ⵎⴰⴽ ⵍⵉⵖ ⵉⴳⴰ ⴰⵏⵓⵔⵉ ⵢⴰⵜ ⵜⴰⵖⴰⵡⵙⴰ ⵍⵉ ⴼⵍⵍⴰⵏ ⵉⵡⵏⴰⵏ ⴱⴰⵀⵔⴰ ⵖ ⵍⵎⵖⵔⵉⴱ ? ⴰⵙⵇⵙⵉ ⵢⴰⴷ ⵉⵍⵍⴰ ⴼⵍⴰⵙ ⵜⵓⴳⵜ ⵏ ⵜⵉⵎⵔⴰⵔⵓⵔⵉⵏ ⵎⴰⵛ ⵡⴰⵍⵉ ⴽⵓⵍⵓ ⵉⵜⵜⵉⵙⴰⵏ ⵉⴳⴰⵜ ⴰⵙⴳⴷ, ⴷ ⵙ ⴰⵎⴰⵖⵏⵓ ⴱⴰⵀⵔⴰ ⵉⵙⴷⵉⴷⵏ ⴰⵙⴳⴷ ⵏ ⵍⵉⵙⵍⴰⵎ ⵍⵉ ⵉⴳⴰⵏ ⴰⵙⴳⴷ ⴰⴷⵙⵍⴰⵏ ⵏ ⵜⴰⵎⴰⵣⵉⵔⵜ ⵙ ⵜⴰⵏⴰⵢⵜ ⵏ ⴷⵓⵙⵜⵓⵔ ⵏ 2011. ⵎⴰⵛ ⴰⵎⵓⴽⵔⵉⵙ ⵎⵇⵓⵔⵏ ⵓⵔ ⵉⵍⵍⴰ ⵖ ⴰⵙⴳⴷ ⵍⵉⵙⵍⴰⵎⵉ ⵙ ⵓⴳⴰⵢⵓ ⵏⵙ ⵎⴰⵛ ⵖ ⵍⵉⵄⵜⵉⵎⴰⴷ ⵏ ⵜⴰⵎⴰⵣⵉⵔⵜ ⴼ ⵍⵎⴰⴷⵀⴰⴱ ⵍⵎⴰⵍⵉⴽⵉ ⵍⵉ ⵉⵜⵓⵢⵄⵜⴰⴱⴰⵔⵏ ⵣⵖ ⵍⵎⴰⴷⴰⵀⵉⴱ ⵍⵉ ⴱⴰⵀⵔⴰ ⵉⵜⵛⴷⴷⵉⴷⵏ ⵖ ⵉⵎⵔⵙⵉ ⵏ ⴰⵏⵓⵔⵉ. ⴰⵛⴽⴽⵓ ⴰⵔ ⵏⴻⵏⵏⵜⴰⴼⴰ ⵍⵎⴰⴷⴰⵀⵉⴱ ⵢⴰⴹⵏⵉⵏ ⵜⵙⵃⵍⴰⵜ ⵡⴰⵅⴰ ⵜⵃⴷⵉⴷ ⵜⵉⵣⵉ ⵍⵉⵖ ⵉⵅⵚⴰ ⴰⴷ ⵉⵜⵜⵓⵙⴽⴰⵔ.
