ⴰⵄⵔⵉⵎ ⴰⵎⵖⵔⵉⴱⵉ ⴷⴰⵔⵙ ⴰⴼⵔⴰⴽ ⴰⵙⵔⵜⴰⵏ, ⴷ ⵉⵙⵏ ⵎⴰⴷ ⵉⵙⵓⵜⵍⵏ ⵏ ⵉⵎⵓⴽⵔⵉⵙⵏ ⵉ ⵡⴰⵎⵓⵏ ⵏⵙ ⴷ ⵍⵎⵓⵄⵉⵇⴰⵜ, ⴷ ⵍⴰⵎⵜⵉⵍⴰ ⴳⵓⵜⵏ ⴼ ⵉⵔⵉⵎⵏ ⵍⵉ ⴷⵉⵙⴱⴰⵢⵏ ⵉⵄⵔⵉⵎⵏ ⵖ ⵓⵎⵣⵡⴰⵔⵓ ⵏ ⴰⵎⵥⵕⵉ ⴰⴳⴷⵓⴷⴰⵏ, ⵔⴰⵏ ⴰⵙⵏⴼⵍ ⴷ ⴰⵔ ⵜⴳⴰⵏ ⵜⴰⵖⵓⵢⵉⴷ ⴹⵉⴷ ⵏ ⵓⵙⴳⵓⴼⵙⵓ ⴷ” ⵍⵃⵓⴳⵔⴰ”, ⴷ ⴰⵔⴹⴰⵍⴰⴱⵏ ⵙ ⵜⵖⴰⵔⴰⵙⵉⵏ ⵏ ⵍⵄⴰⵢⵛ ⵍⴽⴰⵔⵉⵎ ⴷ ⵜⴰⵣⵔⴼⵜ ⴷ ⵍⴽⴰⵔⴰⵎⴰ ⴷ ⵉⵃⵉⵢⴷ ⵓⵙⴳⵓⴼⵙⵓ ⴷ ⵍⵉⵙⵜⵉⴱⴷⴰⴷ. ⴷ ⵓⵔⵉⴳⴰ ⵓⵎⵎⵓⵙⵓ ⵏ 20 ⴼⴰⴱⵔⴰⵢⵔ ⴷ ⵎⴰⵜⵉⴷ ⵉⵜⴰⴱⵄⴰⵏ ⵣⵖ ⵉⵎⵎⵓⵙⵓⵜⵏ ⵖ ⵜⵉⵎⴷⵉⵏⵉⵏ ⵎⵇⵓⵔⵏ ⵏⵖⴷ ⵅⵜⵉⵍⵉ ⴷⵉⴼⵓⵖⵏ ⵖ ⵜⵉⵙⴳⵉⵡⵉⵏ ⵍⵉ ⵉⵔⵡⴰⵙⵏ ⵜⴰⵎⴷⵉⵏⵜ ⴷ ⵓⵍⵍⴰ ⵍⴱⴰⴷⵉⵢⴰ ⴰⵖⴰⵔ ⵢⴰⵏ ⵏⴰⵎⵓⴷⴷⴰⵊ ⴰⵎⵥⵢⴰⵏ ⵏ ⴰⴱⵔⵉⴷ ⵏ ⵜⴰⴷⵔⴰⵡⵜ ⵜⴰⵄⵔⵎⴰⵏⵜ ⵍⵉ ⵉⵙⵜⵉⵏ ⵜⵄⴱⵉⵔ ⴼ ⵍⵉⵀⵜⵉⵎⴰⵎⴰⵜ ⵏⵙⵏ ⵙ ⵜⵉⵖⴰⵡⵙⵉⵡⵉⵏ ⴷⴷⴰⵔ ⵜⴰⵣⴷⴰⵢⵜ ⵙ ⴰⵎⵓⵔ (ⴰⵙⵔⵜⴰⵏ – ⴰⴷⵎⵙⴰⵏ – ⴰⵏⴰⵎⵓⵏ – ⴰⴷⵍⵙⴰⵏ …. ⴷ ⵡⵉⵢⴰⴹ) ⵣⵖ ⵜⴰⵖⴰⵔⴰⵙⵜ ⵏ ⴰⵙⵢⵔⴰⵔ ⴰⴳⴷⵓⴷⴰⵏ ⵍⵉⵖ ⵉⴳⴰ ⵉⴳⵔ ⴰⴳⴷⵓⴷⴰⵏ, ⵣⵄⵎⴰ ⵢⴰⵏ ⵉⴳⵔ ⵍⵉ ⵉⴳⴰⵏ ⵡⵉⵏ ⴰⵣⵔⴼ ⴰⴳⴷⵓⴷⴰⵏ, ⵍⵉⵖ ⵍⴰⵏⵜ ⵎⴰⵔⵔⴰ ⵉⵣⵎⴰⵔ ⵏ ⵡⴰⵎⵓⵏ ⵉⵜⵜⵓⵙⴰⵏ ⵙ ⴰⴳⴳⴰⴹ ⵏ ⴰⵙⵍⴳⵏ ⴷ ⴷⵓⵙⵜⵓⵔ. ⴷ ⵎⴰⵢⴰⴷ ⵍⵉⵖ ⵓⵔ ⵣⴷⴰⵔⵏⵜ ⵜⵉⵎⵔⵙⴰⵍ ⵜⵉⵙⵔⵜⴰⵏⵉⵏ, ⵏ ⵉⵎⵓⵍⵍⵉⵏ ⵙ ⴰⵎⴰⵖⵏⵉⵓ ⵉⵥⵍⵉⵏ- ⵖ ⴰⵙⵙⴰⵏ ⵏ ⵎⴰⴷⵔⴰⵏ ⵉⵄⵔⵉⵎⵏ ⴷ ⵜⴰⴷⴷⵔⵜ ⵏ ⵜⵉⵙⵡⵉⵏⴳⵉⵎⵉⵏ ⵏⵙⵏ, ⵙⵍⴰⵡⴰⵏ ⴰⴽⴽ, ⵉⵖ ⵏⵙⵏ ⵎⴰⵙⴷ ⵉⵄⵔⵉⵎⵏ ⴳⴰⵏ ⴰⴳⵣⵣⵓⵎ ⵍⵉ ⴽⵓⵍⵓ ⵎⵇⵓⵔⵏ ⵖ ⵍⵀⴰⵔⴰⵎ ⵏ ⵉⵎⵣⴷⴰⵖⵏ ⵏ ⵍⵎⵖⵔⵉⴱ.
ⴷ ⵉⵖⴰ ⵏⵜⵜⴰⵏⴰⵢ ⵖ ⵉⵙⵔⴰⴳⵏ ⵍⵉ ⵉⵚⵓⴳⵏ ⵉⵄⵔⵉⵎⵏ ⵏ ⵍⵎⵖⵔⵉⴱ ⵉ ⵓⴼⵔⵜⵍ ⵖ ⵉⵙⴽⵔⴰⴼ “ⵍⵉⴷⵢⵓⵍⵓⵊⵉⵢⴰ” ⵖⵓⵎⵣⵡⴰⵔⵓ ⵏ ⵉⵙⵔⴰⴳⵏ ⵉⵃⴰⴷⵔ ⵍⵄⵓⵏⵚⵓⵔ ⵏ ⵓⴼⵜⵜⴰⵢ ⵏ ⵉⴱⵓⴷⴰ ⵍⵉⴷⵢⵓⵍⵓⵊⵉⵏ ⴷ ⵍⵡⴰⵙⴰⵢⵜⵉⵢⴰ ⵉ ⵜⵎⴰⵣⵉⵔⵜ, ⴷ ⵉⴷⵔⵓⵙ ⴰⵙⵙⴰⵏ ⵏⵙ ⵉ ⴰⵎⵎⴰⵖ ⴼ ⵜⵉⵎⵙⵍⴰⵢⵉⵏ ⵏⵙ ⴷ ⵍⵉⵏⵛⵉⵖⴰⵍⴰⵜ ⵏⵙ, ⵜⵉⵎⵔⵙⴰⵍ ⵏ ⵓⵏⵢⴰⵍⴽⴰⵎ, ⴷ ⵎⴰⵢⴰⴷ ⵉⴳⴰ ⵜⴰⵢⴰⴼⵓⵜ ⵉ ⵓⵙⵎⵔⵙ ⵉⴳⵓⵜⵜⵏ ⵍⵉ ⵉⵍⵍⴰⵏ ⵖ ⵜⵉⵣⵉⴳⵣⵜ ⵜⴰⵙⵔⵜⴰⵏⵜ ⴷ ⵜⴰⴷⴰⵎⵙⴰⵏⵜ, ⵙⵎⴷⴰⵙ ⵓⵍⵍⴰ ⵉⵙⵔⴰⴳⵏ ⵉⵏⵉⵎⴰⵏⵏ, ⴼ ⵖⵉⴽⴰⵏ ⴰⵙ ⵉⴽⴽⴰ ⵛⴰⴽ ⵎⴰⵔⵔⴰ ⵍⴰⵍⵉⵢⴰⵜ ⵏ ⵓⵙⵎⴷⵢⴰ ⵉ ⵓⵏⵎⵓⵔⵉ, ⴷ ⴰⵔ ⵎⴰⵏⵉ ⵜⵍⴽⵎ ⵖ ⵜⴰⴼⴰⵄⵓⵍ ⵏⵙ ⴷ ⴰⵔⵔⴰⵔ ⴼ ⵍⵃⴰⵊⵉⵢⴰⵜ ⴷ ⵖⴰⵍⵉ ⵙⴰⴷ ⵜⵇⵇⵍⵏ ⵍⵉ ⵏⴰⵏ, ⵙ ⵖⵉⴽⴰⴷ ⵎⴰⵜⴳⴰ ⵍⴼⴰⵢⵜ ⵏ ⵓⴷⵔⴰⵡ ⴰⵙⵔⵜⴰⵏ ⵉⵖ ⴷⴰⵔⵙ ⵓⵔ ⵍⵉⵎⵜⵉⴷⴰⴷ ⴰⴷ ⵣⵔⵏ ⵜⴰⵢⴰⴼⵓⵜ ⵏⵙ ⵖ ⵜⵓⴷⵔⵜ ⵏⵙⵏ.
