ⴰⵔ ⵜⵄⵔⴰⴷ ⵍⵢⴰⵎⴰⵏ ⵉ ⵜⵓⴳⵜ ⵏ ⵚⴰⴹⴰⵎⴰⵜ ⴷ ⴰⵔ ⵜⴽⴽⴰ ⵜⴰⵖⴰⵔⴰⵜ ⵍⵉ ⵓⵔ ⵉⴱⴰⵢⵏ ⵓⵔ ⵜⵍⵍⴰ ⵢⴰⵜ ⵜⵉⵎⵥⵕⴰ ⵉⴱⴰⵢⵏ ⵉ ⵎⴰⵢⵍⵍⴰⵏ ⵖⵉⵍⴰⴷ ⴷ ⵎⴰⴷ ⵢⵓⵛⴽⴰⵏ. ⵄⵉⵛⵏ ⴷ ⴰⵔ ⵜⵄⴰⵢⴰⵛⵏ ⵍⵢⴰⵎⴰⵏⵉⵢⵉⵏ ⴷ ⵚⴰⴷⵎⴰ ⵏ ⵍⵡⴰⵇⵉⵄ ⴷ ⵉⵎⴰⵍ ⵍⵉ ⵓⵔ ⵙⵉⵏⵏ, ⴷ ⵡⴰⵅⴰ ⵜⵍⴰ ⵍⵀⵓⴷⵏⴰ ⴷ ⵍⵎⴰⵙⴰⵄⵉ ⴰⴼⴰⴷ ⴰⵙⵓⵍ ⵜⵖⵣⵉⴼ ⴷ ⵜⴰⵙⴳⵉⵡⵉⵏ ⵍⵉⵊⴰⴱⵉⵢⴰ ⴷ ⵙⵉⵍⴱⵉⵢⴰ ⴷⴰⵔⵙⵏ ⵢⴰⵜ ⵜⵓⵙⵓⵔⵜ ⴼ ⴰⵎⵓⵏ ⴰⵢⴰⵎⴰⵏⵉ ⵎⴰⵛ ⵉⵍⵍⴰ ⵢⴰⵏ ⵍⵀⵓⴷⵓ ⴰⴳⴷⵓⴷⴰⵏ ⵖ ⵜⴰⵙⵓⴽⵜ ⵜⴰⵢⴰⵎⴰⵏⵉⵜ ⵢⵉⵣⵙ ⴰⴼⴰⴷ ⴰⴷⵓⵔⵉⵏⵜ ⵜⵓⴳⵜ ⵏ ⵍⵎⵓⵇⴰⵡⵉⵎⴰⵜ ⵏ ⵜⵓⴷⵔⵜ ⵖ ⵜⵓⴳⵜ ⵏ ⵜⵉⵎⵏⴰⴹⵉⵏ ⵏ ⵜⴰⴳⴷⵓⴷⴰⵏⵜ ⵏ ⵍⵢⴰⵎⴰⵏ.
ⵉⵖ ⵉⵙⵓⵍ ⵍⵃⴰⵍ ⵙ ⵖⵉⴽⵍⵉ ⵉⴳⴰ ⵍⵉⵖ ⵜⵍⵍⴰ ⵍⵀⵓⴷⵏⴰ ⴷ ⴰⵜⵙⵓⵖⵣⴰⴼ ⴰⴼⴰⴷ ⴰⵜⵍⴽⵎ ⴰⵎⵔⵣⵎ ⵏ ⵉⵖⴰⵔⴰⵙⵏ ⵏⴳⵔ ⵍⵎⵓⵃⴰⴼⴰⴹⴰⵜ ⴷ ⵔⴰⵃⴰⵍⴰⵜ ⵏ ⵜⴰⵙⴱⴰⴱⵜ ⵔⴰⵢⵙⵏⴼⵍ ⵍⵃⴰⵍ ⵏ ⵍⵢⴰⵎⴰⵏ ⵙ ⵢⴰⵏ ⴰⵎⴰⵖⵏⵓ ⵎⵇⵓⵔⵏ ⴷ ⵔⴰⴷ ⵢⴰⵡⵙ ⵖ ⵓⵙⴱⵓⵖⵍⵓ ⵏ ⵜⴰⴷⵎⵙⴰ ⴷ ⵓⵍⵍⴰ ⵜⴰⵥⵥⵉⴷⵔⴰ ⵏ ⵜⵓⴳⵜ ⵏ ⵉⵎⵣⴷⴰⵖⵏ ⴰⴼⴰⴷ ⴰⴷ ⵙⵓⵔⵉⵏ ⵍⵎⴰⵛⴰⵔⵉⵄ ⵏ ⵏⵙⵏ ⵏⵖⴷ ⴰⵎⵎⵓⵔⵣⵎ ⵏ ⵡⵉⵢⵢⴰⴹ ⵉⵎⴰⵢⵏⵓⵜⵏ ⵙⵎⴷⴰⵙ ⵓⵍⵍⴰ ⴰⵣⵓⴳⵣ ⵖ ⵡⴰⵜⵉⴳ ⵏ ⵍⵄⵓⵎⵍⴰ ⴷ ⵍⵉⵙⵜⵉⵇⵔⴰⵔ ⵏⵙ.
