ⵖ ⵜⵓⴳⵜ ⵏ ⵉⴷⵖⴰⵔⵏ ⴰⵔ ⵉⵜⵛⵇⵇⵓ ⴰⴷ ⵜⵙⵡⵔⵉⵏⵜ ⵜⵉⵎⵖⴰⵔⵉⵏ ⴷ ⴰⵔ ⴰⴽⴽ ⵉⵜⴳⴰ ⵍⵄⵉⴱ ⴰⴷ ⵜⴼⵓⵖ ⵙ ⵜⴰⵡⵔⵉ ⵙⵍⴰⵡⴰⵏ ⴰⴽⴽ ⵖ ⵉⴷⵖⴰⵔⵏ ⵉⵅⵍⴹⵏ ⵙ ⵍⴰⵙⵡⴰⵇ, ⵖ ⴰⴷⵖⴰⵔ ⵉⵏⵓ(ⵜⴰⵇⴱⵉⵍⵜ ⵏⵖ ⵍⵠⵉⵍⴰⵊ) ⵜⵉⵎⵖⴰⵔⵉⵏ ⵓⵔⴰ ⵙⵓⵡⵔⵉⵏ ⴰⴱⵍⴰ ⵖ ⵡⴰⴽⴰⵍ ⴷ ⵖⵓⴷⵖⴰⵔ ⴰⵏ ⵏⵉⵜ ⵓⵔ ⵍⴰⵏⵜ ⵜⵉⴼⵔⵅⵉⵏ ⵉⴽⵎⵍⵏ ⵜⵉⵖⵔⵉ ⵏⵙⵏⵜ ⵀⵍⵉ ⵏⴳⴰ ⵙⵏⴰⵜ ⵜⴰⵡⵊⵉⵡⵉⵏ ⵏⵖ ⴽⵔⴰⵟ ⵍⵉ ⵢⵓⵚⴰⵏ ⵜⵉⴼⵔⵅⵉⵏ ⵏⵙⵏⵜ ⴰⴷ ⴽⵎⵍⵏ ⵜⵉⵖⵔⵉⵏⵙⵏⵜ ⵖ ⵜⵉⵏⵎⴰⵍ ⵏⵖ ⵖ ⵍⵊⴰⵎⵉⵄⴰ.
ⵏⴽⵉ ⴳⵉⵖ ⵜⴰⴼⵔⵓⵅⵜ ⵜⴰⵎⵣⵡⴰⵔⵓⵜ ⵖ ⵜⴰⵇⴱⵉⵍⵜ ⵉⵏⵓ ⵍⵉ ⵉⴽⵎⵍⵏ ⵜⵉⵖⵔⵉ ⵏⵙ ⴷ ⵉⵙⵓⵡⵔⵉⵏ ⵖ ⵉⴳⵔ ⴰⵏⴼⴳⴰⵏ ⴷ ⴰⵏⴰⵎⵓⵏ ⴷ ⴰⵔ ⵜⵎⵎⵓⴷⵓ ⴷ ⴰⵔ ⵜⴼⵜⵜⵓ ⵙ ⵜⵎⴰⴳⴳⵓⴳⵜ ⴼ ⵉⵙⵔⴰⴼⴰⵏ ⵉⵏⴰⵎⵓⵏⵏ ⵎⴰⵛ ⵖ ⵜⵓⵣⵣⵓⵎⵜ ⵏ ⵜⵓⴳⵜ ⵏ ⵍⵉⵏⵜⵉⵇⴰⴷⴰⵜ ⴷ ⵜⵄⵏⵉⴼ ⵍⵉ ⵉⵙⴱⴱⵉⴷⵏ ⵣⵖ ⴰⵡⴰⵍ ⵉⵏⵓ ⴼ ⵎⴰⴷ ⵙⵓⵡⵔⵉⵖ ⴷ ⵎⴰⴷⵔⵉⵖ ⴰⴷ ⵜⵙⴽⵔⵖ.
