ⴰⵔ ⵜⵙⴰⵡⴰⵍ ⵜⴰⵏⵖⵎⴰⵙⵜ ⴰⵍⵉⴽⵙⴰⵏⴷⵔⴰ ⵙⴰⵏⴷⵍⵣ ⵖ ⵜⴰⵙⴷⵉⵜ ⴰⴷ ⴼ ⵉⵔⵉⵎⵏ ⵏ ⴽⵓⵥ ⵏ ⵜⵉⵎⵖⴰⵔⵉⵏ ⵖ ⵜⴰⵎⵏⴰⴹ ⵜⴰⵄⵔⴰⴱⵜ ⵣⵖ ⵍⵎⵓⵃⵔⴰⵎⴰⵜ ⵍⵉ ⴷⴷⴰⵔ ⵜⴰⵣⴷⴰⵢⵜ ⴷ ⵜⴰⵎⵖⴰⵔⵜ ⴷ ⵜⴰⴷⵔⴼⵉ. ⵜⴰⴷⴷⵎⵉⵏⵉⵏ ⵏⵙⵏ ⴳⴰⵏ ⵣⵖ ⵏⴳⵔ 15 ⵏ ⵜⴰⴷⴷⵎⵉⵏⵜ ⵍⵉ ⵉⵜⵜⵓⵣⵎⴰⵎⵏ ⵖ ⵜⴰⵔⴰⴱⴱⵓⵜ ⵏ ⴰⵎⵣⵔⵓⵢ ⴰⵎⵉⵡⴰⵏ “ⵍⵎⵓⵃⵔⴰⵎⴰⵜ ⴷ ⴰⵎⵓⵏ” ⵍⵉ ⴷⵉⵜⵙⴼⵓⵖ Sharq.Org
ⵜⴰⵍⵙⴰⵔⵉⵜ ⵏ ⵜⵉⵙⴷⵉⵜ 1
(ⵜⵉⵣⵉ ⵏⵙ: 8:44 ⵏ ⵜⵓⵙⴷⴰⴷⵉⵏ)
ⴰⵙⵉⵏⴰⵔⵢⵓ ⴰⵕⵚⵍⵉ ⴷ ⴰⵍⵍⴰⵙ ⵙ ⵍⵉⵏⴳⵍⵉⵣⵉⵢⴰ ⵣⵖ ⴷⴰⵔ ⴰⵍⵉⴽⵙⴰⵏⴷⵔⴰ ⵙⴰⵏⴷⵍⵣ
ⵜⵓⵙⵙⵉⴼⵉⵏ ⵉⴳⵕⴹⴰⵏⵏ ( ⵓⵔ ⵜⵢⵓⵔⴰⵏ) ⵍⴰⵏ ⵖ ⴰⴹⵕⵉⵚ ⴰⵄⵔⴰⴱ ⴰⵕⵚⵍⵉ
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⴱⵓⵜⴰⵢⵏⴰ //
ⵖⵉⴽⵍⵉ ⴼ ⵉⴱⴱⵉⴷ ⵟⵓⴱⵉⵙ ⵖ ⵢⴰⵜ ⵖ ⵜⵉⵏⵇⵇⴰⴷ ⵏ ⵜⵉⴹⴰⴼ ⵍⵉ ⵉⴳⵓⵜⵏ ⵍⵉⴼ ⴷⵉⵇⵇⴰⵏ ⴱⵓⵜⴰⵢⵏⴰ ⴰⴳⵉⵙⵏ ⵜⵜⵣⵔⵉ ⴰⴼⴰⴷ ⴰⴷⴷ ⵜⴽ ⴷⴰⵔ ⵜⴰⵡⵊⴰ ⵏⵙ ⵖ ⵓⴳⴰⴼⴰ ⵏ ⵍⵢⴰⵎⴰⵏ, ⴹⴰⵍⴱⵏ ⴳⵉⵙ ⵍⵎⵉⵍⵉⵛⵉⵢⴰⵜ ⵍⵉ ⵉⵄⵙⵉⵙⵏ ⴼ ⵜⴰⵏⵇⵇⵉⵟ ⵏ ⵜⵉⴹⴰⴼ ⴰⴷ ⵜⴼⵓⵖ ⵣⵖ ⵟⵓⴱⵉⵙ. ⵎⴰⵏⵣⴰ ⴰⵢⵜ ⴷⴰⵔⵎ ⵎⴰⵏⵣⴰ ⴰⵔⴳⴰⵣ ⵍⵉ ⵔⴰⴽⵎ ⵉⴼⵔⴳ, ⵎⴰⵅ ⵍⵉⵖ ⵜⵎⵓⴷⵉⵜ ⵡⴰⵃⴷⵓⴽⵎ? ⵙⴰⵇⵙⴰⵏ ⴱⵓⵜⴰⵢⵏⴰ, ⵍⵉ ⵉⴳⴰⵏ ⵜⴰⵎⵖⵏⴰⵙⵜ ⵏ ⴰⵎⵓⵏ ⵓⵖⵔⵉⵎ ⵖ ⴰⵡⵜⴰⵢ ⵏ ⴽⵔⴰⴷ ⵉⴷ ⵎⵔⴰⵡ ⵏ ⵓⵙⴳⴰⵙ, ⵙ ⴰⴳⵕⴹ ⵉⵎⵇⵓⵔⵏ, ⵖⵔⴷ ⵉⴽⵔⴰⵏ ⵓⵔⴳⴰⵣ ⵣⵖ ⴰⵢⵜ ⴷⴰⵔⵎ ⴰⴽⵎⵉⵏ ⵢⴰⵡⵉ ⵣ ⵖⵉⴷ, ⵉⵄⵙⴰⵙⵏ ⴰⵔ ⵜⴱⵣⵉⵣⵏ ⵖ ⵜⵉⵣⵉ ⵏ ⵡⴰⵡⴰⵍ ⵍⵉ ⵉⵜⴽⴽⴰⵏ ⵎⴰⵢⵍⴽⵎⵏ ⵙ ⵢⴰⵜ ⵜⴰⵙⴰⵄⵜ ⵜⵉⵣⵉ ⵢⴰⵏ ⴰⵔⴳⵉⵙ ⵉⵜⵜⵇⵍ ⵟⵓⴱⵉⵙ ⵍⵉ ⵉⵄⵎⵔⵏ ⵙ ⵜⴰⵡⵊⵉⵡⵉⵏ ⵖ ⵉⴳⵉ ⵏ ⵓⵖⴰⵔⴰⵙ, ⴰⵔ ⵜⵛⵔⴰⵃ ⴱⵓⵜⴰⵢⵏⴰ. ⴰⵡⴰⵔ ⵏ ⵜⵥⴰ ⴷ ⵉⵙⴳⴳⴰⵙⵏ ⵏ ⵉⵎⵏⴰⵖⴰⵏ ⵖ ⵓⴳⵏⵙ ⵏ ⵍⵢⴰⵎⴰⵏ, ⵍⴰⵏⵜ ⴷⴰⵔ ⵜⵉⵎⵖⴰⵔⵉⵏ ⵜⵓⴳⵜ ⵏ ⵜⵉⵎⵓⴽⵔⵉⵙⵉⵏ ⵎⵇⵓⵔⵏ. ⵢⴰⵏ ⴳⵉⵙⵏ ⵉⴳⴰⵜ ⵓⴽⵔⴰⴼ ⵏ ⵓⵎⵎⵓⵙⵓ ⴷ ⴰⵙⴰⵢ ⵉⵃⵓⴷⴷⴰⵏ. ⴰⵔ ⵜⵛⵔⴰⵃ ⴱⵓⵜⴰⵢⵏⴰ ⵍⵉ ⵉⴷⴷⵔⵏ ⵖ ⵉⴼⴼⵓⵙ ⵏ ⵍⵢⴰⵎⴰⵏ, ⵎⴰⵙⴷ ⵙ ⵓⵙⵔⴰⴳ ⵏ ⵉⵎⵔⴷⵓⴽⵓⵜⵏ, ⴱⴰⵢⵏⴷ ⵜⵉⵏⵇⵇⴰⴷ ⵏ ⵜⵉⴹⴰⴼ ⵍⵉ ⵖⴰⵜⵙⵍⵉⵎⵓⵔ ⵉⵔⴰⵔⴰⴷⵏ ⵍⵉ ⵢⵓⵙⵉⵏ ⴰⵇⵔⵢⴰⵏ ⵖ ⴽⴰⵢⴳⴰⵜ ⴰⴷⵖⴰⵔ. ⴰⴼⴰⴷ ⴰⴷ ⵜⵜⴽ ⴷⴰⵔ ⵜⴰⵡⵊⴰ ⵏⵙ ⵖ ⵢⴰⵏ ⵓⴷⵖⴰⵔ ⵖ ⵓⴳⴰⴼⴰ ⵏ ⵍⵢⴰⵎⴰⵏ, ⴰⵔ ⵜⵙⴱⵉⵢⴰⵏ ⴱⵓⵜⴰⵢⵏⴰ ⵎⴰⵙⴷ ⵉⴳⴰ ⴼⵍⴰⵙ ⴱⵣⵣⵉⵣ ⴰⴷ ⵜⵣⵔⵉ ⵖ ⵜⵓⴳⵜ ⵏ ⵜⵉⵏⵇⵇⴰⴷ ⵏ ⵜⵉⴹⴰⴼ, ⵎⴰⵢⴰⴷ ⴰⴷ ⵢⵓⵊⵊⴰⵏ ⴰⵎⵓⴷⵓ ⴰⴷ ⵉⴽ ⵚⴷⵉⵚ ⵏ ⵜⵉⵙⵔⴰⴳⵉⵏ ⵉⵙⵎⴷⵏ. ⴷ ⵖ ⵎⴰⵔⵔⴰ ⵜⵉⵏⵇⵇⴰⴷ ⴰⵔ ⵜⵙⴰⵇⵙⴰⵏ ⵎⴰⵢⴳⴰⵏ ⴰⵙⵔⴰⴳ ⵏ ⵓⵎⵓⴷⵓ ⵏⵙ ⵡⴰⵃⴷⵓⵜ ⴷ ⴰⵔⴳⵉⵙ ⴹⴰⵍⴰⴱⵏ ⴰⴷ ⵜⴰⵡⵉ ⵢⴰⵏ ⵓⵔⴳⴰⵣ ⵣⵖ ⴰⵢⵜ ⴷⴰⵔⵙ ⵍⵉⵙ ⵉⵇⴷⵔ ⴰⵢⴳ ⴱⴰⴱⴰⵙ ⵏⵖⴷ ⴰⵔⴳⴰⵣ ⵏⵙ ⵏⵖⴷ ⴳⵯⵎⴰⵙ. ⴰⵔ ⵜⵜⵉⵏⵉ ⴱⵓⵜⴰⵢⵏⴰ ⵓⵔⵜⴰ ⵜⵙⴼⵓⴼⵉ: ” ⴰⵎⴰⵍⴰⴷ ⵍⵉ ⵙⴽⵔⵖ ⵉⴳⴰⵜ ⵍⵉⵖ ⵎⵎⵓⴷⵉⵖ ⴰⴼⴰⴷ ⴰⴷ ⵙⴼⵓⴳⵍⴰⵖ ⵙ ⵍⵄⵉⴷ ⴷ ⵜⴰⵡⵊⴰ ⵉⵏⵓ ⴷ ⴰⵥⵕⴰⵢ ⵏⵙⵏ”.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⴱⵓⵜⴰⵢⵏⴰ //
