ⵖ ⵜⵉⵙⴷⵉⵜ ⴰⴷ, ⴰⵔⴰⵖ ⵜⵎⴰⵍⵍⴰ ⵜⴰⵏⵖⵎⴰⵙⵜ ⴰⵍⵉⴽⵙⴰⵏⴷⵔⴰ ⵙⴰⵏⴷⵍⵣ ⵉⵔⵉⵎⵏ ⵏ ⴽⵔⴰⵟ ⵜⵉⵎⵖⴰⵔⵉⵏ ⵖ ⵜⴰⵎⵏⴰⴹⵜ ⵜⴰⵄⵔⴰⴱⵜ ⴼ ⴰⵎⵎⵓⵙⵓ ⵏⵙⵏⵜ ⴼ ⵜⵉⴷⵔⴼⵉⵜ ⴷ ⵚⴰⴷⴰⵎⴰⵜ ⵍⵉⵢⴰⵙⵏ ⵉⵜⵜⵊⵊⵕⵓⵏ ⵖ ⵓⴼⵏⵙ ⵏ ⵡⴰⵎⵓⵏⵏ ⵏⵙⵏⵜ. ⴷ ⵜⴰⴷⴷⵎⵉⵏⵉⵏ ⵏⵙⵏⵜ ⵏⴳⵔ ⵜⵜⵉⵍⵉ ⵉⵜⵓⵢⵣⵎⴰⵎⵏ ⵖ ⵜⴰⵔⴰⴱⴱⵓⵜ ⵏ ⴰⵎⵣⵔⵓⵢ ⴰⵎⵉⵡⴰⵏ “ⵍⵎⵓⵃⵔⴰⵎⴰⵜ ⴷ ⵡⴰⵎⵓⵏ” ⵍⵉ ⴷⵉⵜⵙⴼⵓⵖ Sharq.Org
ⵜⴰⵍⵙⴰⵔⵉⵜ ⵏ ⵜⵉⵙⴷⵉⵜ 3
(ⵜⵉⵣⵉ ⵏⵙ: 6:03 ⵏ ⵜⵓⵙⴷⴰⴷⵉⵏ)
ⴰⵙⵉⵏⴰⵔⵢⵓ ⴰⵕⵚⵍⵉ ⴷ ⴰⵍⵍⴰⵙ ⵙ ⵍⵉⵏⴳⵍⵉⵣⵉⵢⴰ ⵣⵖ ⴷⴰⵔ ⴰⵍⵉⴽⵙⴰⵏⴷⵔⴰ ⵙⴰⵏⴷⵍⵣ
ⵜⵓⵙⵙⵉⴼⵉⵏ ⵉⴳⵕⴹⴰⵏⵏ ( ⵓⵔ ⵜⵢⵓⵔⴰⵏ) ⵍⴰⵏ ⵖ ⴰⴹⵕⵉⵚ ⴰⵄⵔⴰⴱ ⴰⵕⵚⵍⵉ
–
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵀⴰⵏⴰ //
ⴰⵔⴷ ⵜⵜⴽⵜⵉ ⵀⴰⵏⴰ, ⴷ ⵜⴳⴰ ⵢⴰⵜ ⵜⵎⵖⴰⵔⵜ ⴷⴷⴰⵔ 32 ⵏ ⵓⵙⴳⴰⵙ ⴷⴷⵔ ⵖ ⵜⴰⵎⴰⵥⵓⵏⵜ ⵜⴰⵢⴰⵎⴰⵏⵉⵜ ⵚⴰⵏⵄⴰ, ” ⵎⵇⵓⵔⴰⵖⴷ ⵖ ⵢⴰⵏ ⵡⴰⵎⵓⵏ, ⵍⵉ ⵓⵔ ⵉⵜⵜⴰⵊⴰⵏ ⵜⵉⴼⵔⵅⵉⵏ ⴰⴷ ⵜⴰⴱⵄⴰⵏⵜ ⵜⵉⵖⵔⵉ ⵏⵙⵏⵜ ⵖ ⵜⵉⵎⵖⵔⵉⵜ ⵜⵉⵙ ⵚⴹⵉⵚ ⵜⴰⵎⴳⴰⵔⵓⵜ”. ⴷ ⵜⵙⵎⴷ “ⵉⴳⴰⵢⵉ ⵜⵜⴰⵃⴰⴷⵉ ⴰⴷ ⵉⵣⴷⵉⵔⵖ ⴰⴷ ⴷⴷⵓⵖ ⵙ ⴰⵙⵉⵏⴰⵏ ⵏ ⵓⵙⵎⴷⵉ ⴷ ⴰⵇⵇⵉⵢⴷ ⵖ ⵜⴰⵙⴷⴰⵡⵉⵜ”. ⵉⴳⴰ ⵙⵓⵍ ⵓⵍⴽⴰⵎ ⵏ ⵓⵙⵍⵎⴷ ⵖ ⵍⵢⴰⵎⴰⵏ ⵢⴰⵜ ⵜⴰⵖⴰⵡⵙⴰ ⵉⵛⵇⴰⵏ, ⴷ ⵉⴳⴰ ⵢⴰⵜ ⵜⴰⵎⴰⵣⵉⵔⵜ ⵉⵥⵍⴹⵏ ⴰⵔ ⵉⵜⴽⴰⴼⴰⵃ ⴰⵎⴰⵖⵏ ⴷ ⴳⴰⵔ ⵜⴰⵎⵙⴰⴷⵓⵔⵜ ⴷ ⵥⵍⴹ. ⵣⵖ ⵜⴰⵙⵏⵓⵔⴰⵢⵜ ⵏ ⵜⵉⵎⵜⵜⴰ ⵉⵎⵓⵏⵏ ⵏ ⵜⴰⵣⵣⴰⵏⵉⵏ (ⵢⵓⵏⵉⵙⵉⴼ), ⵍⴰⵏⵜ ⵓⴳⴳⴰⵔ ⵏ 2.7 ⵉⴷ ⵎⵍⵢⵓⵏ ⵏ ⵜⴰⴼⵔⵓⵅⵜ ⴷ ⵓⴼⵔⵓⵅ ⴱⵔⵔⴰ ⵏ ⵜⵉⵏⵎⵍ ⵖ ⵜⵉⵣⵉ ⵢⴰⴷ ⵖ ⵍⵢⴰⵎⴰⵏ. ⴷ ⵙⵓⵍ ⵉⵖⴰⵎⴰ ⵓⵍⴽⴽⴰⵎ ⵏ ⵓⵙⵍⵎⴷ ⵏ ⵜⵉⴼⵔⵅⵉⵏ ⵢⴰⵜ ⵜⴰⵖⴰⵡⵙⴰ ⵉⵛⵇⵇⴰⵏ. ⵍⵉⵖ ⵜⵎⵇⵇⵓⵔ ⵀⴰⵏⴰ ⵜⴼⵔⴽ ⵎⴰⵙⴷ ⵉⵇⴷⵔ ⵔⴰⴼⵍⴰⵙ ⵉⴳ ⴱⵣⵣⵉⵣ ⴰⴷ ⵜⴼⵍ ⵜⵉⵏⵎⵍ ⵖ ⴰⵡⵜⴰⵢ ⵏ ⴰⵃⵉⴷⵓⴼ. ⵜⵙⴽⵔ ⵢⴰⵏ ⵓⵙⵎⵉⴳⵍ ⵉ ⵜⴰⵡⵊⴰ ⵏⵙ.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵀⴰⵏⴰ //
ⴰⵔ ⵜⵜⵉⵏⵉ ⵀⴰⵏⴰ: “ⴱⵉⴷⴷⴰⵖ ⵎⴰⵖⴰⵖ ⴷ ⵜⴰⵡⵊⴰ ⵉⵏⵓ ⴷ ⵏⵉⵖⴰⵙⵏ ⵉⵖⵢⵢⵓⵔ ⵓⵊⴰⵏ ⴰⴷ ⴽⵎⵍⵖ ⵜⵉⵖⵔⵉ ⵉⵏⵓ, ⵔⴰⴷ ⵔⵓⵡⵍⴰⵖ ⵣⵖ ⵜⵉⴳⴳⵎⵉ”. ⵖ ⵓⵎⵣⵡⴰⵔⵓ ⵜⵍⵍⴰ ⵢⴰⵏ ⵉⵎⵉⴽ ⵏ ⵚⴰⴹⵎⴰ ⵖ ⵜⵉⴳⵎⵉ ⵏ ⵜⴰⵡⵊⴰ ⵏⵙ ⵎⴰⵛ ⴰⵢⵜ ⴷⴰⵔⵙ ⴷⵖⵢⴰ ⴼⵔⴽⵏ ⵎⴰⵙⴷ ⵉⵍⵍⵉⵜⵙⵏ ⵀⴰⵏⴰ, ⵍⵉ ⵉⵜⵜⵓⵢⵙⴰⵏ ⵎⴰⵙ ⵉⵇⵇⵓⵔ ⵓⴳⴰⵢⵓⵏⵙ, ⵜⵣⴹⴰⵔ ⴰⵜⵙⴽⵔ ⵎⴰⵙ ⵜⵜⵏⴰ. ⵖⴰⵢⴰⵏ ⴰⴼ ⵜⵜⵓⵊⴰⵏ ⴰⴷ ⵜⴽⵎⵍ ⵜⵉⵖⵔⵉ ⵏⵙ ⴷ ⵖⴰⵚⴰⴷ, ⵀⴰⵏⴰ ⴷⴰⵔⵙ ⴰⴷⵉⵒⵍⵓⵎ ⵖ ⴰⵙⵍⴳⵏ ⴷ ⴰⵔ ⵜⵙⵡⴰⴷⵙ ⵢⴰⵏ ⴰⵙⵉⵔⴰ ⵏ ⵓⵎⵛⵉⵡⵉⵔ. ⴰⵔ ⵜⵜⵉⵏⵉ ⵀⴰⵏⴰ: “ⵅⵜⴰⵏ ⵜⴳⴰ ⵜⴰⵖⴰⵔⴰⵙⵜ ⵉⵏⵓ ⴰⴼⴰⴷ ⴰⴷ ⵎⴰⵖⴰⵖ ⴼ ⵓⵣⵔⴼ ⵉⵏⵓ ⵖ ⵓⵙⵍⵎⴷ, ⴷ ⵏⵊⵃⴰⵖ ⵖ ⵎⴰⵢⴰⵏ”.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵀⴰⵏⴰ //
ⵖ ⵜⵉⵙⴷⵉⵜ ⵜⴰⵎⵣⵡⴰⵔⵓⵜ ⵏ ⵍⵒⵓⴷⴽⴰⵙⵜ, ⵏⵎⴰⴳⴰⵔ ⵔⵓⴷⴰⵢⵏⴰ, ⵍⵉ ⵉⴳⴰⵏ ⵜⴰⵙⵍⴰⵎⴰⴷⵜ ⵏ ⵜⵓⵜⵍⴰⵢⵜ ⵜⵉⵏⴳⵍⵉⵣⵉⵜ ⴷⴷⵔ ⵓⵍⴰ ⵏⵜⵜⴰⵜ ⵖ ⵚⴰⵏⵄⴰ ⴷ ⵜⵙⴰⵡⵍ ⴼ ⵜⵉⵎⵙⴰⵔⵉⵏ ⵍⵉ ⴷⴷⴰⵔ ⵜⴰⵣⴷⴰⵢⵜ ⴷ ⵉⵙⴽⵔⴰⴼ ⵍⵉ ⵉⵜⵜⵓⵢⴼⵔⴰⴷⵏ ⴼ ⴰⵙⵙⴰⵢ ⵏ ⵜⴰⵎⵖⴰⵔⵜ. ⴰⵔ ⵜⵜⵛⵔⴰⵃ ⵔⵓⴷⴰⵢⵏⴰ ⵎⴰⵙⴷ ⵜⴰⵎⵖⴰⵔⵜ ⵜⴰⵢⴰⵎⴰⵏⵉⵜ ⵉⵍⵍⴰ ⴼⵍⴰⵙ ⴰⴷ ⵜⴼⵓⵖ ⴷ ⵓⵔⴳⴰⵣ ⵏⵙ ⵏⵖⴷ ⵢⴰⵏ ⵖ ⴰⵢⵜ ⴷⴰⵔⵙ ⵉⴳⴰⵏ ⴰⵔⴳⴰⵣ, ⵉⵇⴷⵔ ⴰⵢⴳ ⴱⴰⴱⴰⵙ ⵏⵖⴷ ⴳⵓⵎⴰⵙ ⵏⵖⴷ ⴰⵔⴳⴰⵣ ⵏⵙ. ⴷ ⴹⴼⵓⵖ ⴰⵙⵓⵔⵙ ⵉⵜⵜⴳⵯⵉⵣⵏ ⵏ ⵜⵉⵎⵖⴰⵔⵉⵏ ⵖ ⵡⴰⵎⵓⵔ ⵏⵙ ⵣⵖ 2014 ⵍⵉⵖ ⵏⴽⵔⵏ ⵉⵎⴰⵖⵏ ⵙ ⵓⵇⵇⵔⵢⴰⵏ ⵏⴳⵔ ⵍⵃⵓⵜⵜⵉⵢⵉⵏ ⵍⵉ ⵉⵜⵜⵓⵢⴷⵄⴰⵎⵏ ⵣⵖ ⴷⴰⵔ ⵉⵕⴰⵏ ⴷ ⵜⴰⵏⴱⴰⴹⵜ ⵍⵉ ⵉⵜⵜⵓⵢⴷⵄⴰⵎⵏ ⵣⵖ ⴷⴰⵔ ⵙⵡⴰⵄⴷⴰ ⵖ ⵍⵢⴰⵎⴰⵏ. ⵖ ⵜⵉⵣⵉ ⵢⴰⵏ ⵄⵍⴰⵢⵏ ⴱⴷⴰⵏⵜ ⵉⵙⵉⴳⵔⵏ ⵙ ⵓⴽⵔⵔⴰⴼ ⵏ ⴰⵎⵎⵓⵙⵓ ⵏ ⵜⴰⵎⵖⴰⵔⵜ ⴷ ⴰⴷⴷⵔⴰⵡ ⵏⵙ ⵖ ⵜⵓⴷⵔⵜ ⵜⴰⵎⴰⵜⴰⵢⵜ ⴷ ⵜⴰⵙⵔⵜⴰⵏⵜ, ⵖⵉⴽⵍⵉ ⵙ ⵜⵏⵏⴰ ⵔⵓⴷⴰⵢⵏⴰ. ⴷ ⵖⴰⵚⴰⴷ, ⵜⵣⴹⴰⵔ ⵜⴰⵎⵖⴰⵔⵜ ⵜⴰⵢⴰⵎⴰⵏⵉⵜ ” ⴰⴷ ⵜⴰⵍⵜⴰⵖ ⵖ ⵜⵓⴳⴳⴰⵣ ⵏ ⵓⵙⴽⴰⵔ ⵏ ⵜⴰⵏⴰⴳⵔⵉⵜ, ⴷ ⴰⴷⴷⵔⴰⵡ ⵖ ⵜⵉⵏⴰⵡⵉⵏ ⵏⵖⴷ ⴰⴷ ⵜⴰⵎⵥ ⵜⵉⵍⴰⵍⵉⵏ ⵉⵙⵔⵜⴰⵏⵏ” ⵖⵉⴽⵍⵉ ⵙ ⵜⵜⵏⴰ ⵔⵓⴷⴰⵢⵏⴰ.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵔⵓⴷⴰⵢⵏⴰ //
ⵜⵙⵏ ⵔⵓⴷⴰⵢⵏⴰ ⵎⴰⵙⴷ ⵉⵅⵚⴰⵜ ⴰⴷ ⵜⵜⴰⴼ ⴽⵔⴰⵏ ⵜⴰⵖⴰⵔⴰⵙⵜ ⴰⴼⴰⴷ ⴰⴷ ⵜⴰⴼ ⴰⴷ ⵜⵜⵎⵓⴷⴷⵓ ⵙ ⵜⴰⴷⵔⴼⵉ ⴷ ⵙ ⵜⴰⵖⴰⵔⴰⵙⵜ ⵉⵙⵍⵎⵏ. ⵖⵉⴽⴰⵏ ⴰⴼ ⵜⵔⴹⵍ ⵍⴽⴰⵔⵟⴰ ⵏ ⵜⴰⵎⴰⴳⵉⵜ ⵏ ⵢⴰⵏ ⵓⵎⴷⴷⴰⴽⵍ ⵏⵙ ⵍⵉⴷ ⵜⵙⴱⴰⵢⵏ ⵖ ⵜⵓⴳⵜ ⵏ ⵜⵉⵏⵇⵇⴰⴷ ⵏ ⵜⵉⴹⴰⴼ ⵍⵉⴼⴰⵜⵣⵔⴰⵢ ⵉⵖ ⵜⵔⴰ ⴰⴷ ⵜⴼⵜⵓ ⵣⵖ ⵢⴰⵏ ⵓⴷⵖⴰⵔ ⴰⵔ ⵡⴰⵢⴰⴹ. ⵉⴳⴰ ⵎⴰⵢⴰⴷ ⵜⴰⵖⴰⵔⴰⵙⵜ ⵍⵉⵙⵜⵓⴼⴰ ⴰⴼⵙⴰⵢ ⵏ ⴰⴹⵉⴼⴰⵏⴹⵉ ⵏ ⴰⵙⵙⴰⵢ ⵏ ⵜⵉⵎⵖⴰⵔⵉⵏ, ⵙⴽⵔⵖ ⵎⴰⴼⵍⴰⵜⵉ ⵉⵍⵍⴰⵏ ⴰⴼⴰⴷ ⴰⴷ ⵜⵜⵏⵔⵓⵖ,” ⵎⴰⵢⴰⴷ ⴰⴷ ⵜⵏⵏⴰ ⵔⵓⴷⴰⵢⵏⴰ.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⵔⵓⴷⴰⵢⵏⴰ //
ⵖ ⵍⵓⴱⵏⴰⵏ, ⵜⵣⵔⵉ ⴱⴰⴷⵉⵄⴰ ⵍⵉ ⵉⴳⴰⵏ ⵜⴰⵎⵖⵏⴰⵙⵜ ⵏ ⵡⴰⵎⵓⵏ ⵓⵖⵔⵉⵎ ⵖ ⴽⵔⴰⴷ ⵉⴷ ⵎⵔⴰⵡ ⵏ ⵓⵙⴳⴰⵙ ⵖ ⴰⵡⵜⴰⵢ ⵏⵙ ⵖ ⵜⵓⴳⵜ ⵏ ⵉⵎⴰⵖⵏ ⵖ ⵓⵎⵎⵓⵙⵓ ⵏⵙ ⴷ ⵜⴰⵡⵔⵉ ⵏⵙ ⵖ ⵉⴳⵔ ⵏ ⴰⵡⵉⴷⵉ ⵏⴳⵔ ⵜⵉⵡⵙⴰⵜⵉⵏ. ⵎⴰⵛ ⵓⴳⴳⴰⵔ ⵏ ⵉⵎⴰⵥⴰⵎⵏ ⴰⵔⴰⵙⴷ ⵜⴰⵛⴽⴰⵏⵜ ⵖ ⵓⴱⴱⵉⴷ ⵏⵙ ⴷ ⴰⵙⵏⴰⵍ ⵏⵙ ⴷ ⵎⵉⴷⵏ ⵍⵉ ⵉⴳⴰⵏ ⵣⵡⴰⵎⵍ (LGBT), ⴰⵔ ⵜⵜⵉⵜⵜⵏⵉ ⴱⴰⴷⵉⵄⴰ, ⵍⵉ ⵉⵍⵙⵙⴰⵏ ⵣⵉⴼ ⴷ ⴷⴷⵔ ⵖ ⵓⴹⵡⴰⵔ ⵏ ⵚⴰⵢⴷⴰ. ⴰⵖⴰⵔ ⴰⴷⵉⵙⴰⵏⵏ ⵎⵉⴷⵏ ⵍⵉⵢⴰⵙ ⵉⵙⵙⵓⵜⵍⵏ ⵎⴰⵙⴷ ⴷⴰⵔⵙ ⵉⵎⴷⵓⴽⴰⵍ ⵉⴳⴰⵏ ⵣⵖ ⴰⵎⵓⵏ ⵏ ⵣⵡⴰⵎⵍ (LGBT), ⴰⵔ ⵜⵜⵉⵏⵉ ⴱⴰⴷⵉⵄⴰ ⵎⴰⵙⴷ ⴰⵔⵜ ⴰⵥⵎⵏ. ⴰⵔ ⵜⵙⴰⵇⵙⴰⵏ: ” ⵎⴰⵢⴰⴷ ⵉⴳⴰ ⵣⵖ ⵍⵎⵓⵃⵔⴰⵎⴰⵜ ⵜⵉⵙⴳⴷⴰⵏ ⴷ ⵓⵔ ⵙⵙⵓⵔⴳⵏⵜ, ⵎⴰⵏⵉⴽ ⵙ ⵜⵍⵙⵉⵜ ⵣⵉⴼ ⴷ ⵙⵖⵉⴽⴰⵏ ⴰⵔ ⴷⵄⴰⵎⵜ ⵣⵡⴰⵎⵍ”.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⴱⴰⴷⵉⵄⴰ //
