ⵉⵥⵍⵉ ⴷⵓⵙⵜⵓⵔ ⴰⵎⵖⵔⵉⴱⵉ ⵜⵓⴳⵜ ⵏ ⵍⴼⵓⵚⵓⵍ ⵍⵉ ⴷⴰⵔ ⵜⴰⵣⴷⴰⵢⵜ ⵙ ⴰⴷⵔⴰⵡ ⴰⵏⴰⵎⵓⵔ ⵙⵍⴰⵡⴰⵏ ⴰⴽⴽ: ⵍⴼⴰⵚⵍ 12 ⵍⵉ ⵉⵙⵙⴷⵓⵙⵏ ⵜⵉⵍⴰⵍⵜ ⵏ ⵜⵉⵎⵙⵎⵎⵓⵏⵉⵏ ⴷ ⵎⴰⵎⵏⴽ ⵙ ⵔⴰⴷ ⵜⴰⵡⵙ ⵖ ⵍⵉⵟⴰⵔ ⵏ ⴷⵉⵎⵓⵇⵔⴰⵟⵢⴰ ⵜⴰⵎⴰⴷⵔⴰⵡⵜ, ⴷ ⴰⵔ ⵉⵙⴰⵡⴰⵍ ⵍⴼⴰⵚⵍ 14 ⴷ 15 ⴼ ⴰⵣⵔⴼ ⵏ ⵉⵏⵎⵓⵔⴰⵏ ⴷ ⵜⵉⵏⵎⵓⵔⴰⵏ ⴷ ⵜⵉⵎⴰⴷⴷⴰⵙⵉⵏ ⵏ ⴰⵎⵓⵏ ⴰⵎⴰⴷⴷⴰⵏⵉ ⵖ ⴰⴼⴽⴰⵢ ⵏ ⵍⵄⴰⵔⴰⵢⴷ ⴷ ⵍⵎⵓⵍⵜⴰⵎⴰⵙⴰⵜ ⵏ ⵜⴰⵛⵔⵉⵄ ⴷ ⵉⴹⴰⵍⴱ ⵍⴼⴰⵚⵍ 136 ⵣⵖ ⵉⵙⵇⵇⵉⵎⵏ ⵏ ⴰⴳⵔⴰⵡⵏ ⵏ ⵜⵖⵉⵡⴰⵏⵉⵏ ⴰⴷ ⵜⵙⵔⵙⵜ ⵍⴰⵍⵉⵢⴰⵜ ⵜⵉⵏⴷⵔⴰⵡⵉⵏ ⵖ ⴰⵎⵙⴰⵡⴰⵍ ⴷ ⴰⵎⵛⵉⵡⵉⵔ, ⴰⴼⴰⴷ ⴰⴷ ⵜⵙⵔⵅⵓ ⵜⴰⴷⵔⴰⵡⵜ ⵏ ⵉⵏⵎⵓⵔⴰⵏ ⴷ ⵜⵉⵏⵎⵓⵔⵉⵏ ⵖ ⵓⵙⵙⵓⵊⴷ ⵏ ⵉⵖⴰⵡⴰⵙⵏ ⵏ ⴰⵙⴱⵓⵖⵍⵓ ⴷ ⴰⴹⴼⵓⵔ ⵏⵙⵏ.
ⵍⴼⵓⵚⵓⵍ ⴰⴷ ⴷ ⵉⵙⵍⵉⴳⵏ ⴰⴷ ⵜⵏⴹⵉⵎⵉⵢⴰ ⵍⵉ ⵉⵜⵙⵓⵜⵜⵓⵍⵏ ⵉ ⵜⴰⵡⵔⵉ ⵏ ⵜⵉⵖⵉⵡⴰⵏⵉⵏ ⵜⴼⴽⴰ ⵢⴰⵏ ⵓⵙⵡⵉⵔ ⴷ ⴰⵣⵎⵣⵣⵓ ⴰⴼⴰⴷ ⴰⵏⴷⵎⵏ ⴰⴷⵔⴰⵡ ⵏ ⵉⵄⵔⵉⵎⵏ ⴷ ⴰⵎⴰⴷⴰⵏⵉ ⵍⵉ ⵉⴳⴰⵏ ⴼⴰⵄⴰⵍ ⵖ ⵜⵉⵖⴰⵡⵙⵉⵡⵉⵏ ⵏ ⵓⴷⵖⴰⵔ, ⵎⴰⵛ ⴰⵡⴰⵔ ⵏ ⵎⴰⵢⵣⵔⵉ ⵓⴳⴳⴰⵔ ⵏ ⵎⵔⴰⵡ ⵉⵙⴳⴰⵙⵏ ⴰⵔ ⵏⵜⵜⴰⵏⴰⵢ ⵍⵄⵓⵣⵓⴼ ⵏ ⵉⵄⵔⵉⵎⵏ ⵖ ⵓⵙⵡⵉⵔ ⵏ ⵓⵙⴽⵛⵓⵎ ⵖ ⵜⵉⵖⴰⵡⵙⵉⵡⵉⵏ ⵜⵉⴳⴷⵓⴷⴰⵏ ⴷ ⵍⵉⵀⵜⵉⵎⴰⵎ ⵏⵙⵏ ⵙ ⵍⵉⵎⵓⵔⴰⵜ ⵏ ⵜⴰⵙⵔⵜⵉⵜ ⵜⴰⴳⴷⵓⴷⴰⵏⵜ ⵏ ⵜⵎⴰⵣⵉⵔⵜ ⴷ ⵜⵉⵙⵔⵜⴰⵢ ⵍⵉⵙⵉⵙⵏ ⵉⵥⵍⵉⵏ ⴷ ⵓⵍⵍⴰ ⵙ ⵜⵉⵙⵔⵜⴰⵢ ⵏ ⵉⴳⵔⴰⵏ ⵍⵉ ⵔⴰⵜⵏ ⵉⵜⴰⴱⵄⴰ ⴷ ⴼⴽⵉⵏⴰⵙ ⴰⵜⵉⴳ ⴷ ⴰⴼⴽⴰⵢ ⵏ ⵜⵉⵏⵏⴰⵢⵉⵏ ⵍⵉⵔⴰⴷ ⵉⵙⴱⵓⵖⵍⵓ ⵉⵖⴰⵡⴰⵙⵏ ⵏ ⵓⵙⴱⵓⵖⵍⵓ ⵏ ⵓⴷⵖⴰⵔ ⵓⵍⴰ ⵡⵉⵏ ⵜⴰⵎⵏⴰⴹⵜ.
ⵜⵎⵍⴰ ⵜⴰⴷⴷⴰⴷⴰⵏⵜ ⵏ ” ⵜⴰⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⵏ ⵓⵙⵖⵉⵡⵙ” (ⵢⴰⵜ ⵍⵀⴰⵢⴰ ⵉⴳⴰⵏ ⵔⴰⵙⵎⵉⵢⴰ ⵍⵉ ⵉⵜⵓⴽⵍⴰⴼⵏ ⵙ ⵜⴰⴷⴷⴰⴷⴰⵏⵜ ⴷ ⴰⵚⴼⴷ ⴰⴷⵎⵙⴰⵏ ⴷ ⴰⵏⴰⵎⵓⵏ) ⴼ ⵜⴰⵣⴷⴰⵢⵜ ⵏ ⵉⵄⵔⵉⵎⵏ ⴷ ⵉⵎⵥⵔⵉ ⴰⵙⵔⵜⴰⵏ ⴷ ⴰⵎⵓⵍⵍⴰⵏ ⵖ ⵎⴰⵔⵔⴰ ⵍⵎⵖⵔⵉⴱ, ⵍⵉⵖ ⵜⵏⵏⴰ ⵎⴰⵙⴷ 70% ⵏ ⵉⵄⵔⵉⵎⵏ ⵓⵔ ⴷⴰⵔⵙⵏ ⵜⴰⵎⵉⵢⴰⵎⴰⵏⵜ ⵖ ⵜⴰⵡⵔⵉ ⵜⴰⵙⵔⵜⴰⵏⵜ, ⴷ 5% ⴰⵔ ⵜⴰⵎⵎⵏ ⵙ ⵜⴰⵡⵔⵉ ⵜⴰⵎⵓⵍⵍⴰⵏⵜ, ⴷ 1% ⵀⵍⵍⵉ ⵍⵉ ⵉⵙⵓⵡⵔⵉⵏ ⵖ ⵜⴰⵙⵔⵜⵉⵜ ⵣⵖ ⵓⴳⵏⵙ ⵏ ⵜⵉⵏⴱⴰⴹⵉⵏ ⵜⵉⵙⵔⵜⴰⵏⵉⵏ, ⵖ ⵜⴰⵙⴳⴰ ⵢⴰⴷⵏⵉⵏ ⴰⵔ ⵜⵎⴰⵖⵏⵓⵏ ⵉⵄⵔⵉⵎⵏ 40% ⵏ ⵎⵉⴷⵏ ⵍⵉ ⵉⵜⵜⵚⵡⴰⵜⵏ. ⴷ ⵖⴰⵢⴰⴷ ⵎⴰⵢⵎⵎⴰⵍⴰⵏ ⵙ ⵍⴰⵔⵇⴰⵎ ⵍⵄⵓⵣⵓⴼ ⵏ ⵉⵄⵔⵉⵎⵏ ⵖ ⵓⴽⵛⵓⵎ ⵙ ⵉⵎⵥⵔⵉ ⴰⵎⵓⵍⵍⴰⵏ ⵏⵖⴷ ⴰⵙⵔⵜⴰⵏ ⵡⴰⵅⴰ ⵍⴰⵏⵜ ⵜⵓⴳⴳⵜ ⵏ ⵉⵙⵍⵉⴳⵏ ⴷ ⵍⴰⵍⵉⵢⴰⵜ, ⴷ ⵎⴰⵢⴰⴷ ⴰⵔⴰⵖ ⵉⵎⵎⴰⵍⴰ ⵎⴰⵙ ⵓⵔ ⵜⵍⴰ ⵜⴰⵎⵢⴰⵎⴰⵏⵜ ⵖ ⵎⴰⵔⵔⴰ ⵉⵎⵓⵍⵍⵉⵜⵏ ⵉⵙⵔⵜⴰⵏⵏ ⴷ ⵓⵍⵍⴰ ⵖ ⵉⵖⴰⵡⴰⵙⵏ ⵏ ⵓⵙⵜⵜⴰⵢ ⵏⵙⵏ ⴷ ⵖⴰⵢⴰⴷ ⵔⴰⵢⵙⴰⵀⵎ ⵖ ⵍⵄⵓⵣⵓⴼ ⵏ ⵉⵄⵔⵉⵎⵏ ⵣⵖ ⵜⵓⴷⵔⵜ ⵜⴰⵙⵔⵜⴰⵏⵜ ⴷ ⴰⵔⴷ ⵉⵜⵜⵓⵔⵉ ⵓⵍⴰ ⵉ ⴰⵖⵉⵎⵉ ⵏ ⴰⵡⴰⵍ ⴰⵎⵓⵍⵍⴰⵢ ⵡⴰⵍⵉ ⴱⴷⴷⴰ ⴷ ⴰⵖⴰⵡⴰⵙ ⵡⴰⵍⵉ ⴱⴷⴷⴰ, ⴷ ⵡⴰⵔ ⴰⵙⵜⴰⵢ ⵏ ⵓⴷⵎⴰⵡⵏ ⵉⵄⵔⵎⴰⵏ ⵍⵉ ⵉⵜⵜⵓⵙⴰⵏ ⵖ ⵡⴰⵎⵓⵏ ⵖ ⵍⵀⴰⵔⴰⵎ ⵏ ⵜⵉⵎⴰⴷⴷⴰⵙⵉⵏ ⵜⵉⵎⵓⵍⵍⴰⵢ.
ⴷ ⵙ ⵍⵄⴰⴽⵙ ⵏ ⵜⵉⵙⵙⵓⵜⴰ ⵉⵣⵔⵉⵏ ⵣⵖ ⵍⵡⴰⵍⵉⴷⵉⵏ ⵍⵉ ⵉⴳⴰⵏ ⵡⴰⵅⴰ ⴽⵓⵍⵓ ⵜⵉⵎⵙⵓⵜⴰⵍ ⴷ ⵉⵎⵏⴰⴹⵏ ⴰⵔ ⴽⵛⵓⵎⵏ ⵖ ⵓⴷⵔⴰⵡ ⵏ ⵓⵙⵜⴰⵢ ⴷ ⴰⵔ ⵜⵜⵉⵜⴰⵡⵉⵏ ⵖ ⵜⵉⵖⴰⵡⴰⵙⵉⵡⵉⵏ ⵍⵉ ⴷⴰⵔ ⵜⴰⵣⴷⴰⵢⵜ ⵙ ⵜⵎⴰⵣⵉⵔⵜ ⵣⵖ ⵜⴰⴳⴰⵔⴰⵙⵜ ⵏ ⵜⵓⴳⵜ ⵏ ⵉⵙⴰⵢⵔⴰⵔⵏ ⴷ ⵍⵇⴰⵏⴰⵡⴰⵜ ⵣⵖ ⵉⵎⵓⵍⵍⵉⵜⵏ ⴷ ⵏⴰⵇⴰⴱⴰⵜ ⵜⵉⴼⵉⴷⵉⵕⴰⵍⵉⵏ ⴷ ⵢⵙⵔⵉⵔⵏ ⴷ ⵉⵥⵟⵉⵡⵏ ⵏ ⵓⵏⵢⴰⵍⴽⴰⵎ, ⵜⵉⵙⵓⵜⵉⵏ ⵏ ⵖⵉⵍⴰⴷ ⴷ ⵎⴰⴷⴰⵔⵙⵏ ⵉⵍⵍⴰⵏ ⵖ ⵜⵉⵙⵓⴳⴳⴰⵔ ⵍⵉⵙ ⵣⴷⴰⵔⵏ ⴰⴷ ⵉⴹⵉⵚⵏ ⵙⵉⵙ ⴼ ⵜⴰⵏⴰⵢⵜ ⵜⴰⴳⴷⵓⴷⴰⵏⵜ ⴷ ⴰⵙⴽⴰⵔ ⵏ ⵜⴰⵖⵜⴰⵙⵜ ⴰⵔⴷ ⵜⴳⴳⵉⵣⵏ ⵉⵙⵖⴰⵍ ⵏ ⵓⴷⵔⴰⵡ ⵖ ⴰⵙⵜⵜⴰⵢ ⵖ ⵏⴳⵔ ⵉⵄⵔⵉⵎⵏ ⵙⵍⴰⵡⴰⵏ ⴰⴽⴽ ⴷⵖⴰⵢⴰⴷ ⴰⵢⴳⴳⴰⵏ ⴰⵙⵔⴰⴳ ⵏ ⵓⵙⵏⵉⵃⵢⵉ ⵍⵉ ⵉⵍⵍⴰⵏ ⵖ ⵓⴷⵔⴰⵡ.