ⵎⴰⵛ ⵉⵖ ⵉⴳⴰ ⵍⵖⴰⵔⴰⴷ ⵣⵖ ⵍⵀⵓⴷⵏⴰ ⵉⴳⴰⵜ ⵚⴰⵃⴰ ⴷⴰⵔ ⵜⴰⵣⴷⴰⵢⵜ ⵙ ⵜⴰⵙⵔⵜⵉⵜ ⴷ ⴰⴷⴷⵔⵓ ⵏ ⵚⴰⵃⴰ ⵏⴳⵔ ⵍⴰⵟⵔⴰⴼ ⵍⵉ ⵉⵎⴰⵖⵏ ⴷ ⵉⵙⵓⵍ ⴹⴰⵕⵟ ⵏ ⵚⵓⵍⵓⵟⴰⵜ ⵍⵉ ⴽⵓ ⵢⴰⵏ ⴳⵉⵙⵏⵜ ⵉⵚⴰⵢⵜⵔ ⴼ ⵉⴷⵖⴰⵔⵏ ⵓⵔⴰⴷ ⵢⵉⵍⵉ ⵉⵙⵜⵉⵇⵔⴰⵔ ⴰⵎⵏⵉ ⵏⵖⴷ ⴰⴷⵎⵙⴰⵏ ⵏⵖ ⵡⴰⵅⴰ ⵉⵎⵉⴽ ⵏ ⵓⵙⴱⵓⵖⵓ.
ⵔⴰⴷ ⵙⵓⵍ ⵉⵙⵓⵍ ⵍⵄⴰⴷⴰⴱ ⵍⵉ ⵖⴰⵢⵜⵄⴰⵏⵉ ⵡⴰⵎⵓⵏ ⵖ ⵉⵙⴳⴰⵙⵏ ⵍⵉ ⵉⵣⵔⵉⵏ ⴷ ⵓⴳⴳⴰⵔ, ⴰⴽⴽⴰⵙ ⴷ ⵜⴰⵎⴰⵖⵜ ⴷ ⴰⵅⵍⵍⵓ ⴷ ⴰⵏⵉⵖⵉ ⴷ ⵓⵔ ⵜⵍⴰ ⵜⴰⵏⴱⴰⴹⵜ ⵏⵖ ⴰⵇⴰⵔⵉⴷ ⵏⵖ ⵍⵎⴰⵛⴰⵔⵉⵄ ⴰⵖⴰⵔ ⵉⵡⵉⵍⵉ ⴷⴰⵔ ⵚⵓⵍⵟⴰ ⴷ ⵡⵉⵍⵉ ⴷⵉⵙⵏ ⵉⵍⵍⴰⵏ.
ⵔⴰⴷ ⵙⵓⵍ ⵉⵍⵍⵉ ⵍⵉⵙⵜⵉⵄⴱⴰⴷ ⵏ ⵎⵉⴷⵏ ⵖⵉⴽⵍⵉ ⵙ ⵉⵍⵍⴰ ⵖ ⴽⵔⴰⵏ ⵉⴷⵖⴰⵔⵏ, ⵔⴰⴷ ⵉⴱⵉ ⵏⴰⵙⵉⵊ ⴰⵏⴰⵎⵓⵏ ⵓⴳⴳⴰⵔ ⵏ ⵎⴰⵙⵜⵉⵏ ⵉⴽⴽⴰ.
