ⵍⵉⵖ ⵏⵎⵣⵉ, ⵉⴽⴰⵜⵉⵏ ⵉⵄⵣⴰ ⴷⴰⵔⵏⵖ ⴰⵏⵣⵔⴰ ⵜⴰⵢⵍⴰⵍⵉⵏ ⴷ ⴰⵔⴰⵙⵏ ⵏⵜⵜⴰⵍ ⴰⴼⵓⵙ ⵙ ⴰⵏⵎⵚⴰⴼⴰⴷ ⵡⵉⵍⵉ ⵙ ⵜⵉⵙⵓⴷⴷⴰⵏ ⵙ ⵜⴰⵖⵢⵓⵜ, ⵜⵉⵖⵔⴷⵉⵏ ⵏ ⵜⵉⵎⵥⵕⴰ ⵢⴰⴷ ⵜⵍⵍⴰ ⵜⵡⴰⵔⴳⵉⵜ ⴰⴷⵉⵍⵉⵖ ⵖ ⵓⴳⵏⵙ ⵏⵙ, ⵎⴰⵛⵉ ⵉⴽⵔⴰ ⵖⴰⵔ ⵉ ⵍⵎⵓⵖⴰⵎⴰⵔⴰ. ⵜⵙⵓⵍ ⵙⵓⵍ ⵜⴰⵎⵢⴰⵔⵜ ⵏ ⵜⵉⵎⵥⵕⴰ ⵍⵉⵖⴰⴷ ⵏⵜⵎⵇⵓⵔ, ⵃⴰⵇⴰⵏ ⵓⵔⵙⵓⵍ ⵉⵍⵍⴰ ⴰⵍⵍⴰⵢ ⵓⴼⵓⵙ ⴷ ⵜⵏⵖⵓⴱⴰ ⵜⴰⵇⵓⵔⵜ ⴷ ⵜⵙⵏⴼⵍ ⵜⴰⵡⴰⵔⴳⵉⵜ. ⵉⴽⴽⴰⵜⵉⵏ ⵍⵉⵖⴰⵜⴼⵜⵓ ⵜⴰⵢⵍⴰⵍⵜ ⴰⵔ ⵏⵜⵜⵓⵔⵉ ⵙ ⴰⵎⴰⵖⵏⵓ ⴰⵟⴰⴱⵉⵄⵉ, ⴰⵔ ⵏⵜⵜⵀⴹⴰⵔ ⴷ ⴰⵔⵏⵜⴰⵡ ⵍⵎⴰⵛⵀⴰⴷ ⴰⵔ ⴷⴰⵖ ⵢⵓⵔⵉ ⵉⵜⵜⴰⵍⵙ, ⵖⴰⵙⴰⴷ ⵡⴰⵅⴰ ⵏⵜⵜⵉⵜⵉ ⵜⴰⵢⵍⴰⵍⵜ ⵖ ⵉⴳⵏⴰ ⵓⵔⴰ ⵜⵎⵓⴷⵓ, ⴰⵔ ⵜⵖⴰⵎⴰ ⵖ ⴰⵏⵍⵍⵉ ⵏⵖ, ⴰⵔⵜⴰⵢⵍⴰⵍ ⵖ ⵎⵏⵉⴷⵏⵖ ⴷ ⴰⵔ ⵏⵜⵉⵏⵜⵉ ⴱⵍⴰⵜⵏⵖ, ⵣⵓⵏⴷ ⵏⵉⵜ ⵉⵎⴰⵍ.