ⵉⴳⴰ ⵙⴰⵃⵜ ⵎⴰⵙ ⵜⴳⴰ ⵍⵢⴰⵎⴰⵏ ⵜⴰⵎⴰⵣⵉⵔⵜ ⵍⵉ ⴽⵓⵍⵓ ⵉⵥⵍⴹⵏ ⵖ ⵓⵎⴰⴹⴰⵍ ⴰⵄⵔⴰⴱ ⵜⵉⵣⵉ ⵍⵉⵖ ⵉⵍⵍⴰ ⵓⵎⵔⴷⵓⴽⵓ ⵙ ⵓⵇⵇⵔⵢⴰⵏ ⵏⴳⵔ ⵜⴰⵏⴱⴰⴹⵜ ⵜⴰⵢⴰⵎⴰⵏⵉⵜ ⵜⵙⴷⵓⵙ ⵙⴰⵄⵓⴷⵉⵢⴰ ⴷ ⵉⴳⵔⴰⵡⵍⴰⵢⵏ ⵍⵃⵓⵜⵉⵢⵉⵏ ⵍⵉ ⵜⵙⴷⵓⵙ ⵉⵕⴰⵏ ⵣⵖ ⵓⵙⴳⴰⵙ ⵏ 2014. ⴷ ⵣⵖ ⵄⴰⴽⵓⴷⴰⵏ, ⴰⵎⵏⵖⵉ ⴷ ⵍⵡⴰⴱⴰ ⴷ ⴰⴷⴷⵔⵓⵙ ⵏ ⴰⵎⴷⴷⵓⵔ ⵢⵓⵊⵊⴰ ⵜⴰⵎⴰⵣⵉⵔⵜ ⴰⴷ ⵜⴼⵔⵜⴽ ⴷ ⵣⴰⵢⴷⵏⵜ ⵉ ⵜⵉⵎⵓⴽⵔⵉⵙⵉⵏ ⴷ ⵜⴰⵎⵎⴰⵔⴰ ⵍⵉ ⵉⵍⵍⴰⵏ ⴼ ⵜⴰⵎⵖⴰⵔⵜ ⵜⴰⵢⴰⵎⴰⵏⵉⵜ. ⴰⵎⵎⴰⵥ ⵏ ⵜⵉⵎⵖⴰⵔⵉⵏ ⵉ ⵓⵏⵀⵍⵍⴰ ⴰⴷⵓⵙⴰⵏ ⵉⴳⴰ ⵢⴰⵜ ⵜⴰⵖⴰⵡⵙⴰ ⵉⵛⵇⴰⵏ, ⴷ ⴰⵎⵓⵙⵓ ⵏⵙⵏⵜ ⵉⵜⵜⵓⴽⵔⴰⴼ ⴷ ⵖⴰⵎⴰⵏⵜ ⵙⵓⵍ ⵜⵉⵎⵖⴰⵔⵉⵏ ⴷⴰⵔⵙⵏ ⵜⵎⵜⵉⵍ ⵉⴷⵔⵓⵙⵏ ⴱⴰⵀⵔⴰ ⵖ ⵉⴷⵖⴰⵔⵏ ⵉⵎⴰⵜⴰⵢⵏ ⴷ ⵉⵙⵜⴰⵢⵏ ⴷ ⵍⴰⵏ ⴷⴰⵔⵙⵏ ⵜⴰⵙⵖⵍⵜ ⵍⵉ ⴽⵓⵍⵓ ⵉⴷⵔⵓⵙⵏ ⵖ ⵜⵉⵍⴰⵍⵉⵏ ⵏ ⵜⴰⵏⴰⵔⴰ ⵖ ⵜⴰⵎⵢⴰⵇⵇⴰⵏⵜ ⵏ ⵜⴰⵏⴰⴳⵔⵉⵜ ⵜⴰⵏⴰⵎⵓⵔⵜ ⴷ ⵜⴰⴷⵖⵔⴰⵏⵜ, ⵖⵉⴽⵍⵉ ⵉⴱⴱⴷⵔ ⴰⵖⴰⵡⴰⵙ ⵏ ⵜⵉⵎⵜⵜⴰ ⵉⵏⴰⵎⵓⵏⵏ ⵏ ⵓⵙⴱⵓⵖⵍⵓ. ⵖ ⵓⵙⴳⴰⵙ ⵏ 2021, ⵜⵍⵍⴰ ⵍⵢⴰⵎⴰⵏ ⵖ ⵜⴰⵙⴽⵯⴼⵍⵜ 155 ⵣⵖ ⵍⴰⵚⵍ ⵏ 156 ⵖ ⴰⵏⵎⵎⴰⵍ ⵏ ⵜⴰⵎⴰⴳⵓⴳⵜ ⵏⴳⵔ ⵉⵔⴳⴰⵣⵏ ⴷ ⵜⵉⵎⵖⴰⵔⵉⵏ ⴰⴳⵔⴰⵖⵍⴰⵏ, ⵎⴰⵢⴰⴷ ⴰⴷ ⵉⵙⴱⴰⵢⴰⵏⵏ ⵢⴰⵏ ⵜⴰⴼⴰⵡⵓⵜ ⴱⴰⵀⵔⴰ ⵎⵇⵓⵔⵏ ⵏⴳⵔ ⵉⵔⴳⴰⵣⵏ ⴷ ⵜⵉⵎⵖⴰⵔⵉⵏ. ⴱⵓⵜⴰⵢⵏⴰ ⵜⴳⴰ ⵜⴰⵎⵖⴰⵔⵜ ⵍⵉ ⴽⵓⵍⵓ ⵉⵣⵡⴰⵔⵏ ⵖ ⵜⴰⵡⵊⴰ ⵏⵙ ⴰⴷ ⵜⴽⵎⵍ ⴰⵙⵍⵎⴷ ⵏⵙ ⴰⵏⴰⴼⵍⵍⴰ. ⴰⵔ ⵜⵙⵓⵡⵔⵉ ⵖ ⵉⴳⵔ ⴰⵏⴼⴳⴰⵏ ⵎⴰⵛ ⵍⴰⵏⵜ ⴼⵍⴰⵙ ⵖ ⵜⵉⵣⵉ ⵜⴰⵎⴳⴰⵔⵓⵜ ⵜⵓⴳⵜ ⵏ ⴰⵥⴰⵎⵏ ⵉⵅⵛⵏ ⴷ ⵓⵍⵍⴰ ⴰⴽ ⵜⵉⴽⵕⴹⵉ ⵖ ⵡⴰⵎⵓⵏ ⵏⵙ ⵎⴰⵢⴰⴷ ⴰⵢⵃⵓⴷⴷⴰⵏ ⵜⵉⵣⴹⵔⵜ ⵏⵙ ⵖ ⵡⴰⵡⴰⵍ ⴷ ⵓⵎⵎⵓⵙⵓ ⵙ ⵜⴰⴷⵔⴼⵉ. ⴰⵔ ⵜⵙⴰⵡⴰⵍ ⴼ ⵢⴰⵏ ⵓⵎⵏⴰⴹ ⵍⵉ ⵉⵙⵏⴼⵍⵏ ⵣⵖ ⵉⵥⵓⵔⴰⵏ ⵉ ⵜⴰⵎⵖⴰⵔⵜ ⵖ ⵍⵢⴰⵎⴰⵏ.