ⴷ ⵉⴼⵓⵖⵜ ⵛⴽ ⵎⴰⵙⴷ ⵍⵄⵓⵣⵓⴼ ⵏ ⵉⵄⵔⵉⵎⵏ ⵖⴰⵚⴰⴷ ⵣⵖ ⴰⴷⵔⴰⵡ ⴰⵙⵔⵜⴰⵏ ⴰⵔⴷ ⵉⵜⵜⵓⵔⵉ ⵓⵙⵔⴰⴳⵏⵙ ⵉ ⵡⴰⵔ ⴰⵙⴱⵓⵖⵍ ⵏ ⵜⴰⴷⵍⵙⴰ ⵖ ⵜⴰⵎⴰⵣⵉⵔⵜ ⵏⵖ ⵣ ⵍⵇⵉⵢⴰⵎ ⵜⵉⵙⵔⴰⵏⵏ ⵜⵉⵜⵔⴰⵔ ⵜⵉⴷⵉⵎⵓⵇⵔⴰⵟⵉⵏ. ⴷ ⵎⴰⵢⴰⴷ ⵉⴳⴰ ⵓⴷⵎ ⴰⵎⵣⵡⴰⵔⵓ ⵣⵖ ⵉⵙⵔⴰⴳⵏ ⵍⵉ ⵉⵄⵎⵔⵏ ⵙ ⵜⵉⵎⵔⵙⴰⵍ ⵍⵉ ⵉⵜⵎⵜⵜⴰⵍⵏ ⴰⵏⵎⵓⵔⵉ ⵣⵖ ⵍⴱⴰⵔⵍⴰⵎⴰⵏ ⴷ ⵉⵙⵇⵇⵉⵎⵏ ⵏ ⵓⴷⵖⴰⵔ ⵍⵉ ⵉⵜⵜⵓⵢⵙⵜⴰⵢⵏ … ⴰⴼⴰⴷ ⴰⵜⴽⵛⵎ ⵙ ⵖⵉⴽⴰⵏ ⵢⴰⵜ ⵍⵃⴰⵍⵜ ⵏ ⵜⴰⵙⵙⴰⵙⵜ ⵃⴰⵇⴰⵏ ⵔⴰⴷ ⵜⴼⴽ ⵜⵓⴳⵜ ⵏ ⵉⵙⵇⵙⵉⵜⵏ ⴼ ⵜⵉⵍⴰⵍⵜ ⵏⵙ ⴷ ⵛⴰⵔⵄⵉⵢⴰ ⵏⵙ. ⴰⵏⵓⵜ ⴰⵡⴰⵍ ⵖ ⵓⴼⵍⵍⴰ ⵓⵔⵙⵓⵍ ⵉⵍⵍⴰ ⴷⴰⵔ ⵜⵉⵎⵔⵙⴰⵍ ⵍⵉ ⵉⵜⵜⵎⵜⵜⴰⵍⵏ ⴰⴳⴷⵓⴷ ⴰⵙⵏⵜⵉ ⴰⵙⵔⵜⴰⵏ-ⴰⵏⴰⵎⵓⵏ ⴰⵔⵙⵉⵙ ⵜⵙⴽⴰⵔ ⵖ ⵜⴰⵡⵔⵉ ⵏⵙ, ⴷ ⵓⵔⴰ ⵏⵜⵜⴰⴼⴰ ⴰⴱⵍⴰ ⵉⵎⴷⵢⴰⵜⵏ ⴼ ⵎⴰⵎⵏⴽ ⵔⴰⴷ ⵜⵍⴽⵎ ⵜⴰⵏⴱⴰⴹⵜ.