ⵎⴰⵛ ⵓⵔⵊⵊⵓ ⵙⵓⵜⵔⵖ ⴰⴷⵉⵍⵉⵖ ⴳⵉⵙ ⴰⴼⴰⴷ ⴰⴷ ⵎⵓⴷⴷⵓⵖ ⴱⵍⴰ ⴷⵓⵔⵉⵖ, ⴷ ⴰⵡⴰⵔ ⵏ ⵉⵙⴳⴰⵙⵏ ⵏ ⵓⵎⴹⵉ ⵏ ⵜⵓⴷⵔⵜ ⵙ ⵓⵔⵣⴰⴳ ⵏⵙ ⵖ ⵜⴰⵎⴰⵣⵉⵔⵜ ⵏⵖ, ⵙⵖⵉⵍⴰⴷ ⵓⵔ ⵃⵎⵉⵍⵖ ⴰⴷⵉⵍⵉⵖ ⵖ ⵜⴰⵢⵍⴰⵍⵜ ⵍⵉ ⵓⵔⴰⴷ ⴷⵉⵜⵙⵓⵔⵉ ⵡⵉⵍⵉ ⴳⵉⵙ ⵉⵙⵙⵓⴷⴰⵏ. ⴰⵡⴰⵍ ⴰⴷ ⵍⵉ ⵙⵣⴷⴰⵔⵖ ⴰⴷⴰⵙⵉⵖ ⵜⴰⵥⴰⵢⵜ ⵏ ⵍⵉⵜⵉⵀⴰⵎⴰⵜ ⵍⵉ ⴷⵉⵙ ⵉⵎⵓⵏⵏ, ⵓⵔⵉⴳⴳⴰ ⴰⵖⴰⵔ ⵄⴰⵟⵉⴼⵉ. ⵖⴰⵚⴰⴷ ⵉⵖ ⴰⵇⵔⴰⵖ ⵉⵏⵖⵎⵉⵙⵏ ⴰⵔⵜⵜⵉⵙⴰⵏⵖ ⵎⴰⵙⴷ ⵙⵓⵔⵢⴰ, ⵜⴰⵎⴰⵣⵉⵔⵜ ⵉⵏⵓ ⵜⴰⵎⵣⵡⴰⵔⵓⵜ, ⵜⵇⵏ ⵜⴰⴳⵓⵔⵉⵏ ⵏⵙ ⴼⵍⴰⵜⵉ ⴰⴽⴽ. ⴷ ⵍⵓⴱⵏⴰⵏ, ⵜⴰⵎⴰⵣⵉⵔⵜ ⵉⵏⵓ ⵜⵉⵙⵏⴰⵜ, ⴰⵔ ⵙⵢⴰⴼⴰⵖ ⵣ ⵜⵉⵣⵉ ⴰⵔ ⵜⴰⵢⵢⴰⴹ ⵎⴰⵙⴷ ⵉⵇⴷⵔ ⴰⴷⵉ ⵟⴰⵢ ⵉⵖ ⴷⵉⵜⵓⵛⴽⴰ ⴽⵔⴰⵏ ⵜⵉⵣⵉ ⵜⴰⵙⵔⵜⴰⵏⵜ, ⴷ ⵉⴳⴰⵢⵉ ⵎⴰⵏⵜⵉⵇⵉ ⴷ ⴱⴰⴷⵉⵀⵉ ⴰⴷ ⵛⵏⵓⴱⵛⴰⵖ ⵙ ⴽⵔⴰⵏ ⵜⴰⵎⴰⵣⵉⵔⵜ ⵜⵉⵙ ⴽⵔⴰⵟ ⵓⵔⵜⴰ ⵉⵣⵔⵉ ⵍⵃⴰⵍ.
ⵓⵔⴰⴷ ⵏⴽⵔⵖ ⵎⴰⵙⴷ ⴳⵉⵡⵔⴰⵖ ⵜⵓⴳⵜ ⵏⵜⵡⴰⵍ ⵜⵉⵖⵔⴷⵉⵏ ⵏ ⵍⴽⵓⵎⵒⵢⵓⵜⵔ ⴰⵔⵛⵏⵓⴱⵓⵛⴰⵖ ⵉⴳⵉⵏ ⵍⵅⴰⵔⵉⵟⴰ ⵉⴽⴽⵍⴰⵏ ⵙ ⴽⵔⴰⵏ ⵜⴰⵎⴰⵣⵉⵔⵜ ⴰⵙⵉⵙ ⵎⵓⴷⴷⵓⵖ, ⵙⵍⴰⵡⴰⵏⴰⴽⴽ ⵍⵉⵖ ⵜⵛⴷⴷⴰ ⵍⴰⵣⵎⴰ ⵜⴰⴷⴰⵎⵙⴰⵏⵜ ⵖ ⵍⵓⴱⵏⴰⵏ ⴷ ⵢⵉⴳⴰⵜ ⵡⴰⵡⴰⵍ ⵏ ⵍⴽⴰⵔⴰⵀⵉⵢⴰ ⴼ ⵉⵙⵓⵔⵉⵢⵉⵏ, ⴷ ⵜⵀⴷⵉⴷ ⴷⴰⵢⵎⴰⵏ ⵎⴰⵙ ⵔⴰⴳⵉⵙⵏ ⵥⵥⵓⵏ ⵣⵓⵏⴷ ⵖⵉⴽⴰⴷ ⵍⵉ ⵉⵍⵍⴰⵏ, ⴷ ⵓⵔⴰⴷ ⵏⴽⵔⵖ ⵎⴰⵙ ⵏⴱⵔⴰⵖ ⴰⴷ ⴼⵜⵓⵖ ⵙ ⵖⵉⴽⴰⴷ, ⵎⴰⵛ ⵙⵍⵄⴰⴱⴰⵜ.