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⴱⵓⵜⴰⵢⵏⴰ //
ⴰⵔ ⵜⵜⵉⵏⵉ ⴱⵓⵜⴰⵢⵏⴰ ⵎⴰⵙ ⵍⴰⵏⵜ ⵉⵎⵣⵉⵣⵣⵍⵏ ⵓⵙⴰⵏⴰⴷ ⵉⴳⴰⵏ ⴹⵉⴷ ⵏ ⵜⵉⵎⵖⴰⵔⵉⵏ ⵍⵉ ⵉⵙⴽⴰⵔⵏ ⵜⵉⵡⵔⵉⵡⵉⵏ ⵜⵉⵏⴼⴳⴰⵏⵉⵏ ⴷ ⴰⵔ ⵜⵜⵎⵓⵙⵓⵏⵜ ⵖ ⵜⵉⵙⴳⵉⵡⵉⵏ ⵏ ⵍⵎⴷⵉⵏⵜ ⴱⵍⴰ ⵎⵓⵏⵏⴻⵏⵜ ⵢⴰⵏ ⵖ ⴰⵢⵜ ⴷⴰⵔⵙⵏ ⵏⵖⴷ ⴰⵔ ⵜⵎⵓⴷⵓⵏⵜ ⵡⴰⵃⴷⵓⵜⵏ. ⵖ ⵜⵉⵣⵉ ⵢⴰⴷ, ⴰⵔ ⵏⵣⵣⵔⴰ ⵎⴰⵎⵏⴽ ⵙ ⴰⵙⵎⵔⵙⵏ ⵜⵉⵡⵔⴳⵍⵉⵏ ⵜⵉⵇⵇⴱⵓⵔⵉⵏ ⴷ ⵜⴰⵖⴰⵍⵉⵏ ⵜⵉⵇⵇⴱⵓⵔⵏ ⴰⴼⴰⴷ ⴰⴷ ⵙⵃⵍⵓⵏ ⵖⴰⵍⵉ ⵙⴽⴰⵔⵏ, ⴰⵛⴽⵓ ⵜⵓⵣⵏ ⵓⴳⴳⴰⵔ ⵏ ⵓⵙⵍⴳⵏ ⵓⵍⵖⵉⵏ ⴷ ⵛⴰⵔⵉⵄⴰ ⵜⴰⵉⵙⵍⴰⵎⵉⵜ.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⴱⵓⵜⴰⵢⵏⴰ //
ⴰⵔ ⵜⵜⵉⵏⵉ ⵔⵓⴷⴰⵢⵏⴰ, ⵜⴰⵙⵍⵎⴰⴷⵜ ⵏ ⵜⵓⵜⵍⴰⵢⵜ ⵜⵉⵏⴳⵍⵉⵣⵉⵜ ⴷ ⵜⴰⵏⵎⵀⴰⵍⵜ ⵍⵉ ⵉⴷⴷⵔⵏ ⵖ ⵜⴰⵎⴰⵥⵓⵏⵜ ⵚⴰⵏⵄⴰ, ⵎⴰⵙⴷ ⵓⵔ ⵜⵥⴷⴰⵔ ⴰⴷ ⵜⵙⴽⵔ ⵜⵓⴳⵜ ⵖ ⵓⵙⴰⵏ ⴰⴷ ⴱⵍⴰ ⵜⴰⵢⵢⵉⵀⵜ ⵏ ⴽⵔⴰⵏ ⵓⵔⴳⴰⵣ ⵖ ⴰⵢⵜ ⴷⴰⵔⵙ. ⴹⴼⴰⵔ ⴰⵙⵓⵔⵙ ⵏⵟⴰⵔⵏ ⵏ ⵜⴰⵎⵖⴰⵔⵜ ⵖ ⵍⵢⴰⵎⴰⵏ ⵣⵖ ⵓⵙⴳⴰⵙ ⵏ 2014 ⵍⵉⵖ ⴱⴷⴰⵏ ⵉⵎⵔⴷⵓⴽⵓⵜⵏ ⵙ ⵓⵇⵇⵔⵢⴰⵏ. ⴷ ⵉⴳⵔⴰⵡⵍⵉⵏ ⵍⵃⵓⵜⵉⵢⵉⵏ ⴰⴷⴷⴰⵔ ⵜⴰⵎⵙⵜⴳⴳⴰⵔⵜ ⵏ ⵍⵇⴰⵎⵄ ⵏ ⵜⵉⵎⵖⴰⵔⵉⵏ ⴷ ⴰⵙⵙⵓⴷⵔⵓⵙ ⵏ ⵓⵎⵓⵙⵓ ⵏⵙⵏⵜ ⴷ ⴰⵙⵍⴳⵎ ⵏⵙⵏ ⵣⵖ ⴰⵎⵎⴰⵥ ⵏ ⵜⵉⵍⴰⵍⵉⵏ ⵜⵉⵙⵔⵜⴰⵏⵉⵏ. ⵖ ⵜⵉⵣⵡⵉⵔⴰ ⵏ ⵓⵎⵏⵖⵉ, ⵙⴽⵔⵏⵜ ⵜⵉⵎⵖⴰⵔⵉⵏ ⵜⴰⵢⴰⵎⴰⵏⵉⵢⵉⵏ ⵜⵉⵙⴽⴰⵏⵉⵏ ⵍⵉ ⵉⴳⴰⵏ ⴹⵉⴷ ⵏ ⵜⴰⵏⴱⴰⴹⵜ ⴷ ⴷⵔⴰⵏⵜ ⵙ ⵢⴰⵏ ⴰⵎⴰⵖⵏⵓ ⵎⵇⵓⵔⵏ ⵖ ⵜⵉⵏⴰⵡⵜ ⵏ ⴰⵎⵙⴰⵡⴰⵍ ⴰⵏⴰⵎⵓⵔ ⴰⵢⴰⵎⴰⵏⵉ, ⵍⵉ ⵉⴳⴰⵏ ⵢⴰⵜ ⵜⵉⵣⵉⴳⵣⵜⵜ ⵏ ⴰⵎⵙⴰⵡⴰⵍ ⵏ ⵓⵙⵏⴼⵍ ⵉⴳⴰ ⴰⵡⵜⵜⴰⵙ ⵏⵙ ⴰⵙⵙⵎⵙⴰⵙⴰ ⵏⴳⵔ ⵉⵎⵎⵓⵙⵓⵜⵏ ⵍⵉⵏ ⵉⴳⴰⵏ ⵜⴰⵖⵏⴰⵏⵜ ⵖ ⵍⵢⴰⵎⴰⵏ ⴷ ⴰⵙⴷⵓⵙ ⵏ ⵜⴰⵏⴰⴳⵔⵉⵜ ⵖ ⵜⴰⵎⴰⵣⵉⵔⵜ. ⵖ ⴰⵔⵔⴰ ⵏⵙ ⴰⵎⴳⴳⴰⵔⵓ, ⵜⵉⵏⴰⵡⵜ ⵏ ⴰⵎⵙⴰⵡⴰⵍ ⴰⵏⴰⵎⵓⵔ ⵜⵙⵔⵙ ⴰⵙⵖⵍ ⵏ 30% ⵉ ⵜⴰⵎⵖⴰⵔⵜ ⵖ ⵎⴰⵔⵔⴰ ⵍⴱⵍⴰⵢⵙ ⵓⵏⴱⵉⴹⵏ ⵉⵍⵢⴰⵎⴰⵏⵉⵏ, ⴷ ⵓⵍⵍⴰ ⵖ ⵉⴽⴰⴱⴰⵕⵏ ⴷ ⵜⵉⵙⵇⵇⴰⵎⵉⵏ. ⵎⴰⵛ ⵖ ⵎⴰⴷ ⵢⴰⵥⵏ ⵙ ⵓⵙⴳⴰⵙ ⵏ 2015, ⴱⴷⴰⵏ ⵉⵙⴱⵉⵔⵉⵃⵏ ⴼ ⵓⴽⵔⵔⴰⴼ ⵏ ⴰⵎⵓⵙⵓ ⵏ ⵜⵉⵎⵖⴰⵔⵉⵏ ⴷ ⴰⴷⵔⴰⵡ ⵏⵙⵏⵜ ⵖ ⵜⵓⴷⵔⵜ ⵜⴰⵎⴰⵜⴰⵢⵜ ⴷ ⵜⴰⵙⵔⵜⴰⵏⵜ, ⵖⵉⴽⵍⵉ ⵙ ⵜⵜⵏⴰ ⵔⵓⴷⴰⵢⵏⴰ. ⵖⴰⵚⴰⴷ, ⵓⵔ ⵜⵣⴹⴰⵔ ⵜⴰⵎⵖⴰⵔⵜ ⵜⴰⵢⴰⵎⴰⵏⵉⵜ ⴰⴷ ⵜⵍⵜⴰⵖ ⵖ ⵜⵓⴳⴳⴰⵙ ⵏ ⴰⵙⴽⴰⵔ ⵏ ⵜⴰⵏⴰⴳⵔⵉⵜ ⵏⵖⴷ ⴰⴷⵔⴰⵡ ⵖ ⵜⵉⵏⴰⵡⵉⵏ ⵏⵖⴷ ⴰⴷⴰⵔⵙ ⵜⵉⵍⴰⵍⵉⵏ ⵜⵉⵙⵔⵜⴰⵏⵉⵏ. ⴷ ⵜⵙⵎⴷ ⵎⴰⵙⴷ: ⵓⵔ ⵏⵥⴹⴰⵔ ⴰⵏⵙⴽⵔ ⵡⴰⵍⵓ ⴱⵍⴰ ⴰⵢⵜ ⴷⴰⵔⵏⵖ ⵉⵔⴳⴰⵣⵏ.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵔⵓⴷⴰⵢⵏⴰ//
ⴰⵖⴰⵔ ⴰⴼⵙⵔ ⵏ ⵜⴰⵡⵍⴰⴼⵜ ⵏⴽ ⵖ ⵉⵥⵟⴰⵡⵏ ⵏ ⵓⵏⵢⴰⵍⴽⴰⵎ ⴰⵏⴰⵎⵓⵏ ⵉⵇⴷⵔ ⴰⴷ ⴼⵍⴰⴽ ⵢⵓⵔⵉ ⵙ ⵡⴰⵜⵉⴳ ⵉⴳⴳⵓⵜⵏ ⵖ ⵉⵏⴰⵎⵓⵏⵏ ⵍⵉⵖ ⵜⵍⴰ ⵜⵓⴳⴳⵓⵥⵜ. ⵏⵓⵕ, ⵜⴰⵙⵍⵎⴰⴷⵜ ⵏ ⵜⵓⵜⵍⴰⵢⵜ ⵜⴰⵄⵔⴰⴱⵜ ⵍⵉ ⴷⴷⴰⵔ 30 ⵏ ⵓⵙⴳⴰⵙ ⵜⴳ ⵜⴰⵎⵖⵏⴰⵙⵜ ⵖ ⵉⴳⵔ ⵏ ⵉⵏⵔⴼⴰⵏ ⵏ ⵜⵉⵎⵖⴰⵔⵉⵏ ⵖ ⵜⵓⵣⵓⵎⵜ ⵏ ⵍⵄⵉⵔⴰⵇ, ⵜⵓⵔⵎ ⵎⴰⵢⴰⵏ ⵙ ⵓⴳⴰⵢⵓⵏⵙ. ⵍⵉⵖ ⵜⴼⵙⵔ ⵜⵉⵡⵍⴰⴼⵉⵏ ⵏⵙ ⵖ ⵉⵥⵟⴰⵡⵏ ⵏ ⵓⵏⵢⴰⵍⴽⴰⵎ ⴰⵏⴰⵎⵓⵏ, ⵍⴽⵎⵏⵜⵜⵉⴷ ⵜⵀⴷⵉⴷⴰⵜ ⴷⴰⵔ ⵎⵉⴷⵏ ⵍⵉ ⵉⵍⵍⴰⵏ ⵖ ⵓⴷⵖⴰⵔ ⵍⵉⵖ ⵜⵣⴷⴰⵖ. ⵙⴰⵇⵙⴰⵏⵜ ⵎⴰⵏⵉⴷ ⵙⵉⵙ ⵜⴽⴽⴰ ⵣⵄⴰⵎⵜ ⴰⴷ ⵜⵙⵔⵙ ⵜⵉⵡⵍⴰⴼⵉⵏ ⵏ ⵓⴳⴰⵢⵓⵙ ⵖ ⵍⴰⵏⵜⵉⵕⵏⵉⵜ. ⵉⵅⵛⵏ ⵓⵙⵓⵔⵙ ⵉⵍⴽⵎ ⴰⵔ ⵜⴰⵙⴽⴼⵍⵜ ⵍⵉⵖ ⵜⵙⵢⴰⴼⴰ ⵏⵓⵕ ⵎⴰⵙⴷ ⵉⵇⴰⵏⴷ ⴰⴷ ⵜⴼⵓⵖ ⴰⴷⵖⴰⵔ ⵍⵉⵖ ⵜⴷⴷⵔ. ” ⴰⵔ ⵉⵜⵍⵜⴰⵣⴰⵎ ⵡⴰⵏⴰⵡ ⴰⴷ ⵏ ⵉⴷⵖⴰⵔⵏ ⵙ ⵢⴰⵏ ⵡⴰⵏⴰⵡ ⵏ ⴰⵏⴳⵔⴰⵡ ⵏ ⵜⴰⵇⴱⵉⵍⵜ ⴷ ⴰⵙⴳⴷ ⵍⵉⵖ ⵓⵔ ⵉⵜⵉⵇⴱⴰⵍ ⵖ ⵜⴰⵙⴳⴰ ⵜⴰⵏⴰⵎⵓⵏⵜ ⴰⴷ ⵜⴼⵙⵔⵜ ⵜⵉⵡⵍⴰⴼⵉⵏ ⵏⴽ ⵉⵖ ⵜⴳⵉⵜ ⵜⴰⵎⵖⴰⵔⵜ. ⵉⵇⴰⵏⴷ ⴰⵜⵜⵉⵍⵉ ⵜⴰⵎⵖⴰⵔⵜ ⵖⴰⵔ ⵖ ⵜⵉⴳⵎⵉ ⵖ ⵡⴰⵎⵓⵏ ⴰⴷ. ⴰⵔ ⵜⵜⵉⵏⵉ ⵏⵓⵕ: ⵔⵣⵉⵖ ⵉⵍⵓⴳⵏⵏ ⵉⵏⴰⵎⵓⵏⵏ ⴷ ⵜⵉⵖⴰⵍⵉⵏ ⵏ ⵡⴰⵎⵓⵏ ⵍⵉⵖ ⴼⵙⵔⵖ ⵜⵉⵡⵍⴰⴼⵉⵏ.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵏⵓⵕ //
ⴷⴷⵔ ⵏⵓⵕ ⵖⴰⵚⴰⴷ ⵖ ⵜⴰⵎⵏⴰⴹⵜ ⵉⵏⴰⵃⵢⴰⵏ ⵖⵉⵍⵉ ⵖⵓⵔ ⴰⵜⵜⵄⵔⴰⴹ ⵉ ⵉⵎⵓⴽⵔⵉⵙⵏ ⴷ ⵉⵙⴷⵓⴷⵓⵢⵏ ⵙ ⵓⵙⵔⴰⴳ ⵏ ⵓⵎⵎⵓⵙⵓ ⵏⵙ. ⴷ ⴰⵔ ⵜⵙⵓⵜⵓⵔ ⴰⴷ ⵜⵥⵔ ⵓⴳⴰⵔ ⵏ ⵜⵉⵎⵖⴰⵔⵉⵏ ⵖ ⵜⵉⵍⴰⵍⵉⵏ ⵜⵉⵙⵔⵜⴰⵏⵉⵏ ⵖ ⵍⵄⵉⵔⴰⵇ ⴷ ⴰⴷ ⵜⵜⵓⴼⴽⴰ ⵉ ⵜⵎⵖⴰⵔⵜ ⵓⴳⴰⵔ ⵏ ⵉⵣⵔⴼⴰⵏ ⴷ ⴰⴼⵔⴳ ⵓⵍⴳⵉⵏ. ⵣⵓⵏⴷ ⵏⵉⵜ ⵍⵢⴰⵎⴰⵏ, ⵍⵄⵉⵔⴰⵇ ⵉⵍⴰ ⵖ ⵓⵙⵡⵉⵔ ⴰⵎⴳⴰⵔⵓ ⵖ ⵉⵏⵎⵎⴰⵍⵏ ⵏ ⵜⵎⴰⴳⵓⴳⵜ ⵏⴳⵔ ⵜⵉⵎⵖⴰⵔⵉⵏ ⴷ ⵉⵔⴳⴰⵣⵉⵏ. ⵖ ⵓⵙⴳⴰⵙ ⵏ 2021, ⵉⵍⵍⴰ ⵍⵄⵉⵔⴰⵇ ⵖ ⵜⴰⵙⴽⴼⵍⵜ 154 ⵣⵖ 156 ⵖ ⴰⵏⵎⵎⴰⵍ ⵏ ⵜⵎⴰⴳⵓⴳⵜ ⵏⴳⵔ ⵜⵉⵡⵙⴰⵜⵉⵏ ⴰⴳⵔⴰⵖⵍⴰⵏ ⵏ ⴰⵙⴳⵔⴰⵡ ⴰⴷⵎⵙⴰⵏ ⴰⴳⵔⴰⵖⵍⴰⵏ, ⵖⴰⵍⵉ ⵉⵎⵎⴰⵍⴰⵏ ⵎⴰⵙⴷ ⵉⵍⵍⴰ ⵢⴰⵏ ⵓⵏⴰⵃⵢⴰ ⴱⴰⵀⵔⴰ ⵎⵇⵓⵔⵏ ⵏⴳⵔ ⵉⵔⴳⴰⵣⵏ ⴷ ⵜⵉⵎⵖⴰⵔⵉⵏ. ⴷ ⵜⵙⵎⴷ ⵏⵓⵕ ⵎⴰⵙⴷ ⵜⴰⵎⴰⵔⴰ ⵏ ⵜⵉⵎⵖⴰⵔⵉⵏ ⵜⵍⵍⴰ ⵓⵍⴰ ⵖ ⵉⴷⵖⴰⵔⵏ ⵏ ⵜⴰⵡⵔⵉ ⵖ ⵍⵄⵉⵔⴰⵇ, ⴰⵛⴽⵓ ⵓⵔ ⵍⴰⵏⵜ ⵉⵏⵎⵓⵍⵍⴰ ⵏⵖⴷ ⵉⵏⵎⵓⵍⵍⴰ ⵉⵙⵓⵡⵔⵉⵏ ⵖ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵜⴰⵎⵖⴰⵔⵜ. ⵉⵍⵍⴰ ⵢⴰⵏ ⵓⵏⵖⵓⴱⵓ ⵜⴰⵏⴱⴰⴹⵜ ⵏ ⵓⵙⵍⴳⵏ. ⴰⵔ ⵜⵜⵉⵏⵉ ⵏⵓⵕ ⵎⴰⵙⴷ ⵜⵉⵎⵖⴰⵔⵉⵏ ⵉⵍⵍⴰ ⴼⵍⴰⵙⵏⵜ ⵍⵇⴰⵎⵄ ⴰⵛⴽⵓ ⵀⵍⵍⵉ ⴰⵔ ⴹⴰⵍⴰⴱⵏⵜ ⵙ ⵉⵣⵔⴼⴰⵏ ⵏⵙⵏⵜ ⴷ ⵎⴰⵢⴰⴷ ⵉⴳⴰ ⴱⴰⵢⵟⵟⴰⵔ ⵉ ⵜⴰⵏⴰⴳⵔⵉⵜ ⵖ ⵍⵄⵉⵔⴰⵇ.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵏⵓⵕ //
ⵎⵓⵏⴰ, ⵜⴰⵎⵖⴰⵔⵜ ⵍⵉ ⴷⴷⴰⵔ 50 ⵏ ⵓⵙⴳⴰⵙ ⴷⴷⵔ ⵖ ⵉⴼⴼⵓⵙ ⵏ ⵍⵄⵉⵔⴰⵇ, ⵜⵣⵔⵉ ⵖ ⵜⵓⴳⵜ ⵏ ⵉⵎⴰⵖⵏ ⴰⴼⴰⴷ ⴰⴷ ⵜⵙⴷⵓⵙ ⵉⵣⵔⴼⴰⵏ ⵏ ⵜⵎⵖⴰⵔⵜ ⵖ ⵓⴹⵓⵡⴰⵔ ⵏⵙ ⴷ ⵖ ⵜⴰⵡⵔⵉ ⵏⵙ ⵜⴰⵏⵖⵎⴰⵙⵜ. ⵎⴰⵛ ⵍⵎⵓⵃⵔⴰⵎⴰⵜ ⵜⵉⵏⴰⵎⵓⵏⵉⵏ ⵙⵓⵍ ⴰⵔ ⴹⵉⵚⵏ ⴼ ⵜⴰⵎⵖⵏⴰⵙⵜⴰⴷ ⵜⴰⵎⴰⴼⴰⵢⵜ ⵖ ⵉⵣⵔⴼⴰⵏ ⵏ ⵜⴰⵎⵖⴰⵔⵜ ⴷ ⴰⵡⵉⴷⵉ. ⵎⴰⵢⴰⴷ ⵉⵖⵓⵔ ⵏⵥⵔⴰ ⵉⵎⵓⴽⵔⵉⵙⵏ ⵍⵉⴷⴷⴰ ⵜⵜⵎⴰⴳⴰⵔ ⵉⵖ ⵜⵔⴰ ⴰⴷ ⵜⵎⵓⴷⵓ ⵍⵉⵖ ⵜⴰⵏⵖⵎⴰⵙⵜ, ⴰⵔ ⵜⵜⵉⵏⵉ ⵎⵓⵏⴰ ⵎⴰⵙⴷ ⴰⵔⴼⵍⴰⵙ ⵉⵜⵜⴳⴰ ⴱⵣⵉⵣ ⴰⴷ ⵜⴼⵍ ⵜⴰⵢⵔⵉ ⵏⵙ ⵎⵇⵓⵔⵏ ⵍⵉ ⵉⴳⴰⵏ: ⴰⵍⵜⴰⵖ ⵖ ⵜⵉⵖⵓⵔⵉⵡⵉⵏ ⵏ ⵜⴰⵎⴷⵢⴰⵣⵜ ⴷ ⴰⵙⴽⴰⵔ ⵏ ⵜⴰⵎⴷⵢⴰⵣⵜ ⵏ ⵜⴰⵙⵓⴽⵜ ⵙ ⵓⵙⵔⴰⴳ ⵏ ⵙⴱⴱⴰⵏ ⴷ ⴰⵡⴰⵍ ⵏ ⵎⵉⴷⵏ ⵉⵎⴰⴷⵓⵜⵏ ⵍⵉ ⵉⵍⵍⴰⵏ ⵖ ⵓⴹⵡⴰⵔ ⵏⵙ.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵎⵓⵏⴰ //
ⵡⴰⵅⴰ ⵜⵉⵎⴰⵔⵉⵡⵉⵏ ⵉⵛⵇⴰⵏ ⵍⵉ ⵉⵍⵍⴰⵏ ⴼ ⵜⵉⵎⵖⴰⵔⵉⵏ ⵍⵉ ⵉⴹⴰⵍⴰⴱⵏ ⵙ ⵓⵣⵔⴼ ⵏⵙⵏⵜ ⵖ ⵓⵍⴽⴽⴰⵎ ⵙ ⵜⵓⴷⵔⵜ ⵜⴰⵎⴰⵜⴰⵢⵜ ⴷ ⵜⴰⵙⵔⵜⴰⵏⵜ ⵖ ⵡⴰⵎⵓⵏ ⵏⵙⵏⵜ, ⵎⴰⵖⵏⵜ ⵓⴽⴰⵏ ⵙⵓⵍ ⵜⵉⵎⵖⴰⵔⵉⵏ ⵍⵉⴷⴷⴰ ⵏⵙⴽⵔ ⵉⵏⵎⵓⵇⴰⵔⵏ ⵖ ⵍⵒⵓⴷⴽⴰⵙⵜ ⴰⴷ ⴼ ⵉⵣⵔⴼⴰⵏ ⵏⵙⵏⵜ. ⵖ ⵜⴰⵙⴷⵉⵜ ⵜⵉⵙ 3 ⵣⵖ ⵍⵒⵓⴷⴽⴰⵙⵜ ⵍⵉ ⵙⵉⵖ ⵉⵥⵍⵉⵏ. ⵔⴰⵏⵙⴼⵍⴷ ⵉ ⵜⵓⴳⵜ ⴼ ⵜⵓⴳⴳⴰⵙ ⵏ ⵉⵎⵖⵏⴰⵙⵏ ⵍⵉ ⵙⴽⴰⵔⵏ ⴰⴼⴰⴷ ⴰⴷ ⵏⵏⵔⵓⵏ ⵍⵎⵓⵃⵔⴰⵎⴰⵜ ⵉⵏⴰⵎⵓⵏⵏ ⴷ ⴰⵔ ⴹⴰⵍⴰⴱⵏ ⵙ ⵓⴳⴰⵔ ⵏ ⵓⵍⴽⴽⴰⵎ ⵙ ⵜⵓⴷⵔⵜ ⵜⴰⵎⴰⵜⴰⵢⵜ ⴷ ⵜⴰⵙⵔⵜⴰⵏⵜ. ⵖ ⵜⵉⵣⵉ ⵢⴰⵏ ⵏⵉⵜ, ⴱⵓⵜⴰⵢⵏⴰ, ⵜⴰⵎⵙⵓⵡⵔⵉⵜ ⵜⴰⵏⴰⴼⴳⴰⵏⵜ ⵖ ⵍⵢⴰⵎⴰⵏ ⵍⵉ ⴷⴷⴰⵔ 32 ⵏ ⵓⵙⴳⴰⵙ, ⴰⵔ ⵜⵣⵔⵉⵔⵉ ⴼ ⴰⵙⵜⴰⵡⵀⵎⵓ ⵏ ⵡⴰⵔ ⴰⵙⵍⴰⴽ, ⵎⵇⵇⴰⵔ ⵖ ⵓⵙⴽⵍⵓ ⵏ ⵜⵉⵙⵓⵜⴰⵍ ⵍⵉ ⴽⵓⵍⵓ ⵉⵛⵇⵇⴰⵏ ⵍⵉⵖ ⴰⵜⵣⵔⴰⵢ ⵜⴰⵎⴰⵣⵉⵔⵜ ⵏⵙ ⵖ ⵜⵉⵣⵉ ⵢⴰⴷ. ⴰⵔ ⵜⵜⵉⵏⵉ ⴱⵓⵜⴰⵢⵏⴰ: “ⴰⵔ ⵜⵛⵊⴰⵄⴰⵔ ⵎⴰⵔⵔⴰ ⵜⵉⵎⵖⴰⵔⵉⵏ ⵏ ⵍⵢⴰⵎⴰⵏ ⴰⴷⵓⵔ ⵙⵔⵙⵏⵜ ⴰⴼⵓⵙ ⴷ ⴰⴷⵓⵔ ⵙⴱⵉⴷⵏ ⵜⴰⵎⴰⵖⵜ, ⵉⵇⵇⴰⵏⴷ ⴼⵍⴰⵖ ⴰⵏⵖⴰⵎⴰ ⵏⵏⵎⴰⵖ ⴰⵔ ⵓⵏⴼⵓⵙ ⴰⵎⴳⴰⵔⵓ”.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⴱⵓⵜⴰⵢⵏⴰ //