ⵜⵖⴰⵎⴰ ⵜⴰⵡⵏⴳⵉⵎⵜ ⵎⴰⵙⴷ ⵜⴰⵎⵖⴰⵔⵜ ⵓⵔ ⵜⵉⵅⵚⴰ ⴰⵜⵜⵙⵓⵡⵔⵉ ⴷ ⵉⴳⴰ ⴰⵄⵢⴰⴱ ⴰⵜⵜⵙⵓⵡⵔⵉ ⵜⴰⵎⵖⴰⵔⵜ ⵖ ⵉⴷⵖⴰⵔⵏ ⵉⵅⵍⴹⵏ ⵉⴳⴰ ⵄⴰⵢⴰⴱ ⴰⴷ ⵜⴼⵓⵖ ⵙ ⵜⴰⵙⵙⵓⴽⵜ ⵉⴱⴰⵢⵏⴷ ⵓⴷⵎⵏⵙ ⵉⴳⴳⴰ ⴰⵄⵢⴰⴱ ⴰⴷ ⵜⴼⵓⵖ ⴱⵍⴰ ⴰⵔⴳⴰⵣ ⵏⵙ ⵏⵖ ⴽⵔⴰⵏ ⵢⴰⵏ ⵖ ⵜⴰⵡⵊⴰ ⵏⵙ.
ⴰⵢⵍⵉⵖ ⴷ ⵉⵜⵓⵔⵉ ⵙ ⵢⴰⵏ ⵡⴰⵏⴰⵡ ⴰⵔ ⵉⵜⵇⵇⴱⴰⵍⵏ ⵖ ⵜⴰⵇⴱⵉⵍⵜ ⵉⵏⵓ ⴷ ⵓⵔⵉⵖⴷ ⴳⵉⵖ ⵏⴰⵎⵓⴷⴷⴰⵊ ⵍⵉ ⵙⵔⴰⵏⵜ ⵜⵉⴼⵔⵅⵉⵏ ⵏ ⵜⴰⵇⴱⵉⵍ ⴰⴷⴳⵉⵏⵜ ⵏⵓⵙⵅⴰ ⵎⵥⵥⵉⵏ ⵣⵖ ⴳⵉⵙ ⵎⴰⵛⵉ ⴽⵓⵍⵛⵉ ⵎⴰⵛ ⴰⴳⵣⵣⵓⵎ ⵎⵇⵓⵔⵏ ⵖ ⵓⵙⴽⵍⵓ ⵏ ⵍⵉⵚⵔⴰⵔ ⵉⵏⵓ ⵖ ⵓⵣⵉⴳⵣ ⵖ ⵓⵙⴱⵓⵖⵍⵓ ⵏ ⵓⴳⴰⵢⵓⵏⵉ ⴱⵍⴰ ⵜⵜⵉⵡⵉⵖ ⵖ ⵍⵎⵓⵃⴰⵔⴰⵎⴰⵜ ⵜⵉⵏⴰⵎⵓⵏⵉⵏ.
