳⵣⵜ ⵏ ⵜⵉⵎⵖⴰⵔⵉⵏ ⴰⵛⴽⵓ ⵓⵔ ⵍⵄⴰⴱⵏⵜ ⵜⵉⵍⴰⵍⵜ ⵖ ⵜⴰⵙⵔⵜⵉⵜ. ⵎⴰⵛ ⵜⴰⵣⵣⵉⴳⵣⵜ ⵍⵉ ⵉⵜⵜⵢⵙⴽⴰⵔⵏ ⵉⴳⴳⴰⵜ ⵣⵖ ⵜⴰⵖⴰⵔⴰⵙⵜ ⵏ ⵓⵙⴼⵔⴽ ⵉ ⵡⴰⵎⵓⵏ ⴷ ⵜⴰⵡⵊⵉⵡⵉⵏ ⴷ ⵍⵎⴰⵡⴰⵇⵉⵄ ⵍⵉⵍⵉⴽⵜⵔⵓⵏⵉⵢⴰ ⵓⴷⵎ ⵖ ⵓⴷⵎ ⴷ ⵓⵏⵄⴰⵔ ⴷ ⵜⵉⵎⵣⵣⵉⵣⵍⵉⵏ ⴼ ⵍⴰⴹⵔⴰⵔ ⵏ ⵍⵉⵜⵜⵉⵀⴰⵍ ⵖ ⵎⵥⵥⵉ ⵣⵓⵏⴷ ⵜⵉⵎⵜⵜⴰ ⵉⵎⵓⵏⵏ ⵏ ⵜⵉⵎⵖⴰⵔⵉⵏ ⴷ ⵜⵉⵎⴰⴷⴷⴰⵙⵉⵏ ⵏ ⵜⵉⵎⵖⴰⵔⵉⵏ ⴷ ⵍⵊⴰⵏⴷⴰⵔ ⴷ ⵖⴰⵢⵍⵉ ⵙⴽⵔⵏⵜ ⵉⴳⴰ ⴰⵏⵄⴰⵔ ⴷ ⵉⵙⴼⵔⴽⵏ ⵖ ⴰⵎⵓⵏ ⴷ ⴰⵎⵙⴰⵡⴰⵍ ⴷ ⵉⴷ ⴱⴰⴱ ⵏ ⵜⴰⵖⵜⴰⵙⵜ ⵎⴰⵛ ⴰⵙⵍⴳⵏ ⴷ ⵜⴰⵖⵜⴰⵙⵜ ⵙⵓⵍ ⵜⵜⵓⵊⵎⴰⴷⵏ ⴷ ⵓⵔⵜⵜⴰ ⵙⵏⵉⵏ ⴽⵔⴰⵏ ⵍⵉⵜⵜⵉⴼⴰⵇⵉⵢⴰ ⵍⵉ ⵉⵜⵜⵃⵔⴰⵎⵏ ⵏⵖ ⴰⵔ ⵉⵜⵎⵏⴰⵄ ⵍⵉⵜⵜⵉⵀⴰⵍ ⵖ ⵎⵥⵥⵉ.