ⵏⵍⴰⴷ ⵖⵉⵍⴰⴷ ⵖ ⵉⵎⵉ ⵏ ⵍⴱⵓⵔⴽⴰⵏ ⵎⴰⵛ ⵉⵖ ⵙⵓⵍ ⵉⵍⵍⴰ ⵎⴰⵢⴰⴷ ⴷ ⵓⴳⴰⵔ ⵔⴰⴷ ⵜⴳⴳⵉⵣ ⵍⵢⴰⵎⴰⵏ ⴷ ⵎⴰⴳⵉⵙ ⵉⵍⵍⴰⵏ ⵙ ⵉⵣⴷⴰⵔ ⵏ ⵍⴱⵓⵔⴽⴰⵏ.
ⴰⵡⴰⵔ ⵏ 10 ⵏ ⵉⵙⴳⴰⵙⵏ ⵔⴰⴷ ⵣⵓⴳⵏ ⵉⵄⵔⵉⵎⵏ ⵏ ⵍⵢⴰⵎⴰⵏ, ⴰⵛⴽⵓ ⵓⵔⴰⵙⵏ ⴳⵉⵙ ⵉⵍⵍⴰ ⵍⴰ ⵉⵎⴰⵏ ⵍⴰ ⴰⴳⵔⴷ ⵡⴰⵍⵓ. ⵉⴼⵜⴰⵙⵏ ⴽⵓⵍⵓ ⵎⴰⴷⴰⵔⵙⵏ ⵉⵍⵍⴰⵏ ⴷ ⵓⵔⴰⵖ ⴼⴽⴰⵏ ⴰⵣⵔⴼ ⵏⵖ… ⴰⵣⵔⴼ ⵏ ⵡⴰⵡⴰⵍ, ⴰⵣⵔⴼ ⵏ ⴰⵙⵎⵔⵙ ⵏ ⵜⵓⴷⵔⵜ ⵜⴰⴳⴰⵎⴰⵏⵜ.
ⵜⵓⵔⵉⴷ ⵜⴳⴰ ⵜⴰⵡⴰⵔⴳⵉⵜ ⵏ ⴽⵓⴷ ⴰⵄⵔⵉⵎ ⴰⵢⴰⵎⴰⵏⵉ ⵉⴳⴰⵜ ⴰⵣⵡⴰⴳ ⴰⵛⴽⵓ ⵉⴼⵜⴰⵢⴰⵙ ⵜⵓⴳⵜ ⴷ ⵜⵓⴳⵜ ⵖ ⵍⵎⴰⵔⵃⴰⵍⴰ ⵉⵣⵡⴰⵔⵏ ⴷ ⵅⵜⴰⴷ ⵉⵍⵍⴰⵏ. ⴽⵓⵍⵓ ⵎⴰⵢⵍⵍⴰⵏ ⵉⵛⵇⴰ ⴰⵇ ⵉⴳⴰ ⴰⴽⴽ ⵎⵓⵙⵜⴰⵃⵉⵍ ⴰⵔ ⵏⵙⵢⴰⴼⴰ ⵎⴰⵙⴰⵏⵜⴰⵣⴰⵍ ⵖ ⵜⴰⵇⵓⵔⵉⵔⵜ ⵉⵇⵇⵏ ⴼ ⵡⴰⵍⵓ ⴰⵔⵏⵜⵔⵡⴰⵍ ⵉ ⵍⵎⵓⵜ ⵙ ⵍⵎⵓⵜ.
ⴷⴰⵔⵉ ⵣⵀⵔ ⵏⵖⴷ ⵢⵓⴼ ⵉⵖ ⵏⵉⵖ ⵎⴰⵖⴰⵖ ⴰⴷⴰⵔⵉ ⴰⵣⵎⵣⵣⵓ ⴰⴷ ⵎⵓⴷⴷⵓⵖ ⵜⵉⵣⵉ ⵖ ⵜⵉⵣⵡⵉⵏ ⴷ ⵖ ⵜⵉⵣⵉ ⵢⴰⵏ ⵉⵍⵍⴰ ⴳⵉⵙ ⴰⵎⵏⵖⵉ ⵖ ⵓⴷⵖⴰⵔ ⵍⵉⵖ ⵍⵉⵖ ⵏⴰⵏⵉⵢⵉ ⵜⵓⴳⵜ ⵏ ⵎⵉⴷⵏ ⴰⴷⴷⵓⵔ ⵓⵔⵉⵖ ⴷ ⵏⴽⵉ ⴰⵔ ⵣⵔⴰⵖ ⵎⴰⵙⴷ ⵉⵇⴰⵏⴷ ⴰⴷ ⵏⵓⵔⵔⵉ ⵏⴽⵏⵉ ⵉⵄⵔⵉⵎⵏ ⵏ ⵍⵢⴰⵎⴰⵏ ⵉⵖ ⵏⴼⵜⵜⴰ ⵎⴰⵔⴰⵙⵜ ⵉⵣⴷⴰⵖ.