ⵡⴰⵊⵀⵏⵉⵢⵉ ⴽⵔⴰⵏ ⵉⵎⵓⴽⵔⵉⵙⵏ ⵖ ⵜⴰⵄⴰⵎⵓⵍ ⴷ ⵍⵎⵓⵄⵜⴰⵇⴰⴷⴰⵜ ⴷ ⴰⵡⴰⵔ ⵏ ⵜⴰⵎⵎⴰⴽⵓⵏ ⵉⵏⵓ ⵖ ⵜⴰⵡⵔⵉ ⵓⴳⴳⴰⵔ ⴰⵔ ⵜⵏⵓⵡⴰⵄⵏ ⵜⵉⵎⵓⴽⵔⵉⵙⵉⵏ ⵖ ⴽⵔⴰⵏ ⵉⴷⵖⴰⵔⵏ ⵍⵉ ⵜⵜⴳⵉⵣⴰⵖ ⵙ ⵓⵙⵓⵡⵔⵉ ⴳⵉⵙ ⴷ ⴰⴼⴰⴷ ⴰⴷⵓⵔ ⴽⵛⵎⵖ ⵖ ⵚⴰⴷⴰⵎⵜ ⵜⵉⵏⴰⵎⵓⵏⵉⵏ ⵏⵖⴷ ⵜⵉⴽⵕⴹⵉ ⴰⵔ ⴷⵟⴰⵔⴰⵖ ⴰⴷⵍⵙⵖ ⵏⵉⵇⴰⴱ ( ⴰⵃⴱⵓⵢ ⵏ ⵓⴷⵎ) ⴰⴼⴰⴷ ⴰⴷⴰⵎⵣⵏ ⵍⵇⵓⴱⵓⵍ ⴷⴰⵔ ⴽⵔⴰ ⵏ ⵡⴰⵎⵓⵏⵏ ⵍⵉ ⵔⴰⴷⴰⵖ ⵢⴰⵡⵙ ⵖ ⵓⵙⴽⵎⵍ ⵏ ⵜⴰⵡⵔⵉ ⵉⵏⵓ ⴷ ⵓⵍⵍⴰ ⴰⴷ ⵜⵊⵏⴱⴰⵖ ⵜⵓⴳⵜ ⵏ ⴹⴰⵔⴰⵔ ⵍⵉ ⵙⵉⵇⴷⵔ ⴰⵢⵉⵍⵉ ⵖ ⴽⵔⴰ ⵏ ⵜⵉⵣⵉⵡⵉⵏ.
ⴱⴰⴱⴰ ⴰⵢⴳⴰⵏ ⵍⵎⵓⵛⴰⵊⵉⵄ ⵉⵏⵓ ⵍⵉ ⴽⵓⵍⵓ ⵎⵇⵓⵔⵏ ⴰⴼⴰⴷ ⴰⴷ ⵣⵔⵉⵖ ⵍⵎⵓⵃⴰⵔⴰⵎⴰⵜ ⴰⴷ ⵜⵉⵏⴰⵎⵓⵏⵉⵏ ⵉⴳⴰ ⴰⵇⵔⵢⴰⵏ ⵉⵏⵓ ⴷ ⴰⴷⵃⴰⵢ ⵉⵏⵓ ⵉ ⵍⵎⵓⵡⴰⵊⴰⵀⴰ ⵉ ⵎⴰⵔⵔⴰ ⵎⴰⵢⴰⵏ ⵓⵍⵍⴰ ⵃⵜⴰ ⵍⵉⵖ ⵔⴼⴹⵏ ⴰⵢⵜⵎⴰ ⵉ ⵎⴰⵔⵔⴰ ⵉⵙⵏⴼⴰⵍ ⴷ ⵉⵣⵎⵓⵥⴰⵍ ⵍⵉ ⵉⵙⴽⵔ ⴷ ⵜⵉⴽⵚⴰⴹ ⵏ ⵉⵎⵎⵉ ⵣⵖ ⴰⵎⵓⵏ ⴷ ⵜⵉⴽⵚⴰⴷ ⵏⵙ ⴼⵍⵍⴰ ⵎⴰⵛ ⴰⵔ ⵉⵜⵜⴰⵡⵙ ⴷ ⴰⴷⴰⵎⵣⵖ ⴰⵙⴰⵢⵔⴰⵔ ⴰⴷ ⵙⴽⵔⵖ ⵍⵇⴰⵔⴰⵔ ⵍⵎⵓⵏⴰⵙⵉⴱ ⴷ ⴰⵎⵓⴷⴷⵓ ⴷ ⵜⴰⵡⵔⵉ ⴷ ⵜⴰⵙⵉⵎⴰⵏⵜ ⵏ ⵓⵡⵏⵏⵉ ⵙ ⵜⵎⴰⴳⵓⴳⵜ ⵣⵖ ⵍⵉⵄⵜⵉⵇⴰⴷⴰⵜ ⵜⵉⵏⴰⵎⵓⵏⵉⵏ ⵙ ⵡⴰⵎⵓⵏ ⵏⵜⴰⵏ ⴰⴷⵉⵢⵉ ⵉⵙⵙⴷⵓⵙⵏ ⴷⵉⵎⴰ ⴰⴼⴰⴷ ⴰⴷⵍⴽⵎⵖ ⵖⴰⵢⵍⵉ ⵔⵉⵖ ⴱⵍⴰ ⵜⵄⵔⴷⴰⵖ ⵉⵡⵅⵛⴰⵏ.