ⵖ ⵍⵄⵉⵔⴰⵇ ⵖⵍⵉⵏⵜ ⵍⵃⴰⵍⴰⵜ ⵏ ⵍⵉⵜⵜⵉⵀⴰⵍ ⵙ ⵢⴰⵏ ⵓⵎⴰⵖⵏⴰⵡ ⵉⵎⵇⵓⵔⵏ, ⴰⵙⵍⴳⵏ ⵏ ⵍⴰⵃⵡⴰⵍ ⵉⵏⵉⵎⴰⵏⵏ ⴰⵄⵉⵔⴰⵇⵉ ⴰⵔ ⵉⵙⵔⵓⵙ ⴰⵙⵍⴳⵏ ⵏ ⵍⵉⵜⵜⵉⵀⴰⵍ ⵖ ⴰⵡⵜⴰⵢ18, ⵎⴰⵛ ⵜⵉⴼⵔⵅⵉⵏ ⴰⵔⵜⵏⵜ ⵙⵜⵉⵀⵉⵍⵏ ⵖ ⴰⵡⵜⴰⵢ ⵏⴳⵔ 12 ⴷ 15 ⵏ ⵓⵙⴳⴰⵙ ⴷ ⴰⵔ ⵉⵜⵜⴰⵊⴰ ⵓⵙⵍⴳⵏ ⵍⵉⵜⵜⵉⵀⴰⵍ ⵏ ⵜⴰⴼⵔⵓⵅⵜ ⵖ ⴰⵡⵜⴰⵢ ⵏ ⵙⵎⵓⵚ ⴷ ⵎⵔⴰⵡ ⵙ ⵜⴰⵢⵢⵉⵀⵜ ⵏ ⵡⴰⵍⵍⵉ ⴼⵍⴰⵙ ⵉⵍⵍⴰⵏ.

ⵍⴼⴰⵇⵔⴰ ⵢⴰⴷ ⵜⵓⵊⵊⴰ ⵜⵓⴳⵜ ⴰⵙⵜ ⵙⵜⴰⵖⵍⵍⴰⵏ ⴷ ⴰⵙⵜⵜⵉⵀⵍ ⵏ ⵜⵉⴼⵔⵅⵉⵏ ⵏⵙⵏ ⵡⴰⵅⴰ ⵎⵣⵉⵏⵜ ⵏⵉⵜ ⵙⵓⵍ ⵙ ⵓⵙⵔⴰⴳ ⵏ ⵉⵇⴰⵔⵉⴷⵏ ⵏⵖ ⵙ ⵓⵙⵔⴰⴳ ⵏ ⵜⵉⵙⵓⵜⴰⵍ ⵜⵉⴷⴰⵎⵙⴰⵏⵉⵏ ⵙⵍⴰⵡⴰⵏ ⴰⴽⴽ ⴰⵡⴰⵔ ⵏ ⵜⵜⴰⴷⴰⵀⵡⵓⵔ ⵏ ⵉⵙⵓⵔⴰⵙ ⵉⵙⴼⵍⵙⴰⵏ ⵖ ⵜⵉⵣⵉ ⵏ ⴷⴰⵄⵉⵛ ⴷ ⵎⴰⴼ ⵣⵔⵉⵏ ⵉⴷⵖⴰⵔⵏ ⵍⵉⴼ ⵜⵚⴰⵢⵜⵔ ⴷⴰⵄⵉⵛ, ⴷ ⵉⵍⴽⵎ ⵓⵙⵖⵍⵉ ⵏ ⵓⵙⵜⵜⵉⵀⵍ ⵏ ⵜⵉⴼⵔⵅⵉⵏ ⵎⵥⵥⵉⵏⵉⵏ ⵖ ⵍⵄⵉⵔⴰⵇ 25.5% ⵖ ⵎⵔⴰⵡ ⵉⵙⴳⴰⵙⵏ ⵣⵔⵉⵏⵉⵏ.

ⵓⵔ ⵏⵙⵉⵏ ⴰⵎⵢⴰ ⴼ ⵍⵉⵜⵜⵉⵀⴰⵍ ⴰⴱⵍⴰ ⵜⵉⵎⵍⵙⵉⵜ ⵜⵓⵎⵍⵉⵍⵜ ⴷ ⵜⴰⴼⵓⴳⵍⴰ ⵏ ⵓⵃⵡⴰⵛ ⴷ ⵜⴰⵎⵓⵏⵜ ⵏ ⵍⴰⵃⴱⴰⴱ, ⵎⴰⵛ ⵓⴼⵉⵖⴷ ⴰⴳⴰⵢⵓⵏⵓ ⵜⴰⵎⵖⴰⵔⵜ ⵉⵜⵜⴰⵀⵍⵏ ⵍⵉ ⴷⴷⴰⵔ ⵜⵓⴳⵜ ⵏ ⵜⵉⵎⵙⴳⴳⴰⵔⵉⵏ ⵉⵇⴰⵏⴷ ⴰⵜⵏⵜ ⴽⵎⵍⵖ … ⴰⵡⴰⵍ ⵍⵉ ⵙⵏⵏⴰⵏⵜ ⵜⵓⴳⵜ ⵏ ⵜⵉⴼⵔⴰⵅ ⵍⵉⴼ ⵉⵜⵜⵓⴱⵣⴰⵣ ⵍⵉⵜⵜⵉⵀⴰⵍ ⴷ ⵓⵔ ⵉⴷⴷⵓⵎ ⵍⵉⵜⵜⵉⵀⴰⵍ ⵏⵙⵏⵜ ⴰⴱⵍⴰ ⴽⵔⴰⵏ ⵉⵔⵏ ⴷⵔⵓⵙⵏⵉⵏ, ⴷ ⵉⵎⵍⵍⴰ ⵓⵙⵇⵇⵉⵎ ⴰⵏⴱⴹⴰⵢ ⴰⴼⵍⵍⴰⵢ ⵖ ⵍⵄⵉⵔⴰⵇ ⵙ ⵓⵣⵎⵉⵎ ⵏ ⵜⵉⵙⵏⴱⴹⴰⵢ ⵜⵉⵏⴰⵎⵓⵔⵉⵏ ⴼ ⵓⵣⵎⵉⵎ ⵏ ⵓⴳⴳⴰⵔ ⵏ 4 ⵏ ⵉⴼⴹⴰ ⵏ ⵍⵃⴰⵍⴰ ⵏ ⵓⵍⴼ ⵏ ⵍⵇⴰⵚⵉⵔⴰⵜ ⵍⵉ ⵓⵔ ⵉⵍⴽⵎⵏ ⴰⵡⵜⴰⵢ ⵏ 15 ⵖ ⵉⵙⴳⴰⵙⵏ ⵏ 2020 ⴷ 2021, ⴷ ⵎⵍⴰⵏⵜ ⵍⵉⵃⵚⴰⵉⵢⴰⵜ ⵜⵉⵜⵔⴰⵔ ⵍⵉ ⵉⴼⵙⵔ ⵓⵙⵇⵇⵉⵎ ⴰⵙⵏⴱⴹⴰⵢ ⴰⴼⵍⵍⴰⵢ ⵓⵟⵟⵓⵏⵏ ⵍⵉ ⵉⵙⵙⵀⵓⵡⴰⵍⵏ ⴼ ⵓⵖⵍⵍⵉ ⵏ ⵍⵃⴰⵍⴰⵜ ⵏ ⵓⵍⴼ ⵙⵍⴰⵡⴰⵏ ⴰⴽⴽ ⴷⴰⵔ ⵜⵉⴼⵔⴰⵅ ⵎⵥⵥⵉⵏ.

ⵙⴰⵔⴰ ⵍⵉⴷⴷⴰⵔ 14 ⵏ ⵓⵙⴳⴰⵙ ⵜⵎⵓⵜ ⵙ ⵓⵙⵔⴰⴳ ⵏ ⵓⴱⵣⵣⵉⵣ ⵏ ⵉⵏⵏⴰⵙ ⴼ ⵍⵉⵜⵉⵀⴰⵍ ⵏⵙ ⵣⵖ ⴷⴰⵔ ⵢⴰⵏ ⵓⵔⴳⴰⵣ ⵍⵉ ⴷⴷⴰⵔ 31 ⵏ ⵓⵙⴳⴰⵙ ⵙⴰⵔⴰ ⵍⵉⵙⵜⵉⵏ ⵉⴽⴰⵏ ⴰⵔ ⵜⵄⵔⴰⴹ ⵉ ⵜⵉⴽⵕⴹⵉ ⵣⵖ ⴷⴰⵔ ⵓⵔⴳⴰⵣ ⵏⵙ ⵓⵔ ⵜⵙⵢⴰⴼⴰ ⵙ ⵔⴰⵃⵜ, ⵜⴼⵜⴰ ⴷⴰⵔ ⵉⵏⵏⴰⵙ ⵖ ⵍⵎⵓⵅⵢⴰⵎ ⵏ ⵉⵎⵣⵡⴰⴳⵏ ⵎⴰⵛ ⵉⵏⵏⴰⵙ ⵜⵙⵓⵔⵉⵜ ⴷⴰⵖ ⴷⴰⵔ ⵓⵔⴳⴰⵣ ⵏⵙ ⵍⵉⵖ ⵜⵙⵏ ⵎⴰⵙⴷ ⵜⵥⵥⴰⵢ ⵖ ⴰⵢⵢⵓⵔ ⵏⵙ ⵡⵉⵙⵙⵉⵏ ⵎⴰⵛ ⵜⴰⵡⵊⴰ ⵏ ⵓⵔⴳⴰⵣ ⴰⵢⵔⴰⵏ ⴰⴳⵉⵙ ⵜⵜⵀⵏⴰⵏ ⴷ ⵏⵏⴰⵏ ⵉ ⵉⵡⵉⵜⵙⵏ ⴰⵙⵜ ⵉⴼⵍ ⴷ ⵖ ⵜⵉⵣⵉ ⵢⴰⵏ ⵉⵏⵏⴰⵙ ⵜⵉⵡⵙⴰⵙ ⴰⴷ ⵜⵙⴹⵔ ⴰⵔⵔⴰⵡ ⵍⵉ ⵉⵍⵍⴰⵏ ⵖ ⵓⵃⵍⵉⴳ ⵏⵙ ⵎⴰⵛ ⴰⵜⵜⵉⴳ ⵏ ⵎⴰⵢⴰⴷ ⵉⴳⴰⵜ ⵍⵎⵓⵜ ⵏ ⵙⴰⵔⴰ ⵜⵎⵓⵜ ⵙⴰⵔⴰ ⴰⵡⴰⵔ ⵏ ⵍⵄⴰⵎⴰⵍⵉⵢⴰ ⵙ ⵙⴰⵄⵜⴰⵢⵏ ⴷ ⵜⴳⵓⵔⵔⴰ ⵜⴰⴷⵎⵉⵏⵜⴰⵏ ⵙ  ⵢⴰⵜ ⵜⵉⴳⵉⵔⴰ ⵉⵅⵛⵏ ⵙ ⵍⵅⵙⴰⵔⴰ ⵏ ⵜⴰⴼⵔⵓⵅⵜ ⵍⵉ ⴷⴷⴰⵔ ⵜⵓⴳⵜ ⵏ ⵜⵉⵡⴰⵔⴳⵉⵡⵉⵏ ⵍⵉⵙ ⵓⵔ ⵜⵣⴷⴰⵔ ⴰⵜⵜⵏ ⵜⵍⴽⵎ.

ⵉⴹⵉⵚ ⵏ ⵜⵓⵎⴰⵏⵜ ⴰⴷ ⴼ ⴰⵎⵓⵏ ⵉⵏⵓ ⵍⵅⵙⴰⵔⴰ ⵏ ⵜⵉⴼⵔⵅⵉⵏ ⵉ ⵜⵓⴷⵔⵜ ⵏⵙⵏⵜ … ⵙ ⵜⴰⵖⴰⵔⴰⵙⵜ ⵏ ⵍⵉⵏⵜⵉⵃⴰⵔ ⵏⵖ ⵍⵎⵓⵜ ⵙ ⵓⵙⵔⴰⴳ ⵏ ⵏⴰⵣⵣⵉⴼ, ⴷ ⴰⵔⵔⵡⴰⵍ ⵏ ⴽⵔⴰ ⴳⵉⵙⵏⵜ ⴰⴼⴰⴷ ⴰⵏⵏⵉⵜⵉⵏⵜ ⵖ ⵢⴰⵏ ⵓⵙⵓⵔⵙ ⵉⵃⵔⵔⴰⵏ ⴷ ⵙⵎⴷⴰⵙ ⵓⵍⵍⴰ ⴰⵖⵍⵍⵉ ⵏ ⵍⵃⴰⵍⴰⵜ ⵏ ⵟⵍⴰⵇ ⵉ ⵜⵉⴼⵔⵅⵉⵏ ⵍⵉⵏ ⵓⵔ ⵉⵣⵔⵉⵏ 15 ⵏ ⵓⵙⴳⴰⵙ.

ⴷ ⵉⵖ ⵏⵙⴰⵡⵍ ⴼ ⵜⵉⵍⴰⵍⵜ ⵏ ⵉⵎⵙⴽⴰⵔⵏ ⵏ ⵜⴰⵙⵔⵜⵉⵜ ⴷ ⵉⵎⵖⵏⴰⵙⵏ ⵖ ⵍⵄⵉⵔⴰⵇ ⵉⵎⵖⵏⴰⵙⵏ ⴷⴰⵔⵙⵏ ⵢⴰⵜ ⵜⵉⵍⴰⵍⵜ ⴱⴰⵀⵔⴰ ⵉⵙⵜⴰⵡⵀⵎⴰⵏ ⵖ ⵜⴰⵎⵙⴰⵔⵜ ⴰⴷ ⵙⵍⴰⵡⴰⵏ ⴰⴽⴽ ⵖ ⵉⵙⴳⴰⵙⵏ ⴰⴷ ⵉⴳⴳⵓⵔⴰⵏ, ⵙⴼⵓⵖⵏⴷ ⵜⵉⵎⵖⵏⴰⵙⵉⵏ ⵖ ⵉⴳⵔ ⵏ ⵉⵣⵔⴼⴰⵏ ⵏ ⵜⴰⵎⵖⴰⵔⵜ ⵜⵓⴳⵜ ⵏ ⵉⵖⵓⵔⵉⵜⵏ ⵉ ⵍⴱⴰⵔⵍⴰⵎⴰⵏ ⴰⴼⴰⴷ ⴰⴷ ⵃⴰⵔⵓⵏ ⴰⴷ ⵙⴼⵓⵖⵏ ⴰⵣⵣⵔⴰⴼ ⴰⵙⵍⴳⵏ ⵏ ⴰⴼⵔⴳ ⵏ ⵜⴰⵡⵊⴰ ⵣⵖ ⵜⵉⴽⵕⴹⵉ ⴷ ⵍⵉⵖ ⵉⵍⵍⴰ ⵢⴰⵏ ⵖ ⵉⵎⵏⵏⵉⵜⵏ ⵏⵙ ⴰⵙⴱⴱⵉⴷ ⵏ ⵍⵉⵜⵜⵉⵀⴰⵍ ⵏ ⵜⵉⴼⵔⵅⵉⵏ ⵎⵥⵥⵉⵏ, ⴷ ⵜⵣⵔⵉ ⵖ ⵜⴰⵙⴳⴰ ⵏ ⴷⵉ ⵇⴰⵔ ⵖ ⵓⵙⴳⴰⵙ ⵏ 