ⴳⵉⵖ ⵜⴰⵎⵓⵃⴰ ⴱⴰⵀⵔⴰ ⴼ ⵍⴱⵏⵏⵉ ⴷ ⴰⵏⴽⴽⴰⵔ ⵙ ⵜⴰⵎⴰⵣⵉⵔⵜ, ⵡⴰⵅⴰ ⴽⵓⵍⵓ ⵍⵅⴰⵔⴰⴱⴰⴷ ⵍⵉ ⴳⵉⵜⵉ ⵉⵊⵔⵔⴰⵏ ⵏⴽⵉ ⴷ ⵜⴰⵎⴰⵣⵉⵔⵜ ⵉⵏⵓ. ⴰⵛⴽⵓ ⵖ ⵜⵉⵣⵉ ⵢⴰⵏ ⵜⴼⵜⵜⴰ ⵉⴱⴰⴱⴰ ⵜⴰⵡⵔⵉⵏⵙ ⵖ ⵜⴰⵏⴱⴰⴹⵜ ⴰⵛⴽⵓ ⵉⵍⵍⴰ ⵜⴰⵏⴰⵎⵓⵔ ⴷ ⴰⵙⵏⵉⵃⵢⵉ ⵖ ⵉⴷⵖⴰⵔⵏ ⴰⵛⴽⵓ ⵏⵓⵛⴽⴰⴷ ⵖ ⵓⴷⵖⴰⵔ ⵢⴰⴹⵏⵉⵏ(ⵜⵄⵣ) ⴷ ⵏⴷⵔ ⵖ (ⴰⵍⵃⴰⴷⵉⴷⴰ) ⵙⵏⴽⵔⵏ ⵙⴹⴰⵄ ⴰⴼⴰⴷ ⴰⴷ ⵙⴼⵓⵖⵏ ⴱⴰⴱⴰ ⴷ ⵜⵓⵏ ⴽⵓⵍⵓ ⵎⴰⵢⴼⴽⴰ ⵉ ⵓⴷⵖⴰⵔ ⴷ ⵎⴰⴷⴰⵙⵏ ⵉⴼⴽⴰ, ⵖ ⵜⵉⵣⵉ ⵢⴰⵏ ⵏⵉⵜ ⵉⵜⵜⵢⵓⵜⴰⵜ ⵓⴷⵖⴰⵔ ⵍⵉⵖ ⴰⵢⵙⵓⵡⵔⵉ ⴱⴰⴱⴰ ⵉⵜⵜⵓⵢⵇⵚⴰⴼ ⵢⵓⵔⵉⴷ ⵉⴳⴳⴰ ⵉⵖⴷ ⵙ ⵖⵉⴽⴰⴷ ⵉⴼⵜⵜⴰ ⵉ ⴱⴰⴱⴰ ⵎⴰⵔⵔⴰ ⵉⵖⴱⵓⵍⴰ ⵏ ⵓⵙⴽⵛⵎ.
