ⵖ ⵜⵉⵣⵉ ⵢⴰⴷ ⵍⵉ ⵉⵍⵍⴰⵏ ⴰⵔⵣⵔⴰⵖ ⵍⵢⴰⵎⴰⵏ ⴰⵔ ⵜⴼⵜⵓ ⵙ ⵜⴰⴽⵙⴰⵔⵜ ⴷ ⵎⴰⵢⴰⴷ ⴰⵙⵔⴰⴳ ⵏⵙ ⵉⴳⴰⵜ ⵜⵓⴳⵜ ⵏ ⵉⴽⴰⴱⴰⵔⵏ ⵖ ⵓⴳⵏⵙ ⵏ ⵜⵎⴰⵣⵉⵔⵜ ⵉⵏⵓ ⵏⵖⴷ ⵎⴰⵎⵓ ⵜⵉⵏⵉⵏ ⵉⵎⵓⵍⵍⵓⵜⵏ ⴷ ⵟⴰⵉⴼⵉⵢⴰⵜ ⴷ ⵜⴰⵄⴰⴷⵓⴷ ⵏ ⵜⵉⵏⴱⴰⴹⵉⵏ ⵙⵡⴰ ⵍⴰⵏⵜ ⵖ ⵓⴳⵏⵙ ⵏⵖⴷ ⴱⵔⴰ ⴷ ⵙ ⵓⵙⵔⴰⴳ ⵏ ⴰⴷⵖⴰⵔ ⵍⵉⵙⵜⵔⴰⵟⵉⵊⵉ ⵏ ⵍⵢⴰⵎⴰⵏ ⴽⵔⴰ ⵖ ⵜⵉⵎⵉⵣⴰⵖ ⵍⵉ ⵢⴰⵖ ⵉⵙⵓⵜⵍⵏ ⵓⵔⴰⵙ ⵔⵉⵏ ⵙⵍⴰⵎⵜ ⴰⴼⴰⴷ ⴰⴷ ⵛⵉⵏ ⵍⵅⵉⵔ ⵏⵙ.
ⵔⴰⵢⴳ ⵍⵢⴰⵎⴰⵏ ⵎⵢⵢⴰ ⵏ ⵄⵍⴰ ⵅⵉⵔ ⵉⵖ ⴽⵓⵍⵓ ⵎⵓⵏⵏ ⵉⴽⴰⴱⴰⵔⵏ ⵏ ⵜⴰⵙⵔⵜⵉⵜ ⵖ ⵢⴰⵜ ⵟⴱⵍⴰ ⵏ ⵡⴰⵡⴰⵍ ⴷ ⴼⵍⵏ ⵉⵎⵓⵍⵍⵓⵜⵏ ⴷ ⵟⴰⵉⴼⵉⵢⴰ ⴷ ⴽⴰⵢⴳⴰⵜ ⵜⴰⵙⴳⴰ ⵣⵖ ⵜⵉⵏⴱⴰⴹⵉⵏ ⵜⵉⵙⵔⵜⴰⵏⵉⵏ ⴰⵔ ⵜⵙⵡⵉⵏⴳⵉⵎ ⴰⵜⴱⵏⵓ ⵍⵢⴰⵎⴰⵏ ⴰⵎⴰⵢⵏⵓ ⴷ ⴰⴷ ⵜⵙⵎⵓⵏ ⵚⵓⴼⵓⴼ ⴰⴷⴳⵉⵏ ⵢⴰⵏ ⵓⴼⵓⴼ ⴷ ⴰⴷⵙⵍⵎⵏ ⵏⴳⵔⴰⵜⵙⵏ ⴷ ⵜⵜⵓⵏ ⵎⴰⵢⵣⵔⵉⵏ ⵄⴰⴽⵓⴷⴰⵏ ⵔⴰⴷ ⵣⵔⵖ ⵜⴰⵎⴰⵣⵉⵔⵜ ⵉⵏⵓ ⴱⵉⵅⵉⵔ ⴰⵛⴽⵓ ⵍⵢⴰⵎⴰⵏ ⴷⴰⵔⵙ ⵜⵓⴳⵜ ⵏ ⵍⵅⴰⵢⵔⴰⵜ ⵏ ⵉⵙⵍⵎⴰⵏ ⴷ ⵍⵉⵚⴰⵏⵚ ⵓⵍⴰ ⵜⴰⴼⵍⴰⵃⵜ. ⵉⵖ ⴰⵜⵜⵉⵔⵉⵏ ⵉⴽⴰⴱⴰⵔⵏ ⵉⵙⵔⵜⴰⵏⵏ ⵜⴰⵎⴰⵣⵉⵔⵜ ⵏⵙⵏ ⵄⴰⴽⵓⴷⴰⵏ ⵔⴰⴷ ⵏⴼⵓⵖ ⵙ ⵓⴼⵙⴰⵢ ⵎⴰⵛ ⵎⴰⵔⵔⴰ oⴽⴰⴱⴰⵔⵏ ⴰⵔ ⵜⵍⵉⵏ ⵖⴰⵔ ⵙ ⵚⴰⵃⴰ ⵏⵙⵏ ⵎⴰⵛⵉ ⵡⵉⵏ ⵜⴰⵎⴰⵣⵉⵔⵜ.
ⵏⴽⵉ ⵙ ⵓⴳⴰⵢⵓⵏⵓ ⴰⵔ ⵙⵡⵉⵏⴳⵉⵎⵖ ⴰⴷ ⵖⴰⵎⴰⵖ ⴰⵛⴽⵓ ⵉⴳⴰ ⵜⴰⵎⴰⵣⵉⵔⵜ ⵏ ⵍⵉⵎⴰⵏ ⴷ ⵍⵃⵉⴽⵎⴰ ⵙⵍⴰⵡⴰⵏ ⴰⴽⴽ ⵍⵄⴰⵚⵉⵎⴰ ⵏ ⵍⵢⴰⵎⴰⵏ ⵚⴰⵏⵄⴰ ⵍⵉⵖ ⵍⵓⵍⴰⵖ ⵜⴳ ⵜⴰⵎⴰⵣⵉⵔⵜ ⵉⵏⵓ ⴷ ⵜⴳ ⵓⵍⴰ ⵜⴰⵎⴷⵉⵏⵜ ⵍⵉⵖⴷ ⵏⴽⵔⵖ ⵙ ⵓⵙⵔⴰⴳ ⵏ ⵉⵔⵉⵎ ⵉⵏⵓ ⵉⵣⵡⴰⵔⵏ ⵍⵉⵖ ⵖⴰⵎⴰⵖ ⵖ ⵍⵀⵉⵏⴷ 8 ⵏ ⵉⵙⴳⴰⵙⵏ ⵙ ⵓⵙⵔⴰⴳ ⵏ ⵜⵉⵖⵔⵉ ⴷ ⵓⵔ ⵓⴼⵉⵖ ⵎⴰⵢⵓⴼⵏ ⵜⴰⵎⴰⵣⵉⵔⵜ ⵉⵏⵓ ⵍⵢⴰⵎⴰⵏ (ⵚⴰⵏⵄⴰ) ⴼ ⵎⴰⵢⴰⴷ ⵓⵔⴰ ⵙⵡⵉⵏⴳⵉⵎⵖ ⵖ ⵓⵣⵡⴰⴳ ⵏⵖⴷ ⴰⴷ ⴷⵔⵖ ⵖ ⴽⵔⴰ ⵏ ⵜⵎⴰⵣⵉⵔⵜ ⵢⴰⴹⵏⵉ ⴰⴱⵍⴰ ⵜⴰⵎⴰⵣⵉⵔⵜ ⵉⵏⵓ.