2021 ⵉⵎⵓⵙⵙⵓⵜⵏ ⵏ ⴰⵎⵣⵣⵉⵣⵍ” ⴰⵙⴱⴱⵉⴷ ⵏ ⵍⵉⵜⵜⵉⵀⴰⵍ ⵏ ⵜⵉⴼⵔⵅⵉⵏ ⵖ ⵎⵥⵥⵉ” ⴷ ⵙⴱⴰⵢⵢⵏ ⵉⵎⴷⵔⴰⵡⵏ ⴳⵉⵙ ⵍⵎⴰⵅⴰⵟⵉⵔ ⵏ ⵍⵉⵏⵜⵉⵀⴰⴽ ⵏ ⵉⵣⵔⴼⴰⵏ ⵏ ⵜⴰⵣⵣⴰⵏⵉⵏ ⴷ ⵓⵍⵓⴼ ⵣⵉⴽ ⵙ ⵉⴳⴰⵏ ⵜⴰⵢⴰⴼⵓⵜ ⵏ ⵍⵉⵜⵜⵉⵀⴰⵍ ⵏ ⵜⵉⴼⵔⴰⵅ ⵎⵥⵥⵉⵏ ⴷ ⴰⵔ ⴷⴷⵄⵓⵏ ⴰⴷ ⵃⴷⵉⴷⵏ ⴰⵡⵜⴰⵢ ⵏ ⵍⵉⵜⵜⵉⵀⴰⵍ ⵖ 18 ⵏ ⵓⵙⴳⴰⵙ ⴷ ⴰⴷ ⵛⴷⴷⵉⴷⵏ ⵍⵄⵓⵇⵓⴱⴰ ⵉⵡⵉⵍⵉ ⵙⵉⵙ ⵓⵔ ⵉⵙⴽⵔⵏ, ⴷ ⵙⵎⴷⴰⵙ ⵓⵍⴰ ⵉⵎⵣⵣⵉⵣⵍⵏ ⵍⵉ ⵙⴽⴰⵔⵏⵜ ⵜⵉⵎⵖⵏⴰⵙⵉⵏ ⴰⴼⴰⴷ ⴰⴷ ⵙⴱⴱⴰⵢⵏⵜ ⵍⴰⴹⵔⴰⵔ ⵏ ⵍⵉⵜⵜⵉⵀⴰⵍ ⵖ ⵎⵥⵥⵉ.

ⵜⵉⴼⵔⴰⵅ ⵏ ⵍⵄⵉⵔⴰⵇ ⴷ ⵍⵢⴰⵎⴰⵏ ⴰⵔ ⴷⴷⵔⵏ ⵖ ⵉⵣⴷⴷⴰⵔ ⵏ ⵜⴰⵎⵙⴰⵔⵜⴰⵏ ⵏⵉⵜ ⵜⴰⵣⵣⴰⵏⵉⵏ ⵉⵜⵜⵓⵢⵖⵜⴰⵚⴰⴱⵏ ⴷ ⴰⵔⴰⵙⵏ ⵜⴽⵉⵙⵙⵏ ⵎⵥⵥⵉ ⵏⵙⵏ ⵖ ⵉⵣⴷⴷⴰⵔ ⵏ ⵎⴰⵎⵓ ⴰⵇⵔⴰⵏ ⵍⵉⵜⵜⵉⵀⴰⵍ ⵡⴰⵅⴰ ⵏⴰⵃⵢⴰⵏ ⵉⵙⵓⵜⴰⵍ ⵏⴳⵔ ⵍⵄⵉⵔⴰⵇ ⴷ ⵍⵢⴰⵎⴰⵏ ⵎⴰⵛ ⵜⴰⵢⴰⴼⵓⵜ ⵜⴳⴰ ⵢⴰⵜ, ⴰⵎⴹⴹⴰⵍ ⵏ ⵜⵉⴼⵔⵅⵉⵏ ⵎⴰⵛ ⵙ ⵢⴰⵜ ⵜⴰⵎⵖⵓⵏⵜ ⵜⴰⵣⵣⵔⴼⴰⵏⵜ ⴷ ⵍⵉⵜⵜⵉⵀⴰⵍ ⵉⵎⵓⵜⵜⵍⵏ.