ⵏⴽⴽⵏⵉ ⵖ ⵍⵃⴰⵢ ⵍⵉⵖ ⵏⵣⴷⴰⵖ ⵏⴰⵥⴷ ⵉ ⵓⵇⵔⵢⴰⵏ ⴱⵍⴰ ⵍⵃⵉⵎⴰⵢⴰ ⴷ ⴱⵍⴰ ⴰⵖⴱⴰⵍⵓ ⵏ ⵓⵙⴽⵛⵎ ⴷ ⵎⴰⵢⴰⴷ ⴽⵓⵍⵓ ⵓⵔ ⵢⵢⵓⵊⴰ ⴰⴷ ⵊⵍⵓⵖ ⴰⵏⴰⵔⵓⵣ ⴷ ⵉⵔⵉⵖ ⴰⴷⵓⵔⵉⵖ ⴰⴼⴰⴷ ⴰⴷ ⴰⵡⵙⵖ ⵉ ⵜⴰⵡⵊⴰ ⵉⵏⵓ ⴷ ⵓⵍⴰ ⵜⴰⵎⴰⵣⵉⵔⵜ ⵉⵏⵓ ⴷ ⴰⴷⵖⴰⵔ ⵍⵉⵖⴷ ⵎⵇⵓⵔⴰⵖ ⴷ ⵜⵔⴱⵉⵖ ⴳⵉⵙ ⵡⴰⵅⴰ ⴽⵓⵍⵓ ⵜⴰⵏⴰⵎⵓⵔ ⴷ ⵉⵀⵓⵀⵓⵜⵏ ⵏ ⵓⴷⵖⴰⵔⴰⵏ ⵍⵉ ⵉⵎⴰⵖⵏ ⴷ ⴱⴰⴱⴰ.
ⵓⵔⵉⵖⴷ ⴷ ⵓⵏⴰⵔⵓⵣ ⵎⴰⵙⵔⴰ ⵉⵙⵏⴼⵍ ⵍⵃⴰⵍ ⴷ ⵔⴰⴷ ⵉⵙⴱⵓⵖⵍⵓ ⵎⴰⵛ ⵖⵉⵍⴰⴷ ⵏⴽⵉ ⴳⵉⵖ ⵡⴰⵃⴷⵓⵢⵉ ⵜⴰⵡⵊⴰ ⵉⵏⵓ ⴼⵜⴰⵏ ⵙ ⵓⴷⵖⴰⵔ ⵢⴰⴹⵏⵉ ⴷ ⵏⴽⵉ ⵍⵉⵖⴷ ⵖ ⵓⴷⵖⴰⵔ ⵢⴰⴳⵓⴳⵏ ⴼⵍⴰⵙⵏ ⵙ ⵓⵙⵔⴰⴳ ⵏ ⵜⴰⵡⵔⵉ ⵉⵏⵓ ⵙⵏⴼⵍⵏ ⵉⵖⴰⵔⴰⵙⵏ ⵙ ⵖⵉⴽⴰⵏ ⵇⴰⵡⵎⵖ ⴷ ⴰⵔⵣⵉⴳⵉⵣⵖ ⴰⵢⵍⵉⵖ ⴰⵢⵜⵀⴷⵉⴷ ⵎⴰⵢⴰⴷ ⵜⵓⴷⵔⵜ ⵉⵏⵓ.
ⵜⴰⵏⴰⴼⴳⴰⵏⵜ ⴷ ⵜⴰⵎⵖⵏⴰⵙⵜ ⵜⴰⵏⴰⵎⵓⵏⵜ ⴷⴰⵔⵉ ⵙⵓⵎⵄⴰ ⵉⵏⵓ ⵖ ⵓⴷⵖⴰⵔ ⴷ ⴰⵎⵣⵔⵓⵢ ⵉⵏⵓ ⴰⵎⵉⵀⴰⵏⵉ ⵙ ⵖⵉⴽⴰⴷ ⴽⵓⵍⵓ ⴰⵔ ⵜⵄⵔⴰⴷⴰⵖ ⵉ ⵍⵄⵓⵏⴼ ⵏ ⵡⴰⵡⴰⵍ ⴷ ⵜⴰⵏⴰⵎⵓⵔ ⵣⵖ ⴷⴰⵔ ⵜⵉⵏⴱⴰⴹⵉⵏ ⵏ ⵓⴷⵖⴰⵔ ⴷ ⵓⵍⵍⴰ ⵉ ⵜⴰⵀⴷⵉⴷⴰⵜ ⵙ ⵍⵃⴰⴱⵙ ⴷ ⵍⵎⵓⵔⴰⵇⴰⴱⴰ ⴷ ⴹⵓⵕⵓⵟⴰⵜ ⵏⴰⴼⵙⵉⵢⴰ ⵍⵉⵖ ⵍⵉⵖ ⵖⵉⵍⴰⴷ ⵖ ⵍⵇⴰⵢⵎⴰ ⵜⴰⵙⴳⴰⵏⵜ ⴷⴰⵔⵙⵏ ⴰⵖⴰⵔ ⴰⵛⴽⵓ ⴰⵔ ⵙⵓⵡⵔⵉⵖ ⴼ ⵉⵎⵣⵡⴰⴳⵏ ⴷ ⴰⵔ ⵜⵣⵎⵉⵎⴰⵖ ⵉⵏⵖⵎⵉⵙⵏ ⵏⵙⵏ ⴷ ⴰⵔ ⵜⵃⴰⵡⴰⵍⵖ ⴰⵜⵏ ⵜⵃⵎⴰⵢⵖ ⵙ ⵉⵡⵜⵜⴰ ⵏ ⵜⵉⵙⵓⴳⴰⵔ ⵉⵏⵓ, ⵜⴰⵙⵓⴳⵔⵜ ⵉⵏⵓ ⵍⵉ ⴷⵉⴱⴰⵢⵏ ⵎⴰⵙ ⵜⵣⵔⵉ ⵍⵉ ⵜⵙⵎⴰⵃⵏ ⵉ ⵡⴰⵡⴰⵍ.
