ⴰⵔ ⵜⴰⵔⵎⵏ ⵉⵄⵔⵉⵎⵏ ⵖⴰⵚⴰⴷ ⴰⵙⵏⴼⵍ ⴷ ⴰⵙⴱⵓⵖⵍⵓ ⵏ ⵜⵉⵎⵙⵓⵜⴰⵍ ⵏ ⵜⵓⴷⵔⵜ ⵏⵙⵏ ⵜⴰⵏⴰⵎⵓⵏⵜ ⴷ ⵜⴰⴷⴰⵎⵙⴰⵜ ⵙ ⵜⴰⵡⵔⵉ ⵏⵙ ⵖ ⵓⴽⵛⵓⵎ ⵙ ⵜⵓⴷⵔⵜ ⵜⴰⵙⵔⵜⴰⵏⵜ, ⴰⵥⵓⵥⴹ ⵣⵖ ⴷⴰⵔⵙ ⵖ ⵓⵙⴳⴳⵉⴷⵉ ⴷ ⴰⵙⴽⴰⵔ ⵏ ⵜⵉⵍⴰⵍⵜ ⵏⵙ ⵜⴰⵏⴰⵎⵓⵏⵜ – ⵜⴰⵙⵔⵜⴰⵏⵜ, ⵎⴰⵛ ⵎⴰⵏⵣⴰ ⵜⵉⵍⴰⵍⵜ ⵏ ⵉⵄⵔⵉⵎⵏ ⵏ ⵍⵓⴱⵏⴰⵏ ⵖ ⵜⵓⴷⵔⵜ ⵜⴰⵙⵔⵜⴰⵏⵜ?
ⵙⵓⵍ ⵏⴷⴷⵔ ⵉⴳⵉ ⵏ ⵎⴰⴷ ⵉⵖⴰⵎⴰⵏ ⵣⵖ ⴰⵎⵏⵖⵉ ⴰⵖⴰⵔⵉⵎ, ⴰⵔ ⵏⵙⵔⵓⵎ ⵉⴳⵓⵎⵎⴰ ⵏⵙ ⴷ ⴰⵔ ⵏⴼⵔⵔⵓ ⴰⵜⵉⴳ ⵏⵙ, ⵖ ⵓⵙⴽⵍⵓ ⵏ ⵢⴰⵏ ⵓⵏⴳⵔⴰⵡ ⴰⵙⵔⵜⴰⵏ ⵍⵉ ⵢⵓⵔⵓ ⴰⵎⵏⵖⵉ ⵣⵖ ⵓⴳⴰⵔ ⵏ ⵇⵓⵣ ⵉⴷ ⵎⵔⴰⵡ ⵏ ⵓⵙⴳⴰⵙ, ⵎⴰⴷ ⵢⵓⵊⴰⵏ ⵉⵄⵔⵉⵎⵏ ⵓⵔ ⵜⵙⵓⵡⵇⵏ ⴷ ⴱⵉⵏ ⵍⵢⴰⵙ ⵣⵖ ⵓⴽⵛⵓⵎ ⵖ ⵜⵓⴷⵔⵜ ⵜⴰⵙⵔⵜⴰⵏⵜ, ⴰ ⴱⵍⴰ ⵡⵉⵍⵉ ⵢⴰⴷⵍⵉ ⵉⵍⵍⴰⵏ ⵖ ⵉⴽⴰⴱⴰⵔⵏ ⵏ ⵜⴰⵏⴱⴰⴹⵜ ⵍⵉ ⵉⵥⵔⴰⵏ ⵍⵉⵚⵍⴰⵃ ⵖ ⴰⵎⵖⴰⵔ ⵏ ⵟⴰⵢⴼⴰ ⵏⵖⴷ ⴰⵎⵓⵍⵍⵉ ⴱⵍⴰ ⵜⵙⵓⵡⵇⵏ ⵉ ⵢⴰⵏ ⴰⵎⵓⵔ ⵍⵉ ⵜⵛⵔⴷⵏ ⵉⴷ ⴱⴰⴱⵏⵙ ⵖ ⵓⵙⴽⵍⵓ ⵏ ⵍⵉⵏⵀⵉⵢⴰⵔ ⴰⴷⵎⵙⴰⵏ, ⴰⵏⴰⵎⵓⵏ – ⵍⴰⵎⴰⵏ.
ⵙ ⵡⴰⵍⴽⵉⵎ ⵏ ⵓⵙⴳⴰⵙ ⵏ 2019 ⵢⵓⵔⵎ ⵓⵄⵔⵉⵎ ⴰⵍⵓⴱⵏⴰⵏⵉ ⴰⴷ ⵉⵃⵉⵢⴷ ⵖⴰⵍⵉ ⴷⵉⵜⴼⵍ ⵟⴰⴱⴰⵇⴰ ⵜⴰⵙⵔⵜⴰⵏⵜ ⵜⴰⵙⴳⵓⴼⵙⵓⵏⵜ ⴷ ⵉⵙⵍⵍⵡⵉ ⵏ ⵍⵓⴱⵏⴰⵏ ⵜⴰⵎⴰⵢⵏⵓⵜ ⵙ ⵢⴰⵜ ⵜⴰⴳⵔⴰⵡⵍⴰ ⵜⴰⵄⴰⴼⴰⵡⵉⵜ ⵍⵉ ⵉⴹⴰⵍⴱⵏ ⴰⴷ ⵉⵙⵜⴰⵇⵍ ⵓⵎⵖⴰⵔ ⵓⴼⵍⵍⴰ ⴷ ⵓⵍⵍⴰ ⵡⵉⵍⵉ ⴷⵉⵙ ⵉⵍⵍⴰⵏ ⵖ ⵍⵎⴰⵏⴹⵓⵎⴰ ⵜⴰⵙⵔⵜⴰⵏⵜ, ⵎⴰⵛ ⵙ ⴰⵣⵎⴰⵔ ⵏ ⴽⵔⴰ ⵢⵓⵔⵉⴷ ⵉⴳⴰ ⴰⵏⴳⵔⴰⵡ ⴰⵙⵔⵜⴰⵏ ⴷ ⵡⵉⵍⵉ ⴷⵉⵙ ⵉⵍⵍⴰⵏ ⵢⴰⵜ ⵜⴰⵡⵍⵍⴰⴼⵜ ⵉⴳⴰⵏ ⵏⴰⵎⵓⴷⴰⵊⵉⵢⴰ ⵏ ⵍⵡⴰⵃⴷⴰ ⵜⴰⵏⴰⵎⵓⵏⵜ ⵍⵉ ⵉⵃⴰⴼⴹⵏ ⴼ ⵡⴰⵎⵓⵔ.
ⵉⵇⴷⵔ ⴰⵎⵖⴰⵔ ⴰⵙⵔⵜⴰⵏ ⴰⴷ ⵉⴱⵉ ⵜⴰⴳⵔⴰⵡⵍⴰ ⵣⵖ ⵜⴰⵖⴰⵔⴰⵙⵜ ⵏ ⵡⵉⵍⵍⵉ ⴷⵉⵙ ⵉⵍⵍⴰⵏ ⴷ ⵉⵄⵔⵉⵎⵏ ⵏⵙ ⴷ ⴰⵢⵎⴳⵔ ⵜⴰⵡⵏⴳⵉⵎⵜ ⵏ ⵉⵎⵣⵣⵉ ⴷ ⵢⵓⵔⵉⴷ ⵎⴰⵔⵔⴰ ⵓⴳⴷⵓⴷ ⴰⵍⵓⴱⵏⴰⵏⵉ ⴰⵔⵉⵜⵜⵉⵏⵉ ” ⵉⴽⴽⴰⵜⵉⵏ ⵉⴳⴰⵜ ⵉⴽⴽⴰⵜⵉⵏ” ⴰⴱⵍⴰ ⴰⵎⵖⴰⵔ;