ⵖⵉⴽⴰⵏ ⴰⴼ ⵙⵓⵡⵔⵉⵖ ⴰⴷ ⵙⴱⴰⵢⵏⵖ ⵜⴰⵡⵍⴰⴼⵜ ⵉⵏⴰⵃⵢⴰⵏ ⴼ ⵍⵎⵓⵄⵜⴰⵇⴰⴷⴰⵜ ⵍⵉ ⴼ ⵜⵓⴱⵏⴰⵏ ⵍⵎⵓⵃⵔⴰⵎⴰⵜ ⵜⵉⵏⴰⵎⵓⵏⵉⵏ ⴼ ⵜⴰⵡⵔⵉ ⵏ ⵜⴰⵎⵖⴰⵔⵜ ⴷ ⵍⵉ ⵉⵙⴰⵀⵎⵏ ⵖ ⵜⵓⴳⵜ ⵏ ⵉⵙⵏⴼⴰⵍ ⵏ ⵜⵉⵎⵥⵕⵉⵜ ⵜⴰⵡⵏⴳⵉⵎⵜ ⵉ ⵜⵓⴳⵜ ⵏ ⵜⴰⵡⵊⵉⵡⵉⵏ ⵖ ⴰⵎⵓⵏ ⴰⵡⴰⵔ ⵏ ⵎⴰⵢⴰⵏ.
ⵜⴰⵏⵏⴰⵢⵉⵏ ⵏ ⵜⴰⵡⵊⴰ ⴷ ⵓⵙⴳⵎⵉ ⵍⵉ ⵉⵜⵜⵓⴱⵏⴰⵏ ⴼ ⵜⴰⵎⵢⵉⵎⴰⵏⵜ ⴷ ⴰⵙⴰⵢⵔⴰⵔ ⵉⵙⴼⵓⵍⵙⴰⵏ ⴷ ⵜⴰⴷⵔⴼⴰⵏⵜ ⵉ ⵜⴰⴼⵔⵓⵅⵜ ⵉⴳⴰ ⵉⵎⵙⵉⵡⵏ ⵉⵣⵡⴰⵔⵏ ⴰⴼⴰⴷ ⴰⵏⵣⵔⵉ ⵜⵉⵎⵓⴽⵔⵉⵙⵉⵏ ⴷ ⵍⵎⵓⵃⵔⴰⵎⴰⵜ ⵏ ⵉⵎⴰⵍ ⴷ ⵜⵎⴽⵉⵏ ⵏⵙ ⴰⴼⴰⴷ ⴰⴷⴷⴰⵔⵙ ⵜⵉⵥⴷⵔⵜ ⵢⵓⴷⴷⴰⵏ ⴰⴼⴰⴷ ⴰⴷ ⵜⵄⴰⵎⵍ ⴷⵉⵙ.