ⴷ ⵜⴰⵢⴰⴼⵓⵜ ⵏ ⵓⵙⵓⵔⵙ ⴰⴷ ⵍⵉⵄⵜⵉⴱⴰⵔ ⵏ ⵍⴰⵎⴷⵀⴰⴱ ⴰⵖⴱⴰⵍⵓ ⴰⴷⵙⵍⴰⵏ ⵣⵖ ⵉⵖⴱⵓⵍⴰ ⵏ ⴰⵙⵍⴳⵏ ⴰⵊⵉⵏⴰⵢⵉ ⵍⵉ ⵉⵙⴽⵔⵏ ⵖ ⴰⵏⵓⵔⵉ ⵊⴰⵔⵉⵎⴰ ⵍⵉⴼⴰ ⵉⵜⵄⴰⵇⴰⴱ ⵓⵙⵍⴳⵏ. ⵙⵖⵉⴽⴰⴷ ⵍⵎⴰⴱⴷⴷⴰ ⵏ ⵜⴰⵃⵔⵉⵎ ⵏ ⴰⵏⵓⵔⵉ ⵙ ⵍⵡⵉⴼⵇ ⵏ ⵍⵉⴷⵢⵓⵍⵓⵊⵉⵢⴰⵜ ⵏ ⵓⵙⴳⴷ ⴰⵔ ⵉⵜⵜⴰⵊⴰ ⴰⵎⴳⴰⵔⵓ ⵢⴰⴷ ⵣⵖ ⵍⵉⵎⵓⵔⴰⵜ ⵍⵉ ⵉⴹⵉⵚⵏ ⵉⵡⵏⴰⵏ ⵡⴰⵅⴰ ⵎⴰⵢⴰⵏ ⴷⴰⵔⵙⵜⴰⵣⴷⴰⵢⵜ ⴷ ⵓⴼⵙⵙⴰⵔ ⴰⴼⵉⵇⵀⵉ ⴰⵏⴼⴳⴰⵏ ⵉ ⵓⴹⵕⵉⵚ ⵣⵖ ⵍⵎⵓⵏⵜⴰⵍⴰⵇⴰⵜ ⵉⴳⴰⵏ ⴰⵅⵍⴰⵇⵉⵢⴰ ⴰⵔ ⵜⵓⵎⵜⴰⵍ ⵖ ⵓⵣⵔⴼ ⵏ ⵜⵓⴷⵔⵜ ⵉⴳⴰⵜ ⵜⴰⵎⵎⴰⵙⵜ ⵏ ⵉⵎⴰⵏ ⴷ ⵜⵓⴷⵔⵜ ⵍⵉⵄⵜⵉⴱⴰⵔⵉⵢⴰ ⵏ ⵡⴰⵔⵔⴰⵡ ⴷ ⵔⴹⴰ ⵙ ⵍⵇⴰⴹⴰ ⴷ ⵍⵇⴰⴷⴰⵔ.
ⴷ ⵜⴰⵎⵔⴰⵔⵓⵜ ⵜⵉⵙⵏⴰⵜ ⴰⵔ ⵜⵎⵜⴰⵍ ⵖ ⵜⴰⵙⴳⴰ ⵜⴰⴷⵍⵙⴰⵏⵜ ⴷ ⵉⵥⵕⵉ ⵏ ⵡⴰⵎⵓⵏ ⵉ ⵜⵉⵎⵖⴰⵔⵉⵏ ⴷ ⵜⵉⵡⵔⵉⵡⵉⵏ ⵏⵙⵏ ⴷ ⵜⵉⵍⴰⵍⵉⵏ ⵏⵙⵏⵜ ⵜⵉⵏⴰⵎⵓⵏⵉⵏ, ⴰⵛⴽⵓ ⴰⵔ ⵉⵜⵃⵚⴰⵔ ⵓⵎⵓⵏ ⵜⵉⵍⴰⵍⵜ ⵏ ⵜⴰⵎⵖⴰⵔⵜ ⴷ ⵍⵊⴰⵙⴰⴷ ⵏⵙ ⴰⵖⴰⵔ ⵖ ⴰⵙⴼⵓⵖ ⵏ ⵜⴰⵣⵣⴰⵏⵉⵏ ⵀⵍⵍⵉ. ⴼⵖⵉⴽⴰⴷ ⵓⵔ ⵉⵜⵜⵓⵎⴽⴰⵏ ⴰⴷ ⵉⵜⵇⴱⵍ ⵢⴰⵏ ⵡⴰⵎⵓⵏ ⵜⵉⵎⵖⴰⵔⵉⵏ ⵍⵉ ⵓⵔ ⵉⵙⴽⴰⵔⵏ ⵖⴰⵢⵍⵉ ⴼ ⵜⵓⵅⵍⴰⵇⵏⵜ, ⴷ ⴰⵔ ⵍⴽⵎⵏ ⵉⵡⵏⵏⴰⵏⴰⴷ ⵍⵉ ⵉⵜⵄⵜⴰⴱⴰⵔⵏ ⵎⴰⵙⴷ ⵜⵉⵎⵖⴰⵔⵉⵏ ⴳⴰⵏⵜ ⵖⴰⵔ ⵢⴰⵏ ⵉⵎⵉⵙ ⵏ ⵓⵙⵙⴼⵓⵖ ⵏ ⵜⴰⵔⵡⴰ ⵉ ⵉⴷⵍⵉⵙⵏ ⵏ ⵜⵉⵖⵔⵉ ⵉⴷⵙⵍⴰⵏⵏ ⵍⵉⵖ ⵍⴰⵏ ⵖ ⵓⴳⵏⵙ ⵏⵙ ⵜⵉⴼⵔⵉⵙⵉⵏ ⵉⴳⴰⵏ ⵜⵛⵔⵉⵃⵉⵢⴰ ⵏ ⵉⵙⴽⵏⴰⴼⵏ ⵍⵊⵉⵏⵙⵉⵢⴰ ⵏ ⵜⴰⵎⵖⴰⵔⵜ ⵍⵉ ⵉⵜⴽⵓⵡⴰⵏⵏ ⴰⵍⵍⴰⵍ ⴰⵜⴰⵏⴰⵙⵓⵍⵉ ⵀⵍⵍⵉ ⴷ ⵜⵊⴰⵀⵍⵏ ⵉⵙⴽⵏⴰⴼⵏ ⵍⵉ ⴷⴰⵔ ⵜⴰⵙⴳⴰ ⵏ ⵓⵏⴰⵖⵓⴱ ⵍⵉ ⵉⵜⵜⵓⵢⵎⵜⴰⵍⵏ ⵖ ⵓⵛⵟⵉⵔ. ⵙ ⵖⵉⴽⴰⴷ ⴰⵔ ⵏⵜⵜⴰⴼⴰ ⵎⴰⵙⴷ ⵎⴰⵔⵔⴰ ⵏⴰⵊⴰⵃⴰⵜ ⵏ ⵜⵉⵎⵖⴰⵔⵉⵏ ⴷ ⵍⵎⴰⴽⴰⵙⵉⴱ ⵏⵙ ⴰⵔ ⵜⵜⵓⵍⵖⴰⵏ ⴷ ⴰⵔ ⵜⵓⴱⵅⴰⵙⵏ ⵎⵏⵉⴷ ⵏ ⵉⵖⵓⵔ ⵜⵣⴷⴰⵔ ⵏⵖ ⵉⵖⵓⵔ ⵜⵓⵔⵓ, ⵉ ⴰⵏⴰⵡⵏ ⴰⴷ ⴰⵔ ⵉⵜⵓⵃⴷⴰⴷ ⵏⴰⵊⴰⵃ ⴷ ⵜⵉⵍⴰⵍⵜ ⵏ ⵜⵉⵎⵖⴰⵔⵉⵏ ⴰⵖⴰⵔ ⵖ ⴰⵙⴼⵓⵖ ⵏ ⵡⴰⵔⵔⴰⵡⵏ, ⴷ ⴱⵍⴰ ⵎⴰⵢⴰⴷ ⵓⵔ ⴷⴰⵔⵙⵏ ⵜⵉⵍⴰⵍⵜ ⴷ ⵓⵔⴷⴰⵔⵙⵏ ⵎⴰⴷ ⵙⴽⴰⵔⵏⵜ ⵖ ⵜⵓⴷⵔⵜ ⴰⴷ. ⴰⴱⴷⴷⴰⴷ ⴰⴷ ⴰⵢⴽⴰⵜⵏ ⵖ ⵜⵓⵔⵔⵓⵜ ⵏ ⵓⵖⵔⴰⴱ ⵜⵉⴼⴼⵓⴳⵏⴰ ⵏ ⵜⵉⵎⵖⴰⵔⵉⵏ ⴷ ⵉⵣⵔⴼⴰⵏ ⵏⵙⵏ ⵍⵉ ⵢⴰⵙⵏ ⵉⵜⵜⵓⴼⴽⴰⵏ ⵙ ⵉⵙⵍⵉⴳⵏ ⵉⵏⴰⴼⴳⴰⵏⵏ ⵉⵖⵣⵓⵔⴰⵏⵏ.