ⵜⵜⵓⵏ ⵉⵄⵔⵉⵎⵏ ⵜⴰⴷⴷⴰⵍⵉⵜ ⵏ ⵓⴱⴱⵉⵛ ⵓⵖⵔⵓⵎ ⴷ ⵣⵍⴹ, ⵜⵜⵓⵏ ⵎⴰⵙⴷ ⵍⵓⴱⵏⴰⵏ ⵜⴳⴰ ⵜⴰⵎⴰⵣⵉⵔⵜ ⵍⵉ ⵓⵔ ⵢⵓⵙⵉⵏ ⴰⴱⵍⴰ ⴰⴽⴰⵍ ⴷ ⴰⴳⴷⵓⴷ ⵉⴳⴰ ⵣⵖ ⵍⵎⵓⵇⴰⵡⵉⵎⴰⵜ ⵏ ⵜⵎⴰⵣⵉⵔⵜ ⵖ ⵓⵙⴽⵍⵓ ⵏ ⴰⵙⵏⵓⵖⴱⵓ ⵏ ⴰⵏⴳⵔⴰⵡ ⴷ ⴰⵙⵍⴳⵏ, ⵉⵜⵜⵓ ⵉⵡⵉⵙ ⵏⵖⴷ ⵢⴰⵏ ⵖ ⵜⴰⵡⵊⴰ ⵏⵙ ⵍⵉ ⵉⵎⵎⵓⵜⵏ ⴷⴰⵔ ⵜⴰⴳⴳⵓⵔⵜ ⵏ ⴽⵔⴰⵏ ⵓⵙⴳⵏⴰⴼ ⵍⵉⵖ ⵓⵔ ⵉⵍⵍⵉ ⵍⴰ ⴰⵙⵍⴳⵏ ⵏ ⵓⵙⴳⵏⵉⴼ ⵍⴰ ⴰⵙⴼⵍⵙ ⴰⴷⵓⵙⴰⵏ, ⴷ ⵉⴼⵜⴰ ⵉⵍⴰ ⴷ ⵓⵎⵖⴰⵔ ⴰⵛⴽⵓ ⵏⵜⴰⵏ ⴰⴷⴰⵔ ⴰⴳⴳⴰⴹ.
ⵜⵅⵙⵉ ⵜⴰⴳⵔⴰⵡⵍⴰ, ⴷ ⵉⴷⴷⴰ ⴰⵏⵍⵍⵉ ⵍⵉ ⵉⵥⵓⵥⴹⵏ ⴰⵙⵏⴼⵍ ⴷ ⵅⵅⵍⴰⵏⵜ ⵜⵉⵡⴰⵔⴳⵉⵡⵉⵏ ⵏ ⵉⵄⵔⵉⵎⵏ ⵍⵉ ⵓⵔ ⵉⵣⴷⴰⵔⵏ ⴰⴷ ⵜⵍⴽⵎ ⵜⴰⵡⴰⵔⴳⵉⵜ ⵏⵙ ⵖ ⴰⵙⴰⵢⵔⴰⵔ ⵏ ⵡⴰⵎⵓⵔ.