ⵏⵖⵔ ⴰⵍⴼ ⵏ ⵓⵙⵔⴰⴳ ⵙ ⵓⵎⵓⴷⵓ, ⵓⴼⵉⵖ ⴽⵔⴰⵏ ⵉⵙⵔⴰⴳⵏ ⵜⵓⵃⴰⵙⴰⴱⵏ ⵉⴳⵉⵏ ⵉⴹⵓⴹⴰⵏ ⴰⴼⴰⴷ ⴰⴷⵓⵔ ⵎⵓⴷⴷⵓⵖ. ⵉⵍⵍⴰ ⵖⴰⵢⴰⴷ ⵍⵉⵖ ⵓⴼⵉⵖ ⵎⴰⵙⴷ ⵎⵛⴽ ⴰⴷⴳⴰⵏ ⵉⵙⵔⴰⴳⵏ ⵓⵔⴰⵢⵜⵍⵄⴰⴱ ⴷⴰⵡⵔ ⵖ ⴰⵙⵏⵉⵃⵢⵉ ⵍⵉ ⵉⵜⵉⵍⵉⵏ ⵖ ⵍⵎⵉⵣⴰⵏ, ⴰⵛⴽⵓ ⵢⴰⵏ ⵓⵙⵔⴰⴳ ⵔⴰⵢⵢⴰⵜⵉ ⵖ ⵜⴰⵥⴰⵢⵜ ⵏⵙ ⵜⵓⴳⵜ ⵏⵉⵙⵔⴰⴳⵏ ⵢⴰⴹⵏⵉ ⵉⵎⵓⵏⵏ. ⵙⵍⵡⴰⵏ ⴰⴽⴽ ⵉⵖⴰⵢⵜⵇⵉⵙ ⵍⵎⵉⵣⴰⵏ ⵍⵇⴰⵔⴰⵔⴰⵜ ⵍⵎⴰⵚⵉⵔⵉⵢⴰ. ⵜⵉⵣⵉ ⵢⴰⵏ ⴰⵖ ⴰⵜⵉⵙⴰⵏⵜ ⵎⴰⵙⴷ ⵍⵅⴰⵔⵉⵜⴰ ⵢⴰⴷ ⵏ ⵍⵛⵓⵎⵒⵢⵓⵜⵔ ⵓⵔⵜⵓⴼⴰ ⴰⴷⴰⴽ ⵜⴰⵡⵙ ⴰⵜⴰⴼⵜ ⵜⵉⵎⵉⵣⴰⵔ,ⴰⵛⴽⵓ ⵜⵉⵎⵉⵣⴰⵔ ⵓⵔⵊⵊⵓ ⴳⴰⵏⵜ ⴰⵖⴰⵔ ⴰⴷⵖⴰⵔⵏ. ⵡⴰⵅⴰ ⵜⴽⴽⵍⴰ ⴳⵓⴳⵍ ⵍⵅⴰⵔⵉⵟⴰ, ⴰⵙⵜⴰⵢ ⵏ ⵜⵓⴷⵔⵜ ⵖ ⵡⴰⴽⴰⵍ ⵓⵔⴰⵢⵜⵓⵅⵜⴰⵙⴰⵔ ⵙ ⵢⴰⵜ ⵜⴰⵡⵍⴰⴼⵜ ⵖ ⵍⴰⵏⵜⵉⵔⵏⵉⵜ.
ⵜⴰⵎⴰⵣⵉⵔⵜ ⵉⴳⴰⵜ ⵉⵜⵉⵎ, ⵉⴳⴰⵜ ⵜⵓⴷⵔⵜ ⵖⵉⴽⵍⵉ ⵙ ⵜⵏⵙⵏ ⵖ ⵎⵥⵥⵉ, ⵜⵉⵣⵏⵉⵇⵉⵏ ⵉⴹⵉⵢⵇⵏ ⴷ ⵉⴳⵏⵡⴰⵏ ⵉⵖⵣⵉⴼⵏ ⴷ ⵜⴰⵇⵓⵔⵜ ⵏ ⵎⵉⴷⵏ ⵍⵉ ⵓⵔ ⵉⵜⵜⴱⵉⵏ, ⴷ ⵜⵓⵜⵍⴰⵢⵜ ⵜⴰⵎⵣⵡⴰⵔⵓⵜ ⵍⵉ ⵙⴰⵖⵉⵏⴰ ⵓⵎⴰⴹⴰⵍ ⵎⴰⵙ ⵏⵍⴰ ⵖⵉⴷ, ⴰⵔ ⵏⵜⵉⵙⴰⵏ ⵜⴰⵢⵔⵉ ⴷ ⵜⵓⵎⵔⵜ ⴷ ⵜⵉⴽⵙⴰⴷ ⴷ ⴰⵏⴽⵉⴷ ⴷ ⵍⵀⵓⵍ, ⵉⴳⴰ ⵍⵇⵏⴰⵜⵉ ⵏ ⵉⴷⵖⴰⵔⵏ ⵍⵉⵖ ⵏⵓⵔⴰ ⴰⵙⴰⵖ ⵏ ⵉⵎⵉⵔⵉ, ⵉⴳⴰ ⵜⵔⵓⵜⵡⴰⵔⴰⵜ ⵍⵉⵖ ⵏⵙⵓⵏⴼⴰ ⵉⴳⵉⵏⵙ ⵏⴳⵔ ⵉⵎⴰⵖⵏ ⴷ ⵜⵓⴷⵔⵜ ⴷ ⵉⵎⵉⴽ ⵏ ⵜⵓⴷⵔⵜ, ⵉⴳⴰ ⵜⴰⵙⵡⵉⵏⴳⵎⵜ ⵜⴰⵙⵔⵜⴰⵏⵜ ⵍⵉⴼⴷ ⵏⵍⵓⵃ ⴰⵎⵟⵟⴰ ⴷ ⵏⵎⴰⵖ ⴷ ⵙⵓⵍ. ⵉⵇⴷⵔ ⴰⵜⴼⴰⵍⴽⵉ ⵓⵔⵓⵒⴰ ⵓⴳⴰⵔ, ⵎⴰⵛ ⵓⵔ ⵣⵔⵉⵖ ⵓⴷⵎ ⵏ ⵉⵎⵉ ⵜⴰⵡⴰⵍⵜ ⵉⵣⵡⴰⵔⵏ ⵖⵉⵏ, ⴷ ⵣⵎⵓⵣⵍⵖ ⵉⵣⵎⵓⵣⴰⵍ ⵉⵏⵓ ⵉⵣⵡⴰⵔⵏ ⵖⵉⵏ, ⴷ ⵓⵔ ⵙⵏⵖ ⵚⵉⵔⴰⵄ ⵉⵏⵓ ⵍⵉⵖ ⴳⵉⵖ ⵏⵉⵙⵡⵉⵢⴰ ⵖⵉⵏ. ⵙⵏⵖ ⵜⴰⵎⴰⵣⵉⵔⵜⴰⴷ ⵉⵙ ⵜⵉⵅⵚⴰ ⵜⵓⴳⵜ ⴰⴼⴰⴷ ⴰⵜⴳ ⵜⴰⵎⴰⵣⵉⵔⵜ, ⴷ ⵙⵏⵖ ⵜⵉⴳⵓⵔⵉⵡⵉⵏ ⵉⵏⵓ ⵎⴰⵙ ⵓⵔ ⴰⴷ ⵛⴱⴰⵄⵏⵜ ⴰⵎⵥⵍⵓⴹ ⵓⵍⵍⴰ ⵃⵔⵉⵔⵏⵜ ⵜⴰⵎⵖⴰⵔⵜ ⵓⵍⴰ ⵔⴰⴷ ⵙⵏⵏⴳⵔⵓⵏⵜ ⵣⴰⵎⵍ, ⵎⴰⵛ ⵓⵔⴰ ⵜⴰⵔⴰⵖ ⵀⵍⵉ, ⴰⵔⵜⴰⵔⴰⵖ ⴰⵛⴽⵓ ⵜⴳⴰ ⵜⴰⵖⴰⵔⴰⵙⵜ ⵜⴰⵎⵣⵡⴰⵔⵓⵜ ⵉⵏⵓ ⵖ ⵍⵎⵓⵡⴰⵊⴰⵀⴰ, ⵓⵔ ⵙⵏⵖ ⵎⴰⵏⵉⴽ ⵔⴰⵢⴳ ⵍⵃⴰⵍ ⵖ ⵜⴰⵎⴰⵣⵉⵔⵜ ⵉⵏⵓ ⵖⵉⴷ ⵙ ⵎⵔⴰⵡ ⵉⵙⴳⴰⵙⵏ, ⵎⴰⵛ ⵓⵔ ⵜⵔⵉⵖ ⴰⵜⵅⵓ ⵣ ⴳⵉⵜⵉ. ⵉⵍⵍⴰ ⵢⴰⵏ ⵍⵉⵃⵜⵉⵎⴰⵍ ⴱⴰⵀⵔⴰ ⵎⵥⵉⵏ ⵎⴰⵙ ⵔⴰⵢⴰⴼ ⵍⵃⴰⵍ, ⵓⵔⵉⵖ ⴰⴷⵣⵓⴳⵖ ⵏⵖⴰⵖ ⵓⵍⴰ ⵍⵉⵃⵜⵉⵎⴰⵍ ⴰⴷ.