ⵜⵀⵎⵉⵛ ⵏ ⵜⴰⵄⴰⵎⵓⵍ ⵏⵖ ⴷ ⵉⴳⵯⵓⵢⴰⵏⵖ ⵣⵓⴷ ⴰⴼⴳⴰⵏⵏ ⴷ ⵍⵉⵀⵎⴰⵍ ⵏ ⵜⵉⵙⴳⵉⵡⵉⵏ ⵜⵉⵏⵏⴰⴼⵙⵉⵏ ⵣⵓⴷ ⵉⵎⵙⵓⵡⵔⵉⵏ ⵖ ⵜⵓⴳⵜ ⵏ ⵉⴳⵔⴰⵏ ⴷ ⵍⵉ ⵉⵙⴽⵔⴼ ⵍⴰⵄⵔⴰⴼ ⵜⵉⵡⵔⴳⵍⵉⵏ ⴷ ⵉⵔⵎⵎⵓⵙⵏ ⵉⵏⴰⵎⵓⵏⵏ ⵜⵉⵎⵢⴰⵏⴰⵡⵉⵏ ⵢⵓⵊⴰⵢⴰⵖ ⴰⴷ ⵏⵄⴰⵏⵉ ⵙ ⵢⴰⵏ ⵓⵎⴰⵖⵏⴰⵡ ⵎⵇⵓⵔⵏ ⴷ ⵙⴽⵔⵏ ⴳⵉⵖ ⵉⵄⵔⵉⵎⵏ ⴷ ⵜⵉⵄⵔⵉⵎⵉⵏ ⵍⵉ ⵉⵜⵓⵢⵛⵜⴰⵜⵏ ⵖ ⵜⴰⵡⵏⴳⵉⵎⵜ ⵖ ⵜⵓⴳⵜ ⵏ ⵍⴰⵃⵢⴰⵏ ⵖ ⵜⵉⵣⵉ ⵍⵉ ⵙⵏⵣⴷⴰⵖ ⴰⵏⴳ ⵃⵙⵏ ⵉⵖ ⵏⵜⵄⴰⵎⵍ ⴷ ⵉⴳⵯⵓⵢⴰⵏⵖ ⴷ ⵜⴰⴷⵓⵙⵉ ⵏⵖ ⵏ ⵉⵅⴼ ⵙ ⵜⵉⵎⵥⵕⵉⵜ ⵉⵚⵃⴰⵏ ⴰⴼⴰⴷ ⴰⵏⵏⵉⵍⵉ ⵖ ⵓⴱⵔⵉⴷ ⵉⵚⵃⴰⵏ ⵖ ⵜⴰⵄⴰⵎⵓⵍ ⴷ ⴰⵏⵏⵉⵜⵉ ⵖ ⵜⵉⴽⵕⴹⵉ ⴰⵎⵏⵖⵉ ⴷ ⵜⵓⴳⵜ ⵏ ⵍⵊⴰⵔⴰⵢⵎ ⵍⵉⵖ ⴽⵛⵎⵏⵜ ⵜⵉⵔⵓⴱⴱⴰ ⵎⵇⵓⵔⵏ ⵣⵖ ⵉⵄⵔⵉⵎⵏ ⵜⴰⵢⴰⴼⵓⵜ ⵏ ⵛⴰⵜⵜⴰⵜ ⵏ ⵓⴳⵏⵙ ⴷ ⵡⴰⵔ ⵓⵔⵚⵓ ⵏ ⵉⵅⴼ ⵎⵔⴰⴷⵉⵙ ⵓⵔ ⵉⵍⵍⴰ ⵔⴰⴷⴳⵉⵏ ⵉⵄⵔⵉⵎⵏ ⵎⵢⴰⵏ ⵄⵍⴰ ⵅⵉⵔ ⵣⵖ ⵖⵉⵍⴰⴷ ⵢⴰⵜ ⵓⵔⵚⵓ ⵏ ⵉⵅⴼ ⴷ ⵣⵖⵉⴽⴰⴷ ⵉⵍⵍⴰ ⵓⵙⴱⵓⵖⵍⵓ ⵖ ⵜⵓⴳⵜ ⵏ ⵉⵙⵔⴰⵙ ⵖ ⵓⵙⵡⵉⵔ ⴰⵏⴰⵎⵓⵏ ⵎⵥⵉⵏ ⴰⵔⴷ ⵏⵍⴽⵎ ⴰⵙⴼⵍⵙ ⵍⵉ ⵉⵄⵓⵎⴰⵏ ⵜⴰⵎⴰⵣⵉⵔⵜ ⵎⴰⵔⵔⴰ.