ⴳⵉⵖ ⴷⵉⵎⴰ ⵎⵓⵀⴷⴰⴷⴰ ⵙ ⵢⴰⵏ ⴰⵎⴰⵖⵏⵓ ⵉⴳⴰⵏ ⵏⵉⵛⴰⵏ ⴷ ⴰⵔⵉ ⵜⵀⴷⴰⴷⵏ ⵏⵉⵛⴰⵏ ⵖ ⵓⴷⵎⵉⵏⵓ ⵣⵖ ⴷⴰⵔ ⵎⵉⴷⵏ ⵍⵉ ⴷⵉⵙⵏ ⵉⵙⵓⵡⵔⵉⵏ ⴰⵔ ⵜⵏⵉⴷ ⵙⵉⴼⵉⴹⵏ ⵙ ⵓⴷⵖⴰⵔ ⵍⵉⵖ ⴰⵙⵓⵡⵔⵉⵖ ⴷ ⴰⵔⵙⵉⵙⵉ ⵙⴰⵡⴰⵍⵏ ⵏⵉⵛⴰⵏ ⵏⵖⴷ ⴷ ⵍⵎⵓⴷⴰⵔⴰ ⵉⵏⵓ ⴷ ⴰⵔⴰⴽ ⴹⴰⵍⴰⴱⵏ ⴰⴷⵉⵢⵉ ⴷⵃⵉⵏ ⵖ ⵜⴰⵡⵔⵉ ⴷ ⵜⵓⴳⵜ ⵏ ⵎⴰⵢⵊⵔⴰⵏ ⵍⵉ ⵙⵉⵛⵇⴰ ⴰⴷ ⵜⵓⵡⵙⴼⴰⵖ ⵍⵉ ⵉⴼⵍⵏ ⵍⴰⵟⵔⵟ ⵏⵙ ⵖ ⵉⵅⴼⵉⵏⵓ ⵍⵉ ⵓⵔ ⵉⵜⵊⵊⵉⵏ ⵎⴰⵛ ⴰⵔ ⵜⵣⴰⵢⴰⴷ ⴰⵙ ⴰⵔ ⴰⵙ.
ⵙⵖⵉⵍⴰⴷ ⴰⵔⵓⴽⴰⵏ ⵙⵓⵍ ⵜⵄⴰⵏⴰⵢⵖ ⵓⵔⵓⴼⵉⵖ ⴰⵣⵎⵣⵣⵓ ⴰⴷ ⴼⵓⴽⵓⵖ ⵣⵖ ⴽⵓⵍⵓ ⵎⴰⵢⴰⴷ ⵀⴰⵢⵉⴷ ⵍⴽⵎⵖ ⵖⵉⵍⴰⴷ ⴰⵙⴳⴰⵙⵉⵏⵓ ⵡⵉⵙ ⴽⵔⴰⴹ ⵖⵉⴷ ⵖ ⵍⵎⵓⵄⴰⵏⴰⵜ ⵏ ⵍⵃⵉⵚⴰⵔ ⴰⵏⴰⴼⵙⵉ ⵖ ⵜⵀⴷⵉⴷ ⴷ ⵍⵎⴰⵏⵄ ⵣⵖ ⵜⴰⵡⵔⵉ ⵖ ⴽⵔⴰⵏ ⵉⴷⵖⴰⵔⵏ ⴱⵍⴰ ⴰⵙⵔⴰⴳ ⴷ ⴰⵔ ⵜⴽⵎⴰⵍⵖ ⴰⵙⴳⴰⵙⵉⵏⵓ ⵡⵉⵙ ⴽⵓⵥ ⵖ ⵍⵎⵓⵄⴰⵏⴰⵜ ⵏⴰⴼⵙⵉⵢⴰ ⴰⵔ ⴷⴷⴰⵔⵖ ⵣⵓⵏⴷ ⴽⵔⴰⵏ ⵉⵎⵣⵣⵉ ⵖ ⵜⵎⴰⵣⵉⵔⵜ ⵉⵏⵓ ⵜⴼⵜⵜⴰⵢⵉ ⵜⴰⵡⵊⴰ ⴰⴳⴳⵓⴳⵏ ⴼⵍⵍⴰⵜⵉ.
