ⴰⴱ ⴱⴷⴰ ⵏⵉⵏ ⵏⵜⴰⴼⴰ ⵜⴰⵙⵡⵉⵏⴳⵎⵜ ⵏ ⵓⵣⵡⴰⴳ ⴷⴰⵔ ⵉⵄⵔⵉⵎⵏ ⵏ ⴰⴳⵎⵎⵓⴹ ⴰⵏⴰⵎⵎⴰⵙ ⴷ ⴰⴳⴰⴼⴰ ⴼ ⴰⴼⵔⵉⵇⵢⴰ. ⴷ ⵏⴽⵉ ⴳⵉⵖ ⵢⴰⵏ ⵖ ⵉⵄⵔⵉⵎⵏ ⴰⴷ. ⴷ ⵓⵔⴰⴷ ⵏⴽⵔⵖ ⵎⴰⵙⴷ ⵜⴰⵙⵡⵉⵏⴳⵉⵎⵜ ⴰⴷ ⵜⵍⴰⴷ ⵖⵓⴳⴰⵢⵓⵏⵓ ⴷ ⵍⵅⵢⴰⵍ ⵉⵏⵓ ⵖ ⵢⴰⵜ ⵜⵉⵣⵉ ⵖ ⵜⵉⵣⵉⵣⵉⵏ. ⵎⴰⵛ ⵖⵉⵍⴰⴷ ⵉⵖⵉⵢⵉ ⵉⵙⴰⵇⵙⴰ ⴽⵔⴰⵏ ⵢⴰⵏ ⵉⵙⴰ ⵙⵓⵍ ⵜⵙⵡⵉⵏⴳⵉⵎⵜ ⵖ ⵓⵣⵡⴰⴳ? ⵉⴼⵓⵖⵜ ⵛⴽ ⵔⴰⵜⴳ ⵜⴰⵎⵔⴰⵔⵓⵜ ⵉⵏⵓ ⵓⵀⵓ.
ⵎⴰⵅ?
ⵡⴰⵅⴰ, ⴰⵙⵔⴰⴳ ⵍⵉ ⴽⵓⵍⵓ ⴷⴰⵔⵉ ⵉⵙⵜⴰⵡⵀⵎⴰⵏ ⵍⵉⵖ ⴳⵉⵖ ⵜⴰⵎⵖⵏⴰⵙⵜ ⵜⴰⵏⵉⵙⵡⵉⵜ ⵉⴳⴰⵜ ⴰⵙⴱⵓⵖⵍⵓ ⵏ ⴰⵎⵏⴰⴹ ⵍⵉⵖ ⵎⵓⵏⵏ ⵉⵣⵔⴼⴰⵏ ⴷ ⵜⵉⵍⵉⵍⵉ ⵏ ⵜⵉⵎⵖⴰⵔⵉⵏ. ⴰⵛⴽⵓ ⴷ ⵍⵉⵖ ⴰⵜⴰⵔⴰⵖ ⵉⵙⴽⴽⵉⵍⵏ ⴰⴷ ⵖ ⵜⵉⵣⵡⴰⵔ ⵏ ⵓⵙⴳⴰⵙ ⵏ 2023 ⴰⵔⴽ ⵙⵏⵖⵎⵉⵙⵖ ⵉⵎⵖⵔⵉ ⵉⵄⵣⴰⵏ ⵎⴰⵙⴷ ⵍⵎⵓⴷⴰⵡⴰⵏⴰ ⵏ ⵜⴰⵡⵊⴰ ⵔⴰⴷ ⵜⵔⴰⵊⵄ ⵙ ⵓⵙⵔⴰⴳ ⵏ ⵏⵉⴹⴰⵍⴰⵜ ⵉⵖⵣⵉⴼⵏ ⴷ ⵙ ⵍⵙⴰⵙ ⵏ ⵍⵅⵉⵜⴰⴱ ⵏ ⵓⴳⵍⵉⴷ ⵙ ⵍⵎⵓⵏⴰⵙⴰⴱⴰ ⵏ ⵍⵄⵉⴷ ⵏ ⵍⵄⴰⵔⵛ ⵖ ⴰⵙⴽⵜⵉ ⵏⵙ ⵡⵉⵙ 23. ⵜⴳⴰ ⵍⵎⵓⴷⴰⵡⴰⵏⴰ ⵢⴰⴷ ⵣⵖ ⴹⴰⵎⴰⵏⴰⵜ ⵍⵉⴽⵓⵍⵓ ⵉⵙⵜⴰⵡⵀⵎⴰⵏⵉⵏ ⵏ ⵉⵣⵔⴼⴰⵏ ⴷ ⵜⵉⵍⵉⵍⵉ ⵏ ⵜⵉⵎⵖⴰⵔⵉⵏ ⵖ ⵜⴰⵎⴰⵣⵉⵔⵜ ⵉⵏⵓ, ⵖ ⵎⴰⵏ ⵓⵔ ⵢⴰⴳⵓⴳⵏ ⵔⴰⴷ ⵏⵃⴰⴹⵔ ⵉ ⵢⴰⵏ ⴰⵎⵣⵣⵓ ⵍⵉ ⵜⵄⵜⴰⴱⴰⵔⵖ ⵉⴳⴰ ⴰⵎⵣⵓⵔⴰⵏ ⵉⴳⴳⴰⵜ ⴰⵙⵏⴼⵍ ⵏ ⴰⵙⵍⴳⵏ ⴰⵏⴱⴽⴰⴹ ⴷ ⵖⴰⵔ ⵉ ⵍⵉⵛⴰⵔⵜ ⴰⵔⵙⵉⵙ ⵏⵙⵓⵡⵔⵉ ⵣⵖ 17 ⵢⵓⵏⵢⵓ 1963.
ⴱⵟⴰⴱⵄ ⵓⵔⴰⴷ ⵉⵏⵉⵖ ⵎⴰⵙⴷ ⴰⵙⵏⴼⵍ ⵔⴰⵢⴳ ⵖⵉⴽⵍⵉ ⴳⵉⵙ ⵔⵊⵊⵉⵖ ⴷ ⵖⵉⴽⵍⵉ ⵙⴰⵜⵇⵍⵏ ⵜⵓⴳⵜ, ⵎⴰⵛ ⵖⵎⴽⵏⴰ ⵜⴳⴰ ⴰⵣⵎⴰⵣⵍⴰⴷ ⵉⴳⴰ ⵉⵊⴰⴱⵉ ⵉ ⵉⵎⴰⵍ ⵢⵓⴼⵏ ⵖ ⵜⵎⴰⵣⵉⵔⵜ ⵉⵏⵓ.
ⵜⵍⵍⴰ ⵢⴰⵜ ⵜⵙⴳⴰ ⵢⴰⴹⵏⵉ ⵍⵉⵢⵉ ⵉⵀⵎⴰⵏ ⵉⴳⴰⵜ ⴰⵙⴱⵓⵖⵍⵓ ⵏ ⵉⴳⵔ ⵏ ⵓⵙⴳⵎⵉ ⴷ ⵓⵙⵙⵍⵎⴷ ⵍⵉ ⵔⴰⴷ ⵢⴰⵙⵉ ⵎⴰⵢⴳⵓⵜⵏ ⵖ ⵜⵉⵥⵉⵕⵉⵏ ⴷ ⵜⵓⵎⴰⵢⵉⵏ ⵜⵉⵎⴰⵙⵙⴰⵏⵉⵏ, ⵎⴰⵢⵉⵜⴰⵊⴰⵏ ⵔⵜⴰⵃⴰⵔ ⵢⴰⵏ ⵉⵎⵉⴽ ⴼ ⵉⵎⴰⵍ ⵏ ⵜⴰⵙⵓⵜⵉⵏ ⵍⵉⴷ ⵢⵓⵛⴽⴰⵏ ⵍⵉ ⵔⴰⴷⴰⵔ ⵉⵍⵉ ⵜⵉⵙⵓⴳⴰⵔ ⵏ ⴰⵙⵡⵉⵏⴳⵎ ⴰⵎⴰⵥⴰⵎ ⵍⵉ ⵉⵜⵓⴱⵏⴰⵏ ⴼ ⵜⵉⵥⵉⵕⵉⵏ ⴷ ⵜⵉⵖⴰⵔⴰⵙⵉⵏ ⵜⵉⵎⴰⵙⵙⴰⵏⵉⵏ ⵖⴰⵢⴰⴷ ⴰⵔⴰⵏ ⵉⵙⴷⵔⵓⵙ ⵜⴰⵖⵍⵍⴰⴱⵉⵜ ⵏ ⵍⵅⵓⵔⴰⴼⴰⵜ ⴷ ⵜⵉⵎⵢⵓⵔⵉⵏ ⴷ ⵜⵉⵡⵔⴳⵍⵉⵏ ⵍⵉ ⵉⴽⵔⴼⵏ ⵜⵉⵍⵉⵍⵉⵏⵖ ⴷ ⵜⴽⴽⵙⴰⵖ ⵉⵣⵔⴼⴰⵏ ⵏⵖ ⵉⵙⴳⴰⵙⵏ ⵖⵣⵉⴼⵏⵏⵉⵏ.
ⴷ ⵓⵔⴰⴷ ⵜⵓⵖ ⴰⵙⴱⵓⵖⵍⵓ ⵍⵉ ⵉⵜⴱⴰⵢⴰⵏ ⵖ ⵍⵎⵖⵔⵉⴱ ⵖ ⵜⵉⵣⵉ ⵢⴰⴷ ⵖ ⵜⵓⴳⵜ ⵏ ⵉⵙⵡⵉⵔⵏ ⴷ ⵍⴰⵡⵔⴰⵛ ⵎⵇⵓⵔⵏ ⵍⵉ ⵉⵜⵓⵢⵙⴽⴰⵔⵏ ⵍⵉ ⵔⴰⴷ ⵢⴰⴽⴽⵉ ⵙ ⵓⵙⴱⵓⵖⵍⵓ ⵏ ⵜⵎⴰⵣⵉⵔⵜ ⵙ ⵢⴰⵏ ⵓⵙⵡⵉⵔ ⴱⴰⵀⵔⴰ ⵢⴰⵜⵜⵓⵢⵏ ⵎⴰⵢⴰⴷ ⴰⵔ ⵉⵙⵙⴷⵓⵙ ⵡⴰⵅⴰ ⵖⴰⵔ ⵙ ⵉⵎⵉⴽ ⵍⵊⴰⵡⴷⴰ ⵏ ⵜⵓⴷⵔⵜ ⵏ ⵉⵎⵣⴷⴰⵖⵏ. ⵏⴽⵉⵏ ⴰⵔ ⵙⴰⵡⴰⵍⴰⵖ ⴼ ⵍⴰⵡⵔⴰⵛ ⵎⵇⵓⵔⵏ ⵍⵉ ⵔⴰⴷ ⵉⵜⵓⵙⴽⴰⵔ ⵖ ⵉⵎⴰⵍ ⵏⵖⴷ ⴱⴷⴰⵏ ⴳⵉⵙⵏ ⵣⵓⵏⴷ:
- ⵍⴱⵓⵔⵊ ⵏ ⵎⵓⵃⵎⴰⴷ ⵡⵉⵙ ⵚⴹⵉⵙ
- ⴰⴷⵖⴰⵔ ⴰⵥⵕⴼⴰⵏ ⵏ ⵜⵉⴳⵎⵉ ⵜⵓⵎⵍⵉⵍⵜ
- ⵜⴰⵎⴷⵉⵏⵜ ⵜⴰⵎⴳⵓⵔⴰⵏⵜ ” ⵟⴰⵏⵊⴰ ⵜⵉⴽ”
- ⵍⵉⵙⵜⵔⴰⵟⵉⵊⵉⵢⴰ ⵜⴰⵏⴰⵎⵓⵔⵜ ⵏ ⵜⵉⵕⵡⵉ ⵜⴰⵣⵎⴰⵔⴰⵏⵜ
- ⵓⴳⴳⵓⴳ ⵏ “ⴼⴰⵚⴽ” ⵖ ⵜⴰⵙⴳⴰ ⵏ ⴳⵯⵍⵎⵉⵎ
- ⴰⵙⵏⵜⵉ ⵏ ⵏⵉⵔ ⵏ ⴰⵣⵎⴰⵔ ⵏ ⵜⴰⴼⵓⴽⵜ
- ⴰⵙⵏⵜⵉ ⴰⵎⵇⵔⴰⵏ ⵏ ⵜⴰⵃⵍⵉⵢⴰ ⵏ ⵡⴰⵎⴰⵏ ⵖ ⵜⵉⴳⵎⵉ ⵜⵓⵎⵍⵉⵍⵜ
- “ⵜⵉ ⵊⵉ ⵠⵉ” ⵎⵔⴰⴽⵛ ⴰⴳⴰⴷⵉⵔ
- ⵍⵉⵙⵜⵔⴰⵟⵉⵊⵉⵢⴰ ⵜⴰⵎⴰⵢⵏⵓⵜ ⵏ ⵜⴰⴼⵍⴰⵃⵜ “ⴰⴷⵔⴰⵔ ⴰⵣⴳⵣⴰ 2020-2030”
- ⵍⵉⵙⵜⵔⴰⵟⵉⵊⵉⵢⴰ ⵜⴰⵏⴼⵜⴰⵙⵜ ⵖ 2030
- “ⴰⵎⵓⵏ” ⴰⵣⴳⵣⴰ ⵉ ⴰⴳⵍⴰⵢ ⵏ ⴰⵙⵓⴼⵖ ⵏ ⵍⵀⵉⴷⵔⵓⵊⵉⵏ ⴰⵣⴳⵣⴰ
- ⵍⵉⵙⵜⵔⴰⵟⵉⵊⵉⵢⴰ ⵜⴰⵏⴰⵎⵓⵔⵜ ⵉ ⵓⵙⴳⴳⵉⴷⵉ ⵏ ⵓⵙⵙⵍⵎⴷ ” ⵉ ⵢⴰⵜ ⵜⵉⵏⵎⵍ ⵏ ⵜⴰⵖⴰⵔⴰ ⴷ ⴰⵙⵓⵎⵓ ⵉ ⵎⴰⵔⵔⴰ”.
ⴷ ⵖⴰⵍⵉ ⴽⵓⵍⵓ ⵉⵙⵜⴰⵡⵀⵎⴰⵏ ⴼ ⵎⴰⵢⴰⴷ ⵉⴳⴰⵜ ⵎⴰⵙⴷ ⴰⵔ ⵜⵉⵔⵉⵖ ⵜⴰⵎⴰⵣⵉⵔⵜ ⵉⵏⵓ ⵙ ⴰⴼⵔⵓⵔⵉ ⵏⵙ ⵉⵥⵖⵓⵕⴰⵏⵏ: ⴰⵏⵡⴰⵍ ⵏⵙ, ⵜⵉⵎⵍⵙⴰ ⵏⵙ, ⵜⵉⵎⵢⵓⵔⵉⵏ ⵉⴼⵓⵍⴽⵉⵏ ⵏⵙ, ⵉⵎⴰⵏ ⵏⵙ ⵉⵏⵇⵉⵏ, ⴰⵎⵣⵔⵓⵢ ⵏⵙ ⴷ ⵜⴰⴽⴰⵙⵉⵜ ⵏⵙ ⵜⴰⵎⴰⵣⵉⵖⵜ, ⵜⴰⵎⵙⴷⴰⴳⵜ ⵏⵙ ⵍⵉ ⵏⴰⵃⵢⴰ ⴷ ⵜⵉⵖⴰⵔⵉⵡⵉⵏ ⵜⵉⴳⴰⵎⴰⵏⵉⵏ ⵏⵙ ⴷ ⵙ ⵓⵙⵔⴰⴳ ⵏ ⵉⵙⴱⵓⵖⵍⵓⵜⵏ ⵍⵉⴷ ⵢⵓⵛⴽⴰⵏ ⵣⴷⴰⵔⵖ ⴰⴷ ⵎⴹⵉⵖ ⴷ ⴷⵔⵖ ⵎⴰⵔⵔⴰ ⵉⵔⵉⵎⵏ ⴷ ⵜⵉⵣⵡⵉⵏ ⵍⵉ ⵉⵍⵍⴰⵏ ⵖ ⵍⴰⵎⴰⵏ ⴷ ⵓⴼⵔⴰ ⴷ ⵜⵉⵍⵉⵍⵉ… ⵔⴰⴷ ⴱⴷⴰ ⴷⴰⵔⵉ ⵉⵍⵉ ⵓⵏⴰⵔⵓⵣ ⵖ ⵍⵎⵖⵔⵉⴱ ⵏ ⵓⵎⵢⴰⵏⴰⵡ ⴷ ⵜⴰⵎⵢⵉⴷⵉⵔⵜ ⴷ ⵍⴰⵎⴰⵏ.