ⵖⴰⵚⴰⴷ ⴰⵡⴰⵔ ⵏ 4 ⵏ ⵉⵙⴳⴰⵙⵏ ⵣⵖ ⵎⴰⴷ ⵃⵔⴳⵏ ⴷ ⵅⵅⵍⴰⵏ ⵜⴰⴳⵔⴰⵡⵍⴰ ⵍⵉⵙⵜⵉⵏ ⵉⴽⴽⴰⵏ ⵜⴳⴰ ⴰⵏⴰⵔⵓⵣ ⵏ ⵍⵎⵓⵀⴰⵎⴰⵛⵉⵏ ⴷ ⵉⵎⵥⵍⴰⴹ ⴰⴼⴰⴷ ⴰⵜⵉⵍⵉ ⵜⴰⵣⵔⴼⵜ ⵜⴰⵏⴰⵎⵓⵏⵜ ⴷ ⴰⵙⴽⴰⵔ ⵏ ⴰⵙⵍⴳⵏ ⴰⵎⴰⴷⴰⵏⵉ ⵍⵉ ⵉⵜⵃⵎⵉⵏ ⴰⵏⵎⵓⵔⵉ ⵏⵙ, ⴷ ⵍⴱⵏⵉ ⵏ ⴰⵎⵓⵔ ⵍⵉ ⵉⵜⴱⵏⴰⵏ ⴼ ⵜⵉⵙⵉⵍⵉⵜⵏ ⵜⵉⴷⴰⵎⵙⴰⵜⵉⵏ, ⴷ ⴰⵡⴰⵔ ⵏ ⵎⴰⵙ ⵢⴰⵥ ⴷⵓⵍⴰⵔ ⵉ 40 ⵉⴼⴹ ⵏ ⵍⵉⵔⴰ ⵜⴰⵍⵓⴱⵏⴰⵏⵉⵜ ⴰⵄⵔⵉⵎ ⴰⵍⵓⴱⵏⴰⵏⵉ ⵢⵓⵔⵉⴷ ⴰⵔ ⵉⵛⵏⵓⴱⵓⵛ ⵙ ⵜⴰⵖⴰⵔⴰⵙⵜ ⵏ ⵓⵣⵡⴰⴳ ⵡⴰⵅⴰ ⵜⵍⴰ ⵖ ⵉⴱⵓⵔⴽⴰ ⵏ ⵍⵎⵓⵜ, ⵉⴷⴷⴰ ⵖ ⵓⴱⵔⵉⴷ ⵏ ⵓⵜⵜⵓ ⵓⵔ ⵢⵓⵎⵏ ⵎⴰⵙⴷ ⵜⵓⴷⵔⵜ ⵜⴰⵙⵔⵜⴰⵏⵜ ⵖ ⵍⵓⴱⵏⴰⵏ ⵜⴳⴰ ⵇⴰⴱⵍⴰ ⵍ ⵜⴰⵟⴱⵉⵇ ⵣⵖ ⴱⵔⴰ ⵏ ⵍⵎⴰⵏⴹⵓⵎⴰ ⵜⴰⵙⵔⵜⴰⵏⵜ ⵍⵉ ⵉⵙⵍⵉⵎⵓⵔⵏ.
ⵢⵓⵔⵉⴷ ⵓⵙⵍⴰⴽ ⵉⴳⴰ ⴰⵎⴷⴷⴰⴽⴽⵯⵍ ⵖ ⵉⵣⴷⴰⵔ ⵏ ⵜⴰⵥⵓⴳⴰⵢⵜ ⵏ ” ⴷⴷⵔ ⴷ ⵎⴽⵏⴰ ⵙ ⴰⴷⵉⵜⴰⵛⴽ ⵜⴰⵛⴽⵉⴷ ⵙⵉⵙ” ⵓⵔ ⵢⵓⵎⵏ ⵙ ⵓⵙⵏⵓⴼⵍ ⴷ ⴰⵙⵎⴰⵢⵏⵓ ⴷ ⵍⴱⵏⵉ ⵏ ⵜⴰⴽⴰⵢⵍⴰⵍⵜ ⵜⴰⵙⵔⵜⴰⵏⵜ ⵖ ⴰⵎⵓⵔ ⴰⵔⴳⵉⵙ ⵉⵙⵍⵉⵎⵓⵔ ⵢⴰⵏ ⴰⴳⴳⴰⴹ ⴰⵙⵔⵜⴰⵏ ⴷⴰⵔⵙ ⵢⴰⵜ ⵛⴰⵔⵄⵉⵢⴰ ⵟⴰⵉⴼⵉⵢⴰ ⵜⴰⵎⴰⴷⵀⴰⴱⵉⵜ ⵍⵉ ⵓⵔⵉⴳⵉⵏ ⵜⵉⵏ ⵜⵉⴷⴷⵜ.