ⵉⴽⴽⴰⵜⵉⵏ ⴰⵔ ⵜⵡⴰⵔⴳⴰⵖ ⴰⴷ ⵖⴰⵎⴰⵖ ⵖ ⵜⵎⴰⵣⵉⵔⵜ ⵉⵏⵓ ⴰⴷ ⵜⴱⵏⵓⵖ ⵏⵎⵇⵓⵔ ⵙ ⵙⵉⵏ ⵎⴰⵛ ⵓⵔⵉⵢⵉ ⴼⵍⵏ ⴰⵙⵜⴰⵢ …ⵖ ⵎⴰⵢⴰⴷ ⴷ ⵓⴳⴳⴰⵔ ⵎⴰⵏⵣⴰ ⵜⴰⵎⴰⵣⵉⵔⵜ ⵍⵉⵖ ⵔⴰⴷ ⴷⴷⵔⵖ ⵓⵔⵣⴷⴰⵔⴰⵖ ⵃⵜⴰ ⴰⴷ ⴼⵔⴳⴰⵖ ⴰⴳⴰⵢⵓⵏⵓ, ⴰⵔ ⴳⴰⵏⵖ ⵢⴰⵜ ⵟⵉⵟⵉⵏⵓ ⵜⵎⵔⵣⵎ ⴰⵛⴽⵓ ⵓⵔⵉⵍⵉ ⵍⴰⵎⴰⵏ, ⵓⵔ ⵣⴷⴰⵔⴰⵖ ⴰⵏ ⵜⴰⴱⵄⴰⵖ ⵖ ⵜⵡⴰⵔⴳⵉⵜ ⵉⵏⵓ ⴰⴷ ⴽⵎⵍⵖ ⴷⵉⵔⴰⵙⴰⵜ ⵉⵏⵓ ⵍⵄⵓⵍⵢⴰ, ⵓⵔ ⴷⴰⵔⵉ ⵜⴰⵙⵓⴳⵔⵜ ⵢⵓⴷⴰⵏ ⴰⴼⴰⴷ ⴰⴷ ⵃⵇⵉⵇⴰⵖ ⴰⵙⵓⴳⴰⵔ ⴰⵏⵉⵎⴰⵏ.
ⵓⵔ ⴷⵔⵖ ⴰⵙⵓⵏⴼⵓ ⵏ ⴰⵎⵃⴰⵔⴽⴰ ⵎⴰⵛ ⴷⵔⵖ ⴳⵉⵖ ⴰⵎⵙⴳⴳⴰⵢⵜⵓ ⵏ ⴰⵎⵏⵖⵉ ⵎⴰⵛ ⵉⵎⴰⵏ ⵏⵙ ⵙⵓⵍ ⴰⵔ ⵜⵎⴰⵖ … ⵉⵔⵡⴰⵙ ⵉⵣⴷ ⵉⵍⵍⴰ ⵖ ⵓⵣⵡⴰⴳ ⵜⵓⴷⵔⵜ ⵏⵖⴷ ⵎⴰⵙⵜ ⵉⵔⵡⴰⵙⵏ ⴰⵜⵙⵎⵓⵏ ⵉⵖⴷ ⵏ ⵉⵎⴰⵏ ⴰⴷ ⵍⵉ ⴳⵉⵜⵉ ⵉⵖⴰⵎⴰⵏ.
