ⴰⴼⵔⴰⴽ ⴰⵙⵔⵜⴰⵏ ⴷⴰⵔ ⵜⵓⴳⵜ ⵏ ⵎⵉⴷⵏ ⵓⵔⴰ ⵉⵜⴱⴷⵓ ⵉⵖ ⵜⵖⵔⵉⵜ ⵉ ⴰⴼⵍⴰⵟⵓⵏ ⴷ ⵜⴰⴳⴷⵓⴷⴰⵏⵜ ⵏⵙ ⵏⵖⴷ ⵃⵎⵓⵔⴰⴱⵉ ⴷ ⵉⵙⵍⴳⵉⵏ ⵏⵙ, ⵎⴰⵛ ⴰⵔ ⵉⵜⴱⴷⵓ ⵖ ⵜⵉⵣⵉ ⵍⵉⵖ ⴰⵏⴷⴷⴰⵔ ⵎⴰⵙⴷ ⵓⴱⴱⵉⵛ ⵏ ⵓⵖⵔⵓⵎ ⵏⵖ ⵉⴳⴰ ⵍⵅⵟⵉⵜ ⴷ ⴰⵎⴰⵏ ⵎⵇⴰⵔ ⴳⴰⵏ ⴰⴳⵣⵓⵎ ⵍⵉ ⴽⵓⵍⵓ ⵎⵇⵓⵔⵏ ⵖ ⵉⴳⵉ ⵏ ⵡⴰⴽⴰⵍ ⵀⴰⵇⴰⵏ ⴽⵔⴰⵏ ⵡⴰⵙ ⵔⴰⴷ ⵜⵣⵏⵣⴰⵏ ⵖ ⵍⵎⴰⵣⴰⴷ, ⴼ ⵖⵉⴽⴰⵏ ⴰⴼⵔⴰⴽ ⵏⵖ ⴰⵙⵔⵜⴰⵏ ⵓⵔⵉⴳⴰ ⵢⴰⵜ ⵍⵎⴰⴷⴷⴰ ⵉⴳⴰⵏ ⵅⴰⵎ ⴷ ⵓⵔⴰ ⵉⵜⵓⵏⵜⴰⵇⴰⵍ ⵙ ⵉⴷⴷⴰⵎⵏ ⵖⵉⴽⵍⵉ ⵙ ⵉⵔⴰ ⴽⵔⴰ ⴰⴷ ⵙⵉⵙ ⴳⵉⵖ ⵉⴷⴷⵚⴰ, ⵎⴰⵛ ⵉⴳⴰ ⵜⴰⵢⴰⴼⵓⵜ ⵏ ⵉⵔⵉⵎ ⵏⵖ ⴷ ⵜⵓⴷⵔⵜ ⵣⵖ ⵜⴰⵙⵡⵉⵔⵜ ⴷ ⵓⴷⵖⴰⵔ ⴷ ⴰⵏⴰⵡ ⴷ ⵍⵊⴰⵏⴷⵔ ⴷ ⵜⵉⵣⴷⵉⵔⵜ ⵏ ⴰⵍⴽⴽⴰⵎ ⵏ ⵉⵏⵖⵎⵉⵙⵏ, ⴷ ⵉⴳⴰ ⵢⴰⵏ ⴰⵎⵙⵏⴼⵍ ⴷ ⵓⵙⵏⴼⵍ ⵏ ⵉⵙⵔⴰⴳⵏ, ⵖ ⵉⵔⵉⵎ ⵏ ⵜⴳⵔⵙⵜ, ⵙ ⵍⵎⴰⵜⴰⵍ, ⴷ ⴽⵉⵢⵉ ⵖ ⵍⵇⵙⵔ ⵖⵉⵍⵍⴰ ⴽⵓⵍⵛⵉ ⵉⵏⴰⵃⵢⴰⵜ ⴷ ⵉⵔⵉⵎ ⵏⵙ ⴷ ⴽⵉⵢⵉ ⵜⵀⵓⵍⵜ ⵣⵖ ⵡⴰⵜⵜⵉⴳ ⵏ ⵍⵎⴰⵥⵓⵜ ⵖ ⵜⵉⴳⵎⵉ ⵍⵉⵎⵓ ⵜⵛⵜⵜⴰ ⵔⵓⵟⵓⴱⴰ ⵉⵖⵔⴱⴰⵏ ⵏⵙ. ⵙ ⵜⵉⴷⴷⵜ ⴰⵡⴰⵍⴰⴷ ⴷⴰⵔⵙ ⵙⵏⴰⵜ ⵜⴰⵙⴳⵉⵡⵉⵏ, ⵉⵇⴷⵔ ⴰⵡⵔⵉⴳ ⵓⵙⴷⴰⴷ ⵖ ⴽⵔⴰⵏ ⵍⵃⴰⵍⴰⵜ, ⵎⴰⵛ ⵍⵃⴰⵍⴰⵜ ⵜⵉⵏⵉⵎⴰⵏⵉⵏ ⵓⵔⴰⵜⴳ ⴷ ⵓⵔⴰⴷ ⵙⴰⵔ ⵜⴳ ⵜⴰⵙⵉⵍⴰ ⵖ ⵜⴰⵙⵔⵜⵉⵜ. ⴼ ⵖⵉⴽⴰⵏ, ⴰⵡⴰⵍ ⴼ ⵉⵄⵔⵉⵎⵏ ⵏ ⵖⴰⵚⴰⴷ ⴷ ⴰⴼⵔⴰⴽ ⵏⵙⵏ/ⵜ ⴰⵙⵔⵜⴰⵏ ⴷ ⴰⵔ ⵎⴰⵏⵉ ⵉⵍⴽⵎ ⵓⴽⵛⵛⵓⵎ ⵏⵙⵏ ⵖ ⵜⵓⴷⵔⵜ ⵜⴰⵙⵔⵜⴰⵏⵜ ⴷ ⵜⴰⵡⵔⵉ ⵜⴰⵎⵓⵍⵍⴰⵢⵜ, ⵓⵔ ⵉⵜⵜⵓⵎⴽⴰⵏ ⴰⵢⴳ ⵢⴰⵏ ⴰⵛⴽⵓ ⵉⵄⵔⵉⵎⵏ ⵓⵔⴳⵉⵏ ⵢⴰⵏ.
ⵎⴰⵛ, ⵍⵉⵖ ⵍⴰⵏⵜ ⴽⵔⴰⵏ ⵉⵙⵔⴰⴳⵏ ⵍⵉ ⵉⴹⵉⵚⵏ ⵖ ⴰⴼⵔⴰⴽ ⵏⵖ ⴰⵙⵔⵜⴰⵏ, ⴰⵔⵡⴰⵙ ⵏ ⵉⵙⵔⴰⴳⵏⴰⴷ ⴷⴰⵔ ⵓⴳⴰⵔ ⵏ ⵢⴰⵏ ⵉⵇⴷⴷⵔ ⴰⵢⵢⴰⵡⵉ ⵙ ⴷⴰⵔ ⵢⴰⵏ ⵓⴼⵔⴰⴽ ⴰⴳⴷⵓⴷⴰⵏ ⵍⵉⵙ ⵉⵇⴷⵔ ⴰⵢⵜⵃⵡⵍ ⵉ ⵢⴰⵜ ⵜⴰⵣⵎⴰⵔⵜ ⵏ ⵚⴰⵃⵜ ⵍⵉ ⵔⴰⴷ ⵉⴹⵉⵚ ⵖ ⵉⵙⵔⴰⴳⵏ ⴰⴷ ⴷ ⵔⴰⵜⵙⵓⵡⵔⵉ ⴰⴼⴰⴷ ⴰⵜⵏ ⵜⵙⵏⵙⴼⵍ ⵏⵖⴷ ⴰⵍⵍⴰⵢ ⵏ ⵜⵉⵎⵙⵓⵜⵜⴰⵍ ⵏⵙ, ⵔⴰⴷ ⵏⴰⵙⵉ ⵍⵉⵏⵜⵉⴼⴰⴹⴰ ⵏ 17 ⴽⵜⵓⴱⵔ ⵜⴰⵍⵓⴱⵏⴰⵏⵉⵜ. ⵓⵔⵊⵊⵓ ⵉⵣⵔⴰ ⵍⵓⴱⵏⴰⵏ ⵣⵓⵏⴷ ⵏⵜⵜⴰⵜ, ⵜⵉⵣⵣⵡⵓⵔⴰ ⵏⵙ ⵣⵖ ⵉⵎⴳⵔⴰⴹ ⵏ ⵉⵄⵔⵉⵎⵏ ⴷ ⵜⴳⵓⵔⵔⴰ ⵙ ⵉⴹⴰⵔⵏ ⵏⵙⵏ, ⴷ ⵡⴰⵅⴰ ⵜⴳⵯⵉⵣⴷ ⵜⴰⵣⵉⴳⵣⵜ ⵏⵙ ⴷ ⴰⴼⵓⵖ ⵏⵙ ⵣⵖ ⵜⴰⵙⵓⴽⵜ, ⵎⴰⵛ – ⵙ ⵓⵙⵔⴰⴳ ⵏ ⵉⵄⵔⵉⵎⵏ- ⵜⵣⴷⴰⵔ ⴰⴷ ⵜⴽⵎⵍ ⵖ ⵜⴰⵡⵔⵉ ⵜⴰⵙⵔⵜⴰⵏⵜ ⵖ ⵓⴳⵏⵙ ⵏ ⵏⴰⵇⴰⴱⴰⵜ ⴷ ⵍⵊⴰⵎⵉⵄⴰⵜ ⴰⵢⵍⵉⵖ ⵜⵍⴽⵎ ⵍⴱⴰⵔⵍⴰⵎⴰⵏ. ⵉⵄⵔⵉⵎⵏⴰⴷ ⵏⵉⵜ, ⵉⵙⴽⵔ ⵢⴰⵏ ⵓⵎⵓⵙⵙⵓ ⵏ ⵉⵎⵃⴹⴰⵔⵏ ⵖ ⵎⴰⵔⵔⴰ ⵜⴰⵎⴰⵣⵉⵔⵜ ⵖ ⵓⵙⴳⴰⵙ ⵏ 2019 ⵖ ⵜⵉⵣⵡⴰⵔ ⵏ ⵓⵙⴽⴰⵔ ⵏ ⵍⵉⵏⵜⵉⴼⴰⴹⴰ ⵙ ⵉⵔⵏ ⵉⴷⵔⵓⵙⵏ, ⴷ ⵏⵜⴰⵏ ⵏⵉⵜ ⴷⴰⵖ ⵍⵉ ⵉⵙⴱⵉⴷⵏ ⵍⵉⵃⵜⵉⵎⴰⵍⴰⵜ ⵎⴰⵙ ⵔⴰⴷ ⵜⵉⵍⵉ ⵢⴰⵜ ⵍⵃⴰⵔⴱ ⴰⵀⵍⵉⵢⴰ ⵜⴰⵎⴰⵢⵏⵓⵜ. ⵏⵍⵍⴰ ⵖ ⵢⴰⵏ ⵓⵙⵡⵉⵔ ⵏ ⵜⴰⵙⵙⴰⵙⵉⵏ ⵍⵉ ⵚⵓⴳⵏ ⵍⵎⵓⵀⵏⴷⵉⵙⵉⵏ ⵏ ⵜⴰⵙⵙⴰⵙⵉⵏ ⵙ ⵉⴳⵯⵢⴰ ⵏⵙⵏ, ⵓⵔ ⵉⵍⵍⴰ ⴽⵔⴰⵏ ⵓⴼⵙⵙⴰⵢ ⵖ ⵡⴰⴼⴰⵜⵏ, ⵏⵍⵓⵍⴷ ⵖ ⵢⴰⵜ ⵜⴰⵎⴰⵣⵉⵔⵜ ⵍⵉⵖ ⵏⵍⵎⴷ ⵎⴰⵙⴷ ⵜⴰⵙⵔⵜⵉⵜ ⵉⴳⴰⵜ ⴰⵎⵏⵖⵉ ⴷ ⵓⵔⵉⵎⴽⵏ ⴰⴷ ⵜⴼⵓⴽⴽⵓⵜ ⵉⵖⵓⵔ ⵍⴰⵏ ⵍⵓⵍⵓⴼ ⵉⵢⵏⵏⴰⵖⴰⵏ ⵉⵜⵓⵢⵙⵜⴰⴼⵏ, ⵏⵍⵎⴷ ⵎⴰⵙⴷ ⴰⵍⵍⵉ ⵉⵇⴰⵏⴷ ⴰⵙⵜ ⵉⵣⵡⴰⵔ ⵜⴰⵎⴰⵖⵜ ⵏ ⵓⵃⵉⵢⴷ ⵖⵍⴰⵏ ⵉⴷⴰⵎⵏ, ⴷ ⵍⴰⵎⵟⴰⵍⵉⴱ ⵍⵉ ⵉⵔⵅⴰⵏ ⴷⴰⵔⵙ ⴰⵜⵉⴳ ⵉⵖⵍⴰⵏ ⵍⵉⴼ ⵓⵔ ⵏⵣⴷⴰⵔ. ⵙⵖⵉⴽⴰⵏ, ⴰⵔ ⵏⵙⵜⴰⵢ ⴰⵙ ⴰⵔ ⴰⵙ ⴰⴷ ⵏⵙⴼⵓⵖ ⵜⴰⵡⵔⵉ ⵜⴰⵙⵔⵜⴰⵏⵜ ⵣⵖ ⵜⴰⵀⴷⵉⴷⴰⵜ ⵏⴰⵎⵏⵉⵢⴰ, ⵏⴱⵉⴷ ⵣⵓⵏⴷ ⵍⴱⴰⵔⴰⵊ ⵏⴳⵔ ⵎⴰⴷ ⵉⵣⵔⵉⵏ ⵍⵉ ⵉⵎⴰⵖⵏ ⴷⵉⵎⴰ ⴰⵢⵛ ⵜⵉⴷⴰⵔⵉⵏ ⵏ ⵉⵎⴰⵍ, ⴱⴱⵉⵏ ⵙⵏⵙⵍⵜ ⵖ ⵓⴷⵖⴰⵔ ⵍⵉ ⴽⵓⵍⵓ ⵉⵛⵇⴰⵏ. ⵃⴰⵇⴰⵏ ⵍⴰⵔⵇⴰⵎ ⴰⵔ ⵎⴰⵍⴰⵏ ⵎⴰⵙⴷ ⵉⵍⵍⴰ ⵢⴰⵏ ⵡⵓⵔⵔⵉ ⵖ ⴰⴷⵔⴰⵡ ⵏ ⵉⵄⵔⵉⵎⵏ ⵖ ⵜⵓⴷⵔⵜ ⵜⴰⵙⵔⵜⴰⵏⵜ, ⵎⴰⵛ ⵜⵉⵍⴰⵡⵜ ⴰⵔⴰⵖ ⵉⵜⵜⵣⵎⵉⵎ ⵎⴰⵙⴷ ⴰⵔⴷ ⵏⵜⴼⵓⵖ ⵖ ⵍⵄⵉⵢⴰⴷⴰⵜ ⵏⵏⴰⴼⵙⵉⵢⴰ ⴰⴼⴰⴷ ⴰⵏⵎⴰⵖ ⴷ ⵎⴰⴷⴰⵖⴷ ⵉⴼⵍ ⵓⴷⵔⴰⵡ ⵏ ⴰⵢⵜ ⴷⴰⵔⵏⵖ ⵖ ⵜⴰⵙⵔⵜⵉⵜ.