ⴰⵔ ⵜⵜⵉⵏⵉ ⴱⴰⴷⵉⵄⴰ ⵎⴰⵙⴷ ⴰⵔ ⵜⵜⵔⴰ ⴼ ⵉⵎⴰⵎⵥⴰⵎⵏ ⵏⵙ ⴷ ⴰⵔⴰⵙⵏ ⵜⵉⵏⵉ ⵎⴰⵙⴷ ⵉⵙⴰⵡⴰⵍⵜⵏ ⵍⵊⵉⵏⵙⵉⵢⴰ ⵉⵏⴰⵃⵢⴰⵏ ⵓⵔ ⵜⴳⴰ ⵎⵓⵃⵔⴰⵎⴰ ⵖ ⵓⵙⴳⴷ ⵏⵙ. ⵎⴰⵛ ⵓⵔ ⵜⴳⴰ ⴰⵎⵜⵡⵉ ⵉⵔⵅⴰⵏ. ⵎⴰⵛ ⴰⵔ ⵜⵜⵉⵏⵉ ⴱⴰⴷⵉⵄⴰ ⵎⴰⵙⴷ ⴽⵔⴰⵏ ⵜⵉⴽⴽⴰⵍ ⴰⵔⵜ ⴷⵃⵉⵏ ⵉⵎⴰⵎⵥⴰⵎⵏ ⵏⵙ ⴰⵔ ⵎⴰⵎⵓ ⵜⴰⵇⵔⴰ ⵢⴰⵏ ⴰⵎⴰⵖ ⴰⴳⵯⵏⵙⴰⵏ ⵏⴳⵔ ⵜⴰⵏⵏⴰⵢⵉⵏ ⵏⵙ ⴷ ⵜⵉⵙⵡⵉⵏⴳⵉⵎ ⵏⵙ ⴼ ⵡⴰⵎⵓⵏ ⴷ ⵓⵙⴳⴷ ⵏⵙ. “ⵎⴰⵛ, ⴱⴰⴷⵉⵄⴰ ⴰⵔ ⵜⵜⵉⵏⵉ, ” ⴰⵔ ⵜⵜⵉⵏⵉⵖ ⵎⴰⵙⴷ ⵜⴰⵙⵇⵇⵏⵜ ⵉⵏⵓ ⴷ ⵕⴱⵉ ⵜⴳⴰ ⵢⴰⵜ ⵜⴰⵙⵇⵇⵏⵜ ⵉⴳⴰⵏ ⵔⵓⵃⵉⵢⴰ ⴷ ⵜⴰⵙⵇⵇⵏⵜ ⵉⵏⵓ ⴷ ⵎⵉⴷⴷⵏ ⵜⴳⴰ ⵜⴰⵙⵇⵇⵏⵜ ⵜⴰⵏⴼⴳⴰⵏⵜ. ⵎⵉⴷⵏ ⵎⴰⵔⵔⴰ ⴷⴰⵔⵙⵏ ⵜⴰⴷⵔⴼⵉ ⴰⴷ ⵙⴽⵔⵏ ⵎⴰⴷ ⵔⴰⵏ ⴰⴽⴽⴰ ⵓⵔ ⵜⵄⴷⴷⴰⵏ ⴼⵍⴰⵜⵉ ⵏⵖⴷ ⴽⵔⴰⵏ ⵢⴰⵏ ⵢⴰⴹⵏⵉ. ⴷ ⵜⵙⴳⵓⵔⴰ ⴱⴰⴷⵉⵄⴰ ⴰⵡⴰⵍ ⵏⵙ ⵜⵜⵏⴰ: ” ⴷⴰⵔⵙⵏ ⴰⵣⵔⴼ ⴰⴷ ⵓⵡⵏⵏⵉⵏ ⴼ ⵉⴳⵯⵉⵢⴰ ⵏⵙⵏ ⵙ ⵜⴰⵖⴰⵔⴰⵙⵜ ⴰⴷ”.
// ⵜⵓⵙⵙⵉⴼⵜ ⴰⴳⵕⴹⴰⵏ ⵣⵖ ⴰⵏⵎⵓⴳⴰⵔ ⴷ ⴱⴰⴷⵉⵄⴰ //
